|
|
|
|
|
|
||
| إعلانات منتديات ألم الإمارات |
|
|
|||||||
 |
|
|
LinkBack | أدوات الموضوع | تقييم الموضوع | طرق العرض |
11-22-2005, 08:35 PM
|
#1 | |||
  
|
( none ) ..........
السلام عليكم ورحمه الله وبركاته
أخواني الأعضاء .. شحالكم شخباركم .. عساكم بخير أنا من زمان مانزلت موضوع من كتاباتي وخاطري من زمان أنزل هالموضوع س تعرفون امتحانات وانا علمي فيبالي اشد حيلي واسمحوليه برمس بالعاميه والموضوع يخص الشباب أكثر عن البنات الحرمة : سير ياعبدالله ييب الغاز خلص اللي هنييه عبدالله : وانتي ليش ما تيبينه الحرمة : أنا ؟؟ كيف بشله ؟ عبدالله : أنا الحين تعبان ...!!! سارة : محمد سير فج الباب محمد : لا والله وليش انتي ما تقومين تفجينه ساره : يالله عاد سير اقولك محمد : أنا راسي يعورني مافيه أسير ...!!! نورة : تعال ياعلي سير وياي للمحل الفلاني علي : سيري بروحج أنا عندي شغل ...!!! فهد وسعيد من الصبح وهم فالشارع يتحوطون وعقب يات امهم قالت : سيروا سووولي الشغله الفلانيه فهد : أميه نحن تعبانين ما فينا ...!!! الأم تسوق : سايره تودي ولدها العياده الأب : راقد فالبيت لا شغله ولا مشغله الأم عقب يومين : يابوحمدان ودنا دبي نبا نشم هوااا بو حمدان : وانتي ماعندج سياره سيري بروحج .. عقب الأب سار دبي ويا ربعه يتمشون ...!!! ميثا البنيه العوده بتعرس فالصيف وتبا تخلص الزهبه وهي دومها تسير ويا امها تشتري الاغراض عاد فهذا اليوم امها تعبت وما بقى شي عالعرس والبنيه تبا تخلص قالت لابوها : يبا تعال ودني المكان الفلاني الأب : يا ميثا يوم أمج تصبح بخير عاد سيري وياها أنا تعبان ...!!! شو رايكم فالمواقف ما قد استوالكم جي ؟؟ ليش كل أعذار الرياييل أنا تعبان مريض مشغوول ...؟؟؟ ليش هالايام صار الريااال حرمه .. والحرمه أم وريال ؟؟ ما تظنون انه سبب من الاسباب اللي تخلي البنات مايبن يعرسن ؟؟ سؤال للشباب هذا اللي خلاكم عليه بو خليفه - الله يرحمه - واذا استوااا الرياييل جي فكيف بيربون عيالهم وكيف بتظهر الاجيال القادمه وكيف بتنبني دولتهم القويه ؟؟؟ وأرجو التفاعل مع الموضووووع اللي فرايي اظن انه مهم واايد وصاير موضه بين الرياييل ....
|
|||
|
11-22-2005, 08:44 PM
|
#2 | |||
|
هيييييييييه والله يبتيييييها
امرررررررررررررررررررة هاي هي الأعذار اللي يقولونها لا وعقب هذا كله يقولون حريم ها الزمن مستريلات ما شافوا السبب تسلمين اختي "ألم غاوي" على الموضوع الراءع ومثل ما قلتي هذا يخص الشباب أكثر من البنوتات والظاهر اني بتريا الردود معاج خخخخخخخخخ مشكورة الغالية أقين
|
|||
|
11-22-2005, 08:58 PM
|
#3 | |||
|
صدقتي ختيه والله
العفووو فديتج بس صدق والله انا منقهره عليهم ومشكوووووووره الشيخه عالمرور الطيب
|
|||
|
11-22-2005, 09:03 PM
|
#4 | |||
|
اقتباس:
وعليكم السلام ورحمة الله وبركاته ان شاء الله تكون من الناجحين اختي الكريمه ..... اول شي حبيت اني اشكرك على الموضوع .. وثاني شي مانريد نجمع ونقول كل الشباب لا بنقول البعض ... الاغلبيه مثال .. اليوم قمت الصبح بعد الصلاه ساير اشوف شغلي حلالي تجارتي اعمالي اي شي ورجعت مرهق وتعبان الظهر صلينا الظهر تغديت وتقهويت وقمت آخذلي قيلوله قمت العصر وبعد الصلاه لسته طويله متطلبات البيت (على فكره في بعض المحلات يوصلو للمنزل مجناً) لكن المتطلبات لازم تكون بعنايا على قولت الحريم يعني لازم تاخذها بنفسها المهم بعد ما خلصنا اذن المغرب يالله الحق عليه بعد الصلاه تنتهي مهمة الشاب لازم ياخذله راحه مع الشباب الي نفسه يضحك يسولف وبعضهم يكمل اعماله الليليه ... لو الريال مايشتغل شو تبونه يسوي والشيخ زايد الله يرحمه قال الرجال هم الي يبنو المصانع والحرمه لازم تثبت وجودها وتكون نصف الرجال وهذا الي عندي (( ملحوظه هذا مش جدولي )) وشكراً |
|||
|
11-22-2005, 09:09 PM
|
#5 | |||
|
هلااا اخوي راعي المعاني
ان شاء الله انت الحين ترمس عن الريال المثالي بس انا يوم قلت تعبان مشغول ... قصدي وهويالس فالبيت ماعنده شغله بس حجته انه تعبان مريض مشغول وتراا كل او اغلب الحريم ماظن انهن ما يراعن شعور الريال وهو تعبان ترا ما يرمسن الا اذا حسوا انهم فاضيين وتسلم اخوي عالرد اللي اسعدني
|
|||
|
11-22-2005, 09:28 PM
|
#6 | |||
 
|
هلا أختي ألم غاوي ...
عندي مشاركه متواضعه ....حبيت أشارك فيها ... يــسـألنـي مـــنـو أنـــا وكـــأنه نـســي ....نـســي اللــي حــمـلته بيـن الضــلـوع والحشـى... ولـمـا أشـتـد عــوده نـسـي الــحــب ونـســي الـعــطــا نــســي أنــي أنـــا هــو وهــو أنـــا ... تـمـرد وعـنـي صــد ونســي يــوم يـشـــوف الـغـــرب يتخـبــي ورائـي ويـقـول يـمـه أنـــا ... وبـــس يـفـضــي جــيــبــه يـتــودد ويـتـعـلـثم ويـلـثم الجـبيـن واليــد ويــقــول لـبيـك أنـــا ... ولـمـا تـحـتايلـه تقـولـين فـديـتك يمه تراني وقبل ما تكملين قال أذاكر لا تنسين الدعـــــا ... تشوفينه عنج سارح ومتكدر وتعرفين من أحساسج أنه في حياته وحده نسته النوم والهنا.. توقفين بين المعازيم والعبره تخونج وتحتارين هي من الفرحه ولا خوفا من الفراق والجفا.. وتقـولين والله لو يبتـعد ويـفارق بيـظل دايـم الدوم محـــتوي القلـب فـديت روحــــه أنــــا ... أرجوا التفاعل من الأعضاء الذكور .... للموضوع .... أختج صــدى
|
|||
|
11-22-2005, 09:43 PM
|
#7 | |||
|
مشكوره الغاليه عالمشاركه
ونحن بانتظار الشباب يردون
|
|||
|
11-23-2005, 08:07 AM
|
#8 | ||
 
|
الموضوووع واييد حلو
الصراحه انا الوم الاثنيييين ما احط السبب بس على الريال حرام الكذب المهم هو صحيح ان الريال ما يعطي ويه يوم نكلمه والا نقوله اننا نبا الشغله الفلانيه بس هب كل الرياييل اما بالنسبه لك بو شوق ترا هب كل البنات نفس ما قلت اذا ان البنت ساعدت الريال ما فيها اي مشكله وهب كل البنات ياخذن ليسن انا الحييين حتى ولو قالولي خذي ليسن وهذا من سابع المستحيلات انا ما برضى وعلى فكره هب كل شي تعقونه على الحرمه والسموحه |
||
|
11-23-2005, 04:29 PM
|
#9 | ||||
|
اقتباس:
اذا انت تجووف من ناحيه الليسن اخوي تخيل مره انت مرضت لاسمح الله خلاص مب قادر تحرك شي في جسمك وقامت حرمتك وهي عندها ليسن ودتك المستشفى وتلاحقو عليك .. وادري انه كل شي قدر ومكتوب .. بس لو حرمتك ماعندها ليسن وتجوفك انت بتموت جدامها شو بتسوي .. بتم تصييييييح .. ولا احسن تشلك وتوديك تتعالج ...؟؟ صح اخوي اللي قلته بس انا اول وحده مابا اخذ ليسن شو مينووونه  وصراحه واايد يقولون عقب الدراسه العرس بس صدقني اول يووم اييهم واحد اوكي يعرسن ..ما عليك منهن بس كلام .. وكلامك عن ظاهره البويات اخوي عادي مثل ما استواا الريال حرمه صارت الحرمه بووووووي بس هذيلا خلهن يعرسن تلقى كل الانوثه فيهن وتسلم الشيخ عالمروووور الليس اسعدني
|
||||
|
11-23-2005, 04:47 PM
|
#10 | ||||
|
اقتباس:
وصح كلامج الاثنين هب الحرمه ولا الريال المسؤووول بس لو بدا الريال وعدل هالشي فمااظن البنات بيسوون جي يعني لو الاب تحكم في عياله وعلمهم وردهم لصواب والاخ تحكم في اخته وردها للصواب والزج تحكم في زوجته وردهم للصواب .. شو ظنج بيستوي اكيد بيبنووون دولتهم على كلمه الله ورسوله مشكوره الغاليه عالمرور الكريم
|
||||
|
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
أقسام الموقع
العرض العادي
