الفتاه تفضله رجل... و الرجل يفضلها فتاه!!!

اخوي بو شوق

ما شاء الله عليك

زين انك تفتن عليهن و الله

و الا الاسباب من زينها ما ادري يايه تشتغل و الا تلعب

الا هذي اللي ما كان لها خاطر تشتغل ليش كلفت على عمرها و تعنت و يات الشغل؟؟؟ لو رقدت احسن

بصراحه لو هالاشكال تصادفك فاكيد رد فعلك كان في محله
بس نفس ما قلت
في من البنات من تشتغل عن 10 رياييل و الله يزيدهم

مشكور على مرورك مره ثانيه على الموضوع

مرحبا أختي "الامـ بنت ـارات"..
تدرين هالظاهرة مو بس في الشغل.. حتى في الجامعة!

سمعت مرة من بنات إنهم يقولون نفضل زمالة الشباب على البنات!!
لأن البنات بينهم غيرة وحسد.. أما الشاب دايماً يساعد البنت ولا يبخل عليها بشي والأهم ما يحسدها حتى لو كانت أحسن منه في الدراسة..!
وجهة نظر غريبة وبائسة حقاً،،

مشكوورة اختي بنت الامارات على الموضوع



بصراحة انااا موافقة معااج في ان الفتاة تفضل الرجل .. والرجل يفضل البنت



فمن خلال دراستي في الكلية اجد ان الدكتور يكوون افضل معناا وكما ان اسلوبه

بالتعامل معناا جيد حيث اكثر الدكاتره يحترمون وجهة نظرناا ويقدرونهاا


بـــــــــــعــــــــــــكــــــــــــــــــس


المراة او الدكتورة فانهاا لايعجبهاا شيء من الذي نفعله لهاا فاذا طلبت بحث مثلاا لا يعجبهاا هذا البحث ونعيده اكثر من مرة لكي يعجبهااا وفي اخر شيء ناخذ نص الدرجة او اكثر بقليل .. وهذا طبعاا وجهة نظري



ولكن الدكتورة حين تدرس الرجال تتغير معاملتهاا وكذلك الدكتور حين يدرس الرجال

ولا اعرف لمااذا هذا التغير .. فمثلاا عندماا اسئل ابن خالتي عن دكتورة يمدحهاا لي ولكن عندما اخذ عندهاا اجد ان كل شيء قااله عنهاا هو العكس ..



ويعطيج الف عافية اختي

و عليكم السلام و رحمة الله و بركاته ..


موضوع حلو و مميز و اسمحي لي أختي راح أرد بالعامي ..


هذي الظاهره حيل منتشره عندنا و تبين الحق أنا أفضل أتعامل مع دكاتره رجال أكثر من الحريم ,, لأن دايما تكون في مسافة احترام و كلفه بيننا و بين الذكور ,, فما نهمل أي شي من باب الميانه أو الصداقه ..

غيرإن الدكاتره الحريم ما يحبون البنات ,, مره كنت بالأصنصير مع رفيجتي و دشت علينا دكتورتين و كانوا يتكلمون مع بعض ,, و كانت وحده منهم تقول لصاحبتنها :: أنا ما أدري شفيهم البنات ما يفهمون ,, ما شاء الله عليهم الشباب أدب و اجتهاد و ما كو مثلهم -->>طبعا بما معناه ..

طلعت أنا و رفيجتي من الأصنصير فاطسين من الضحك ,, و رفيجتي مره كانت تدرسها دكتوره ماده اختياريه (( علم نفس )) و المفروض هالمواد حق رفع المعدل لانها أسهل من موادنا العلميه ,, خخخخ كانت تقولهم أنا ما أحب أدرس البنات الشباب حيل أحسن منكم ..

و الله شي غريب ..

بس أنا خلال دراستي بالجامعه ما واجهت إلا عدة حريم و معظمهم درسوني باللابات يعني معيدات فقط ,, منهم الزين و منهم الشين ..

بس دايما أفضل أتعامل مع الدكاتره الرجال لأنهم أبسط من الحريم ..


أختي النووور بالنسبه حق الوضع إللي تكلمتي عنه فيمكن لأن هالبنات واجهوا زماله مو زينه مع بنات ثانين ,, لأن البنات (( الحسوادت )) دايما يشتغلون بالخش و الدس على بعض ,, أما الشباب إذا عنده كلمه قطها بالوجه ..

بس أنا بكليتي ما عندنا اختلاط بين البنات و الشباب لأن محاضرات الشباب منفصله عن محاضرات البنات ,, إلا بالتخصصات النادره ,, أو الحالات الخاصه مثل التخرج أو شي جذي ,, أنا طول دوامي بس مره وحده صار معانا شاب واحد بوحده من المحاضرات ,, و المسكين كانت حالته كسيفه من الفشله -->> سوري طلعت عن الموضوع ..

بالنهايه سبب التفضيل يكون لأن الناس يستحون يخذلون شخص ما يعرفونه عدل ,, فعشان جذي يبذلون جهدهم لخلق انطباع حلو عند الجنس الآخر ..


و سووري على الهذره ..

نووور
ممكن تكون وجهه نظرهم صحيحه
لان الرجل في الغالب ما يحسد على شي
لكن البنات كثير منهم يغارون و يبغون ينافسون
مشكوره على مرورج



شمس الكويت
ذكرتيني باستاذه كنت اكرهها
دايما اي شي نكتبه تقول انه دون المستوى و اذا سالناها عن السبب ما تشرح
مع انها كانت سنه مصيريه لنا لكنها ما اهتمت
مشكوره على مرورج



عهود الكويت
بااااااااااال صج هالاستاذتين تحف يعني ما يشوفونكم في الاصانصير و الا يستخفون دمهم؟؟
سبب حلو

مشكوره على المرور

شكرا على الموضوع






أجد أن الأغلبية يوافقونك الرأي .. فيقولون إن كانوا رجال .. نفضلها مرأه .. و خاصلة إذا كانوا هم أعلى عنها في السلم الوضيفي .. و رجل إن كان هو أعلى عنهم في السلم الوضيفي.


و هي أيضا من وجهة نظري .. منطقية فغالبا المرأة لتثبت وجودها تطلب العديد و الكثير من الأمور الغير مهمه .. بينما الرجل على النقيض غالبا.


أحيانا قد يأدي اهتمام المرأة بصغائر الأمور إلى غفلتها عن المهم و الواجب.


و أحيانا أخرى يأدي اهتمامها بذلك إلى تقدم العمل و تطوره.


سأتكلم عن و جهة نظري .. و اللتي تكونت بعد أن عايشت فصلولها و أحداثها في التعامل من (( المديرات )) خلال عملي في بعض الهيئات الحكومية في الصيف .. حقيقة كن مملات و يسببن لي و لغيري التعب و الإرهاق .. و لكن و لله الحمد .. تخلصت من تسلطهن بأن قمت بتغيير مكان عملي إلى مكان يخلوا من النساء (( و الله أنه مكان عجيييب .. الذي يخلو من النساء )) .






و لكن في نفس الوقت لا أستطيع إنكار أن بعضهم ذوات فكر و منطق يتخطى حدود المكان و الزمان .. ليصل إلى المستقبل .. و الدليل ما تزخر به الصحف و وسائل الإعلام من أخبار نساء .. تخطن العديد من الرجال في مجالات الحياه العملية .





في النهاية .. أفضل أن يكون رئيسي رجلا .. (( و نفتك من صدعة الرأس )) التي تسببها المرأة .





أعذروني أن خرجت عن نص الموضوع .. أو أخطأت في التعبير .. و ها نحن نتعلم من أخطائنا و أخطاء الآخرين.




(صقار البدو)
~^_^~

تسلمين يالغاليه ولي عوده

صقار البدو

جميله تجربتك بس عاد حولتك صوب الرياييل و مجتمع بدون حريم


تصدق؟؟

زين سويت

في العمل الرجال في المناصب اكثر رحمه بمن تحتهم
بس النساء تسلطهم يزيد بكل درجه يصعدونها

طبعا ليس الكل
و انما البعض

اسعدني مرورك الكريم

حزن العمر

انتظر عودتج