باكر تموت

رأسك علامك رافعه يـوم أحاكيـك
الظاهر إني فـوق حجمـك عطيتـك
لحظه نبي نرجـع دقيقـه لماضيـك
بذكّـرك فـي أي حــالٍ لقيـتـك
كـان الضيـاع ودمعتيـنٍ تخاويـك
منهار وفـي عـزّانهـيارك خذيتـك
وأرخصت عمري لجل أحبك وأداريك
هدمت قصـر الـذّل فيـك وبنيتـك
كـان الغـلا شمعـه تنـور لياليـك
لوأظلمـت دنيـاك جيـت وحتويتـك
ياللأسف كنت أمدحـك وأفتخرفيـك
رفعت من شانـك وعليـت صيتـك
كنت أنت عندي غير ماأقـدر أخليـك
أموت وأحيا ان قلـت سـمْ وفديتـك
واليوم أشوفك خنـت حتـى مباديـك
صغرت في عيني وأنا اللي هويتـك
الضيـف لـو انـه عـدوٍ معاديـك
غصبٍ عليـك تقـدره وسـط بيتـك
ياصاحبي بتمـوت مانـي براجيـك
واشره علي ان كان حتـى طريتـك
لاصار ذل النفس فـي قلـب يغليـك
يلعنـك ياقلـبٍ عشقـك وشريـتـك
اضحك حبيبـي دام وقتـك مسليـك
باكر تمـوت مـن القهـر لانسيتـك