شـيـابــنـا مـا يـــتـوبون

يمكن يكون الموضوع مطروح ..

او انطرح بطريقه ما ..


ولكن اللي أثار فضولي باللي شفته امسات فالبيت ..


جلست فالصالة وشفت وحدة من الاهل تراويني صورة وحدة

آسيوية ..

قلت : من هذي ؟؟؟


ردت عليه : هذي تدور رجل شيبه !!! تبا تعرس !!!!


ضربني العجب من الرد ..



قلت : شو ؟؟؟؟ شيبه !!! اشمعنى شيبه ؟؟ وهي صغيره !!! ممكن تكون قد حفيدته !!!


قالت : يابولي الصورة ويبوني ادور لها ...


رديت عليها : خلها تولي .. عنبو ملايين الرياييل فبلادهن وما يدورن الا من بلادنا .. لا وبعد تبا شيبه بعد .. الناس يشترطون شي عدل وهي اشترطت اعثر الشروط ..


ضحكت المهم عليه وقالت : ما عليج انا هب مسويه سالفه للموضوع ..



المهم جلست طول اليوم استرجع بعض القصص والسوالف ..

عنبو شيابنا ما تابوا ولا تعلموا من ورا هالسوالف والقصص ,,


ليش انعدمن حريم البلاد ..

ما ابا حد يقول السبب هو غلا المهور ..

لان اللي بياخذها أكيد بتكون عوده وما بتفكر بالمهر ...


لكن شو نسوي باللي يتشبب فكبره ويدور على وحده اصغر

بناته ..

والأدهى ان هالشيبه يدري ان هالحرمه ما تباه ولا تطيق تشاهد

شيفته ..

بس تبا بيزاته وبيته ..



وتنتظر وهي مغتصه متى بيموت عسب تارث فلوسه وبيته ..

الاخت بترتاح من محنه الفقر والعذاب فبلادها ..



لان حكومتنا عقب ما تترمل بتخصص لها مبلغ من وزارة العمل

والشئون الاجتماعية ( الشونه ) ..

واذا عندها عيال بيحصلون من ( لجنة الايتام ) ..

والبيت حكومي ملكها ..

ولا ننسى انها بتحصل الجنسية ..



حلم بعيد وتحقق لها من ورا هالشيبة ..



وقبل لا أختم السالفه أذكر ان بعضهن يعقن الشياب فدار

العجزة ..

وبعضهن يضربن هالشياب ويعاملونهم بطريقه سيئة ..

وبعضهن يستخدمن السوا والطبوب عسب يستعجلن المنيه ..


افعالهن مريبه وعجيبه ..

وكل حد كاشفهن ..


ولكن الله يهدي شيابنا ..

وانا كنت اظن ان هالظاهرة اندثرت اثري السالفه مازالت لاعبه

دورها فمجتمعنا ..



السموحة اذا اخطيت ..

بسم الله و به نسعين ...


الله يهدي ( شوابنا) و شبابنا ... رغم ماتبذله حكومتنا من جهود مشكورة لتقليل معدلات العنوسة في الدولة ... لكن مازال المسلسل ( المكسيكي ) ... و هو الزواج من الإجنبيات مستمرا ... و ينبئ عن خطر ظننا أنه قد انتهى ...


شكرا على الموضوع ...



(فارس عرب)

بسم الله الرحمن الرحيم
السلام عليكم ورحمة الله وبركاته


غاليتي
رثام


بارك الله فيج الشيخه على الطرح ومن زمان مارديت عليج وابصراحه ولهانه عليج عموه ..

المهم/ ابصراحه انا اعتب على الحرمه اللي من اهلكم، شعنه ادور على شيبه لها، ليش هي نشاده عنها ؟
يعني ابصراحه ها كله هب حباً له كثر ما هو حب المال وغيره، والله العالم بالنوايا ..
بس بالعقل، يعني هاي الاسيويه لو تبى تعرس ماتروم تاخذلها واحد من طينتها !!
وشيابنا نسوا ايام ماخذوا الهنديات وفروهن هن وعيالهن ونصهم مايعرفون منو أبهاتهم ونصهم مايعرفون منو امهاتهم للأسف ..
يعني لا عادات شرات عاداتنا ولا تقاليد شرات تقاليدنا، والله يعين كيف بتكون تربيتها لهم ..
ابصراحه انا ارفض هالشي رفضاً تام إلا في حاله
الحاله هي/ سالفة غلاء المهور وتطلبات أهل الزوجه اللي تكسر الظهر، امممم هنيه اقول برايه ياخذ اللي يباها
يعني لو تبون الصدق بعد البنت لازم تراعي الريال لو كان فقير ولكن ريال صالح وتقي، ماترفضه لأنه فقير
ومابيقدر يسويلها عرس خيالي والكل يرمس عنه او يسفرها فيينا او ايطاليا او استراليا ..
والله هالبنات اللي يتشرطن على هالرياييل اقول برايهم خلهم ياخذون اجنبيات عسب يسطلبن ..

والله المستعان على نسل عيال الإمارات عيايزنا يلبسن براقع ومستقبلاً العيايز بيلبسن جنزات الظاهر وبييلسن على الكوفي شوبات ..


الله يرحمنا برحمته ..

واسمحولي عاد رمست بالعامي


احترامي
شموخ الإمارات

دام تكلمتوا بالعامي اجل انا بصير مثلكم والسموحه
واحيانا الطرح يتطلب هالشي ..

نسأل انفسنا بالاول ليه الشيبان يتزوجون من الخارج ؟
يعني وش لاقين في ام عيون صغار
وخشم كنه سلت سيف

ولا شي الا ان هالبنت الصغيره وافقت تتزوج عليه
وهو تلقاه ملّ من عجوزه ويبي يتشبب

صدق شيبان آخر زمن !

وهالاسيويه اكيد ماتزوجت عليه الا طمعانه في حلاله
ولا فكرت في سواد عيونه واكيد ماتبي تقارن خشمها
في خشمه

اعرف شايب بعد ماماتت زوجته دوّر
على زوجه ثانيه لكن ماحد يبيه !!
يقولون شايب وعايب وش نبي فيه وعساه يشوف دربه
اذا مشى عشان يشوفنا

المهم قدّم على الداخليه وشرح لهم ظروفه وجاب لهم تقارير
طبيه تشرح حالته وانه بحاجه لوحده تساعده

حشا مايدور على زوجه يدور على خادمه ..

المهم

تزوج الرجال على زوجه من جنسيه عربيه وجت عنده
وهي تحلم بالقصر والخدم والحشم !!!

متفآءلـــه

الرجال ماحلتوش الا اللضـا وعلى الحديده وزود على هالشي
قال لها ماتطلعين برا البيت وان طلعتي تغطي
ولا يشوفون وجهك الله يكفينا شر الغيره ..

يومين بعدها اسبوعين بعدها شهرين
خلاص قالت انا فاض بيا ومليت

احبااااااااااط

المهم قالت له ابسافر
قال لها معصى ماهنا سفر الا في صفـر ..

انحاشت وتركته ودموعه اربع اربع
ولاعاد شافوها ..

لذلك
كرأي نهائي
العاجز ايا كان اللي يفكر يتزوج من الخارج يظلم نفسه
قبل مـا يظلم انسانه لها مشاعر واحاسيس ..

يستغل حاجتها الماديه وبحثها عن الأمان في سبيل نزوات
عابره ..

اظن هالشي من الظلم والظلم نهى عنه رب العالمين ..
وهي مالها ذنب ابدا والذنب يتحمله هالشايب اللي نسى
كم عمره واستغل هـ المسكينه واستغل حاجتها ..

رثـام ..

طرح جميل ومشكله فعلا صعبه
مهما حاولت الدوله الحدّ منها الا انها تبقى ظاهره
سلبيه اتمنى ان تختفي ..

لكِ كامل الود
دامت اوقاتك بخير

السـاهـر

السلام عليكم والرحمه

.
.
.

حبيبتي رثاء ما قصرتي على الموضوع اللي كتبتيه
صراحه موضوع يحتاج انه الواحد يناقش فيه ويدلي برأيه

.
.
.

اما بالنسبه لرأي حبوبه اعتقد ان هالمشكله بدأت بالبروز فعلا
في مجتمعاتنا حالا وصرنا نعاني منها عسى هالشويب ما توفى
عجيزه راح يراكض يبي عروس ولا بعد مافي بنت ام العشرين تقبل فيه يعني شايب تدفن روحها بالحيا ياخذ له وحده على قده
وفيه هم حريم عودات يقبلوون بس اهم يدورون الرخص اولا وثانيا يبي بنيه صغيره يتشبب وصراحه اهو عارف ان هالاسيويه تعاني من الفقر ومحتاجه الفلوس واهو يستغل هالشي
وما يفكرون لابعد الحدود انه ممكن تلعب بحسبته نفس قصة واحد الله يهديه ما صدق مرته تموت الله يسامحه راح تزوج له واحده من الاسيويات والاسيويه معروف عندهم شغل الطبوب
والسحر لعبت فيه سحرته وصار ما يسمع الا كلامها وصارت من كثر ما هي المتسلطه والمتحكمه فيه صارت تطقه وتكفخه
ياي هالشويب ماصان شيبته وحفظ كرامته وعوضها بمره من بلاده تراعيه وتعرف السنع يعني صراحه يقهر او يشق الجبد مثل ما يقولون

.
.
.

يعني حرام شنو ذنب هالبنات الصغار اللي يتزوجونهم يستغلون عجزهم وفقرهم وهذا يظلم نفسه ويظلمها معاه
يعني صراحه مو شي
وهم بعد الاهل غلطانين انهم ما يراعون الشيبه اللي عندهم ويسألونه ويشوفون له حرمه تفهمه وتراعيه يعني ما نحط اللوم كله على الشويب المسكين يعني مثلا عياله كل واحد لاهي بحياته واهو ما عنده احد يراعيه يسأل عنه اذا غاب يسأل عنه اذا كلى او اذا جاع هم اهو نفس وده يلاقي احد بالبيت يتونس وياه يسولف عليها يامرها يعني هم نراعي متطلباته نشوفه شنو يبي مو عشان شايب ممكن يموت باي لحظه مانحط له اي اعتبارممكن اجنا نموت واهو عايش واهوو ما يلقى قدامه الا الخدامه اوالاسيويه اهي اللي تفهمه وتراعيه وتشوف هدمته ولقمته يعني صراحه هم احنا علينا الغلط قبل لا نحساب حد نفكر بالامور بعقلانيه
يعني المسؤؤليه تقع على عاتق الابناء اهم المسؤؤلين اللي خلوو هالشايب يتزوج هاللاسيويه

.
.
.

اخيرا الخطا يقع على كل الاطراف مو بس الشويب
ما قصرتي على الموضوع حبوبه صراحه عجيب
تقبلي فيض ودي

لماذا حسن اختيار الزوجة؟

لان المراةهي أول دعائم الأسرة و أهمها و هي دائرة الأمان و مركز استقرارها و إن لم تكن مهئية لتحقيق هذا الأمر فإنها ستحول الحياة إلى قلق و عدم استقرار و غيرة و سوء ظن و شك
و لأنها هي المربية التي تقوم بتربية البناء و احتضانهم و هي التي تلتصق بهم اكثر من الرجل و عنها يأخذون العادات و التقاليد و الأخلاق و القيم و إن لم تكن ذات دين و خلق فستفسدهم

هي راعية البيت و حاميته فان كانت غير أمينة فسوف تضيع المال و الولد و العرض و السمعة و الشرف
هي سكينة الرجل و محط رحاله و سر قوته و عظمته و هي القوة النفسية التي تدفع زوجها للنجاح فوراء كل رجل عظيم و لد صالح امرأة صالحة و ألام مدرسة إذا أعدتها بالعلم النافع و الأخلاق الحميدة أعددت شعبا طيب الأعراق

لماذا حسن اختيار الزوج

هو القائد القيم على الأسرة يرعى شئؤنها و يوجه طاقة أفرادها نحو الإصلاح
هو سياج الأمان الذي يحيط بالزوجة و الأبناء و يحميهم من الانحراف و التسيب و الانفلات
هو الطرف المكمل لدور الزوجة التربوي و المساعد المهم في توجيه دفة الأسرة إلى بر الأمان

أسباب عزوف بعض الجامعيات عن الزواج

الأسباب ب0 النسبة
عدم تمسك بعض الشباب بتعاليم الدين الحنيف 00000 72%
الزواج من أجنبيات 58
قرار اختيار الزوج بيد الأهل 44
تكاليف الزوج الباهضة 40
العادات و التقاليد التي تفرض على الفتاة الزواج من الأقارب و العشرة 39
النظرة الخاطئة إلى الجامعية على إنها مغرورة و متكبرة 38
الاهتمام بالشكل الخارجي للفتاة فقط من رشاقة صوت موسيقي ناعم عيون واسع شعر ناعم و طويل وجه ممتلي مع خدود ورديه
عندها معرفة بعشرين طريقه للجنس و البوس 35
النظرة الخاطئة إلى العاملة على إنها ستكون منشغلة بوظيفتها على حساب واجباتها الزوجية و الأسرية 33

طول فترة الدراسة 14
غرور الفتاة بجمالها أو ثروتها أو نسبها 13
التقليد و المحاكاة 12%

تطبيق شرع الله فيما يتعلق بمعايير اختيار الزوجة أو الزوج 98%

الحد من الزواج من أجنبيات 94
عدم التقليد في مظاهر البذخ و الإسراف و الحد من تكاليف الزواج الباهظة 97%
عدم تركيز الشباب على الناحية الجمالية للفتيات فقط دون الالتفات إلى الصفات الحميدة الأخرى من أخلاق طيبه سعة صدر صبر قناعه حب مساعدة العجايز و الأطفال العصامية 93
تغيير النظرة الظالمة و الخاطئة للجامعية على أنها مغرورة و متكبرة و شايفه نفسها 81
الحد من العادات و التقاليد التي تحد من زواج الفتاة من غير دولتها و تفرض عليها الزواج من الأقارب أو العشيرة 85
التوفيق بين الدراسة و الزواج 78
تغيير النظرة الخاطئة للفتاة العاملة على إنها ستكون منشغلة بوظيفتها على حساب واجباتها الأسرية %72





































أسباب الطلاق نسبة الآراء إلى أفراد العينة
شرب الخمر و تعاطي المخدرات و ضعف الوازع الديني 33%
تدخل الأهل في الحياة الزوجية 21
علاقة الأزواج مع نساء أخريات مشبوهات 14
عدم تحمل المسئولية 14
أسباب صحية 12
عدم التفاهم 10
السكن المشترك مع الأهل 10
كثرة سفر الزوج 9
اكثر من زوجة في عصمة الزوج 9
قضاء أوقات طيلة مع الأصدقاء 9
الإهانة و الإيذاء بالضرب 9
إهمال الزوجة و حقوقها 7
فوارق كبيرة في العمر بين الزوجين 6
هجر الزوج لمنزل الزوجية 5
عدم استقرار الزوج في أي عمل 4
فوارق اجتماعية و ثقافية 4
الغيرة الزايدة و الشك 4
رفض الزوج مواصلة تعليم الزوجة 4
إرغام الفتاة على الزواج من شاب لا ترتاح إليه 4
خلافات حول مكان إقامة الأسرة 3
عجز الزوج الجنسي 3
عدم استقرار الحياة الزوجية لوالدي الزوج 3
2
الخلافات بين أسرتي الزوجين 2
بطالة الزوج و عجزه عن إعالة الزوجة 2



ان الرجل لا يفكر مثل المراة و لا المراة تفكر مثل الرجل فكلاهما يختلفان في اسلوب الفهم و الكلام و الافعال و ردود الافعال

ألف ألف ألف شكر لج اختي رثااااااااااااام على الموضوع

صراحة تسلم يمناج لانج طرحتي هالموضوع لكن شو نقول لهالشياب الله يكون في عونهم ... يا رب

والله هم ما يدرون انه هالاسيوات يبن شي ايقولون بنتمعتع دامنا على ويه الدنيا الله كريم ما يعرفون انهن يبن ويبن ويبن مثل ما تكرمتي اختي ولا بزيد على قولج قووووووووووول


ومشكووووووووورة وما قصرتي غناتي

خويتج


غنوة

سلام عليكم

انا حبيت اقول رأيي انه الناس تحسب انه الشايب مش محتاج حد يكلمه ويقعد معاه

يعني تلقون الي ف البيت كلهم يطنزون عليه

ونفس الوقت مب لاقي حد يتكلم معاه


اممممممم اقولكم سالفه قبل فتره قريت في جريدة الاتحاد عن وحده اسيويه اتزوجت شيبه ويابت منه جنه بنت ومات الشيبه

وخانته مع الدريول وعقب اغتصب بنتها وياب منها ومن بنتها وياب ع ما اعتقد 5 بنات جنه واصغر بنت هي الي اشتكت وع فكره كان

يعاشرهم كلهم والقضيه مازالت في المحاكم في راس الخيمه


وثانكس

شكرا اختي ع الموووضوع

ويعطيج الف الف عافية