|
|
|
|
|
|
||
| إعلانات منتديات ألم الإمارات |
|
|
|||||||
| مجلس الحوار و المقالات مناقشة القضايا الإنسانية والفكرية و الأحداث الراهنة ، يمنع نشر المشاركات المنقولة . |
 |
|
|
LinkBack | أدوات الموضوع |
التقييم: 
|
طرق العرض |
08-17-2005, 10:13 AM
|
#31 | ||||
|
السلام عليكم اختي حزن العمر
يسلمو على الموضوع الرائع و لو كانت امي من اي اصل طبعا برفع راسي وبفتخر فيها كفاية هي امي وحبيت اقول انة عندنا بالبحرين مثل ما قالت اختي ALOOO7 ما عندنا اي تفرقة من هذي الناحية ونص شعب البحرين مخذين عجم و من جنسيات ثانية ........ بس الي ما حبيته في هذه الموضوع انة مرة كنت احجي عن مرت عمي الي هي عراقية وتفاجئت من ولد عمي يقولي ... انة عشان امه عراقية ومو بحرينية قلت عنها جدي معني ما وجهت تهام مب حلو الى امه وانه قلت له بالعكس اصلا افتخر انة امه الي هي مرت عمي عراقية بس الحمد الله احسن من مليون مرت عم .....وفيه كمان صديق الى اخوي وولاد عماتي ما ينادونه اله ولد الكشميرية ........ طبعا بتظنون انه ينادونة بهذا الاسم عشان مثلا يجرحونة بس بالعكس ينادونة بهذا الاسم عشانة وااااايد حلو ومخذ ملامح امه الكشميرية وهو بالعكس ما يضايق من هذه اللقب .... فأعتقد انة الي ما يفتخر بأصلة واهله الناس نفسهم بيعايرونة بنفسه وبعطيهم دافع يعايرونه . اما بنسبة الى زواج المواطنين من اجنبيات ...... فأعتقد انة فيه اسباب كثيرة يمكن عشانهم شقر وحمر وعلى قولتهم انهم احلى عنه مو غلاء المهور لانه مكو اله بنت او بنتين في البلد فيه الف بنت لزم بيحصل له وحدة ترضى بمهر قليل والزواج من اجنبيات مو معناته بيسبب كثرة في العنوسة .... العنوسة متزايدة عشان الحين الرجل ما يخذ له زوجتين او ثلاث او اربع يكتفي بواحدة . اشكرك جزيل الشكر اختي حزن العمر على مواضيعك الرائعة
|
||||
|
08-18-2005, 07:21 AM
|
#32 | ||||
|
بسم الله الرحمن الرحيم
الحمد لله والصلاة والسلام على رسول الله وعلى أله وصحبه ومن والاه, أما بعد و عليكٍ السلام اختي .+ حزن العمر.+ورحمة الله و بركاته  أختي الكريمة ... عجبني الموضوع واايد .. و استانست من الحوار الي دار و مناقشاات الاعضاء و العضوات هنــا و التي تدل على عقليتهم المتفتحة .. و دام الغالبية هني ما شاء الله تفكيرهم ايجابي .. فان شاء الله هالنظرة بتتغير قريبا اختي الكريمة .. موضوعج مثل ما يقولون ===> جبتها ع الجرح و كانك ما دريت بقولج ليش ..؟؟ انا أمي من جنسية ثانية .. هندية .. صدج كنت أستعر من هالشي و انا صغيرة لما كانوا الناس ينادوني بنت الهندية .. احس من نظرتهم اني أقل عنهم .. هالشي كان يضايقني في الأول .. بس لما كبرت و تعلمت أكثر .. صرت أفتخر بأمي خصوصا و أنها هي الهندية على قولتهم و الجاهلة كان تشجعنا انا و اخواني دايماا ع الدراسة و تحاول قد ما تقدر توفر لنا الجو المناسب .. و الحمدلله أغلبنا من المتفوقين هذا غير انها تحاول دايما تساعد الناس قد ما تقدر .. و عمري ما شفتها تعامل اخواني من أبوي بسوء .. مع ان المعروف ان زوجة الابو قاسية والله .. الله الشاهد .. ان محد قاام بعرس اخووي شراات امي ..مع انه مب ولدها بس قامت به كانه عرس ولدها من لحمها و دمها .. و لما حرمة اخوي حملت .. كانت شايلتها على كفوف الراحــه صدج انسانه عظيمة و قلبها كبير .. و الصراحة أفتخر أنها أمي .. مهما كانت جنسيتها الانسان باخلاقه و أفعاله مب بأصله و جنسيته و إذا وحده ما بترابعني عشاان امي هندية .. والله برايها ما تسوى شي عندي .. هي بترابعني انا عشاان ذاتي و لا عشاان شوو ؟؟؟؟ ××نريد ان نحل التساؤلات التي تراود هؤلاء الاشخاص ...؟؟×× الحل الي اشووفه هو توعية المجتمع و انهم لازم يفهمون اننا كلنا بشر .. و محد يعاير الثاني على سبه شي ما يرزا .. الله خلقنا مب ذنب الولد او البنت أن امه من جنسية غير .. و هالشي مب نقص فيه .. دااام انه على دين و متربي .. فما اعتقد ان هالشي يأثر على أحد و الي يعايرون بعض على سبه ام فلان مب مواطنه .. فهذا من وجهة نظري انسان ناقص و فااضي .. و صدج تااااافه .. على فكره حتى اليهال يعايرون بعض .. و هذا طبعا من تأثير الاهل .. و لا اليهاال من وين بيبون هالرمسه !!! ××وما سبب زواج المواطنيني من جاليات وجنسيات غير جنسياتهم ...؟؟؟×× قال تعالى: " وجعلناكم شعوبا وقبائل لتعارفوا " والله سبحانه وتعالى ما حرم هالشي .. و الرسول - عليه أفضل الصلاة و التسليم - كان ماخذ من جنسيات مختلفة .. القبطية و اليهودية .... فشوو المشكلة ؟؟؟ عشاان رمسه العيال بتخترب يعني ؟؟؟ مب شرط .. أمي هندية .. بس ربعي يوم اقولهم جذييه ما يصدقون .. يقولون أبد مب مبين فيج رمستي أووكيه .. يعني اللغة عندي ما اختربت ××وهل الدوله راضيه من ماايحدث..... ؟؟؟؟؟؟؟؟؟؟×× ما اعتقد انها راضية .. خصوصا ان ظاهرة العنوسة في ازدياد مستمر .. و الاسباب كثيرة منها مثل ما قالوا الاخوة : غلاء المهور .. مع انه مب سبب رئيسي .. لان هالظاهرة في طريقها للزوال بعد حملات التوعية ثانيا : اعتقد ان عدد الاناث في الدولة اكثر عن الذكوور من ناحية .. و من ناحية ثانية شباب هالايام يستكثرون على البنت المهر مهما كان .. و بنفس الوقت يصرفون مبالغ على ربيعاتهم .. الله يهديهم بس و في بعد .. ان البنت الله يهديها تتطلب واايد .. تبي تخق جداام ربيعاتها و نطلع أميرة في عرسها بعد .. الريال يلتزم بزوجه وحده .. يعني تقريبا اختفى التعدد لأن الزوجة الاولى لا ترضى بشريكة لها ××وماتاثيره على المجتمع والابناء خاصه الفتيات ....؟؟؟ ×× والله احس تفكير المجتمع الواحد مختلف .. لان مجتمعنا فيه فئة من الشباب الواعي الي هالشي ما يأثر عليه .. و بنظره الكل سواسية .. و ما يسوي سالفة على سبه هالشي و نظره الأهل و الكبار ( الشواب ) الي يعتبرون ان اذا الام مب مواطنة فهااي جريمة .. فما يعطون بنتهم لواحد امه مب مواطنه .. و يوقفون بويه ولدهم إذا بغى ياخذ وحده أمها مب مواطنة يعني نظرة المجتمع عندنا مختلفة باختلاف العقليات و الافكار ××هل ستزيد العنوسه ........؟؟×× ما اعتقد ان السبب الوحيد للعنوسه هو الزواج من اجنبيات مثل ما قال الغالبية .. الواحد ياخذ وحده شقرا ..بيضا بعيون خضر و زرقا .. عشاان يجيب عياال حلوين  ××فما الحل ....................؟؟×× حل العنوسه .. وايد رمسنا عنه .. بس الالهم تطبيق الحلول مب نعيد و نزيد في الرمسة بدون تطبيق أما حل للناس الي يستعرون من امهم .. ما اقول الا الله يهديهم .. فكروا بآخرتكم قبل دنياكم ترى الجنة تحت أقدام الامهاات .. ما بيفيدك رضاا العالم كله لو امك غضبانه عليك و الحمدلله التفرقة العنصرية هااي في طريقها للزوال لان .. و ما عادت هالافكار البالية الا عند فئة محدودة من الناس .. و الله بيهديهم ان شا الله جريب السموحــه اختييه .. شكلي طولت عليج واايد بس جزاج الله خير على هالنقاش المفيد مع تحيتي أختكم في الله ¸. • ( `•.¸ `•.¸ ) ¸.• (`'•.¸(` '•. ¸ * ¸.•'´)¸.•'´) «´¨`.¸.*..* نــــارا*..*.¸.´¨`» «´¨`.¸.* *. ¸.´¨`» (¸. •'´(¸.•'´ * `'•.¸)`'•.¸ ) .•´ `•.¸ `•.¸ ) ¸. •  |
||||
|
08-18-2005, 04:10 PM
|
#33 | |||||
|
اقتباس:
وعليج السلام ورحمه الله وبركاته... اختي الغاليه .. مشكوره على الرد للموضوع... الصرااحه مااعرف شو ارد عليج مااشالله عليج كفيتي ووفيتي ... مااقصرتي.. العفو... اختي وهذا وسام اعتز فيه انه مواضيعي راائعه...لووووول مع تحياتي: حزن العمر 
|
|||||
|
08-18-2005, 04:13 PM
|
#34 | |||||
|
اقتباس:
وعليج السلام ورحمه الله وبركاته... مشكوره اختي نارا على ردج ... الصراحه ق غاديه الروعه.. مااقصرتي.. كفيتي ووفيتي... واشكرج على اعتراافج.... لا عادي مسمحوه اختي.. ولي الشرف انج رديتي على الموضوع ... مااطولتي عليه .... مع تحاتي.. حزن العمر 
|
|||||
|
08-19-2005, 12:06 AM
|
#35 | ||||
|
السلام عليكم ورحمة الله وبركاته
اختيه جزن العمر موضوع حلو ويستحق النقاش بس انا ماشوف فرق بين بنت المواطنة او بنت الهنديه او المصريه او او كلهن نفس الشي واهم شي اخلاقهن....مب ف الشكل او اللغة بالعكس يمكن تلقين بنيه مثلا امها هنديه احسن من بنت المواطنة يمكن تلقينها مب زينه والا مدلعينها زياده عن اللزوم وتسوي اشياء مب زينه....ويمكن العكس ! ف عادي انا اشوف هالنوع من الناس ان لهم حق سواء من الدولة او غيرها وبس اللى ف الخاطر وايد بس ماعرف كيف اظهره اسمحيلي وان شاء الله ماتفهميني غلط ^_^ أختـــج :
|
||||
|
08-19-2005, 12:55 AM
|
#36 | |||
|
مهما كان كلنا من آدم
وآدم من تراب .. .. ولك أجمل تحيه |
|||
|
08-19-2005, 12:15 PM
|
#37 | ||||
|
كما فهمت أن الموضوع يتعلق بنفسية ابناء المواطنين
المتزوجون من غير مواطنات...وشعورهم أمام أقرانهم منذ طفولتهم ثم بالمدرسة والجيران والمعارف... وشعورهؤلاء ببعض الإحراج بسبب نظرة الأطفال لهم وإطلاق بعض الألقاب عليهم مثل / ولد الهندية...الخ وهذا للأسف منتشر في بلادنا الإمارات دون غيرها ذلك لأن مجتمع الإمارات مجتمع قبلي متمسك بقوة بإنتسابه للقبيلة والعائلة الكبيرة ... والشيء الملفت أنه حتى منتشر بين الطبقة المثقفه فهذا ولد فلان وهذا علاني وهاذي أمها مصرية ......ألخ وكلام الأهل يأخذه الأبناء .... وينقلون وجهة نظر أباءهم وأمهاتهم إلى خارج البيت وبالتالي إلى المدرسة حيث يلتقي الأبناء بأقرانهم.. أو الفريج .......... والأمل في أن يدرك الجميع أن هؤلاء ينتمون إلى والدهم المواطن وأن والدتهم مسلمة وأنها بمجرد زواجها من المواطن أصبحت منتمية لوطن زوجها الذي ستعيش معه وأن هؤلاء الأبناء هم من أبناء الوطن ويحملون في قلوبهم كل الولاء لبلدهم ولأهلهم أهل والدهم... بل قد يتفوقون في إثبات إنتماءهم لبلدهم... شكرا لك أختي حزن العمر عالموضوع وننتظر مواضيعج اليديده ....
|
||||
|
08-21-2005, 12:14 AM
|
#38 | ||||
|
حزن العمر
تسلمين على النقاش الممتاز والأعضاء لم يتركوا أي شي لقوله يعطيكم العافية بنت الأحشامي
|
||||
|
08-21-2005, 06:22 PM
|
#39 | ||||
|
امممممممم بصراحه الموضوع حلووووووو ........... وانابقول شي ومابستحي انا
اول شي أمي فلسطينيه  وانا كل الي يشوفوني امممميشكون فيني يتحروني عيميه وانا اسكت ماقولهم شي ..فمره ستوت لي مشكله فالكليه وحده من البنات عرفت أنه امي فلسطينيه وخبرت باجي البناااااااات .... وصاروووووو اول مايشوفوني يزقروني "بنت الزلمات" وانا عااادي ماخذه الامور بروح رياضيه ...فوحده دايمن تقول لي هالكلمه تتحرا عمرها بتستفزني ........ بس انا ايلس اضحك وعااااادي اقولها بس الحين تعتبر انها مواطنــه (لانه عندها الجواز وعطوها جبيلت ابوووويه .. مابقول شوالجبيله  ) .. قبل ماكنت اقول لحد هالشي لاني ماحب حد يحسسني اني غير وانه فيني شي غلط ... بس الحينه عاااااااادي .. ولوكانت امي هنديه ولافلبينيه والله عاااااادي مابستحي شوفيها يعني وبعد انا دوم اقول لنفسي كلمه .. الشي الي مب راضيه فيه عن نفسي الناس مابيرضونه فيني .. يعني دام انا راضيه وش لي بكلام النااااااس الي مايخلص لووول السمووووووووحه مارديت ع باجي الاسئله بس الاعضاء ماقصرووووو والسموحه
|
||||
|
08-23-2005, 01:22 AM
|
#40 | |||||
|
اقتباس:
وعليج السلام والرحمه... شكرا لج ع ردج احترم وجهه نظرج صح بعض الاحيان ماافي فرق وبعض الاحيان يكون في فرق.... لاانشالله انا فاهمتج وفااهمه شو تبين تكتبين اللي هو بخاطرج... مسموحه.. مع تحياتي.. حزن العمر
|
|||||
|
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
العرض العادي
