|
|
|
|
|
|
||
| إعلانات منتديات ألم الإمارات |
|
|
|||||||
 |
|
|
LinkBack | أدوات الموضوع | تقييم الموضوع | طرق العرض |
02-21-2006, 05:26 PM
|
#1 | ||
 
|
الفزعه يا هل عمان ... و هل الامارات حياكم
السلام عليكم يا بنات عمان
أنا مب عمانيه بس لو كنت أكيد بتشرف من بلادي و أصلي و أنا من هل دبي دار الحي السالفه و ما فيها يا جماعة الخير إن في يوم الثامن من مارس هالسنه: 8/3/2006 عدنا يوم عالمي (Global Day) و هو يوم مميز لبنات الاعداديه الكرام <<< احم احم عشان يحتفلون و يتعرفون على بلدان مختلفه طبعاً في الاعداديه في 3 صفوف: سابع و ثامن و تاسع <<< حضرة جنابي من مجموعة الثامن و كل صف فيه 3 شعوب: أ - ب - ج و أنا في صف الثامن ج كل شي بإشراف آنسات و معلمات التاريخ و التربية الوطنية و الجغرافيا و كل صف يختار بلاد أو إقليم أو حدث (مثل غزوة) و نحن اخترنا إقليم شبه الجزيرة العربيه و اللي تتكون من: الامارات - السعوديه - عمان - البحرين - الكويت - قطر - اليمن انقسمنا (نحن 24 بنت) إلى هالبلدان و أنا و 3 من ربعي اخترنا سلطة عمان عشانها تتميز بأسلوب غريب و مختلف شوي عن باقي دول الخليج فتحمسنا للفكره و طبعاً نحن مانعرف عن عمان واايد و بما إني ريئسة مجموعتي، اقترحت عليهم إني أكتب هالموضوع فيا بنات و هل عمان ساعدونا و قولونا أشياء عنكم مثل أكلكم و لبسكم و لهجتكم و حناكم و اكسسواراتكم و أي شي زياده عشان بناخذ زاويه في الفصل حق سطنة عمان و نبغي نزين هالقسم بأشياء تدل على أصالة عمان و يا ريت لو عرضتوا صور عشان نفهم أكثر و اللحين دوركم يا هل الامارات طبعاً مثل ما أعرفكم تساعدون الكل أنا أبغيكم تقولولي الأماكن اللي تبيع أشياء عمانيه فياريت تساعدونا لا تخذلوني يا جماعة الخير باقي تقريباً اسبوعين و هاي فتره صغيره بالنسبه لنا نحن قررنا إن من باجر لين يوم الجمعه كله تخطيط في تخطيط و الاسبوع الياي كله مشتريات و الاسبوع اللي قبله بنعدل زاويتنا و تاريخ 8/3/2006 بيكون يوم الأربعاء مب هالأربعاء و لا اللي عقبه قصدي اللي عقب عقبه فياريت تستعيلون في انتظار ردودكم فمان الله و السمووحه على الازعاج |
||
|
|
02-22-2006, 01:54 PM
|
#2 | |||
 
|
انشالله اختيه فالج طيب بدورلج واللي بحصله بنزله
اذا تبين عن حياه البداوه في عمان ومنطقه الشرقيه اممممممم واي شي ثاني انا في الخدمه وسلامي لج بدويه
|
|||
|
|
|
02-22-2006, 10:34 PM
|
#3 | ||
|
بدويه
حياج أي شي تقدرين تكتبينه اكتبيه تسلمين على المرور الحلو |
||
|
|
|
02-28-2006, 06:10 PM
|
#4 | ||
|
اختي شوفي هالموقع http://www.mnhc.gov.om/arabicindex.html
بيفيدج كبداية واي اسئلة ومعلومات معينة انا حاضرة لانه عمان ماشاءالله عودة وممتدة وفيها تسغ مناطق كل منظقة بفنونها ولباسها ولهجاتها...بس ان شاءالله بنقوم بالواجب وياج انتي بس لو تعطيني النقاط اللي بتتكلمي عنها او بتعرضوها بتساعديني .... واحنا عند ويهج يالغالية 
|
||
|
|
|
02-28-2006, 10:32 PM
|
#5 | ||
|
ما شاءالله سبقتنا دلوعة وعطتج كل شي....ما قصرتي دلوعة
انتي عاد شدي حيلج وسوي شغلج واحنا حاضرين في المشورة ونبا نشوف الصور عقب ما تخلصوا...وصدقيني لو اني في عمان والله ما يغلى عليج بطرش لج ثياب واشيا تراثية ...بس تراه المناطق الشمالية في عمان تتشارك مع الامارات في نفس التراث تقريبا ويمكن بالعكس تلقيه هناك ما دخلت عليه ايادي التغيير...يعني مثلا عندنا احنا العرس نفس العرس في الامارات ونفس الفنون الشعبية ونفس الثياب سواء مخاوير للحريم ولا كنادير ومصارة الرياييل فتقدري تستخدمي اللي عندكم...بالنسبة لصلالة ثوب الحريم تقدري تفصليه بسهولة واهم شي تحطي اللبان كدخون وهذا بتلقيه في اي عطار لانه اللبان اساسا من صلالة اذا تبي ...بس المناطق الثانية صعبة لانه ثيابهم كلها تطريز ماشاءالله ممممممم شو بعد....طبعا اهم شي يميز عمان الحلوى العمانية وهذي بتحصليها وايد في الامارات في محال الحلوى العمانية بالذات في الشارقة بفكر لج افكار غير وبعطيج...بس انتي وينج مختفيه عشان نشوف اذا قدرنا نساعدج |
||
|
|
|
03-01-2006, 04:29 PM
|
#6 | ||
|
Galb_Elthahab
أنا مب مختفيه بس أتريا حد يساعدني و البارحه كنت في القريه العالميه من الساعه 5:00 لين 11:30 و ماقدرت أدش النت الفليل لأني كنت تعبانه و ورايه مدرسه فانخمدت أول ما وصلت البيت إن شاء الله ما بخلي شي ما بصوره و هذي هي الأفكار: ** البروشورات ** الملابس ** الأكل ** الخريطة الكبيرة ** الصور و المعلومات و الأبحاث ** العلم الكبير ** سفارة سلطنة عمان في الإمارات ** اكسسوارات بنات قولولي إذا أزيد أفكار رئيسية و لا لا و عطوني أفكار فرعية لكل فكرة رئيسيه نحن مثلاً فكرنا في: ** الأكل العماني: قهوة عمانيه + جاهي (شاي) عماني + حلويات عمانيه جاهز + نوع من السويت ماعرف شو اسمه بس ربيعتي بتشتريه (نبغي زياده) ** الاكسسوارات: دلة و فناييل عمانيه + مدخن و دخون عماني + حنا عماني + خناجر + مخدات و يلسه صغيره + اكسسوارات للبس + اكسسوارات لتزيين الطاوله مثل المفارش ** اللبس العماني: ربيعتي عنود بتلبس لبس الريال العماني + ربيعتي شيما لبس العيوز ويا البرقع العماني + ربيعتي حنان بتلبس لبس البدو + و أنا بلبس لبس بنات الحضر (أنا ربيعة ماما عمانيه بتخيطلي عند خياطه لبس عماني أصلي مالكم + شيما بتلبس سروال مال العيايز و جلابيه تناسب و عباة راس + عنود بتلبس كندوره الرياييل البيضه و غترتهم البيج و نبغي هالخناجر اللي يحطونها على خصرهم) ** سفارة سلطنة عمان في بوظبي: ربيعتي ساره (من مجموعة بلاد اليمن) تسير تقريباً كل ويكند ويا أهلها عند أهلها اللي في بوظبي و قلنالها اتييبلنا أشياء من مناك إذا بيعطونا ** البروشورات: طبعنا ورقه مكتوب عليها سلطنة عمان و علم عمان و معلومات بسيطه عن عمان و خريطة عمان و لفيناها بريبون ** الخريطه و العلم الكبار: ربيعتي عنود بتسويهن على سبونج ضعيف بس حجم كبير و كل واحد بروحه ** الصور و المعلومات و الأبحاث: بنطبع أشياء عشان نعلقها في البورد مشكووره على الأفكار الحلوه و إن شاء الله نستفيد يلا ساعدينا تراني تعبت و أنا يالسه أكتب تسلمين على مرورج الحلو و الغاوي |
||
|
|
|
03-01-2006, 04:34 PM
|
#7 | ||
|
dalo3at uae
مشكوووووووره واااااااااايد ما قصرتي يا الغاليه كنت متأكده إن هل البلاد ما بيقصرون استفدت واااااااااايد من المواقع بس آخر موقع ما يشتغل بس دعوه صغيره تبين حق كل هالتعب اللي تعبتيه بس يلا بدعيلج اللي تبغينه إنت بس اشترطي كم من دعوه تبغينهن عشان أطبعهن و أحطهن في حجرتيه كل ما باي برقد ... بدعيلج شو رايج؟ مب أحسن؟؟! تسلمين على المرور الحلو و الغاوي |
||
|
|
|
03-01-2006, 04:35 PM
|
#8 | ||
|
استوى تغيير في الموضوع
استوت الحفله في يوم الثلاثاء 14/3/2006 |
||
|
|
|
03-02-2006, 09:55 AM
|
#9 | ||
|
أحلى مهيرية ما شاءالله شغلكم وافكاركم نظيفة وحلوة ومخططة واحس هالشي وايد كفاية لانه كل ما كثرت الاشيا صارت زحمة مالها داعي ....انتو اهم شي ابدأوا من الحين عشان لو شي نقصكم تقدروا تعوضوه
بلنبة للاكل العماني ممكن تزيدوا العرسية لانه شي مناطق وايد في عمان وجبتهم الاساسية يوم العيد هي العرسية عكسنا احنا اللي هي الهريس (تعرفيها العرسية؟ ) وبعد ممكن تييبوا النارييل (جوز الهند) ...مادري اذا سرتي صلالة بس هي تتميزبجوز الهند والناس يشربوا ماي يوزة الهند مباشرة منها بس بشرط تكون بعدها خضرا ويسموها المشلي (اذا ما لقيتوها عادي اشتري يوز الهند العادي البني وبتلقيه في كل مكان)....احس بس ما يحتاي اكثر لنه باقي الاكل ثقيل كله لحم وانا اشوف انه ممكن تخصصوا جزء خاص لصلالة ومناظرها باعتبارها الحين وجهة الخليجيين في السياحة خصوصا انه عمان الحين تركز على السياحة كمصدر اساسي للدخل وان شاءالله اذا في شي يديد خطر في بالي اكيد بقولج الله يوفقكم
|
||
|
|
|
03-02-2006, 11:47 AM
|
#10 | ||
|
Galb_Elthahab
مشكوووووووووووره واااااااااااايد كنا صدق محتاجين أفكار حق الأكل عشان هيه قالت نوعين ما يكفون أبداً، مع إنا بنسوي بكميات عوده بس هيه تقول سوو أنواع واايده بكميات معتدله، كنا نبغي أصلاً أفكار حق الأكل زياده بس كل ما نسأل حد بس يقولون "الحلوى العمانيه" نسألهم "ماشي غير؟" يقولون "لا، هي تشتهر بس بالحلى العمانيه و الأكل الباقي مشترك بين الخليج كله" فخاب ظنا فيوم قلتيلي "العرسيه" يت فبالي فكره، ليش ما نقول حق باقي المجموعات إنهم ما يسووون العرسيه لأنا نحن نبغي نسويها، عشان أكيد المجموعه الإماراتيه بتسوي كل شي نعرفه و في وحدة قالتلي سوو لقيمات، تقول مشهوور عدنا و سؤال عن النارييل، إذا يبنا ناريل، بس نخليه يشربونه و لا بعد نقدر نقطعه عشان الناس ياكلونه و لا بس نخبقه عشان الناس يشربونه؟؟؟؟؟ |
||
|
|
|
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
أقسام الموقع
العرض العادي
