+:: سلسلة حلقات وطر مضى ::+

الله
والله ذكرتني بايام الكشتات يازينها بالربيع ..
الله يعطيك العافيه على هالمواضيع الزينه ..
ننتظر باقي الحلقات ..

تحياتي لك يالغالي ..

السلاااااااااام عليكم ورحمة الله وبركاته

مرحبا اخوي اوتار


مشكووووووووور عالموضوع الحلو

كنت اعرف شمعنات كشتات بس مو بالتفصيل وانت زودتني بمعلومات اكثر

اييييييييه يكون كششششخة لين تروح ومعاك شكثر يكون ونااااااسة

وجي نتيمع ونروح فوق التل وماعرف شنو وانثر الرمل ونااااااااسة يكون

يوم نيمع حطب ولين نبي نطبخ ولاساعات نودية من البيت مسوينة يعني

بس بلاليط من الصبح شدعوووووه

خبز جبن مب بلاليطططط

عالعموم مشكووووووور ويعطيك الف الف عافية

و و ننتظر الموضوع الياي والي هو المنز

اعرف شنو يعني المنز بس مابي اخرب عليهم خل ايهم فضووول شوي خخخ

اختكم
دانة الدوحة

القطـــري
هلا والله فيك اخوي
تسلم اخوي على الرد وعلى المتابعه
وانتظرالجديد
اوتار

مرحبا دانه
هههههههههههههه
والله انتي سالفه
لووووووووول
تسلمين على الرد والمتابعه
تحياتي العطره لج
اوتار

يسلموووووووووووو خويه اوتار على الموضوع الصراحة روووووعة وتسلم يمناك يا اخوي وانشالله انشوووووف كل يوم جديد من عندك

خويتك


غنوة البحار

اخواني أعضاء منتدى ألـ الإمارات ـــم

وصلنا وياكم للحلقه الثامنـــه عشـــــر من

( سلسلة شيئ من التراث )

( وطــر مضــى )

عادات وتقاليد ومعتقدات وأساطير خرافيه

أعدها وكتبها

الباحث الشعبي القطــري المعروف

خليفــة السيـــد محمـــد صالـــح المالكــــي


طبعاّ السلسله هاذي

حصرياّ لأوتـ(الحزن)ـار

جمعتها ونقلتها ونسختها بترخيص من الكاتب . خليفـه السيـد

الحلقة الثامنـــه عشـــر من وطــر مضــى مــع الوالد خليفـة السيـــد

(( المنـــز والشاطوحـــه ))



ناس وايد مايعرفون شنهوا ( المنـــز ) وأكيد اللي مايعرف المنـــز مايعرف شنهي ( الشاطوحه ) بمواصفاتها لوليه ومادتها لوليه وشكلها لولي لأنها اختلفت من زمان لكن ( المنـــز ) لازال موجود وفي ناس لازالوا يستعملونه ويتفاءلون به ولو لعـدة ايام لكن ( الشاطوحه ) اختفت من حوالي الستينات ايعرفون شنهي الشاطوحه ويمكن ارقدوا عليها ومع الاسف ان كثير من الناس مايعرفون شنهو المنـز أو شكل المنز والمنز موجود وربما لازال يستعمل عند كثير من العوائل لأنه من التراث والناس اتفاءل فيه .
والمنز اهوه سرير الياهل او الطفل من اول مااتجيبه امه حتى يستوي عمره سنه او اقل اشوي واهوه مشهور ومصنوع من اعواد سعف النخل
صحيح اهوه ماينصنع عندنا اهنيه ولكنه اقريب علينا وموجود عندنا منذ الأزل .
وزمان اول كان هذيه المنز ايدور من بيت الــى بيــت لان في بعض الناس كانوا ايمنون جيرانهم او انسباهم او اهلهم بالمنز اللي عندهم واللي رقد فيه ولد افلان والا بنتهم افلانه واهـــوه لازال عندهم ومرفوع حق وقت الحاجة والعازه
وكانوا ايقولون لهم اذا ربت افلانه وقامت بالسلامه ترى المنز بارز وتحت امركم .
والمنز لو انه مصنوع من جريد النخـل الا انه مصنوع بطريقه وشكل جيد ومنسق واحسن من كذيه ما ايصيـــر لانه موزع عليه من تحت شبك ومن كل الجهات وفي وسطـه باب علشان ايحطون في وسطه اغراض الياهل من امهادات ومـــاي وقنــد وسنوت وشبه وحبــة الســوده وكل ماينفع الياهل ومن فوق ينام الياهل او الطفـــل واهوه مرتاح غرير العين وفوقه مثل المثلث او على شكل هرمي ايحطون فوقه لحـاف في الشتـــاء ايكــون اللحاف ثقيــل من الصوف
وفي الصيف ايحطون شرشـف خفيف والا شرشف من تــور عن الذبـان والحشرات واهوه مكان مريح للطفـــل واميـــن .
هذا هو المنـــز . شي مصنوع باليد ومن اعواد سعـف النخـــل شكله حلـــو ومقبــول ووزنه خفيف .
اما الشاطوحه فهي مصنوعه من خشب صناعه محليه واهيا تطويل للمنز او عن المنز واهيا تتكون من اربع قطـــع قطعتين للأرجل على شكل هرمي وتنحط قطعه في الوسط عباره عن مستطيل اتعلق عليه القطعه الرابعه اللي اهيا السرير او سرير الشاطوحـــه اللي اينام عليه الطفـــل .
وكانت الشاطوحه تلون بعدة الوان لتاخذ الطابع الجمالي
والشاطـوحه سموها شاطـوحه لأنها امشطحـــه وشكلها امشطـــح . وميزة الشاطوحه انها اتحرك او اتمرجح . وكانت المره زمان اول تربط خيط في الشاطوحه ولين صاح الياهل يرت الخيـــط علشان الشاطوحه تتمرجـــح وتهتـز واتحرك الياهل
وعقبها اذا مهـــب جوعــان ويبغـي حليـب يرقـــد .
هذي هي الشاطوحه اللي اختفت من الوجــود ومن الســـوق ومن عـنـــد الناس واستبدلوها بأشياء حديثـة
اشيـــاء لها شكل حلـو وجميـل ولكـن مالها ذيك القـوه ... قـــوة الشاطوحه صناعـة اليـــد صناعــة أهـــــل البلـــد صناعـــه محليــــه اميـــه فــــي لميـــــه . . .

وانتظروا الحلقة القادمه وهـي بعنوان _ فــي بـيـتـنــا بتـرول _ وفاااالكم طيـــب

أوتـ(الحزن)ـار

ربــي يعــافيــكـ علــى الجهــد والتعبـ اللــي تبذله
وتسلــمـ دوووم

الله يسلمج اختي
ولاشكر على واجب
تحياتي لج
اخوج
اوتار

السلاااااااااااااااام عليكم ورحمة الله وبركاته

مرحبا اخوي اوتار

مشكوووووووووور عالمعلومات الحلوة

وتقريبا اليديدة انا من قبل اعرف شنو يعني المنز لكن الطاحونة ماكنت اعرفها لكن احين اعرف

مشكوووووووووووووور

ويعطيك العافية عالمجهود

وننتظر الحلقة الياية في بيتنا بترول

ليش يعني بيتكم انا بعد ابي فبيتنا بترووووووول<<كل شي تبي

اختكم
دانة الدوحة

هلا والله دانووووه
انتي صج فله
هههههههههههههههههههههههه
في بيتنا بترول ويووووووووووووو
انتظري الحلقة الجديده
واللي عقبها مفاجأه
ههههههه
اوتار