سوالف يدتي

غزالــــه · 01-28-2003, 09:03 AM

بخبركم عن سوالف يدوه الله يعطيها العمر

يدتيه من الحريم لوليات (راعية جميرا) وسوالفها كلها مال لول

وعندها فلسفة عجيبه في تفسير الأمور

والحين بجلب وياكم موسوعة يدوه الفلسفيه:

1) الحريم و مرض السكر
تقول الوالده الحريم ما ياهن السكري و الضغط إلا من قل الحركه و اليلسه و الهيازه و البشاكير

2) أمراض الدم
أول العرب فيهم قمل يشرب الدم الخايس ومن إتنظفت العرب عفدت إبهم هالأعواق إلي ما ريناها في
عربنا لوليين(شفتو فايدة القمل).

3)الجن و المس
لول الدنيا فضا و الفرجان متباعده و كل فريج فيه كمن خيمه ينعدن عالصبوع, والجن سكون في الخلا
لكن من يانا الخير زادو الأوادم و زادت البيوت وعدو على بقع الجن, عاد الجن ما حصلو بقعه يسكنونها
قامو و سكنو في الأوادم

4)رغوة الحمام
دخلت ختيه الصغيره الله يعزكم الحمام و ترست البانيو ماي و رغوه, يوم دخلت يدوه الحمام و شافت الرغوه قالت يالله بالستر بلاه مايكم وارم

5)البر و الموتر
يوم سرت فيا يدوه العزبه غرز الموتر و الهندي ما عرف شو يسوي نزلت أطالع السالفه, جان أقول ليدوه إنزلي شوفي الموتر , لقيتها يالسه في السيت الجدامي و تدز التابلون بريولها قلتلها شو تسوين؟ قالت: أدز الموتر حق يظهر

6) الفتاين و الهزاب
تقول يدوه لا تفتنون على الأوادم و إتهزبونهم لأن رب العالمين قال: الفتنه أشد من القتل.

و هاي سوالف يدوه و فلسفتها
ملاحظه: عقب ما تقرون الموضوع إدعوا ليدتيه بطولت العمر فديت روحها

و السموحه

دهن العود · 01-28-2003, 01:32 PM

الله يطول بعمر يدتج ويداتنا كلنا

ومشكوره عالموضوع الرائع خيتو

GirLiSh · 01-28-2003, 04:17 PM

تسلميـــن اختي .. والله يطول بعمر يدتج

**سعوفه** · 01-28-2003, 04:55 PM

الله لا يحرمنا منهن..

العيايز..هن سفر الدااااااااار

موجه شوق · 01-28-2003, 05:59 PM

تسلمين الغاليه ..والله يطول في عمر يدتج
ولاااا خليت من يدتي وسوالفها ..

تقبلي تحياتي
اختج..موجه شوق

**طـــوفان** · 01-28-2003, 06:46 PM

تسلمين على هذي السوالف الجميله

وربي يعطول عمره ان شاء الله

غزالــــه · 01-29-2003, 03:38 AM

تسلمووووووووووووووووووووووون الغالين

حلوه سوالف يدتي صح؟؟؟؟؟؟؟؟؟
تووووووووووووووونس

والله يحفظكم

ام مايد · 01-31-2003, 12:00 AM

الله يطول عمرها وعمر عيايزنا ويخليهن لنا ذخر
تراهن صراية البيت
تراني وايد احب سوالف العيايز ياغزالة والشواب بعد
ياليتني ساكنة عدالكم شان ماظهرت عن يدوتج اسمع سوالفها الحلوة

+_ الــمـلان _+ · 02-01-2003, 12:14 AM

الله يطول بعمر يدج يا غزاله

ومشكور اختي غزاله علي سوالف يدتج ...

تحياتي

**امير الشوق** · 02-01-2003, 04:52 AM

الله يطووول بعمر جدتج ويعطيها الصحه والعاااافيه ومشكووووره على هذا الاهدااااء الثمين

أدوات الموضوع
عرض صفحة طباعة الموضوع أرسل هذا الموضوع إلى اصدقائك
طرق العرض	تقييم هذا الموضوع
العرض العادي العرض المتطور العرض الشجري	تقييم هذا الموضوع:

عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف)