|
|
|
|
|
|
||
| إعلانات منتديات ألم الإمارات |
|
|
|||||||
| مجلس الحوار و المقالات مناقشة القضايا الإنسانية والفكرية و الأحداث الراهنة ، يمنع نشر المشاركات المنقولة . |
 |
|
|
LinkBack | أدوات الموضوع |
التقييم: 
|
طرق العرض |
06-01-2006, 06:57 PM
|
#11 | ||||
|
السلام عليكم
يسلمو اخوي بو خليفة على الموضوع انه معاك اخوي بو خليفة تخذ البنت الي ترضى فيك بجميع ضرووفك ... على قولت امي الحينة لريال بتفك يتحصلون والعنوسة كل ما لها تزيد يعني يا بنت اذا حصلتي لج ريال بيعشج عيشة كريمة قولي الحمد الله ... البنات او الاهل الي يبون مهر بنتهم 100000 والي يزيد وكأنهم يقولون بنتنا بضاعة مو بنت والمهر شيء رمزي متعرف عليه لا غير واقولكم يا بنات أقتدو بفاطمة الزهراء عليها السلام سيدة النساء بنت الرسول الي من احسن البشر على الارض كان مهرها درع فقط ..... ولما قدمه لها والدها قالت ليت مهري هو شفاعة الله الى الناس ... وحبيت اقول شيء الى البنات الي يسون أعراس خيالية وكله على ضهر هالشباب يعني لو تاخذين هالفلوس وسافرين فيها انتي وريلج وتستانسون فيها مب احسن لكم من هالمضاهر .... واتمنى يوعون الاباء والامهات من هذي الناحية اكثر
|
||||
|
06-01-2006, 06:58 PM
|
#12 | ||||
|
 اخي الكريم لقد كثر هذا الشي في الاونه الاخيره ولكن ليس الكل يرغب بـ 100000درهم في ناس ترضى بــ 40 الف واقل بس اظن هذا يرجع للعادات والتقاليد عند البعض ويرجع لغلاء الدنيا في هذه الاونه والله ارى الذهب مثل النار والعروس لازم تلبس ذهب .. وايضا البنات لا يشترون ثوبا واحدا وانما العشرات لماذا هذا كله ..؟؟!!!! الله يهديهم بس الزواج من اجنبيات ارجع سببه لان الواحد ما يبا وحده سمرا عند البعض ولا واحد مايبا حرمته تتحجب ولا واحد عايش طول عمره يلعب وكل شي اخر شي ياخذ وحده مب حلووه..!! مشكوور اخويه على الموضوووع الجميل وبانتظار مواضيعك الجديده 
|
||||
|
06-01-2006, 07:07 PM
|
#13 | |||
|
باختصار اللي يمنع الزواج
هو البيزات |
|||
|
06-01-2006, 10:13 PM
|
#14 | ||||
|
السلام عليكم ورحمة الله
الأخ الكريم بو خليفة نرحب بانضمامك لمجلس الحــوار والمناقشات .. وشكرا لطرح الموضوع ======= كما ذكر الأخوة الأعضاء هناك أسباب عديدة وأهمها غلاء المهور وتكلفة الزواج.. والمظاهر نحن الآن في صدد الاستعداد لزفاف أخي قريبا بإنه تعالى .. عندما اتجه أخي لحجز القاعة .. صدمنا بأن القاعة ارتفع سعرها إلى أكثر من الضعف عن السنوات الماضية .. فالسنة الماضية تزوج أخي في نفس القاعة وإن تحدثنا عن قائمة الطعام المتوسطة كانت من 50 درهم إلى 70 درهم تقريبا في هذه السنة عندما ذهب أخي الثاني للحجز .. تبدأ الأسعار من للقائمة الأولى من 90 درهم إلى 120 درهم هذا خلال سنة واحدة فقط!! والله المستعان ماذا سيحدث في السنوات القادمة يجب على أولياء الأمور أن يتقوا الله في أبنائهم وبناتهم .. وأن يراعوا الشبان وخاصة من هم في بداية مشوارهم يبقى أن نقول بأن ليس جميع الأهالي من يطلب المهر العالي .. ويهتم بالمظاهر الزائفة .. وأقول لمن يرغب عن الزواج لهذه الأسباب ويتزوج من الأجنبات .. بأنه لو بحث جيدا عن الفتاة التي تقبل بالمعقول .. لوجدها .. فالبدائل متوفرة أيضا في البلد لكن معظم الشباب رسموا فكرة خاطئة عن الفتيات وعمموا الفكرة على الجميع والسلام عليكم
|
||||
|
06-01-2006, 11:50 PM
|
#15 | ||||
|
 في البدايــــــه اشكرك أخويه بوخليـــــــفه على هالموضوع .. استغرب من انـــــــكم تقولون المهر 100 الف درهـــــــم!!! أخويــــه اسمحلي لأنـــــي باخذ راحتيه وايد في الكلام(( أم السانين ماتنلاميــن))  في البدايـــــه قضية اختيار الزوجــــــه.!!! :: ابـــــصراحه الشباب لهم طلبات مالها لا بدايــه ولا نهاية الحمد لله خوانــــــي هب من هالنوع::  بس بغيــــت اتخبر يعني الحيــــنه انتوا تبون البنت المستوره والا اللي ماشاء الله ماخلــــــت ماركــــــة ماحطتها!!!!!!عيونـــــكم ماتيي إلا على بنات المراكز .. وبيني وبينـــــكم ماتنلامون ..ثرهن مصخنها..  قضيــــــة المهر هاي ابروحها سالــــــفه لو اني الحمد لله ماشفـــــت حد من هلنا تكلمـــــ عنها .. مثل ماحدد بوخلـــــــيفه ربي يغفر له وعسى الجنه داره(( ابونا زايد  ))..20 مقدم و30 مأخر .. من صوبـــــي اعتقد المهر كل ماقــــــل كل ما ارتاحت البنت ويا ريلها أكــــــثر .. بس أسمحلي انتوا الشباب ماتقدرون اللي تداريـــــكم.. وبعديــــــن في شي ثالث الكل يجهله .. أبــــــــاااااااا بنت جبايــل!! ياربي من هالكلمه ..  يعنــي كلنا بنات عرب وناااس .. لا هذي ماتناسبنــي وانا فلان بن افلان في الآخيـــــر آخذ هاااي!!وأيضـآ الكلام موجهه للبنات.. طلبتـــــاكم واايد ( البعض وليش الكل والا بنذبح هههههه))  يعني لا هذي اسمــر ماباه.. هب كاشــخ ولا يلفت انتباهي ..أبا فله وأبا وأبااااااا .. يعني نحن وين عايشيــن!!!  في شي طرحتـــــه الاختر حبر وورق.. بالنسبــة للعرس.. من صوبي شفت أخويه يوم عرس الشخص الواحد 120 للكرسي.. صحيح لو نحسبــها لعدد الناس اللي بيحضرون العرس وغير الكوشــه وغير السفره وغيره.. هالشــي الريال هو وحرمتــه اللي يحددون .. وما انصــــــح بتدخل الأهل بكل صراحه.. لأنه اهل البنت يبون يكون مميز ..وهل الريال مايبون عرس ولدهم أي شي..بســــ لو الزوج وزوجـــــته فكروا باللي بعد العرس!! هالشي هو الأهم.. الناس بس بتيي العرس وبترمس عنه ورضـــــا الناس غايــة لاتدرك..:: أخويه بوخليــــــفه الله يرزقك بنت الحلال اللي تباها ..وصدجنـــــي اخويه في اشيا انتوا تتوهمونــــا .. مثل واحد يتردد ليــن مايتقدم لبنت... أبصــــراحه انا حضرت دوره مسوينها في الجامعه عن مقومات الأســـــره السعيده ..وأحلا شي عيبني انه الشاب إذا نوى إنه يخطب ويعرس الله يعطيه حسنات وكل حســنه بعشر أمثالها.. سبحانـــ الله ..  ودايــــــما أردد وأقول للجميــع.. قال الرسول صلى الله عليه وسلم ::تنكح المرأه لأربع لمالها ولجمالها ولحسبها ولدينها فاظفر بذات الدين تربت يداك.. وقوله صلى الله عليه وسلم..إذا جاءكم من ترضون دينه وأمانته فزوجوه.. .. والسموووووووحه على الإطـــــاله واني خذت راحتي في الرد.. لو اني احس الكل بلاحظ اني معصبــه مع اني ريلاكــس.. والسموحه..
|
||||
|
06-02-2006, 12:03 AM
|
#16 | |||
|
السلام عليكم ورحمة الله وبركاته..
الكثير من الآباء في حياتنا يتطبون اشياء واجد بالنسبة للعريس إللي متقدم الى بنتهم..انزين ليش كل هذا؟!!..اهم شي يعيش بنتك أحلى عيشة ولا في منها وراحة بنتك أهم من الفلوس..والفلوس وصخ دنيا..مافييه فايدة ولا احد بيستفاد منه..بس الحين لا حياة لمن تنادي..هذا مجتمعنا صار جذي ومافي شي بغيره..الدنيا سايبة عندهم..بس المفروض الآباء يتفهمون الوضع يعني..مو كل شاب يملك كل اللي يبونه في صج شباب فقارة يملكون اشياء مايملكونها الأغنياء.. مثل الحب والإخلاص في حبه وحنانه لزوجته..وفي عندك أغنياء بس الحب منعدم عندهم..وماعندهم إحساس.. وزواج شبابنا من الأجانب صج شي غريب وعجيب..وجذي بخلي العنووسة تزيد وتزييد..!! والسمووحة ع الاطالة بس حرتي طلعتها اشوي خخخخخخخ |
|||
|
06-02-2006, 03:53 PM
|
#17 | |||||
|
اقتباس:
بالعكس الحين الشباب يحبون السمر اكثر من البيض ... وعن نفسي ما يهمني اللون .. لان الجمال جمال النفس _____________ حبر ورق : اقتباس:
بس ما ادري عن اي قاعه تتكلمين ... بس شو نسوي الله المستعان _____________________________ |
|||||
|
06-02-2006, 04:03 PM
|
#18 | ||||
|
اقتباس:
_______________ برد عليج على كل النقاط: رمز:
في البدايــــــه اشكرك أخويه بوخليـــــــفه على هالموضوع .. رمز PHP:
رمز:
عيونـــــكم ماتيي إلا على بنات المراكز .. وبيني وبينـــــكم ماتنلامون ..ثرهن مصخنها رمز PHP:
رمز:
20 مقدم و30 مأخر .. من صوبـــــي اعتقد المهر كل ماقــــــل كل ما ارتاحت البنت ويا ريلها أكــــــثر .. رمز PHP:
رمز:
بس أسمحلي انتوا الشباب ماتقدرون اللي تداريـــــكم.. رمز PHP:
رمز:
أبــــــــاااااااا بنت جبايــل!! ياربي من هالكلمه رمز PHP:
رمز:
وأيضـآ الكلام موجهه للبنات.. طلبتـــــاكم واايد ( البعض وليش الكل والا بنذبح هههههه)) يعني لا هذي اسمــر ماباه.. هب كاشــخ ولا يلفت انتباهي .. رمز PHP:
وتقبلي تحياتي |
||||
|
06-02-2006, 10:37 PM
|
#19 | ||||
|
مشكـــــور أخويه بوخليـــــفه على هالتعقيب..
لكـــن بغيـــت أقول شي خطــــر في بالــي بهاللحظه.. في مثل يقول .. لي يبـــــــا الصلاه ماتفـــوته.. وفي قاعــدة أمشي عليها .. أنــــظر للشي من زاويــــه ...تعرف اشقـــد انتــ ناسي!! السموحه بــــس اتمنى يوم تحكم على شي يعنــي انظر لــه من زاويه ..مثل ايلــس في الحجره شوف الزاولــه من فوق لين تحـــت صدجنــي في شي يلفـــت الانتباه!! وهاللي بيـــلفت انتباهك هو نقــطة ايجادك للشي اللي تبــاه.. والسموحه..
|
||||
|
06-03-2006, 02:03 PM
|
#20 | |||
|
شكرا لكم جميعا على تعليقكم على الموضوع ...
وان شاء الله الموضوع فاد أحد .. ووالله ما انطرح الموضوع الى للفائده ... وان شاء الله ما نكون اختلفنا في وجهات نظر .... واشكركم على متابعتكم لموضوع الي ان شاء الله يوصل لنتيجه والسلام عليكم |
|||
|
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
العرض العادي
