+:: سلسلة حلقات وطر مضى ::+

يعطيك العافيه اخوي على هل الجهد المتواصل اللي تبذله
وعلى هل موضوع اللي يفيدنا


وسلامي لك خويتك بدويه

هلا والله الغاليين
تسلمون على المرور
اوتار

اخواني أعضاء منتدى ألـ الإمارات ـــم

وصلنا وياكم للحلقه الـــ 30 من

( سلسلة شيئ من التراث )

( وطــر مضــى )

عادات وتقاليد ومعتقدات وأساطير خرافيه

أعدها وكتبها

الباحث الشعبي القطــري المعروف

خليفــة السيـــد محمـــد صالـــح المالكــــي


طبعاّ السلسله هاذي

حصرياّ لأوتـ(الحزن)ـار

جمعتها ونقلتها ونسختها بترخيص من الكاتب . خليفـه السيـد

الحلقة الـ 30 من وطــر مضــى مــع الوالد خليفـة السيـــد

في البدايه أتمنى ان كل واحد يضغط على الكلمه ويسمع المقطوعه الموسيقيه

إضغـــط هنـــا للإستمــــــاع

يؤسفني أن أودع حلقات سلسلة وطـــر مضــى اللي عاشرتها وصادقتها طوال الشهــر الفضل
عشت كل لحظه من هذه اللحظات .. أغمضت عيني وتأملت ذاك الماضي السعـيد الذي جمع آبائنـا وأجدادنا في بيئـة تخلو من الحقد والبغضــاء
تذرف دموعي وأنا أكتب لكم هذيه الكلمات ولا أستطيع أن اعبر عن مدى سعادتي لإتمام السلسلة وفي نفس الوقت مدى حزني على فراقها
سلسلة وطــر مضـــى سلسلة راقيه أحمد الله وأشكـره على اتمام الحلقات الكامله من الحلقة الأولى إلى الحلقة الثلاثين
كم عانيت وعانيت وعانيت ومررت بظروف صعبه من مـــرض وأشياء أخرى وأنا أكتب هذه السلسله وبشكل يومي
نعم اكتبها بشكل يومي لأتمكن من عيش اللحظات والمواقف واحدة تلو الأخرى بجانب إخواني وأعزائي القراء
وطــر مضـــى ستبقى في قلوبنا جميعـاّ ولنتذكر ماضي آبائنا وأجدانا
كلمــة حــب وشكــر ووفـاء للوالد خليفـــة السيـــــد محمـــــد صـالــــح المـــالكــــــي اللذي جمع الروايات وكتبها
وأشكره لموافقته على طرحها ولأول مره يخرج الكاتب عن نطاق الإذاعة والتلفزيون
منذ بدء الاتفاق على طرح هذه السلسلة في سوريـا حيث كان مرافقـاّ لنــا ضمن وفد رسمي من الدولـة للمشاركــة في مهرجـان دمشق العالمـــي للمسرح منذ ذالك الوقت طرحت الفكـره على الوالد خليفــة الســيــــــد ووافقني الرأي وبدئنــا نجمــع ونجمـــع ونجمـــع حتــى ظهرنــا بهذا المستــوى
شكــــــراّ خليفــة السيـــــد . . .


الحلقه الأخيـــرة من وطـــر مضــــى


(( عـيـدوا تـرى باجـر العيــــد ))



زمان أول قبل الاتصالات وقبل أن يصبح العالم قرية صغيرة أخباره تنتشـر بعد حدوثها بثواني ويعرف عنها القاصي والداني
حدث التباس عندنا في قطـــر أواخــر الخمسينــات تقريبـاّ أو في بداية الستينات بالنسبة ليوم عيد الفطــــر ...
فبعد أن أكملنا تسع وعشرون يومـاّ من شهـر رمضان المبارك تحرينا الهلال ... هلال شهر شوال ليلة الثلاثين ولكـن لـم يره أحــد من الناس وعقدنا النية على اتمام شهــر رمضـان ثلاثين يومـاّ وصلينا التراويح وبعدها القيام وظهــر ابو اطبيلـه وقامت الناس وبرزت سحورها وتسحرت ونامت على اساس ان العيد عقب باكــر وأن شهـــر ارمضــان السنه ثلاثيـن يــوم
والصبح راحت الناس أعمالها صايمه حتى الساعه العاشـــرة تقريبـــاّ مـــع الضحـى العــود وصــل الحكومـة خبـر بأن اليوم عيـد ...
اليوم أول شهــر شوال ولأن مافيه وسائـل إعــلام في ذالك الزمـان ووسيلـة الإعلام الوحيده هـي ( الـدلال ) و ( المـدفـع ) وعلى المدفع كانت تفطر الناس وعلى المدفع كانت تمســـك النــاس
وعلى المدفـع كانت اتعيـــد الناس وماعينــا إلا المدافـــع ايثـــور طلقـه ورى الثانيــة والدلال ايصيــح وايصـــوت في وســط الســـوق افطــروا ياجماعـه افطــروا يامسلميـــن افطــروا يانــاس تــرى اليــوم عيـــد وصــار الدلال يدور من السوق الداخلي إلـى ســوق الخضــرة إلــى جبــرة السمـــك وجــبـرة اللحـــم واهــوه ايكــرر كلامه علــى النــاس وايقول الحــاظــر ايعلــم الغـــائب .
والناس اهنيه احتارت وانقسموا نصين ناس اتقول انكمـل اليـوم وانكمـل اصيامنــا وبــاكـــر انعيــد
ونــاس اتقول هذا ما ايصيـر ما دام اليوم عيـــد لازم انعيــد
وعقــب هذي المشاورات أكثـــر الناس افطــرت وعيــدت
ونهــار ثـــانـي يـوم صلــوا صـلاة العيــد كـل فـي مسجــده .
والناس لول معذوره والحكومه معذوره لأن مثلما قلت الإتصالات كانت شبه معدومـه واحنا تعـذر علينا شوفة الهــلال
ومادام الدول الشقيقة القريبـة منـا افطـــرت وعيــدت صـــار ايحــق لنا ان احنـا نفطـــر مثلهـم وانعيـــد مثلهــم .
ومن عادات لول في ايام العيـــد .. غـداء العيـــد ... وغداء العيد ليس له طقوس وليس له نصاب وعدد ولا على شرف أحد من الناس
بل هو على شرف الجميع فإذا حان وقته نودي بالإسراع به وتحضيره
وهو عباره عن خاروف مطبوخ يوضع فوق صحن العيش أو الـرز ثم يزين بالحشوه وهي عبارة عن بصـل ولــب الليمــون وحمـص على شكل نصف حبـه وزبيب مخلوط ببعض البهارات مستوي ومقلي بالزيت
كذلك توضع فوق الصحن للزينـة أعداد من البيـض المسلوق والمفروك والزعفـران ومـاء الـورد
وهذا الصحن يلتم حوله عدد يصل إلـى العشـرة أشخــاص أو أكثــــر
وقـد يتناوبون عليه على دفعات لأنـــه لايرفع بل يضـل حتــى بعــد الصــلاه . .
كما تزين السفره بصحون الهريس والمفروك والتمـــر وبعـض الفواكــه الموسميــة مثــل الجـــح والبطيــخ وكذلـــك الشمــام والمــاء البــارد
أو الشــربت وهـو عصيــر لبعــض الفواكـــه مثــل البرتقــال والليمـــون والفيمتــو وكذلـك اللبـن إذا وجــد لأن المجالـس تختلـف عـن بعضهـــا البعــض بإختلاف أصحابها فمنهـم ميسور الحال ومنهــم معتدل الحــال
وكـــل يمـــد ريلـــه علــى قـــد الحـافـــه , وسلامتكــــــمـ . . .

اخواني متابعين حلقات وطـــر مضـــى أتمنى أن اكون قد وفقت في كتابة الحلقات ونقلها لكم بالشكـل الصحيـح
راجياّ من الله العلـي العظيـم ان تعـم الفائـدة علـى الجميــع
والخروج بأكبر قدر وكم من المعلومات والعادات القديمة لأهلنا وأجدادنا
وفقكـم اللـه
واسمحولي على لقصــــور

اخوكـــــــــــــــــمـ

أوتـ(الحزن)ـار

شحالكم اخواني عساكم بخيــر

طبعاّ كل شي وله كواليس

وسلسلة وطـر مضى لها كواليس

شرايكم تعرفون شلون اكتب وتشوفون الملفات كلها وكل الحلقات

^_^

حياكم

( إضغط على الصوره لمشاهدتها بحجمها الطبيعي )

الكــتـــــب

http://www.alamuae.com/upload/Folder...ook_awtaar.jpg



طريقـــة الكتــابـة وهي من أصعـــب المراحل

http://www.alamuae.com/upload/Folder...rit_awtaar.jpg



جميـــــع المواضيـــــع

http://www.alamuae.com/upload/Folder...all-awtaar.jpg



هذي هي كواليس سلسلـــة وطــــر مضــــى

وانتظـــروا المفاجآه عقب شهر ارمضان بموضوع وسلسله مشابهه لوطـــر مضــى

تحياتي

أوتـ(الحزن)ـار

السلااااااام عليكم ورحمة الله وبركاته

مرحبا اخوي اوتار

عيدكم مبارك

وي وعليه قاعد يصيح خلاص ولايهمك بطرش لك قوطي فاين تعويض عن الفاين الي مشيت فيه دموعك خخخخخ


هههههههه

حلوة حلقة اليوم وايد اي وبعد مايحطون على السفرة بس هاي مرافق للحلويات وهاي الشغلات والمكسرات وبلللل شكثر اشياء

مشكوووووووور

ويعطيك العافية

واخيرا عرفت شنو اهي المفاجاة ياني كنت ابي اعرف اليوم قبل باجر خخخ

اختكم

دانة الدوحة

مرحباّ دانــه

تسلمين اختي على الردود والمتابعه المتواصله للسلسله

ولاهنتي

وعيدج مبارك وعساج من العايدين

اوتار

السلااااااااااااااام عليكم اخوي اوتار الحزن

عيدك مبارك وعساك من العايدين

تسلم الشيخ على هل المبذول اللي بذلته في سلسله وطر ومضى وجهدك المتواصل اللي استفدنه من بس خساره انتهت حلقاته لانه اتعودنا ان قرا مواضيعك المتواصله دوم

بس دام ان في موضوع ثاني نحن نتريا مواضيعك اليديده

اللي عيبني في موضوعك اخر شي يوم حاط الكواليس حركه حلوه


وسلامي لك

اختك بدويه

جهود رائعه من عضو مميز تسلم

تسلم أخوي على عالمجهود
ونتريا يديدك

هلا والله فيج اختي بدويه

اشكرج على التواصل الاكثر من رااااائع في كل الحلقات ومن بدايتها

ماشاءالله عليج كنتي متابعه جيده للسلسله ومابخلتي علينا بمعلوماتج القيمه

واشكرج على التواصل

تقبلي ارق واعذب تحياتي

اخووووج

أوتـ(الحزن)ـار