|
|
|
|
|
|
||
| إعلانات منتديات ألم الإمارات |
|
|
|||||||
 |
|
|
LinkBack | أدوات الموضوع | تقييم الموضوع | طرق العرض |
08-31-2006, 12:55 AM
|
#1 | |||
 
|
مشكلة ربيعتي ....عاجل..اتمنى تساعدوني...><!
السلام عليكم ..
بدخل في الموضوع على طول .. اليوم اتصلت فيني ربيعتي...وكانت شوي مرتبكه ..عرفت انه في شي..بس ما حبيت اسالها شسالفه ...اباها تقول من نفسها .. قالت لي .. انا مضاايجه وايد..وعندي مشكله عوده ..ومب عارفه احلها .. قلت لها : خيران شاءالله ..مشكله في البيت والا برى ؟ قالت لي ..لا برا البيت .. قلت لها .. انزين ..اذا تبين خبريني ..وان شاء الله اساعدج .. قالت لي هيه ..وجنها ما صدقت انه في احد يسمعها .. قالت انها تبي حد توثق فيه وتفضفض له .. قالت انها من يوم كانت تدور على وظيفة وحصلت شغل ..في محل..اظني دار ازياء .. واللي ما سكه واحد سوري.. خذ رقم التلفون بحجه انه يكلمها اذا فيه شغل .. اليوم الثاني ..يوم داومت ...قعد يسال عن اسمها ..عمرها... هي كانت منحرجه ...بس قال يمكن هالاسئلة لزوم الشغل .. عقب قعد يقولها انزين ..انا كم تتوقعين عمري ؟؟ هني عاد انصدمت . بس قالت له يمكن 23 ..24 ..وهو يقول لا .. مسخها ..قالت له..انزين يلا قول كم عمرك وخلاص..قال لها 26.. طبعا هي مجامله ..قالت العمر كله..رد عليها : وانتي كمان .. واثناء الشغل ...هي اذا بتسال تقول لو سمحت ..اخوي ..يا حجي .. هو قالها ..اناما حجيت..انا لسى معتمر.. شو يعني يباها تقوله ..يا عمري؟؟ قال لها خلاص بدون الرسميات ..ناديني باسمي حاف .انا اسمي خليل هذا اسمه .. طبعا هي ما نادته باسمه ..تمت تقول اخوي ..يعني....جي.. في نفس اليوم..اتصل على الموبايل ... قالت له خير ؟ طبعا وبكل وقاحه ..رد عليها ..انا احبج..وابا اطلع وياج في اي مكان .. وكان يقول لها ..قولي هالكلمه ..طلعي اللي في قلبج ..انا طلعت اللي في قلبي وريحتج .قلت احبج..انتي بعد قوليها ؟ قالت له ..لو سمحت شو هالكلام ..طبعا ارفض .. قال لها تعالي بس شوي ..بنشرب فنجان قهوة ..قالت لا ..اسفه .. قال لها طيب غداء ؟ ( اللحين ما وافقت على فنجان قهوة تقول غداء ؟؟) قالت لا .. قال لها اذا تستحين تقعدين معاي بمكان عام ..تعالي عندي الفندق..انا ساكن بغرفه كذا الطابق كذا .......... هي قالت لها في المكالمه ..شمعني انا حبيتني ..بنات وايد احلى واجمل مني ....اش معني انا ؟ قال لها انا كل شي فيج حبيته ...؟!!! وبعدين اصلا معقوله ..ما صار لها عنده 3 ساعات .ويقول لها احبج ؟؟ ربيعتي قالت له اسفه ..وقفلت.. الريال تم يرسل مسجات..ويدق عليها .. ومره دق..وقال لها لا تنامين بدري ..قالت ليش ..قالها بدق الساعه 4 ..ابا اكلمج ..؟؟!!!!!1 قالت له انت ما تفهم قلنا لك لا ..وبعدين انا ما اسهر .. المهم ما بطول عليكم .... السالفه صارلها يومين ..يعني من البارح... هي خبرت اختها ...بس اختها حرجت عليها ..وقالت لها بخبرامايه وابوي ..هذا ما يستحي .. بس هي خايفه انه الموضوع يوصل حق اخوانها ..لانه اخوانها اذا عرفوا بيذبحونها ..!! قلت لها ..كلمي الريال اول وهدديه ..قوليله اذا اتصلت باخذ رقمك وبوديه اقرب مركز شرطه ..او بكلم اخواني وابويه ... اذا ما فاد ..ما في حل...قولي حق ابوج... قالت لي اذا قالت حق ابوها ..امها بتزعل لانه المفروض تقول حق امها اول....وامها من فتره شايفه انها مب طبيعيه ..واذاقالت حق امها ..امها بتسوي مشكله .. فهي محتاره اللحين .. قلت لها اجمعيهم بمكان واحد وقوليلهم ..قالت صعب ما اقدر اواجههم ...!1 ما قدرت اساعدها ..قلتلها لا تخلين السالفه تتطول ..وقولوليهم بسرعه ...لانه اكيدفي يوم بيعرفون..وبيزعلون اكثرلانها خبت السالفه لمده طويله .... فانا ابغي منكم النصيحه ..وابغي منكم حل... هاي من اعز ربيعاتي ..وما اقدراشوفها زعلانه ومضايجه .. للعلم..ترى الريال يعرف اسمها ..ومعاه الرقم..وانا قلت لها تخبر اهلها ..لانه يمكن في يوم ..يتصل هو ويخبرهم ..ويجذب ويقول شي عنها ...وهو ما صار.... دخييييييييييلكم ..بسرعه ردوا عليه ..... انااكتب الموضوع وايديني ترجف ..لانه الموقف واايد صعب ..
|
|||
|
|
08-31-2006, 01:45 AM
|
#2 | |||
|
معقوله ؟؟ الكل يدخل ويقرى.ولا حد رد ..
حتى محد قال ... الله يعينج ...الله يسير عليج ؟؟.... يمكن انتوا مب حاسين باهميه الموضوع .. حتى انا .اول ماكانت ترمسني ..كنت اضحك عليها ..بس عقب حسيت انه الموضوع جد ..وحسيت بعد شكثر صعب عليها .. ع العموم ..ما زالت اطمع في ردودكم ..اللي اكيد بيكون لها اهميه عندي .وبتساعدني .... اختكم ..بنت زايد ..
|
|||
|
|
|
08-31-2006, 02:07 AM
|
#3 | |||
|
جك ..جك ..صورة فورية يحييكم وبنصيحته ان شاااااااء الله يفيدكم ..
مافي أحسن من اتصااااااااااااااااااااااااارح احد اخوانها وهم بيتصرفون .. وفي هالموااااااااااااضيع أول صورة لازم تاااااااااااخذها مع اخوانها *أول نااااااااااس اتقولهم * .. (((فلااااااااااااااااااااااااااااااااااااااااش )))
|
|||
|
|
|
08-31-2006, 02:26 AM
|
#4 | ||
|
السلام عليكم
اقول مثل ما قال اخوي تقول حق واحد من اخوانها الاقرب لها والي يقدر يفهمها ويفهم الموقف والله يعينها على ما ابتلاها |
||
|
|
|
08-31-2006, 02:29 AM
|
#5 | |||
|
سلام عليكم
أنا انصحها تهدده با اخوانها او انها تعطيه رقم البيت وتغير رقمها لاانه ها الانسان واطي وحقير واذا وصلت فيه المواصيل تروح تشتكي عليه في اقرب مركز شرطه وحسب ماتقولين عندها المسجات والادله عليه والله يساعدها 
|
|||
|
|
|
08-31-2006, 02:29 AM
|
#6 | ||
|
::. ..::: وعــليكم السلام ليه تخاف تواجهم ..ماعندهم خبر انها تشــغل  يعني من بتواجه غيرهم...؟: : احسن حــل انــها تروح تخبر امها وابـوها واخوانــها.., تواجهم وتقول لهم الموضوع ..ولاتخاف ولاشي لاتصير السالفــه عودهـ ...بعدين تتوهق..,‘ لو ماقالت لـ اهلهــا عن السالفه ..وبعدين دروا عنــها من احد ثاني .. يمكن مايخلونها تسير مكان .. مايوثقون فيـها..,‘ وتصير سوالف عــودهـ .. وتضيع عمــرها..,‘ تخبر الاهل احسن .. وان شاء الله بـ التفاهم والهــدوء ينــحل كــل شي بأذن الله  والله يعينــــــها ..,‘‘  :::..
..::: |
||
|
|
|
08-31-2006, 02:32 AM
|
#7 | |||
|
منووووووو يتحرا عمره هاااالزلمه
 هذيلا ملعن يسووووون بلاوي !!! خل توقفه عند حده واتهزأه تخليه مايسوى بيزه الخـــــــــــــــــــــــــــــــــــــايــــــــ ــــس اون انا احبح !!! قوليلها لا تظايج لانه هالاشيا تستوي واااايد ..بس لازم ماتبينله انه هي زايغه بل عكس خل تراويه انه وراها ناااااااااااااااااس يرومون يردووونه بلاده يبيع شاورما هناااااك  واذا هي مب من النوع الجريء يعني ماتروم تعطيه فالويه .. خل اتدخل واحد من اخوانها في السالفه .. بس ماتعطيه مجال انه يتمادى اكثر ..
|
|||
|
|
|
08-31-2006, 02:44 AM
|
#8 | |||
|
الصراحة احسن شي تحكي لاخوها يفهمها ويكون قريب وما يعصب عليها اوك وان شاء الله تنحل المشكلة يااااا رب
|
|||
|
|
|
08-31-2006, 04:39 PM
|
#9 | ||||||
|
اقتباس:
هلا اخويه .....اخوانها ؟؟؟؟ لو قلت ابوها ..امها .ززين ..اخوانها حتى ما بيخلونها تكمل السالفه هذا اذا ما ذبحوها ؟؟!!!! ع العموم مشكور ع النصيحه ...لا عدمناك .. ========================= اقتباس:
حياج الله ام عمر ..مثل ما قلت ..اخوانها عصبيين ..ما تروم .. ================================ اقتباس:
هلا السنافي ... ما اظني بياخذ رقم البيت ..وانت تدري ليش ..يتصل ع لموبايل اسهل .. هي قالت لي بتعطيه رقم بطاقه مفصوله عندها ..بس قلت لها اذا تم يدق ولقاه مقطوع ..اكيد بيرد ع الرقم الاولي ؟؟ المسجات قالت لي مسحتها ..لانها كانت خايفه حد يجوفهن وتتوهق .. وقلت لها تهدده اول ..اذا ما نفع ..ما في حل ..تقول حد اي حد ..المهم انه الريال ما يتمادى ..وصل انه يقولها تعالي الفندق ؟؟وين يتحرى عمره هذا ؟ مشكور السنافي ع النصيحه ..ربي يحفظك ..
|
||||||
|
|
|
08-31-2006, 04:40 PM
|
#10 | ||||||
|
اقتباس:
البنت متردده ..مب عارفه شو تسوي ..تخبر اهلها ..والا تصبر ع الريال يمكن يروح عنها .ما تدري شو تسوي .. وكل ما يبت لها حل ..تقول ما اقدر ..خايفه ..!! حتى هي تقول اخاف اهلي يفهمون غلط ..ويكبرون السالفه ..وتضيع ثقتهم فيني ..!! حتى قالت لي كلمه ما بنساها : قالت خلاص ..احس اني ضعت ...وطحت من عيون الناس ..تحس انها يوم تمشي بمكان الكل يطالعها ..ما اعرف .اوصف لكم شعورها ..بس هي وايد مضايجه ..ومب عارفه شقايل تفتك منه .!! اختي جيلنار ...اشكرج حبيبتي ..وربي يحفظج ..ويحفظنا من هالاشكال .. ======================= اقتباس:
شدراني فيه راعي الشورما هذا .. المشكله انها تقول انها تزاعج عليه بس هو يقول احبج ومقدر اخليج ومن هالخرابيط ...الظاهر انه يتابع مسلسلات وايد ...!! مشكلتها انها عطته ويه من الاول ...بس هي مسكينه ع نياتها .. طاحت ومحد سمى عليها ..!! انا بجرب ..بقول لها تعطيني رقمه واتصرف ...>>>>>تراني مب هينه ..عندي افكار ..تخليه يخوز عنها وهو يصيح بعد ... بس هي ما تروم تقوله الكلام اللي انا اخبرها عنه ..هههه مشكووره فديتج ع المرور ..وربي ضحكت يوم يبتي طاري الشورما ....  ========================= اقتباس:
ما عندها اخو قريب منها ..يعني عندها واحد اصغر عنها ..و3 اكبر عنها ...والعصبيه طبعهم ..ابوها الوحيد ممكن يتفهم ..لكن هي مب طايعه تخبره .تقول لازم امايه قبل ...واذا خبرت امها ..بتعصب وبيعرف كل اهل البيت ..!! وانا قلت لها الموضوع مب لازم يوصل حق اخوانج ..اهم شي امج وابوج وبس .. مشكوره اختي ..وربي يسهل عليها ..
|
||||||
|
|
|
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
أقسام الموقع
u 
العرض العادي
