|
|
|
|
|
|
||
| إعلانات منتديات ألم الإمارات |
|
|
|||||||
| مجلس الحوار و المقالات مناقشة القضايا الإنسانية والفكرية و الأحداث الراهنة ، يمنع نشر المشاركات المنقولة . |
 |
|
|
LinkBack | أدوات الموضوع | تقييم الموضوع | طرق العرض |
|
#1
03-15-2006, 01:04 AM
|
||
|
||
أبغي أفهم معنى البويات و أسباب تحولهن.
السلام عليكم ورحمة الله وبركاته
* البويات أو الجنس الرابع* موضوع ليس بالجديد ولاغريب فقد أصبحت ظاهره .. أوفايرس منتشر في هذه الأيام .. وكل يوم نرى حالات من هذه النوعية. سؤالين موجهين للشباب و للبنات.؟ الشاب .. هل من الممكن انك تقبل تتزوج بشابه كانت من قبل بويه .؟ البنت.. هل من الممكن انك تسابرين أو تحبين بويه.؟ ما هي الأسباب اللي جعلت هذه النوعيه من البنات تلجأ أو أنها تاخذ صفه أو حركات ليست لها بالاساس؟؟ قال الله سبحانه وتعالي [[ وخلقناكم ذكر وانثى]] صدق الله العظيم يعني البوية بحد ذاتها تسمى شذوذ .. و لا ماذا بالضبط .. ولاهو انه البنت تحااول تخترق لها قواانين بنفسها.. حتى تاخذ حريتها ..؟ من المعروووف أن في مجتمعنا قوانين وقواعد تمنع البنت من كثير من حقوقها ..... يعني هل الكبت عليها يجعلها تتشبه بالرجال من حيث اللبس والمشيه والتفكير....... الخ ما هو السبب الرئيسي لهذه الحالة يا ترى وما تأثير هذه الحالة على المجتمع و على الأسرة و على الفتاة بحد ذاتها. هل السبب من : ( قلة الدين _ الأسره _ المدرسه _ الأصدقاء )؟ اللي فاهم يناقشنــــــــــــي وجزاكم الله خيرا 
|
|
03-15-2006, 11:58 AM
|
#2 | |||
|
ايحبون أن يتم نعتهم ........ بقوم لوط !!
الكل مسؤول عن تفشي هذه الظاهره .... وهي في تزايد !! لماذا الصحوةُ وغفلتهم ترضي رغباتهم .... تعساً لهم !! |
|||
|
03-15-2006, 08:16 PM
|
#3 | |||
|
السلام عليكم ورحمه الله وبركاته
البنت.. هل من الممكن انك تسابرين أو تحبين بويه.؟ هييه يمكن اسايرها بس ماحبهاااا يعني السلام وبس واذا سوالف ماطول معاها وحاول ابتعد عنها لانه بصراحه احس صدق جنهم اولاد وانا ماداني جييه وحده اتم تطالعني شرات الاولاد والله الواحد يستحي منهم ما هي الأسباب اللي جعلت هذه النوعيه من البنات تلجأ أو أنها تاخذ صفه أو حركات ليست لها بالاساس؟؟ استهبااال وغبااااااء .. والصراحه ماشي شغله تبا تغير حياتها اونه والله الحين البنات يبين عليهن كل الرقه بس اونهم بيويات والحين بعد موضه البويات عشان اهلها مايعرفون انها بوي هييه شعرها طويل تقوم تقصه من فوق وتخليه قصير وباجي شعرها تحطه فالقميص عسبه محد يجوف شعرها استهبااااال بالقووووووو وبعد واااااااااايد حركات غبيه والسموووحه دمت بود |
|||
|
03-17-2006, 06:53 PM
|
#4 | |||||
|
اقتباس:
هلا باختي صحوة الضمير أشكرج على مرورج الكريم بس ياليت اتوضحين أكثر أنا ما فهمت اللي تبين اتقولينه بصراحة
|
|||||
|
03-17-2006, 06:56 PM
|
#5 | |||||
|
اقتباس:
هلا باختي ألم غاوي أشكرج على مرورج الطيب أنا بعد أحس جيه ياليت إذا ما كان فيها ثقلة اتخبرينا عن قصة عن البويات أو أنج اتيبيلنا أسباب عقلية مب مظهرية و أشكرج مرة ثانيةع المناقشة
|
|||||
|
03-19-2006, 10:32 AM
|
#6 | |||
|
أنا الصراحة ما احب هالأشكال واحتقرهم أولا لأنهم يعرفون أن هالشي حرام وثانيا لأنهم ينكرون خلقتهم وهذا ..
وأنا الصراحة يوم اشوف وحدة جي أول شي لازم اقط نغزة عليها عشان تحس على دمها وعقب ابتعد ... |
|||
|
03-19-2006, 02:21 PM
|
#7 | ||||
|
معنى البويات ان البنت تسوي عمرها شراة الولد في لبسه وتصرفاته وحركاته تقريبا هي ولد ............ يعني مسترجلة
ودينا الحنيف حرم تشبه النساء بالرجال والرجال بالنساء..... واعتقد ان بعض البنات تحولن لبويه ................انه السبب الاول في العائلة لانه الام ما خلفت غير اولاد وبنية وحدة يعني عايشة وسط بيئة شباب خذت من عاداتهم وقامت تقلدهم في كل شيء ...................والسبب الثاني يعتقد مثل هالبنات البويات ان الانوثة اي البنت ضعيفة ورقيقة وما تعرف كيف تتصرف بالمواقف الصعبة وانها موب قوية شراة الاولاد ................... والسمووووووحه اذا طولنا عليكم........
|
||||
|
03-19-2006, 03:11 PM
|
#8 | ||||
|
أول شي تسلمين إختيه لمح البصر عالموضوع الغاوي وإللي بصدق يستاهل إن نحن نتحاور فيه
إنتي تسألين عن أسباب تحوّل البنات إلى بويات الأسباب وايده والنتايج أكثر مما تتوقعون وأنا إنسانه عشت ويّا بويات وعاشرتهن بالعكس ما شفت منهن إلا كل خير والحمدلله يعني بنت عن بنت تفرق وهذا الموضوع منتشر عندنا فالمدرسه سواءً من المحاضرات أو المدرسات إللي ما يقصرن بهالسالفه يومياً تقريباً وإللي لاحظته إن البنات قصن شعورهن عالكورس الثاني غير البنات إللي مقصوصه شعورهن من قبل وأكثر البنات إللي قاصات شعورهن كانن من أول ثنوي يعني أول سنه لهم فالمدرسه وهذا يعني إنهن خذوا هالفكره من بنات المدرسه نفسهن وأنا أعرف بنت كان شعرها ما شاالله عليها شعرها طويل وحلو بعد وثاني يوم يت وقاصه شعرها ومنو هاي بنت الوكيله عندنا فالمدرسه فسألناها كيف إمج رضت إنج تقصين شعرج مع إن إمج نفسها معارضه هالفكره جان تقول ومنو قال لكم إن أمي راضيه وقلنا لها عيل كيف خليتي إمج تقص شعرج وكانت السالفه إنها حطت لبانه عاليدار وحطت راسها عاليدار أونه بالغلط ويلست تصيح عند إمها وخلتها غصب تقص لها شعرها وللأسف شعرها الحينه شرات شعر إخويه وأول سبب لهذي الظاهره الوالد فالبيت يعني الوالد يحب الأولاد أكثر عن البنات فالبيت والبنت تسوي هذا الشي عسب تتقرب من إبوها أكثر وثاني الأسباب المدرسه أو الطالبات فالمدرسه وكلنا نعرف بنات المداري وسوالف الحب والغرام والعشق والهيام فالمدرسه بين الطالبات والبنت وخصوصاً فهذي المرحله تنجذب أكثر للشاب يعني البنت طبعاً مستحيل إنها ترمس واحد لأن أهلها بيشلون إرقبتها لو عرفوا وهي تبي تعوّض هالشي فتلجأ للحب فالمدرسه والبويه ما تقصّر تعطيها شرات الحنان إللي تباه من الشاب تقريباً والبويه تسوّي هالشي عسب تبرز نفسها فالمدرسه ويكثرن البنات المعجبات فيها وثالث سبب إنها موضه منتشره هالأيام وهذا الشي غلط ما أقول لكم لا لكن في وايد بنات كانن بويات وبعدين بالعكس ينجلب حالهن 360 درجهيعني تنسى إنها كانت بويه والأبله مره وهي تسألنا عن هذي الظاهره ونحن نتناقش في الصف فذكرت لنا مثال تقول كنت سايره أتسوّق وأنا أتسوّق لقيت حرمه ووراها عيالها وبعدين عرفتني وسلّمت علي وسألتها شو هذا جان تقول لي عيالي فردت عليها الأبله إنتي مب بويه ردت البنت وهي تضحك وقالت لا هاي سوالف قبل ههههههههههههههههه يعني مب شرط إن البنت إتم طول عمرها على نفس الحال والله يهدي اليميع إنشالله ولي رجعه إنشالله بس بعد ما أشوف آراء اليميع فهالموضوع والسمووووووحه لأني طوّلت عليكم
|
||||
|
03-19-2006, 03:46 PM
|
#9 | |||||
|
اقتباس:
بس في اعتقادج شو السبب اللي خلاهن جيه؟؟؟
|
|||||
|
03-19-2006, 03:49 PM
|
#10 | |||||
|
اقتباس:
يا بو الشباب البويات يعني المستــــرجلات ننتظر تعليقك
|
|||||
|
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 2 (0 عضو و 2 ضيف) | |
| أدوات الموضوع | |
| طرق العرض | تقييم هذا الموضوع |
|
|
العرض العادي
