|
|
|
|
|
|
||
| إعلانات منتديات ألم الإمارات |
|
|
|||||||
 |
|
|
LinkBack | أدوات الموضوع |
التقييم: 
|
طرق العرض |
05-16-2006, 06:40 AM
|
#101 | |||
  
|
ودّ بنت ناصر
من جديد 2 ولكم حياج الله  ثانكس يا الغلا على اجابتج على الاسئلة الاولى وما عندي اي تعليق غير اني حبيت اشكرج وعسى ربي يوفقج يا كل الغلا آمين بس لين الحين ما خلصت اسئلتي وعندي جم سؤال لج !! الاسئلــة !! (( اسئلة فكرية وعامة )) من اكثر الشعراء الذي يتميز بشعر رائع وكلمات تلامس الواقع هو الشاعر الكويتي سعادة الشيخ / دعيج الخليفة الصباح ا) فهل تقرأين له .. واذا كان نعم ما هي اجمل قصيدة تركت أثراً في نفسكـ أم اذا كان لا ... فالمعذره من هذا السؤال ؟ ما اقرى له .. الحياة مدرسة مزيج من الوقفات والتجارب .. رغم اختلاف البشر في الناحية البيولوجيه والفسيولوجيه الا أننا لا نختلف كثيرا ... 1) فاليأس والامل هل لهما طريق مسدود في حيــاة أنين الصمـت الانسانة ؟؟ اوف .. انا مزيج بين شيئين .. لكن في كتاب الله اليأس من صفات القانطين من الله .. وانا ما اسمح ان يكون اليأس من صفاتي لكن اقدر اقولج مرات تصيبني خيبات امل احباط .. من هالامور .. لاني مثل ماقلت مزاجيه .. واذا شي ضايقني تلقيني لفتره يوم كامل متضايقه .. لكن كلمه طيبه كفيله انها تطيرني السماء ولا ترجعني ..  والحمدلله الامل موجود بقلبي .. وبحياتي .. وعندي أمل ان كل افكاري وطموحاتي بيجي يوم وبتتحقق لكن متى عاد انطروا علي .. 2) هناك دموع الفرح ودموع الحزن ولحياتنا الكثير من الالم والحنين فهل اختلطت دموعكـ يوماُ بدموع الفرح والحزن معاً ... وبموقف واحد تصير .. صارت لي بموقف .. كنت بروح مكان معين .. وهالمكان فيه ناس مابي اواجههم لكن ارتاح لهم .. فا صار شي وماقدرنا نروح .. دموعي كانت حزن لاني ماراح اشوفهم وفرح لاني الحمدلله مابي اشوفهم ... واذا تبين تعرفين اكثر اقري خاطرتي .. هل افرح للقياك ام احزن ؟  (( اسئلة خاصة بالموقع )) كونـك مراقبه لمجلس القصص ومراقبة في موقع ألم الإمارات ومنذ شهور تم اغلاق مجلس الخواطر لاسباب ادارية .. ثم عاد من جديد الى مكانه وسط المجالس المتواجده في مرفقات الموقـــع ... فلــو !!! كان مجلس القصص مكان مجلس الخواطر وتم اغلاق المجلس نهائياً .. بقرار اداري بحت 1) فماذا سيكون ردة فعل المراقبه أنين الصمــت ؟ وما هو الاسلوب الذي سوف تقنعين به مدير الموقع !! وكيف ستواجهين هذا الخبر !! ههههههههه اتوقع ليش لا .. تدرين شنو مشكله الم ؟ يسوي قرارات بنظرنا جنونيه .. لكن لو عرفنا السبب تطلع اعقل من العقل ذاته .. اللي يخرب عليه ما يفسر لنا ليش .. احيانا مو غالبا .. لكن مجلس القصص ..!! ماعتقد بيغلقه لانه اكبر مجلس بالمنتدى .. وان انحطيت بالامر الواقع .. راح اقنعه بكل وسائلي .. وان ماقدرت .. فا هذا منتداه واللي يشوفه هو يتم .. لان اخت الم مره سوت فيني مقلب وقالت لي الم يقولج ضبي عفسج ويلا مع السلامه .. قعدت اضحك قالت بعد وتضحكين اقولج يقولج يلا مع السلامه مانبي نشوفج مره ثانيه .. جان اقولها لو صج فهذا منتداه وماعلي الا الطاعه .. بالاخير انقلب عليها المقلب وانقهرت مني هههههه  2) لكل مجلس مشاكلة سواء كانت مع التعامل مع العضو او مع الموضوع او مع عقليه العضو نفسه .. وكـونكم مجموعة كبيره من المراقبين والمراقبات الافاضل في مجلس القصص تتشاركون في جميع الامور الخاصة بالمجلس فأنتم كيد واحدة لا يخرج موضوع الا بمعرفتكم عنه جميعا.... فلماذا !! 1/ لم يتم الى الآن عرض المجلة الخاصة بالمجلس ..!!! تم عرض المجله الخاصه بنا .. وتم تعميمها قبل شهر .. 2/ ولماذا لا نجد مشاركات المراقبات والمراقبين ومشاركتكـ كذلك في موضوع النادي الإدبي فهو بكل تأكيد سينمي لدينا نحن الاعضاء فكر وعقلية المراقبات والمراقبين في مجلس القصص عامة ....؟ هالموضوع تكفلت فيه الاخت الفاضله الجير الابيض .. انا تبيني اتكلم عن قصص عالميه استريحي بس هههههه اقولج ماعندي وقت اقرى اللهم قصص اجاثا .. لكن ادخل واقرى مرات الردود واستفيد حتى اني سيفت اسم قصه ومؤلفها بتلفوني اذا رحت اقرب مكتبه بشتريها .. وهي مرتفعات ويذرنع هذا اسمها اذا ماكنت غلطانه .. لكن بقيه المراقبين ليش مايشاركون .. ماعندي علم .. اللي يجد نفسه مؤهل للمشاركه بيشارك ولا راح يبخل .. لكن مثلي انا اضل مبتعده لهالاسباب ..  3/ خاص جداً !! هل فكرتـِ في قصـة تعرض باقلام جميع المراقبين والمراقبات مجلس القصص ..!! كخطوة جديدة منكــن !! أم هذه الفكره لم تفكرون بها .. هههههه كانت فكره اماراتي .. لكنه كعادته اقتراح واندثر .. ماعرف وقتها كان في شيطان براسي مريت على الموضوع مره وحده واذكر قلت لهم انا خلوني بعيده عن كل شي .. بس ماعرف ليش هالشي ماتم ؟ مرينا بمرحله وضع اقتراحات .. لكن الحمدلله هالفتره قمنا نطبقها ..  فهناك مجله المجلس وهناك مواضيع التكريم وهناك مواضيع الاستفسار ولكن كقصة تجمع افكاركم وثقافتكم واسلوبكم معاً .. ألن نجدها يوماً ما في مجلس القصص خاصة كما اشرت سابقاً بأن هذا المجلس يضم اعداد هائلة من المراقبين والمراقبات الافاضل ومنهم يرحل ويغيب .. مجرد فكره فقط !! ابيج تلاحظين معاي مو كل المراقبين كتاب ... وهالشي يأثر على موافقتهم .. 4/ اعلانات المنتدى التي ترسل بواسطة المراقب العام الفاضل على الرسائل الخاصة للاعضاء .. سواء كانت بتذكير او بمناقشة هامة او باعلان خاص لصاحب الموقع او بعزاء او بمسابقة او مقابلة او قضايا اسرة او رسالة نهضة ....الخ ولكننــا لم تصل إلى الإن رسالة خاصة من مراقب عام من مراقبين مجلس القصص .. لمواضيع المميزة او قصة الاسبوع لم يصل الا موضوع تكريم فقط .... فلماذا !!! انا اقولج لماذا ... لان مجلس القصص من اكبر مجالس المنتدى صح والالا ؟ فا اهو بحد ذاته وسيله لـ التعميم .. لدرجه اننا نحذف مواضيع كلها اخبار ... والسبب تلقينه انهم يختصرون على روحهم ويخلون اكبر شريحه بالمنتدى تقراه ... ومشاريعنا محد يهتم فيها الا رواد القصص وهم دائما متواجدين داخل المجلس .. فا ما فكرنا بالتعميم .. بس الاشياء اللي نتعب عليها فعلا .. نعمم .. مثلا المجله عممنا عليها ..  5/ تتميزين أنتي بالخواطر باحساس رائـع وبالقصص بخيال واسع وبالحياة بواقعية فلماذا لا نجد لكـ تصميم في عالم التصميم خاصة ان من اهم بنود التصميم الاحساس والواقعية بالخيال فهل لنـا بروية قريبة لتصميم لكـ ... خاصة انني اعرف بأنكـ تصممين فمتـى سيرى قراءكـ تصميمـ يحكـي عما بداخلكـ أتمنى قريب .......!! انا اصمم ..!!  يااااااليت والله .. قلت لج اطقطق ... لالا اسحبها .. حتى اطقطق الناس يبدعون فيها .. انا ميح .. بس اعرف افج خلفيه واكتب عليها ومرات اضيف عليها اشياء .. يعني مو بمستوى التصاميم ... اتمنى اني اتعلم التصميم .. لاني اتمنى اكون رسامه ومره خذيت مقرر رسم بالثانويه وجبت فيه 93 .. ولوحتي تعلقت قبال غرفه الناظره ههههههههههه عشان جذي اقولج ابي احد يعلمني اسس الرسم .. وكذلك التصميم .. وبتلقيني انطلق مثل البرق .. وكالعاده ارجع واقول .. انا انسانه ام الهبّات .. كل فتره اهب بشي بعدين اتركه .. لكن لو اعرف اصمم جان انقذت مجلسنا بخصوص هالمشكله .. كل مانبي شي قطينا وجهنا على احد .. والناس مو ملزومين فينـا ..! فا اعتبرها من المشاريع القادمه ... ومثل ماقلت لج الشي ان كان فيه موهبه تراه يوصل كالبرق .. وانا انسانه ماعندي موهبه معينه فا تشوفيني بكل مكان اخذ منه شوي ..  يعطيني العافيه خلصت اسئلتي والله يعينج عليها أنتي من اعماق قلبي اشكرج واتمنى تكون اسئلتي في محلها والمعذره على رجوعي لكنني حتما سأعود كثيراً هنــا <<< لاني وايد حبيتج وايد وايد وايد ومن مقابلتج عرفتج اكثر مع اني اعرفج زين لكن مقابلتج روعة فالله يوفقج فديتج جني سامعه اذا احد قال انه يحبك فالله .. نرد عليه ونقول احبك الله فيما احببتني فيه ..  مقدما ربي يعطيج العافيه على الاجابة
|
|||
|
05-16-2006, 06:57 AM
|
#102 | ||||
|
اقتباس:
وعليكم السلام والرحمه .. والله ضحكت .. مادري ليش ماخذين عني فكره ؟ لكن ابدا مافي شي بالواقع مرسوم على وجهي ينفر الناس مني او علامه عالتكبر والغرور ... الا بالعكس تمااااااااما .. امي كلا تنقهر مني تقول انتي انسانه غريبه ... فيج اشياء الناس تتمناها ومع ذلك مافيج ثقه بعمرج ؟ كلا احس اني عاديه .. وفي ناس احسن مني .. لكن الكثير استجن مني .. لدرجه خالتي قعدت معاي تقولي انتي ليش جذي؟ تملكين اشياء والله تخلي الواحد راسه فوق .. لكن اقولها خالتي اوكي انا ادري لكن مو بكيفي الثقه من عند الله .. وانا ماقدر ارفع خشمي واثق ثقه عمياء ... عشان جذي اي كلمه تحبطني .. تعور قلبي .. فا يمكن كلمه وحده تخليني اخسر مشروع اتحلم فيه طول عمري !! عادي .. عشان جذي انا لي تضايقت ما افكر اتخذ قرار لاني مليون بالميه راح اتندم عليه ... ابدا ابدا بالواقع مافي شي من ذلك وانا والغرور خصمان .. اما بالنسبه للنت .. على قولة اماراتي .. انين ترى الناس ماتسمع صوتج عشان تعرف انتي تمزحين والا من صجج .. ولا تشوفج عشان تقول لا تراها تتغشمر .. انتي تتعاملين مع شاشه .. الكلام بحد ذاته يمكن يوصل العكس والناس تفسره الف تفسير .. وهالشي مسبب لج جمود تقدرين تستخدمين الوجوه التعبيريه لانها الوحيده اللي تعبر عن حالتج .. فا من قالي بديت افج شوي .. واحط وجوه تعبيريه واتغشمر واختار احسن الكلام .. لان معاه حق محد بيعرف شنو قصدي من اللي اكتبه او الكثير بيفسره الف تفسير فا ليش احط عمري بهالمواقف ... مثلا اذا اغلقت قصه .. الكل بيحقد علي خاصه وانهم يتابعونها .. متناسين ان بيدي قانون يطبق المجلس .. لكن لو اغلقت القصه وبينت لهم اسفي على هالشي وحطيت وجوده تعبيريه حزينه راح يتفهمون اني صج معاهم ماودي تنغلق القصه .. وهكذا .. فا هذا اهم اسباب اللي فاهميني غلط ... بس سؤال .. ليش انتي بعد تغيرت نظرتج ؟ يمكن بحاول اعرف اجابه اخرى على اللي اعرفه ؟ بخصوص المعكرونه ... ماحبها .. خاصه اللي مرقها زايد ... يمكن اتقبل اكل اللي محموسه مع لحم مفروم .. واحب اللازانيا .. " اللازانيا من فئه المعكرونه ؟والا فصلت عليكم بعد ؟  وحياج الله .. اسعدني مرورج يالغاليه .. وعسانا دوم نلتقي بالودّ
|
||||
|
05-16-2006, 07:31 AM
|
#103 | |||
|
سهر الليالي 84
أنين الصمت .. أولا أشكر ماضي الامارات على استضافتج وأنا متأكده أنج بتحرمين تحلين ضيفة بعد اليوم من ورى أسئلة اماراتي .. ماشاءالله عليك اماراتي سجلت الرقم القياسي في عدد الأسئلة الموجهه لمراقب .. ماقصر الاخ الكريم .. لا وكان يبي يضيف سبعين سؤال بعد تخيلي !!  أنين .. قرأت كل كلمة قلتيها في استضافتك . وحسيت أنج توأم روحي .. لأن ببساطة كل كلمة كتبتيها دخلت قلبي براحة .. حتى في أبسط الأشياء حسيت أننا متشابهتان كثيرا (أنا ما أحب المعكرونه وأختي دايم تصرخ فيني وتقول في حد في هالعالم مايحب المعكرونه غيرج؟؟ أخيرا بقوولها أنين ماتحبها ههه ) .. شكثر اسعدني هالكلام ... شعور حلو تحسين في احد بالعالم نفس تفكيرج واسلوبج بالحياه .. لاني بصراحه دايما اقول محد فاهمني .. شوفي اي احد بالعالم مايحب المعكرونه .. انا ادري على طول انه اكيد بيتشابه معاي بأشياء .. مشكله حتى اختي الكبيره تعشق المعكرونه انا لا .. فا عشان جذي يسموني خالف تعرف .. أنين .. (أدري أنج بتكفخيني على تسيبي الدائم وغيابي .حشى مدرسة ههه )) . زين يعني تدرين بغلطتج  لا خلاص ماراح اعاتبج كفايه تأنيب الضمير .. اسأليني عنه يعور القلب  لكن سؤالي الأول هو 1*مالخطط القادمة لتطوير مجلس القصص ؟؟ انتي لو تشوفين ملف الاقتراحات .. بتطقين على راسج .. كل فكره جنونيه نفكر فيها نحطها .. ونفكر فيها وندرسها بالاخير نطخ .. فا انا ادرى بمراقبين المجلس واولهم اماراتي .. يقط علينا اقتراح هالكبره ويسبب ضجه بالمراقبين عندنا وبالاخير ماتشوفين الا غبرته ... هههههه فا كل الاقتراحات حافظتهم بملف عندي لكن نبدا باقتراح اقتراح عشان نرتب نفسنا ونكرس جهودنا ..  2* هل ستمضين في قصصك للعالمية ؟؟ أم ستبقى بين جدران المنتدى ؟؟ هل لديك حلم في أن يكون لك ذات يوم كتاب يحمل اسمك ؟؟ أم ستبقى موهبتك مدرجة تحت الهواية ووقت الفراغ ؟؟ .. شوفي قبل لا ابدي بأفلاطونيه الزمن المر .. قلت لامي .. انا افكر جديا اني اسوي لها حقوق نشر .. ووافقتني وشجعتني بعد .. لكن لازم اشتغل عليها صح من البدايه مثل ماقالت لي حلم ... فا ماعرف لي نهايه القصه بفكر بالأمر .. شوفي اهي هوايه .. فا مابي اقص عليج واقولج انا اديبه ومتخصصه بهالمجال .. لكن من خلال قراءاتي .. وخصوصا قصص اللي بالنت انا الى الان قاريه شوفي جم قصه !! فا تكونت لي فكره صحيحه عن القصه الجيده .. وشفت اني املك اسلوب سهل الوصول .. فا ليش ما اكرسهه لتوصيل اهدافي ..؟ وحل هالقضايا العالقه بالمجتمع ... يعني الى الان مافكرت بالعالميه بشكل جدي .. واعتبر نفسي مثل ماقال اماراتي هواه .. لاني صدقيني قنوعه ..  3* أفلاطونية الزمن المر .. هل ستحمل هذه القصة بين كلماتها فلسفة عميقة ؟؟ .. أم ستحمل معاناة حقيقيه ؟؟ ستحمل معاناة عميقه 4* ما آخر كتاب قرأته ألهم أحاسيسك وأيقظ حبك للكتابه وجعلك تتجهين إلى ورقة وقلم لتدوني أحاديث قلبك وأفكارك ؟؟ .. مثل ماقلت لج قليل ما امسك كتب بين ايدي .. اللهم كتب الجامعه فا ماذكر شنو اخر كتاب !!5* سخر مني أخي .. وقال لي أنه لايمكنني كتابة رواية إذا لم أدرس الأدب .. أخبرته أن أحد أهم الكتب التي تباع خليجيا كتبته طبيبة أسنان لايد لها في الأدب .. (رواية رجاء الصانع ..بنات الرياض ..) . مارأيك في منطق أخي ؟؟ مارأيك في رواية رجاء الصانع ؟؟ ماذا ستضيف في رايك للروائيات الخليجيات ؟ شوفي غير نجاح الصانع قولي اشتهرت بالواقع لكن بالنت تمر حنا .. الدكتورة قمرة اشتهرت بالنت كله وهي دكتورة اطفال ...! وشوفي رواياتها .. كلمه روعه شوي شوي عليها وتاخذ بين الجزء والاخر فوق ست شهور على اقل تخمين .. رجاء دشيت موقعها قريت لها قصه قصيره .. بخط يدها .. لكن بنات الرياض ماقرأتها رغم انها فبيتنا القصه موجوده عند اختي .. لكن ماعرف شي كثر عليه الكلام ماحب اقراه لاني قريت اول جزء بالنت وماحبيت القصه ..!!  6* هل هناك من تشعرين أنه لاينتمي لمنتدى ألم الإمارات ؟؟ .. ومارأيك في فكرة أن أغلب رواد القصص من المراهقات اللواتي يبحثن عن الحب في القصص لملء فراغ غياب الأهل وغياب المسؤوليه ؟؟ .. لا ينتمي لمنتدى الم مافهمت شلون ؟  اما فكره رواد القصص المراهقين .. حطي فبالج ان حتى بالواقع بيكون رواد القصه مراهقين ..! هالشي مو زين في حاله ان في كتاب مراهقين !! يعني بيكون في اصطدام احنا يالمراقبين ماراح نقدر عليه ..!! يعني كاتبه تكتب قصه رومانسيه من العيار الثقيل !! واو تعالي شوفي قاعدتها الجماهيريه .. وخليني اصرح لج ولأول مره .. بعد خبرتي بالمجلس اكتشفت معلومه خطيره .. هي ان في خطه يتبعها بعض الكتاب ويمكن مو قاصدينها .. يبتدون بقصه رومانسيه من العيار الثقيل .. وبيكونون لهم اكبر قاعده جماهيريه ويضمنون معرفه الناس فيهم ... ومنها عاد ينطلقون بقصص ربما تطرح قضايا اخرى !! فا تقدرين تقولين اني جكيتهم ..  7* أنين الصمت .. ... احدى الخواطر التي اقتبست في أسئلة سابقة مست وجداني .. كانت حقيقة إلى درجة الألم .. ((أين تذهب وانت منفي من قلوب جميع أحبائك قبل اعدائك ؟؟ ماهوشعورك وانت تنظر لمرآتك التي يأست من منظر دموعكـ بكل خيبة أمل .. فما عاد الناس همُ الناس ..!! وماعدْتَ انت بقادرٍ على استقبال صدماتٍ أُخـرْ..!! )) أنين لديك القدرة في ايصال الحقيقة عبر كلمات ثمينه . هل سنرى خواطر أخرى لأنين ؟؟ أم ستختبيء في دفتر وردي معطر إلى أن يتناساها الزمن وتنتهي إلى ركن موحش ؟؟ . لا عمرها خواطري ما اختبأت بكتاب او دفتر .. لكن بعترف اني كنت شريه والخواطر اللي كتبتها ايام اولى ثانوي وثانيه كان مستواها مضحك .. فا بعد فتره كبيره وقبل جم شهر طحت على ملف فيه كل هالخواطر !! المشكله انا اجزم لج ان كل اللي فيها بس اختبار هل انا اعرف اكتب او لا ولا فيها مشاعر صادقه ولابطيخ .. المهم بعد ماطاح بيدي شهقت شهقه مابعدها شهقه و قلت زين طاح بيدي .. واخذه واشققه واقطه بالزباله .. لكن الحين معظم خواطري كاتبتها باحساس صادق وهالشي هو اللي يخليها توصل بسهوله لكم ..اقري الى من رحلت وقمه الالم ولهم هم وهم فقط .. وهل سأفرح للقياك ام احزن .. وغيرها الكثير اللي انكتبت بحروف صادقه ..  ومثل ماقلت لج كل شي اكتبه احس فيه انزله على طول للنشر .. شكرا أنين على تحملك لي .. ولأسئلتي .. لكن فرصة أن تكوني تحت المجهر .. نادرة (وبيحرمنا اماراتي منها مرة ثانية (طفشج ولاعاد بتعيدينها ) ... والله ماتتصورين شكثر فرحني وجودج .. وانج مازلتي على قيد الحياه  لان بصراحه اشتقنااااااااااااااااااالجp.s قصة ريجيم ما أقدر أرجع أكملها حاليا لأن عندي ظروف خارجة عن ارادتي وقررت أنزلها كامله فأنا مستمرة فيها .. واذا خلصتها ببعثلج رسالة خاصة وأبلغج .. شكرا .. ابشري يالغاليه بأي وقت راح تلقيني .. لاتحاتين والله يتمم ظروفج على خير ويكتب لج الصالح فيه .. -
|
|||
|
05-16-2006, 08:30 AM
|
#104 | |||
 
|
السلام عليكم ورحمة الله وبركاته ..
صباحكـ ورد .. بالصدفه بعض الناس اعطوني رابط الموضوع وقلت الا اسجل حضور .. ياليت كان فوقت غيــر كان هريتك بـ الأسئله ..<<<<<<<< ناويه على شر ^_* ع العموم موفقـــــه عمري
|
|||
|
05-16-2006, 08:49 AM
|
#105 | |||
|
سديم الذكريات
يااااااااااااااه والله مرورج وبالوقت هذا بالذاااااااات اعتزززززز فيه انا عارفه حجم الألم اللي تعيشينه ... وما الومج .. وهالمرور يعني لي الكثير والكثير ... انشرح صدري يوم شفت اسمج بالموضوع ... الله يوفقج وين ماكنتي ... ويعطيج على قد نيتج ... اخت عزيزه وغااااااااااليه ياسديم ...
|
|||
|
05-16-2006, 09:51 AM
|
#106 | |||
|
صبــآح السعـآدة والفـرح ..
مـآضي الإمـارات .. يعطيــج العـآفية يـ الغـلا على جهـودج الواضحـة فـ المجلـس .. : : أنيــن .. لاحظـت إن الكـل نـاطر هـ الفرصـة ، عشان يستفـرد فيج ، وأنـا من ضمنهـم  أنيـن .. الله يديـم عليـج هـ الـروح الحلـوة اللي خلتـج قريبـة من جميـع الأعضـآء بـلا استثنـآء .. / / بـ صرآحـة ، اكتشفـت إن مـاعنـدي ذاك الأسئلة المهمـة ، بس قلـت خليني أبتـدي يومـي من هـ المقـابلـة اللي تفيض بـ الطيبـة والصـدق .. وعشـآن خـآطـرج ، بسألج سؤال واحد صغيرونـي  ـ النـاس من حولـج ( فـ الواقع ) ، يعرفـون إن أنين الصمـت اللي تكتـب فـ المنتـدى ، هي ذاتهـا فلانـة اللي تعيش بينهم ..؟ بـ معنـى ثانـي ، تحبيـن إن أهلـج وصديقـاتـج يعرفـون اسمج بـ عـآلـم النـت ، ولا تفضليـن إن هـ الإسـم يكون متنفـس لـج ، وعآلـم خـآص محد يدري عنـه ..؟ : : وووووو بـس ، هـذا سؤآلي ، وإن شآء الله ماثقلـت عليـج غلاتـي ( :
|
|||
|
05-16-2006, 01:30 PM
|
#107 | |||
|
رواســـــــــــي
يشرفني يالغاليه وجودج بهالصفحات اللي تعنيلي الكثير .. والاحلى اطرائج الحلوو .. اتمنى فعلا اني اكون قد حزت على ربع هالـمحبه ... بخصوص سؤالج .. ـ النـاس من حولـج ( فـ الواقع ) ، يعرفـون إن أنين الصمـت اللي تكتـب فـ المنتـدى ، هي ذاتهـا فلانـة اللي تعيش بينهم ..؟ بـ معنـى ثانـي ، تحبيـن إن أهلـج وصديقـاتـج يعرفـون اسمج بـ عـآلـم النـت ، ولا تفضليـن إن هـ الإسـم يكون متنفـس لـج ، وعآلـم خـآص محد يدري عنـه ..؟ لا طبعا مو كلهم .. اختي الصغيره تعرف .. بنت خالتي .. بنت خالي يعرفون .. لانهم يقرون قصصي .. والحين الكل لاهي ولا احد صوب النت .. اللي ماقامت تشبك واللي لاهيه بدراستها .. فا محد يعرف لاني ابيه متنفسي الخاص .. وحريصا جدا ان محد غير هالمقربين يعرف ... حتى رفيجتي تذكر ان اسمي انين الصمت ومسجله بألم لكن هي والنت عداوة .. ماتعرف الا اللهم تفج موقع الجامعه وتسجل و مسنجر .. وشويه مواقع .. يعني مو ومثلي شي اساسي .. وهالشي انا ابيه .. لان في ناس تسببت لهم مشاكل لان الناس يعرفونه هو صاحب النك الفلاني .. وكثير صارت واسمعها .. فا ليش اعرض نفسي بهالمواقف؟  وحيااااااج .. مرور راااااااائع مثل صاحبته .. 
|
|||
|
05-17-2006, 12:14 AM
|
#108 | |||
 
|
السلام عليكم ورحمة الله
إختي الكريمة aNeeNalsmT اشحالج ؟ ماشاء الله الأسئلة كثيرة وعدد الصفحات كثيرة .. اعذريني لم استطع قراءة جميع الأسئلة التي وجهت إليك .. وأود أن أسئلك بعض الأسئلة .. اذا سمحتي وإن تكررت أسئلتي .. سوي طاف .. لكن خبريني وين احصل الاجابة ===== * أراك شخصية واثقة من نفسها .. فكيف ترين أنت نفسك؟ وهل هذه الثقة العالية بالنفس دليل على الغرور أم أن هناك فرق ؟ وكيف تردين على من يفسر ثقتك بنفسك .. على أنها غرور؟ * لا أرى لك دور في مجلس الحوار .. وعندما ظهر اسمك اليوم في المجلس فرحت .. واعتقدت بأنك شاركت في المجلس .. ولكن كانت المشاركة اذن بنقل الموضوع للحوار!! فما هي أسباب عزوفك عن بقية المجالس .. وخاصة الحوار؟ * إن طلبت منك أن ترشحي لي قصة .. تعتبرينها الأجمل من بين ما طرح في ألم الإمارات .. فأي القصص ترشحين ؟ وارجو أن تضعي الرابط .. لأعرف ذوقك في القصص * بين الواقع والخيال .. هل تعتقدين بأن القصص التي تطرح في مجالس القصص تحاكي واقعنا بشكل صريح أم أن المبالغة موجودة؟ * ما هو الدور الحقيقي أو الهدف الذي ترينه من طرح أو من كتابة القصص؟ * ما هي مقومات نجاج القصة في نظرك؟ * قصص aNeeNalsmT تحاكي مشاعرها أو واقعها أكثر؟ هذه بعض الأسئلة .. اعذريني إن كانت مكررة ارجو أن لا تكون كلها وسأعود لقراءة ردك ان شاء الله والسلام
|
|||
|
05-17-2006, 04:46 PM
|
#109 | ||
|
السلام عليكم
هلا والله اب بنت ديرتي اشكرج على قصصج الرائعه وانا الحين متابعه قصتج افلاطونية الزمن المر .......... نبدا بالاسئله ما شاء الله الاعضاء ماخلو سؤال  بس عندي جم سؤال : 1-شنو احلى منطقه عندج بالكويت ؟؟  2-انتي مع 5 دوائر ولا ضد ؟؟ << دشينا بالسياسه  3- شنو احلى مكان تحبين اتروحينله ؟؟ ومشكوورة واتمنى اني ما ضايقتج |
||
|
05-17-2006, 05:25 PM
|
#110 | ||
|
حبر وورق السلام عليكم ورحمة الله وعليكم السلام ورحمة الله وبركاته ياهلا والله اختي الكريمه إختي الكريمة aNeeNalsmT اشحالج ؟ بخير ولله الحمد بأفضل حال .. ماشاء الله الأسئلة كثيرة وعدد الصفحات كثيرة .. اعذريني لم استطع قراءة جميع الأسئلة التي وجهت إليك .. وأود أن أسئلك بعض الأسئلة .. اذا سمحتي وأنا بالخدمه يالغاليه .. اسألي اللي تبين ..  وإن تكررت أسئلتي .. سوي طاف .. لكن خبريني وين احصل الاجابة ===== * أراك شخصية واثقة من نفسها .. فكيف ترين أنت نفسك؟ ما أرى نفسي واثقه من عمري .. بالعكس اتمنى أوصل لمرحله الثقه بالنفس .. اتمنى .. لانني بالفعل مو مقدره الاشياء اللي انا املكها ... وهذا اكبر دليل ان كلمه احباط كفيله انها تزعجني يوم كامل .. وكلمة طيبه كفيله انها تسعدني ايام !! |
أقسام الموقع
