|
|
|
|
|
|
||
| إعلانات منتديات ألم الإمارات |
|
|
|||||||
 |
|
|
LinkBack | أدوات الموضوع | تقييم الموضوع | طرق العرض |
02-03-2006, 06:34 AM
|
#1 | |||
 
|
لا فقدتك يا غناتي ..للغالي شهاب السعدي ولا تهونون.....
[center]
اقتباس:
لا فقدتك يا غناتي يا طيــور الشوق دنّي واحملي أزكى سلام ــــــــــــــ مـن ديـار الـعـز دايـــم وأوصـلـي لــديــار بـوش انزلي ذيك الولاية واسألي : شهاب الهمام ـــــــــــ ليـــن بابه توصلـيـنـه فاتــح(ن) في وسط حوش ارتــقــي كتفه وحذرك تزعجيـــنه بالـكــلام ـــــــــــ تمّمـي نص الرسالة واتـركـي حــكـــي الربوش بلّغي شهاب(ن) تحية نبعها صافـي دواااام ـــــــــــ مـن مـحـب(ن) لك وحبّك صايـــر بجاشه نقوش وانشدي:أخباره علومه..ياعساها هي تمام ـــــــــــ فـي بـلاد الـغـرب يالله فــرّج الـصـــدر الوحوش عـلّـمـيــه إن التـأخــر عـن ملاقاتــه حــرام ــــــــــ يحـرم النفس السعـادة فــي زمن كلّـه جيوش للألــم مع سرب هم(ن) مع لوا بحالة تمام ـــــــــ يشقـي اللـي به سعيـد ويجعـل أحزانـه نبوش ما قطعتك لاااا وربـــي لكـــن أوقاتي يتام ـــــــــ أنتهز فرصة وأدعي يا عسى لشــوفك أنـــوش أصدفك وتسرّ نفسي في مخاواة الحسام ـــــــــ خـوّة اللـي مـا تـقـدّر بــــالـدراهـم والـقـــروش غالي(ن) بالحيل غالي شوفتك عندي غيام ـــــــــ ربّـعت منه الفيافــي واهتنت كــل الــطــروش قـدركــم بالقلب والله يــا شـهــاب إنه سنام ـــــــــــ وشـوفـتـك منية ومنية ما تغطيــــها الرموش إيــه أعزك وأتشرف فـي مـخــاواة الـكـرام ـــــــــــ مسندي في كل وقتي دونهم عمري نعوش وإن لفى من داااار زايد صانع أمجاد العظام ـــــــــــ فــزّ كـلّـي مرحباااا به مرحبا واللّـه خوووش مرحبا يانسل شيخ(ن) حبّته كل الأنام ـــــــــــ تدعـي الـخـالـق يحطّه مع محمّد بـالـعـروش فوق هذا وأنت جامع كل قطبيــــن الوسام ــــــــــــ إنك شهابٍ وسعدي صافي(ن) ما بك خدوش لا فقدتك يا غناتي انحرم جـــفــنـي المنام ـــــــــــ صـار حــالي كـ بدوي(ن) فـاقــد(ن) أعز بوش وصّليـــها يا طيوري يا عـســى تافي مقام ـــــــــــ شيخ قرم(ن) بالمعالي دايما(ن) والله يطوش وصّليها يا طيوري واسمعي مسك الختام ــــــــــــ بوسي الراس وجبينه واروي برده عطوووش وسلامتك يالغالي وسلامة كل من حضر.. * |
|||
|
|
02-03-2006, 12:10 PM
|
#2 | |||
|
الشامخ
* * * بلّغي شهاب(ن) تحية نبعها صافـي دواااام ـــــــــــ مـن مـحـب(ن) لك وحبّك صايـــر بجاشه نقوش وانشدي:أخباره علومه..ياعساها هي تمام ـــــــــــ فـي بـلاد الـغـرب يالله فــرّج الـصـــدر الوحوش مايجيبها الا رجالها عز الله كفيت ووفيت وغسلت صفحة العتب بجميل العذر وانا اشهد ان الشامخ كان غايب فتره ماشفته بالمسنجر والله يديم الحب وينك .. شاعرنا شهاب ؟؟ نتمنى أن تحضر قريبا لتبتسم هنا وتعرف غلاك عند الشامخ وليست مجاملة ... الشامخ ... اسم على مسمى في خلقه وطيبته وشعره .. ... الله يزيده ويثبته على الخلق الطيب والوفاء لأصدقائه ومحبيه اخوك نهر الشوق
|
|||
|
|
|
02-05-2006, 01:14 PM
|
#3 | |||
|
مرحبا وسهلا تشرفت بمروري هنا وانا اسف لم اكن موجود في الوقت اللي طاف كنت خارج التغطيه .... وللاسف محد خبرني عن الرساله والسموحه منك يالشامخ تقبلها واتمنى ان تعذرني والله لا يجيب العتب واحنا عادتنا نسال عن الاحشام مثل وشرواك تقبل تحياتي والف شكر لنهر الشوق للمرور وصح الله السانك يالشامخ مرحبا بالطير ياللي يانا مرسول بسلام ******** مرحبا بطير الشوامخ اللّي حلّ في دار بوش مرحبابه عـدّ من يسري لبيت الله الحرام ******** وعد م.التاجر حسبها وعدّ مدخول القروش وعد من زكّى وتصدق واذن المسلم وقام ******** وعد م.الرسّام صوّر لوحته باحلى بروش بك ارحب يا خويّي الكريم ابن الكرام ******** حي منظوم القصيد اللي بنيته (آآم)و(أوش) ما نشدنا ولا سألنا غير واجبها ألانـام ******** نسأل الغايب علامه يا عسا ما حاشه حوش والعتب بيني وبينك نحكمه حكم العدام ******** لو تحول أكبر فصيله م.العواذل و الجيوش وانت يالشامخ ربيع امخوته مثل الوسام ******** وافتخر باسم الصداقه لي ع.صدري كالنقوش رابي ف.بيت المعزه ساس عالين المقام ******** مـنزلـك فـوق الثريا و لا تـأثـر بـالخـدوش الخوي لابد تشوفه عند صكّات الحزام ******** والشدايد ما لها إلاّ اسهامه الشامخ تروش يوم لمنادي ينادي ما تكاود ف.الزحام ******** شوفه ع.البكره الاصيله (هين) ما يابتها بوش هاض مابي يا عزيزي وانا محروم المنام ******** والفكر نـاره لهيبه داشني والنّـار دوش عن هلي وربعي غريبٍ صار لي عدة اعوام ******** حتّى عن خلي وحبيبي صاحب الوجه البشوش مالي غير الصبر عنهم مثل لي ناوي الصيام ******** لو يشيب الراس واغدي شايبٍ حاله مدوش والصبر لو مر مذاقه لاجل منقوش الوشام ******** اطعمه مثل الزلال..امشرعٍ لاجله عروش جاك ردّي يا خويّي امعطر بورد الخزام ******** والسموحه كان ردي جاك منه لي دفوش والنهايه كالبدايه حيّ مرسول السلام ******** مرحبا بطير الشوامخ اللّي حلّ في دار بوش وسوالم واعذرني على التاخير توني اعلم برسالتك ورديت عليك فورا تقبل تحياتي وشكري اخوك شهاب السعدي
|
|||
|
|
|
02-06-2006, 12:27 AM
|
#4 | ||
|
فوق هذا وأنت جامع كل قطبيــــن الوسام
ــــــــــــ إنك شهابٍ وسعدي صافي(ن) ما بك خدوش لا فقدتك يا غناتي انحرم جـــفــنـي المنام ـــــــــــ صـار حــالي كـ بدوي(ن) فـاقــد(ن) أعز بوش ما شاء الله على الكلمات حلوه .. ورد شهاب كان رائع تسلمون مرحبا بالطير ياللي يانا مرسول بسلام ******** مرحبا بطير الشوامخ اللّي حلّ في دار بوش مرحبابه عـدّ من يسري لبيت الله الحرام ******** وعد م.التاجر حسبها وعدّ مدخول القروش |
||
|
|
|
02-06-2006, 12:10 PM
|
#5 | |||
|
مرحبا بسراب الشارجه
السموحه على التاخر في الرد وصح الله ابدنج واتمنى ان لا يغيب تواصلك عنا اخوج شهاب السعدي
|
|||
|
|
|
02-08-2006, 05:39 PM
|
#6 | ||
|
النهـــــــــــــر ياهلا والله وغلااااا يابعدي مرحبااا بك من عندي ليا عندك.. الله لا يهينك وعز الله انك انت اللي ماقصرت وعساني أكون قد شهادتك فيني لا عدمتك.. ودائماً لك بصمة تنير كل ماتقع عليه.. دمت بعز طال عمرك.. مغليك الشاامخ |
||
|
|
|
02-08-2006, 05:43 PM
|
#7 | ||
|
شهاب السعدي كفو كفو كفو كفو يالله ان تحيييييييييييه صح كلك يالذيب.. ومتاكد انك مامريت عليها قبل ردك لا عدمتك.. والله يديم المحبة يااااارب.. والانقطاع شكله حولنا كلنا الله لا يديمه.. والرساله اللي جتك فيها مايشفي ان شاء الله.. دمت ودام عزك يالذيب.. مغليك عبدالله الأزوري |
||
|
|
|
02-08-2006, 05:44 PM
|
#8 | ||
|
سراب الشارجه هلا هلا هلا منوره أختي وصح الله بدنك.. ومثل ماقال أخوي شهاب عسى تواصلك دووم ياارب.. دمتي بحفظ العزيز.. أخوك عبدالله الأزوري |
||
|
|
|
02-11-2006, 06:02 PM
|
#9 | |||
|
بلّغي شهاب(ن) تحية نبعها صافـي دواااام
ـــــــــــ مـن مـحـب(ن) لك وحبّك صايـــر بجاشه نقوش هنا الوفاء الصادر من قلب محب الشاامخ تسلم على هذه الراائعه وتسلم شهاب على ردك الراائع مبدعين وربي يحفظكم موفق شهاب في دراستك وديربالك على عمرك وترد بالسلامه لديارك ومحبينك تحياتي لكما اخووكم بن قلاله العامري
|
|||
|
|
|
02-13-2006, 10:09 AM
|
#10 | |||
|
هلا اخوي عبدالله الازوري مشكور علي الكلمات والابيات الرائعة وصح لسانك وما قصرت والله يعطيك الصحة والعافية ونشوف شئ يديد والسموحة علي القصور
أختك نــــــــــــــــــــجود
|
|||
|
|
|
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
أقسام الموقع
العرض العادي
