ليش تكرههم....؟؟

ألم غاوي

السلام عليكم ورحمه الله وبركاته

ليش تكرههم ..؟
هذا سؤال يدور ببالي
ألاحظ وااايد من الناس يكرهون الاجانب ليش يعني هم مب بشر
انا بالعكس اموووووت فيهم لدرجه انه اذا سرنا مكان الكل يقولي طالعي اهلج اونه من كثر ماحبهم
اخواني نحن دووم ننظر للجانب السيء منهم ماننظر للحسن
هم وااايد اشياء يسووونها اوكيه بس انهم مسيحيين يعني ..
وكل واحد اعلم بمصلحته وهم سمعوا بالدين الاسلامي وجانهم يبون يسلمون برايهم اكيد وصلهم الاسلام
اخواني تدرون انا افضل الاجانب عالعرب يمكن تسبوني ويمكن تقولون ماتوقعناج بس انا اشوفهم احسن عن العرب
تدرون الاجانب يوم يقولون شي يسوونه مب كلام بس
وبعد هم ماشاء الله عليهم منظمييين وااايد يعني يقولون لك الساعه جيي ويسوون
انا اجوف العرب واااايد يرمسون ومايطبقون شي بس الاجانب يطبقون عقب يرمسووون
نحن مره عاش عدنا واحد اجنبي المهم كنت احب تنظييمه وااااايد
والله شخصيته لو تجوفوونها ماشاء الله علييه صدق ريال مع انه اجنبي بس شووو اخلاقه عاليه
لا تقولون الاجانب ماعندهم اخلاق ومب مؤدبين
يمكن يسوي اشياء نحن العرب مانسويها ولازم علينا
تدرون مره هليه سافروا صوبه المانيا المهم طالعوا مجموعه بنات ماصخات ولبسهم مب اوكيه ووحده قامت تطالعه قام هووو وقال تدرون تحسبونا يعيبنا هالاشياء قال لا .. صدق نحن اجانب بس نحن ننظر لهم باستخفاف يعني هذيلا الناس ما نتنازل نرمسهم ولا نطالعهم هذيلا نحن روحنا نحتقرهم وحركاتهم
انا يوم سمعت هالشي صدق ارتفعت مكانته في عيني ماكنت اتوقع جييه اجانب ومن ذاك اليوم وانا احبهم اكثر واكثر


والحين سؤالي لكم ليش تكرهووونهم؟؟

والسمووحه عالاطاله
دمتم بود

موت غاوي

السلام عليكم

أختي (( ألم غاوي ))

أولاً اسمحيلي يكون ردي بالعامي أحس إني بوصل فكرتي

أكثر ..

أختي ...

أنا من الناس اللي مب أكرههم .. لشخصهم ..

لا ..!!! أكره الدين اللي هم عليه ... نحن نؤمن بالديانات السماويه

ولكن ... هم حرفوها وغيروها .. لهذا السبب نحن نكره ديانتهم ..

أختي ..

الأجانب بسسسسس لو يكونون مسلمين ... بيكونون وايد أحس

عن العرب .. اللي للأسف اتغيروا وغيروا في أنفسهم وايد أشياء ..

يعني ... هم أحس عن العرب في أشياء وايده .. وتفوقوا على

العرب اللي هم أصل العلم .. في أشياء وايده ..

فقط لأن العرب ما قدروا يستغلون الأشياء اللي عندهم ..

أختي ..

أنا كنت أعرف مدرس أمريكي ... كان قمة في التعامل مع الشباب

كنت بس أقول حق الشباب ... صدقوني هالسير مب ناقصنه

غير أنه يكون مسلم ...!!!!!!! فكرت وايد إني أكلمه عن الإسلام

ويمكن لا سمح الله يهتدي ... بس للأسف ما قدرت بسبب ردته

لبلاده .. بس كنت أدعي أن الله يهديه ويكون مسلم ..

لأن بالفعل جداً كان منظم ومتقن لعمله مب لأنه محتاج للعمل

بس لأنه كان يثق بأن الإنسان انخلق عشان يعمل ويشتغل ..

وهذا اللي كان دوم يردده علينا ... وكنت دوم أقوله .. أن نحن

في ديانتنا ذكر هالشي .. بجانب أن الإنسان انخلق عشان يعبد

رب العالمين .. انخلق عشان يعمر هالأرض ..

(( بعدت اشوي عن الموضوع ))

بس ارجع وأقول ... ترى الأجانب هم نفسهم عندهم أشياء يكرهونها

في أنفسهم لقناعتهم أنها أشياء غلط ...!!!!

وأكثر الناس يكرهون الأجانب لأن مثل ما قلتي ماخذين فكره

عن مجتماعتهم اللي تفيض بالفساد ...

أختي ..

حلو أن نشوف الأجانب ... وناخذ منهم الزين وانخلي الشين ..

لكن للأسف ....

قمنا نستورد ونستورد وبكثره الشين منهم ..

ونصدر لهم كل الزييييين اللي عدنا من أخلاقيات يحثنا عليها

ديننا .. ومن عقول عبقريه تعيش من بينا .. ومب امحصله حد

يستغلها ...!!!!!

ويمكن أحد أسباب كره الناس للأجانب ..

أنهم اتفوقوا علينا ...!!!! وأصبحوا من الدول المتقدمه ونحن

بعدنا نحاول نوصل لهم ..

أختي ..

اسمحلي أعلق على نقطه في كلامج ...!!

قولي أنج معجبه بأخلاقياتهم .. ولا تقولين أنج اتفضلينهم

على العرب ... ترى العرب فيهم خير .. ولا تنسين تراج عربيه ..

وعربيه أصيله .. فلا تتخلين عن عروبتج بس لمجرد انحراف

العرب عن سجيتهم وعن دينهم وعن اخلاقياتهم اللي صدروها

للغرب واستوردوا اخلاقياتهم الفاسده منهم ...!!

==

دمت لنا أختاً .. تخط كل ما جال في فكرها المتميز

تقبلي مني احترامي لشخصك الكريم .. وحروفك الطيبة


السموحه على الإطاله

جلّ تقديري

موت غاوي

الغيداء

بالنسبه حقي ما أكرهم .. و ما فيه سبب عشان أكرهم ..
و اشوف تعامل الاجانب أحسن عن العرب ..
و الأجانب نا س محترمين..
و هالعالم فيه الشين و فيه الزين و مب كل الأصابع نفسها ..

تسلمين على هالموضوع الحلو ..

إختج الغيــــــــداء ..

MegaMan

السلام عليكم

أختي ألم غاوي

انا لا أكره الأجانب ولكن أتفق مع الأخ (دار زايد) بالإضافه إلى موضوعكِ يا أختي الكريمه .. انا جداً متفهم لمشاعرك ولكن اعذريني إن قلتُ لكِ بأنك لا زلت لا تعرفين الأجانب .. عندما كنت في ألمانيا كنتِ زائره ولم تكوني مقيمه .. انا كنت في كندا لمدة 4 سنوات وقاسيت الأمرين معهم وخصوصاُ بعد أحداث الحادي عشر من سبتمبر وهذا هو السبب الرئيسي الذي دفعني لطلب الحصول على الجواز الكندي ..فقط لدفع الأذى عن نفسي ..ولله الحمد ، وكما يقال رب ضارةٍ نافعه ...

وشكراً



M_M

ألم غاوي

هلاا اخويه بوشوق
وانا معاك في هالشي
يسلمووو اخويه عالرد الطيب
دمت بود

BIN_MANSOOR

للتأكيد على هذه النقطه

و شكراً

(نور الإمارات)

بغض النظر عن الأجانب أو العرب ، ولا أدري بمن قصدتم الأجانب ..!!


هل تقصدون الزملاء ، الملعمين ، من جنسيات عربية أخرى ، هوؤلاء نعتبرهم إخوة عرب

اما المستخدمين : طباخين ، خدم ، هنود .... الخ ، أعتبرهم أجانب


بغض النظر عن هذا وذاك ،

( الدين المعاملة ) ... احترام الكبير واجب ، العطف على الصغير

وغيرها من الأمور التي تعلمناها ، نطبقها على كل الناس عربهم وعجمهم .....

تحياتي

نــــــور

Ngood

هلا وغلا اختي الم غاوي علي الموضوع بصراحة انا بعد وايد احب الاجانب لان احس لاجانب لو مسيح لكن وايد صادقين ولا يعرفوا الكذب وما يكذبوا علي انهم ما يعرفوا ربهم بعكس العري اللي يعرفوا ربهم نحصل وايد يكذبوا والسموحة اخواني واخواتي علي الكلام
أختكم نــــــــــــــــــــــجود

MegaMan

أختي Ngood

أنتِ ما زلتِ لا تعرفين الأجانب.

(ليسوا كلهم وإنما الأغلبيه)

وشكراً


M_M

ألم غاوي

وعليكم السلام ورحمه الله وبركاته

عادي اخويه اكتب باللي يعيبك

حتى انا اكره ديانتهم بس كل واحد سامع عن الاسلام واللي يباه يسووويه والدين حريه شخصيه لكل فرد

هييه والله وااايد احسن انا اجوفهم كيف مقدسين لديانتهم واااايد
ونحن العرب المسلمييين اللي عندنا دين الاسلام نص اللي يامرنا به ربنا مانسويه نسمع هذا ونسوي العكس

انا بعد يعيبني اتقانهم لكل شي فايدهم الواحد يوم يبدا شي يبداه بحب واتقان لهذا الشي يعني عكس هنييه
يمكطن يحبه بس ماظن يتقنه

هييه صح وحتى نحن نكره اشياء فينا بعد
يمكن الفساد اللي مستوي عندنا اكثر من فسادهم الحين
أختي ..

هييه والله صدقت نحن هنييه نشغل الاجانب وهم هناك يشغلون العرب

اخويه بس التفوق مب معيار للكره ولازم نحن نكون احسن ونتفوق عليهم بديننا

لا ماتخليت عنها ولا بتخلى وصدقت ييمكن اعجاب
واشكرك على تنبيهك لييي

==

ودمت لي اخاً يذكرني باشياء قد نسيتها واشياء تنبهني عما جهلت عنه

مسمووح الشيخ ولا اطاله ولا شي

والله يوفجك
ومشكوور عالرد الطيب

دمت بود