|
|
|
|
|
|
||
| إعلانات منتديات ألم الإمارات |
|
|
|||||||
 |
|
|
LinkBack | أدوات الموضوع | تقييم الموضوع | طرق العرض |
06-04-2006, 10:43 PM
|
#1 | ||
 
|
موضوع مهم للبنات .. وبدون زعل..18 سنة وما فوق لو سمحتوا
الموضوع اللي محيرني يخص البنات لكن ما يمنع ان الشباب و البنات يشاركون فيه...
__________________________________________________ __________ الحين ومثل ما انشوف حلة البنات اليديده اللي نازله الحينه واللي هم ظاهرة (( الشاذات او البويات او المستريلات )) يعني سؤال محيرني البنت كيف تترك دلعها وانوثتها وتخرب شكلها وتستوي جذا ؟؟ وشو اللي دفعها تكون جذا ؟؟ الاحصائيه اللي صايره الدوله تقول انه السنه في الجامعات والكليات نسبه 28% مستريلات !!! انا بالنسبه لي يوم اشوف البويات في الشوارع أشوف 20 بنت وياها !! سؤالي هم هل البنات يحبون هالسوالف او يحبون يتخالطون ويا الشاذات لهدف معين او شو السالفه ؟؟ و هل هو في خوف عليهم لنهم يتخالطون ويا البنات وكيف يتعالجون او يوعون على اللي يسوونه .. ياليت يكون النقاش جاد وكلام يدخل المخ والسمووحه.... __________________________________________________ ___________ انتظر ردودكم واجوبتكم وحواركم ونقاشكم الجاد منقول خــويتـــكم : بنــــوتــة UAE |
||
|
06-05-2006, 04:48 AM
|
#2 | ||
|
السلام عليكم ورحمه الله وبركاته
مشكور اختي بنوته على طرحك هذا الموضوع الي محزني كثير .. انا مثلك اشوف ها الشي انتشر بكثره في بلدانه العربيه والاسلاميه واكيد ها النوعيه من البنات مساكيين لانهم مايعرفون انهم على شفا حفره من النار الموضوع مو موضوع انه البنت لما تسوي كدا تفقد انوثتها ودلعها وبس الموضوع اكبر بكثير البنت هنا تفقد دينها تعصي الله وتتمرد على أمر رب العالميين اما الاسباب الي وراء هذا الشذود كثره منها واولها ضعف الوازع الديني ولو فيني اقول انعدام الصله بين العبد وربه البنت الي من النوع هذا للاسف ماعندها تواصل مع ربها لا بصلاه لا بخوف لا بحياء .. ثانيا التربيه وهي تلعب دور كبير بعد .. بس نشوف بنات كثير شاذات رغم انهم من عائلات محترمه بس يمكن وراء شذوذهم اسباب عدم وجود رقابه من الاهل "ولازم تكون الرقابه موجوده بدون ما نحسس الابناء بأننا نراقبهم" على قول المثل اذا كبر ولدك خاويه.. وطبعا صديقات السوء ..وما ادراك ما صديقات السوء ؟؟ والانفتاح والعولمه الي نحن فيها من الاسباب الي ساعدت على انتشار مثل هذي الامراض.. انتي سئلتي سؤال وقلتي.. هل البنات يحبون هالسوالف او يحبون يتخالطون ويا الشاذات لهدف معين او شو السالفه ؟؟ انا برأي يمكن يحبون بعض البنات يتخالطون مع الشاذات لعدم الثقه بالنفس .. ماتصدق على الله حد يقول لها كلمه حلوه وكمان مافي خوف من الاهل لانه بتقيم علاقه مع بنت مو مع شاب فإذا امها سمعتها تتكلم طول الليل او طلعت ترى عند ربيعتها بالكليه. وسؤالك الثاني هل هو في خوف عليهم لنهم يتخالطون ويا البنات وكيف يتعالجون او يوعون على اللي يسوونه .. طبعا في خوف على الطرفيين .. سواء من ناحيه دينيه او نفسه دنبيه انتم عارفيين ووضحتها في المقدمه نفسيه ممكن البنت تتمدى في الشذوذ فتخسر اشوي اشوي كل غرائزها كا فتاه فأذ تزوجت ما بترتاح في علاقتها الزوجيه مع شريك حياتها ..لانه تعودت على نمط ثاني "طبعا انا اتكلم على النوع المتطور من الشذوذ والعياذ بالله" .. انا ما قابلت كثير في حياتي بنات شواذ او بالاصح ما قد صار بيني وبينهم سابق معرفه.. عشان كدا فكري محدود عنهم.. فياليت الاخوان والاخوات يفيدونا في الموضوع عشان نحاول نستئصل هذه الفئه الضاله ان صح التعبير وما نستئصلهم كا اشخاص بل نجعلهم هم نفسهم يستئصلون هذا المرض الخطير منهم بقناعه . ودمتم.. فتاه غاضبه جدا |
||
|
06-05-2006, 04:58 AM
|
#3 | ||
|
لأسف هذي الظاهره منتشره بكثره في مجتمعتنا الأسلاميه ..وخصوصا في المدراس الأعداديه والثانويه ..ولكن لا نلوم المراهقات على فعلتهم بالعكس اللوم للمجتمع ...الذي واقف يشاهد هذا الحدث بدون اي تدخل سواء التعليق والستهتار بهذي الفئه ... هم في سن لا يسمح لهم بالتميز بما هو صحيح او خاطئ لذا علينا الوقوف بجانبهن ومساعدتهن لكي يتجاوزن هذي المشكله ...ربما تكون مشكله نفسيه او حب للتغليد... وعلى المدرسه ان تقووم بهذا الدور اولا ولا ننسى دور الأسره ايضا فهو دور فعال ... لنتكاتف يدا بيدا من اجل خلق جيل سوي ونحارب هذي الظاهره ...
شكرا على الموضووع... |
||
|
06-05-2006, 07:00 AM
|
#4 | ||
|
.....
طيب اختي دانه .. اعطينا بعض الحلول والاراء الي تظنين انها مناسبه .. عشان نحد من هذي الجريمه الي يرتكبونها المنحرفيين في حق انفسهم و والمجتمع لا يحرك ساكن ..؟؟ |
||
|
06-05-2006, 01:34 PM
|
#5 | |||
 
|
اسمحيـــــــلي اختي هالفئة أكـــــــثر شي من 16-24 لأنــــــــهــن فاقدات الثقــه في نفســهن
في البدايه اشكرج اختي على هالنقل .. وابصراحه نعجز اننا نصل لحل لهالنوع من البناااااااااات... من صوبـــــــيه احس البنت ماحد من خواتها عرس أو أنـــــــها تحس نفسها هب حلوه ..وتعاني من ضغط في البيت نتيــــــجه العادات والتقاليد وهيه من صوبــــــها تزعم انهااا( حــــــــــره )).. أيــــــضآ تقليدها للغرب وحبها للمغامره وأكتشاااااااااااف أنها هيه السلطه وهيه الآمر وتحصــل من هاللقب ..بوووويا أنــها تكون ملفـــــــته للنظر.. معاناتها من تجربــــــه خلتها تكرهه الشباب وانها تكون شاب( بوي) على اساس تحمــــــي اللي تحبها من شر الشباب^_^ ههه أسمحيلي بــــــس أتوقع هذيلــــــه ضعف الدين فيهن!! انعداااااام الحوار والرابط الأسري.. كره وضعف الثقه في الشخصيه.. تقليد الغرب وقلة الحياااااا.. أقل شي أقوله ... :: إذا لـــــــم تستحي فأصــــــنع ماتشاء!!:: والسموحه
|
|||
|
06-05-2006, 03:13 PM
|
#6 | ||
|
في بنات دفشات مب مستريلات و في بنات يسوون جيه بلاحاسيه مب قصدهم و في بنات قصدهم اونهم شخصيه و يحاولون يتشبهون بالاولاد علشان يلفتون انتباه البنات .......في الجامعه دخلت علينا وحده تروعنا قلنا شو دخل هذا الولد في جامعت بنات و تغشينا و حطينا شيلنا على روسنا اخر شي طلعت بنت....الصراحه هذا ما يعتبر مرض ماله علاج معين بس بتكبر و بتنسا السالفه ....مشكوره فديتج على هذا الموضوع
|
||
|
06-05-2006, 05:34 PM
|
#7 | ||
|
مشــــــــكوريــن
علـــى تــــواصلكــم و متــابعتــــكم ... ويعطيــــــكم العافيــــــة ... خويتـــكم : بنـــوتــة uae |
||
|
06-05-2006, 05:50 PM
|
#8 | ||
|
اولا اختي مشكوره على الطرح الاكثر من رائع
هذا الظاهره منتشره في السعوديه بشكل كبير وخصوصا في الجامعات انا برايي البنت تسوي كذا لجذب الانتباه اللي حولها وبعدين لما البنات يسوون معاها علاقات ماراح احد يردعهم بحكم انها بنت انا اعرف بنت مسترجله في البيت شي وبالجامعه شي ثاني مثلا في البيت بنوته وكل الانوثه فيها ولما تروح الجامعه تطلع للشخصيه الثانيه ومثل ماقالت اختي فتاه غاضبه جدا له تاثير بالبدايه على صلتها برب العالمين لان الرسول صلى الله عليه وسلم قال "لعن الله النساء المتشبهات بالرجال " والاثر النفسي اللي بتخلقه هذه الظاهره فقد الثقه بالنفس وفقد الانوثه اللي ربي عطانا اياها تميزنا عن الشباب |
||
|
06-05-2006, 07:02 PM
|
#9 | |||
|
اسمحولي دخلت الموضوع وانا تحت ال18 بس حبيت تعرفون الموضوع من منظار بنيه في مدارس الثانويه وكل يوم تمر عليها الموضوع وعايش جريب منه وتشوفه.......
***** اول شي ببدا لكم بقصه لي وهي اني كنت بستوي بويه مره وصلني خبر اني يمكن افقد شخص وااااايد غالي علي وانا حطيت ببالي خلاص انا فقدته..!!خلاص ما لحياتي قيمه بعد..!! قلت لازم ما ابقى على حالتي بطلع بترك كل شي وراي ببدا شي جديييييد مختلف عن الي كنت فيه عشان انسى موضوع الشخص وما اشوف الي يذكرني فيه..وصدق خلاص حطيت فبالي هالاسبوع بطلع بتشر ملابس شباب وبسير بقص شعري شرات الشباب وبجلب حياتي فوق تحت وكنت خلاااااااص هذي نيتي ....لين وحده من الربع وهي غاليه علي بعد تمت تنصحني وتوعيني عن الي انا فييه والي مقبله عليه..والحمد لله خلتني اشل هالفكره من راسي ورديت بنيه طبيعيه وفيني مواصفات الانوثه واحمد الله واشكره************ وشغله ثانيه البويه تلاحظون ان البنات يتجمعون عليها وكلهم يركضون وراها ليييييييش..؟؟!لان البنات في مجتمعنا ما يكلمون شباب((بعضهم))بحكم العادات والتقاليد فيتجهون للبويات والي هم مافيهم مواصفات الانوثه وخلاص يعتبورن شباب لاشباع غريزتهم ....والكل من البنات يتمنون يكون حبيبية البويه لان البويه بتكسر عظام الي بيقرب من حبيبتها..وطبعا مثل ما قلتوا الاهل ما يرفضون ان البنيه تحب بويه لانهم اصلا مايدرون شو قاعد يصير ************ بس خلااص خلوا البنات على كيفهم مصيرهم بيعتدلون مصيرهم بيكبورن بيشوفون الوعي بيعرفون الصح من الغلط لاعااد تقهرونهم وتلعوزونهم انتوا جذي تزيدون عنادهم وبنفس الوقت لا تسايرونها ..زخوا العصا من النص **********هذا راي و وصلكم وانت بكيفكم بس باقي شغله انتوا ما تكلمتوا عنها وهي مب بعيده عن هذا الموضوع والي هي الشبااب..!!! في نسبه من الشباب يقلدون البنات ولا اصلا تحولوا لبنات لدرجه انهم عرسوا على بعض لييييييش ما تتكلمون بهالموضوع بعد ...نحنى بنفس الوادي واتمنى من الشباب يفيدونا... واسمحولي على الاطاله Nasoom
|
|||
|
06-05-2006, 07:13 PM
|
#10 | ||
|
تسلمين إختيه على طرحج للموضوع..
أما عن وجهة نظري بهالموضوع.. فرح أرد عليج من حكم معرفتي لبنات بكل المذكور تحت .. ::: أسباب المشكلة :: اممم في البداية بحكم الظروف تتنوع الأسباب.. يعني ما فيه سبب واحد.. لكن أكيد على راس الأسباب.. ------------------ هو ضعف الوازع الديني في نفس البنت وسوء تربية أهلها .. بمعنى ثاني إنهم ما عززوا أي مفهوم ديني بذاتها .. يبين لها وين الصح ووين الغلط .. وتلاقيها ما نشأت في الأغلب إلا على عادات وتقاليد.. وما تتبعها عن رغبة.. لكن تتبعها بحكم إنها تسلم من لسان الناس.. و اصبري عليها وخليها تسافر بره الدولة لدولة أوروبية .. ربي لك ألف حمد وشكر أتحداج تعرفيها خليجية و إلا عربية مسلمة !!! ----------------- أما الشي الثاني إنه هالطبيعة تكون فاقدة حنان + اهتمام.. وهذا سببه قصور من ناحية الأسرة.. يعني ما وفروا لها الحنان والدفى اللي تحتاجه.. إما بسبب التفكك الأسري وعدم ترابط الأسرة .. ينشغلون والدينها عنها .. ما تحس بأهميتها وبتواجدها .. فتحاول تلفت النظر.. وقد يكون بسبب انفصالهم وطلاقهم.. وغياب رعايتهم التامة عنها.. وتوجه اهتمامها ومتابعتها لأمور ثانية.. ونتيجة لتفكيرها السطحي.. ومتابتعها للسيء من الأفلام.. وحب التقليد الأعمى .. المتولد من عدم وجود توجيه.. رح تحاول تطبق كل سيناريو تشوفه مع أي شخص.. وبحكم مجتمعها المغلق.. وصغر سنها .. فمحيطها الداخلي ما يسمح.. تتوجه للبنات في المدرسة أو الجامعة تبعًا لمرحلتها العمرية.. ورح تقولج مع البنات عاادي.. المهم إني ما زنيت بالحرام.. حشااج انتي طبعًا من هالمعاني على بعضها.. وعلى فكرة هو بن عم الزنا إن ما كان من أنواعه إن تمت من بينهن أي علاقة شاذه واسمه.. (( السحـ ـ ـ ـ ـ ـ ـاق)) وبحط لج معلومة مختصرة عنها اقتبستها من موقع للفائدة:: في الموسوعة الفقهية الكويتية:- اتَّفَقَ الْفُقَهَاءُ عَلَى أَنَّهُ لا حَدَّ فِي السِّحَاقِ ; لأَنَّهُ لَيْسَ زِنًى . وَإِنَّمَا يَجِبُ فِيهِ التَّعْزِيرُ ; لأَنَّهُ مَعْصِيَةٌ اهـ وقال ابن قدامة :- وَإِنْ تَدَالَكَتْ امْرَأَتَانِ , فَهُمَا زَانِيَتَانِ مَلْعُونَتَانِ ; لِمَا رُوِيَ عَنْ النَّبِيِّ صلى الله عليه وسلم أَنَّهُ قَالَ : ( إذَا أَتَتْ الْمَرْأَةُ الْمَرْأَةَ , فَهُمَا زَانِيَتَانِ ) . وَلا حَدَّ عَلَيْهِمَا لأَنَّهُ لا يَتَضَمَّنُ إيلاجًا ( يعني الجماع ) , فَأَشْبَهَ الْمُبَاشَرَةَ دُونَ الْفَرْجِ , وَعَلَيْهِمَا التَّعْزِيرُ اهـ . وقال في تحفة المحتاج :- وَلا حَدَّ بِإِتْيَانِ الْمَرْأَةِ الْمَرْأَةَ ، بَلْ تُعَزَّرَانِ اهـ . مراات البنات يمسكون على البنت من مظهرها الخارجي .. من دون ما يعرفون تفكيرها ودواخلها .. وهي مالها خص بهالسواالف والحركات.. ويطلعون عليها إشاعات وتحب لأجل إنها بويه.. وبعد ما يكتشفون إنها معترفة بأنوثتها يخلوها ... وهذا عانيت منه فترة بسبب قصة شعري .. وإني آخذ راحتي بلساني ف كلامي .. مع إني والله وحده تخااف من هالنوع من البنات.. وما أتجرأ حتى أحط عيني بعيونها .. وإن قربت منها بغرض إصلاح ومساعدة لا غير.. بس .. الحمد لله على كل حال .. امممممممممم.. في حالة استثنائية عايشتها بنفسي.. وبيني وبين البنت عشرة صداقة عمرها 3 سنوات تقريبَا.. لا تروحين بعيد وتفهميني غلط... باسم الله عليه ما أحب هالحركاات .. لكن اللي صار .. تعرفت على بنت كانت تُحَبْ لطبعها المسترجل.. لكن وربي من عشرتي معاها .. كانت شخصيتها من أروع من قابلت في حياتي.. وعمري ما أذتني بعاطفتي بشي من هالحركات .. أو حسستني بشي غلط من ناحية تصرفاتها .. ما أجذب عليج كانت بخفة ولد بحركتها.. ما تحب المياعة والدلع ودفشة بتعاملها.. لكن ما كان لها نزعة للشذوذ.. بالعكس قدرت وضعها وموقفها وعرفت سبب اللي هي فيه.. وعلى قولتهم إذا عرف السبب بطل العجب.. وعرفت إنها ربت بين أولاد بس ومالها خوات.. يعني كانت 2 بترتيب العايلة.. لها أخ أكبر منها بعام وهي كثير معاه .. ولها أخوين بعد أصغر منها.. واحد بعام أو عامين واللي تحته أصغر بشوي.. علمود هيجي تطبعت بأطباع أولاد لأنها من صغرها ربت وياهم .. تآخذ من عاداتهم..وأسلوب تعاملهم.. لكنها أنثى!! يعني عمري ما فكرت بيها بمثل الطريقة اللي فكروا بيها اللي حبوها .. ههههههههههههههههههههااااي.. ويت تووني أنتبه إنه ردي صاار بطوول مقاالة.. اسمحيلي اختيه على الإطالة.. لكن هذا اللي كان بنفسي.. وقلته ..  مع خالص محبتي البارونه سارونه |
||
أقسام الموقع
العرض العادي
