::عمل انبوب بلاستيكي متموج ::

Funny^..^Fox

السلام عليكم

اليوم راح احط اول دروسي وهو كيفية عمل شكل انبوب بلاستيكي متموج... الدرس راح يكون طويل شوي .. لكن النتيجه تستاهل

المهم هالدرس يحتاج الى دقة ,وانا حاولت ابسط الدرس قدر المستطاع ..عشان يكون بمتناول الجميع.. وحاولت اني احط الاوامر والقوائم للفوتوشوب العربي والاجنبي

بسم الله نبدي..

اولا افتح ملف جديد بقياس
500*500 بيكسل

اختار اداة التحديد المستطيل واعمل شكل مستطيل في المنتصف كما هو موضح بالصورة
http://alamuae.org/upload/alam3/makeing_must1.gif


لون الشكل باي لون يريحك ((انا اخترت البرتقالي))

بعدين تروح على الامر
Skew < Transform < Edit
تحرير > تحويل > اماله
وتبدا بسحب الزاويتين اللي تحت ((اليمنى واليسرى )) الى الوسط مثل ماهو موضح بالصورة
http://alamuae.org/upload/alam3/makeing_trangle2.gif



بعد ما تخلص اضغط ctrl+D لازالة التحديد

الحين نضيف شكل التموج باستخدام الفلتر
Shear < Distrot < Filter
اضافات > تشويه > تقريض

وطبق مثل ماهو مبين بالصورة
http://alamuae.org/upload/alam3/shaer3.jpg



الحين بدينا بالجد شمروا ايدينكم وركزوا عدل في كل خطوة

اولا خليك ضاغط على مفتاح ctrl و اضغط ايضا بالماوس ((كيلك))على اللير اللي شغالين عليه(( في نافذة Layers))(( الشفائف )) راح يتحدد الشكل اللي شغالين عليه

راح نضيف لير جديد فوق اللير اللي شغالين عليه وراح نسميه مثلا (ظل)
http://alamuae.org/upload/alam3/shadow_layer4.jpg


الحين نختار الامر Select > Modify > Contract ونحط القيمة 8
تحديد > تعديل > تقليص
راح يصغر التحديد وهذا اللي نبيه ,الحين في الشفيفة الجديدة ((ظل))راح نعبي التحديد باللون الابيض , ونضغط ctrl+D لالغاء التحديد
http://alamuae.org/upload/alam3/fell_sellection5.gif


ونطبق الفلتر Filter > Blur > Gaussian Blur ونحط القيمة 10 ونكرر الفلتر مرة اخرى ولكن نحط القيمة 5 ,ونكرر مرة ثالثة ولكن نخلي القمية 2.5
اضافات > تمويه > تمويه ضبابي

الحين نغير صيغة اللير الى(( انقاص كثافة اللون ))Color Dodge ونخلي Opacity 52%(( تظليل ))
مثل ما هو موضح بالصورة
http://alamuae.org/upload/alam3/shadow_layer5.jpg


, وراح نحصل على هذي النتيجة
http://alamuae.org/upload/alam3/1st_example.jpg




الحين نرجع للير الاولى ((البرتقالية)) ,ونظل ضاغطين على ctrlمع كليك على اللير البرتقالية(( في نافذة Layers)) ,راح يتحدد الشكل البرتقالي اللي سويناه في البداية

وروح على Show Channals < Window راح يفتح لك نافذة الجانلز اختار الامر اللي بالصورة
http://alamuae.org/upload/alam3/channals_window7.jpg



واضغط على الجنل Alpha1 راح يتحول الشكل الى ابيض واسود
الحين طبق الفلتر Filter > Blur > Gaussian Blur وحط القيمة 10
كرر الفلتر وخلي القيمة هالمرة 5 ,وكرر ثالث مرة وخلي القيمة 2.5

الحين اضغط Ctrl+Shift+I مع بعض عشان نقلب التحديد, وبعد ما يقلب التحديد غير المربعين اللي فوق بعض الخاصين بلون المقدمة والخلفية وخلي الاسود تحت والرمادي فوق مثل ما هو مبين بالصورة , وبعدين اضغط Dle
هذا رابط الصوره
http://alamuae.org/upload/alam3/color_panele8.jpg

الحين الغي التحديد ,((اعيد مرة ثانية عشان تحفظونه ctrl+D لالغاء التحديد)) ,راح يكون هذا الشكل اللي بيطلع وياك
http://alamuae.org/upload/alam3/chanal_alpha9.jpg


والحين ارجع مرة ثانية الى نافذة اللير
Show Layer < Window
اطارات > اظهار لوح الشفائف

واضغط ctrl وكليك على اللير البرتقالي عشان نحددها ,بعد ما تحدد الشكل انشئ لير جديد وخليه فوق لير ((ظل)) وسميه ((ضوء)) مثل ما تشوفون بالمثال
http://alamuae.org/upload/alam3/highlight_layer10.jpg


عبي التحديد (في لير ضوء) باللون الاسود وغير صيغته الىScreen (( تراكب )), راح يختفي وهذا اللي نبيه واخيرا الغي التحديد ctrl+D

على لير ((ضوء)) طبق هالفلتر Filter > Render > Lighting Effects
وحط القيم مثل ما هي مبينه على الصورة

اضافات > مشهدة > تنوير
http://alamuae.org/upload/alam3/lighting_effects11.jpg


وبعد ما طبقت الفلتر سوي blur (( تمويه ))لنفس اللير Filter>Gaussian Blur وحط القيمة تقريبا 1.5

بعد ما طبقت الفلتر حدد اللير ((ضوء)) ((بالضغط على اللير ضوء مع زر ctrl ))
واعكس التحديد ((بالضغط على Ctrl+Shift+I)) وبعدين اضغط على Del لالغاء الاجزاء الزائدة والغير مرغوب فيها ,ولا تنسى تلغي التحديد ctrl+D بعد ما تخلص.



اخر جزئ من عملنا هو عمل اللمعان البلاستيكي الصح وعلى فكرة هالخطوة اختيارية ومو اجبارية ...كل وذوقه

راح نختار الامر Image > Adjust > Curves
صورة > تعيير > خطوط بيانية
http://alamuae.org/upload/alam3/curves12.jpg


يا اما انك تسوي نفس ما سويت في الصورة ,او تسوي اللي انت تشوفه احسن على ذوقك

وراح يكون هذا الشكل النهائي
http://alamuae.org/upload/alam3/lastic_pipe12.gif



الحين انتهينا من الشكل واذا بغيت تعدل في الاضاءة والتظليل
تروح للأمر
Image > Adjust > Brightness/Contrast

صورة > تعيير > اضاءة / تضاد

وتعدل على حسب ما التصميم محتاج

وتقدر تحصل على اشكال ثانية بتغيير الالوان
http://alamuae.org/upload/alam3/lastic_pipe213.gif



اتمنى ان الكل يستفيد من هالدرس

وانه يكون درس سهل .. ومفهوم للكل

تحياتي الفرايحيه
^..^


تم تعديل الصور من قبل ألم موضوع أكثر من رائع

الصاعق

الســــــلام عليكم ورحمـــ الله ـــــة وبركاته ..




©؛°¨°؛©][Funny^..^Fox ][©؛°¨°؛©
درس رووووووووووووووووعة ..........يعطيك الف الف الف عافية ........مع اني خبصت فيه لكن رهيب ......شكرا على الدرس ولا تبخل علينا من هالدروس الخطيرة ....يعطيك الف عافية
....تحيااااتي الصعووقيــة....
ولك مني أطيب الأمنيااااااات ..
مع فائق احترامي وتقديري ..


اخوكم المخلص..
وعاشق التصميم ..

ألم الإمارات

ماشاء الله عليك اخوي درسسسسس اكثر من حلوو وممتاز ربي يوفقك ان شاء الله ماتقصر

بروق العين

تسلم أخوي على الدرس الرائع
ولا تحرمنا دروسك الغاويه يعني الحلوه
...والسموحه ...

نونو

الســــــلام عليكم ورحمـــ الله ـــــة وبركاته ..

©؛°¨°؛©][فني^..^فوكس][©؛°¨°؛©
أهلا ومرحباً...
أخوي المبدع ..
ماشالله عليك أخوي ..
درس ممتاز بالفعل ...
وانشالله بس أحصل فرصـة راح أطبقــه وأراويك تطبيقي ...
وبانتظار المزيد ..

....تحيااااتي الطفوووليــة....
ولك مني أطيب الأمنيااااااات ..
مع فائق احترامي وتقديري ..
اختكم الصــغيرة ..
وطفلــة المنتدى ..
N o O N o O

وعد

مشكور على الدرس أخوي

المها

تسلم اخوي على الدرس ^__^

غلا العين

مشكور اخوي على الدرس بس ماعرفت كيف اقلب التحديد

F@n@Tik

شكرا اخوي على الدرس مفيد وايد وتعلمت منه اشياء كثيره

a7la NaMoOoLA

يشكـــروو وو وو وو علـــى هالــدرس الــرااائـع ،،

يعطــيك العــافيـة ،،

راح اطبقــه اضيـف تطبيقــي ^_^