[مقابله] ::+:: aNeeNalsmT ::+::

aNeeNalsmT
صباح النور والبلور,

سبحان لله هذا المجلس ماأطبه نهائيا ماأدري ليه !!!لكن لماشفت الرسالة الخاصه عن مقابلتك قلت لحالي "لاجل عين تكرم مدينه"!

يا حيالله أنييييين
ماعندي أسئلة بس حبيت أرز وجهي هنا وأسلم
تعجبني بساطتك وعفويتك والتلقائيه للي هي سمه لـ ردودك اتمني تكوني زي ماأنت دائماً ..أنين للي نعرفها

علي فكرة عجبني جداً عنوان قصتك الجديده " أفلاطونية الزمن المر" أحسه يحمل أبعاد كثيره وفلسفه بطعم الحقيقة ...لسه ماقريتها ح انتظر لحد ماتوصلي الاجزاء الاخيرة علشان ابدأ فيها حاكم انا من النوع للي يحب القراءات الطويلة.


عرفتك أخت عزيزه في هذا المنتدى وأتمني لك كل التوفيق دنيا وأخره ان شاءلله.

السلام عليكم
أخبارك .....؟؟؟؟

ها ااااااا <<< جاهزه للحل

السؤال الأول:
تعرين تطبخين ؟؟؟

السؤال الثاني:
شنو اكثر مطعم تحبين تروحين له في أرض الكويت؟ومع منو (الصديقات أو الأهل؟

السؤال الثالث :
فكرتي تدرسي بالخارج ؟ السبب؟

السؤال الرابع:
في احينا نحصل صدمات في هذه الحياه .... وتكون صدمات قويه ..
شنو أكبر صدمه حصلتيها ؟

السؤال الخامس:
لما حصلت على هذي الصدمه .... تمنيتي الأرض تنفتح وتبلعك!!!!!!

السؤال السادس:
الكويتيه ...... ( مراقبه) ماذا تعني لك ؟؟؟؟

السؤال السابع:
ماذا تعني لك أرض ودار بو متعب ....(السعوديه )؟؟

السؤال الثامن:
مره قلتي انا خذيت فكره ان مجتمع السعودي كل شيء عادي ..(فري)
وهذا الشيء حكمتي عليه من خلال قصه .....
ياترى للحين على كلمتك هذي .......؟؟؟
وهل صح نحكم على اكثر من 16 مليون نسمه في أرض طاهره من خلال قصه خياليه ؟؟؟؟؟

السؤال التاسع:
مارأيك في قصه أفلاطونيه الزمن المر !!!

السؤال العاشر:
في حد يساعدك على كتابة القصص.؟؟؟؟؟ يعني ممكن تاخذي افكار من اختك .... من أمك .... من أبوك ؟؟؟؟ ولالالا هذا الشيء يكون لحالك....

السؤال الحادي عشر:
هل انجرحتي من شخصيه في ذا المنتدى .... او في عالم حياتك؟؟؟؟

السؤال الثاني عشر :
ما رأيك في مواضيع عاشقها ( أبو خالد) .....؟؟؟؟؟ وهل تتابعين دوما مواضيعه ؟؟

السؤال الثالث عشر:
Emaraaaaty؛ الوعـــ نورـــد ؛ القــ الحزين ــلب ؛ سامرية الليل ؛ الجير الأبيض؛ بنوتة بوظبي؛ همس الكلام ؛ وردة بلادي ؛ اسطورة قلب ؛ هتان .
من هو أقرب شخصية لك ؟
من هو الشخص الا ودك تعطيه اسمك (aNeeNalsmt) وتاخذي اسمه ... ولا حقوق الطبع محفوظه !!!!

السؤال الرابع عشر:
جربت الكسر بلا تجبير؟؟

السؤال الخامس عشر:
(رحتي مكه للحج)>> وصرتي حجيه .....ولا بس عمره ؟؟؟
رحت مكه يوم كان عمرك سنتين؟؟؟

السؤال السادس عشر :
لما يغفل منتدى الم المارات .... وش تسوي .... ؟؟؟؟؟

السؤال السابع عشر:
رحتي دول أوربا ...؟؟؟

السؤال الثامن عشر :
شنو احسن دوله زرتيها من ولادتك الا الحين ؟؟

السؤال التاسع عشر:
ماذا تعني لك منتزه الشعب الا في الكويت ؟؟

السؤال العشرين :
تحبي طلعات العوائل .....مثلا الرحل ....... ولا تفضلي تكوني مع امك وابوك واخوانك فقط؟؟

السؤال الواحد وعشرين :
تقدري تحللي شخصيتي من خلال اسألتي ولالا صعب ؟؟؟ عليك !!!!

السؤال الثاني والعشرين :
اذا عصبتي كم تحتاجي من الوقت لتهدي ؟؟؟؟؟


تبين بعد اسئله ولالالا خلاص .........
الله يعطيك العافيه ...... وقويك ....
فمــــــــــــــــــــــــــان الكريــــــــــــــــــــــــــــــــــم

fawzia


aNeeNalsmT
صباح النور والبلور,

يااحلى صباح .. الصراحه مادري شفيني قايمه اليوم بانتعاش .. لاني حلمت حلم حلو .. وطافتني المحاضره الاولى لان الحلم ماخلص !! ههههههههه يوم خلص عاد قمت اهم شي اصبح بهالوجيه السمحه .. ياهلا والله ومرحبا

سبحان لله هذا المجلس ماأطبه نهائيا ماأدري ليه !!!لكن لماشفت الرسالة الخاصه عن مقابلتك قلت لحالي "لاجل عين تكرم مدينه"!


بصراحه من قريت اسمج بالمقابله .. قلت فوزيه مره وحده .. لا جذي واجد علي .. شرف مابعده شرف .. واستانست .. دريت ان الحلم جاب مفعول .. وجودج اعتز فيه .. لاني ادري هالمقابله ماهي الا انعكاس سنتين بالمنتدى .. وكنت حابه اشوف كل اللي دخلوا قلبي وتعاملت معاهم ... ومن حظي اني شفت ردج وحضورج اللي اعتبره فوق الرائع .. انتي انسانه حضورها يطغي عليها لها هيبه بكل مكان ... احترمج فوق ماتتصورين .. لان عقليتج وشخصيتج فرضت علينا هالاحترام .. اتمنى دوم تبقين فوزيه اللي الكل يعرفها ..

يا حيالله أنييييين
ماعندي أسئلة بس حبيت أرز وجهي هنا وأسلم
تعجبني بساطتك وعفويتك والتلقائيه للي هي سمه لـ ردودك اتمني تكوني زي ماأنت دائماً ..أنين للي نعرفها


اسعدتيني والله ... لكن يافوزيه هالعفويه جرت علي مشاكل .. بس الحمدلله الفتره الاخيره قدرت اوازن بينهم .. وافا عليج لا توصين حريص انا انين مثل ما انا .. اذا بيتغير شي فبيكون للاحسن ... واطرائج هذا وسام اعتز فيه ..

علي فكرة عجبني جداً عنوان قصتك الجديده " أفلاطونية الزمن المر" أحسه يحمل أبعاد كثيره وفلسفه بطعم الحقيقة ...لسه ماقريتها ح انتظر لحد ماتوصلي الاجزاء الاخيرة علشان ابدأ فيها حاكم انا من النوع للي يحب القراءات الطويلة.

واو .. فوزيه شناويه علي ... ترى والله الدريشه جنبي .. اطب يعني هههههههههه تسلميييييين والله .. اي فعلا هالقصه ناويه عليها نيه .. وفبالي لها اشياء ... هي مختلفه عن كل القصص الحاليه ... وان شاء الله فعلا العنوان يجذبج .. لكن مسأله الاجزاء الاخيره .. ههههه تونا بادين .. هالايام بنزل الجزء الرابع ... المهم اني سمعت هالكلام اللي يفتح النفس ... على فكره انا كلمة طيبه تطيرني بالسماء ..

عرفتك أخت عزيزه في هذا المنتدى وأتمني لك كل التوفيق دنيا وأخره ان شاءلله.


والله انج غاليه يافوزية ودخلتج هذي لها اثر فنفسي .. ياعساني دوم عند حسن ظنج .. وانا كذلك عرفتك اخت عزيزه .. الله يدوم الودّ والمعزه ان شاء الله ...

السلام عليكم ورحمه الله وبركاته
اولا اشكرج اختي ماضي الامارات على هالفرصه الحلوه وصج عن طريق المقابله هذي نقدر نتعرف على انين عن قرب ونعرف شخصيتها عدل

اختي انين الصمت
حبيت اشكرج على جهودج اللي تبذلينها وردودج اللي تحاولين فيها انج تهدين الوضع او تحدين من اللي بيصير

الصراحه انا ما عندي اساله لج واعتقد اني مابسال بس بتابع من ورى الكواليس >>اقلد <<

اصلا تكفي اسئله احلى مرجوجه ماشالله عليها والله يعطيها العافيه
والظاهر انج لازم تستعدين عدل حق الجاي من زينه الحبوبهو من اخوي لساع بوظبي ....
الظاهر خوش صيد ماصدقوا تنصادين
مم في شي ابي اقوله لج ...كنت اقرا ردودج خاصه في قصص حمران وفي البدايه كنت احس بج وايد عصبيه وايد وايد بعد يعني احس انج مثلي في العصبيه وتنفعلين بسرعه ...
وصارت مواقف كنت استانس من ردودج لانج كنت توقفين الكل عند حده ولو ان البعض مايطيع بس بعد ...المهم انه نظرتي تغيرت يمكن من ثالث رد اقراه لج


مشكوره اختي انين وانا دوم استنجد بج في القصص حتى لو ماكتبت اسمج بس بيني وبين نفسي اقول انشالله الحين ترد

تحياتي العطره لك
والله يوفقج ويسدد خطاج ويستجيب دعواج
لا تنسينا في الدعاء ماعليج امر

البدره
اتمنى انج ماتزعلين لصراحتي ...

السلااااااااااااااام عليكم


بحر وصلت

اليوم عاد بدون أدب ولا لغة ولا صدعةالراس
اليوم بحر بالكويتي < على طبيعتهااا >

امم وناسة مقابلة مع بنت ديرتي < على الأقل أقدر أسأل بأشياء غير >

أول شي ما كنت ماخذه عنج فكرة أوكي .. بس حمدي ربج انها تعدلت < جان تحسفتي عدل .. ما أدري منو حضرتي عاد >
المهم خلينا من هالسواالف ..

نبدي بالأسئلة

1. أكثر مطعم تحبين تروحينه الصبح ؟ حق رويق !
2. ترتيبج بين اخوانج ؟
3. يوم الخميس بليل وين تكون أنين ! < ضربت براسي ليش عاد ما أدري انتي جاوبي بس >
4 . إذا انقطع النت سبوع شتسوين ! < من حيااتج كلها >
5. خيروج يا انج تدرسين بره .. يا انج تدرسين بره .. شتسوين !
6. قلتي انج عصبية .. < اهو في أحد كويتي مو مجبرت ! > ما حاولتي بيوم انج تسيطرين عليها .. لأنها نقطة ضعف .. أو تتحدينها !
7. تخيلي معاي بيوم من الأيام اللطيفة طلعتي مع العايلة الكريمة و رحتوا البحر < مافي غيره > انزين و ركبتوا ذااك اللنج و الإخت مع الهوا البارد راحت بنومة .. فتحت عينها مافي أحد منهم .. < فلم رعب > شتسوين و انتي بوسط البحر !
8. كسرتي خاطري لمن قلتي انج ما تسوقين .. < معاناة > ما علينا المهم أول مكان تبين تروحينه بسيارتج !!
9. يظهر ان الصمت معاج لاعب لعبته .. لمن تتضايقين و ماكو نت ولا أكو اختج .. شنو تسوين علشان تخفين !
10 . قلتي تخصصج علم اجتمااع .. ما توقعت أبداا .. حابته ؟
11. شرااايج بكل من :
شاطئ المريناا
خيران
فيلجا
الخيول
العبدلي
مجلس الأمة < طبت بالسياسة >
جامعة الكويت
سواق الكويت < أي كائن حي يسوق بشوارعناا >

12 . تحبين الهياته و الطلعات و ليش ؟
13 . لمن تحسين انه محد فاهمج شتسوين !
14 . كلمات لمن تهدينهاا < غير العايلة الكريمة >
ما أتخيل يوم بدونك/ج
اضحك تضحك لك الدنيا
أحبك/ج
بسك زعل

اقلب ويهك/ج ( ما تتعامل البنت )

15 . شنو مساندج !
16 . وين الصداقة في حياتج ! لها موقع ولا بعدج ما لقيتيها ؟
17 . شتقولين لشخص .. ترك بصمة بحياتج و مشى !
18. أكثر ويه من الإبتسامات تحبينه ؟
19 . تحبين التفلسف ! < مو الشحااطه لا الفلسفة >
20 . متى تبجي أنين ! هل دموعهاا على طرف العين ولاا ؟
21. شنو انطباعج عن بحر ..؟ < أنا مو البحرر >

22. أكثر كلمة تقولينها؟
23 . كلمة وحدة تصفين فيها التالي
الليل
الأم
الكويت
النت
ألم
الصداقة
الدراسة
التلفون
السيارة
الشياب
الأخ
الزواج
الطفولة
الغزو
البحر
24 . شفتي سياره ياية و يمج عيوزة و ياهل .. منو فيهم تقدرين تساعدينه .. مع العلم لج حق بشخص واحد بس !
25 . أكثر دولة تحبينها بعد الكويت ؟
26 . أنين رياضيه ؟؟ و إذا إي أي نادي تحبين ؟ < مو تقولين عربي ولا قادسية .. نوادي لعب >

هذا الي بمخي مع انه عشوائي
و أكيد إذا طرى في بالي شي بعد راح أنط
أتمنى انه أسئلتي كانت خفيفة .. و حتى لو مو خفيفة مشكلتج

همسة < إذا تبين تعرفين شي سئليني أناا موو >

بحر

السلام عليكم ورحمة الله وبركاته

أجمل وأرق كلمات الشكر للأخت الكريمة ( ماضي الإمارات) على هذي الاستضافة الجميلة.

أهلا ً وسهلا ً بك أختي أنين الصمت.

أشكرك في البداية على جهودك وأتمنى لك دوام التوفيق.

نأتي الآن للأسئلة...

1. كيف ترسمين شخصيات أبطالك؟
2. هل تقبلين منح مساحة من ما تكتبينه لبطل غير سوي ( مهرب مثلا ً)، وعدم إصدار حكم عليه وترك ذلك للقراء، أم تفضلين إعطاء رأيك المباشر للقراء عن الطريق الأبطال الآخرين.
3. هل تفضلين منح أكبر مساحة في قصصك للإناث أم للذكور<<< مصيدة.

هذا اللي عندي الآن ولي عودة إن يسر الله.

وشكرا ً.

شكرا يالغاليه ماضي الامارات على ها اللقاء

ونونه مشاء الله عليج ماتكسروا اصابعج

بالنسبه لي ماعندي اي سؤال لج


الا سؤال واحد بس


متى راح اتنزلين الجزء ؟؟؟؟؟؟؟؟؟؟


ههههههههههههههههههههههههههه


واماراتي خف على نون شوي لا تخليها تتعقد تراني اعرف اسئلتك

اترك الشر عنك ياكونت ................