|
|
|
|
|
|
||
| إعلانات منتديات ألم الإمارات |
|
|
|||||||
| مجلس التراث والحضارات مجلس مخصص للمشاركات التراثية العربية والغربية على سبيل المثال الحِكم وأمثال الشعوب + الألعاب والمسابقات التراثية ، للعلم يمنع نشر المشاركات المنقولة |
 |
|
|
LinkBack | أدوات الموضوع |
التقييم: 
|
طرق العرض |
|
#1
09-14-2006, 11:15 PM
|
||
|
||
...الفوالة... ؟!!بقلمي+ تصويري ؟!!
   رسـلـت التحية بشواقــي خـتـامه جدى من اسسوا فـ قلبي حكومه خوان حــازوا فالمكنون هـامـــه ولايـف وســــط لـفـواد دومـــــه مرحبا بعربنا حشام الميامين ... عرب مساكنهم بين سيح وحي آناي سقى الله .. يتميز مجتمع دولة الأمارات بعادات تكريم الضيف والمتتبع لتاريخ الدولة من زمان لول بيلاحظ ان بيوت الشواب كانت مفتوحه للمقيمين والجيران ولكل زائر ولاجئ للدولة وحتى للغريب وعابر السبيل فكانوا يكرمونهم بوسايل مختلفه ومن تلك الطرق تقديم الفواله ... الفوالة مصطلح اماراتي عبارة عن الطعام الي يتقدم للخطـّار " الضيوف " مكونه من اكلات تراثية + صحن خضره "فواكه مشكلة" + قهوة وجاهي في ناس تضيف اشياء ثانيه وتفنن في الأطباق الموضوعه كلن بعاداته حابه اعرض لكم فوالتنا ..   تترأس المادة ذبيحه عربيه نحن نسويها ثريد " وهوه عباره عن خبز رقاق واديمنه "مغمس" بصالونه "  هذا صحن الخضره " فواكه مشكله "ع فكره نحن نسمي الفواكه خضره مادري ليش ؟!!  ولو بتلاحظون دلال القهوه والجاهي ..  وهذا الهريس "قده حد هابش منه "   وهذا لقيمات خمير ..  يمكن نضيف للمايده بلاليط وعرسيه وخبيص وعصيد وقرص والحلوى العمانيه ووو بس للأسف نحن هب مسوين الا هذا ... اليوم اصبحت الفوالة كوجبة اساسية يومية يعني بدل ما يكون عدنا ثلاث وجبات الصبح والظهر والعشى أحين الفواله تتسوى كل يوم في فترة ما عقب صلاة العصر لين المغرب خص اذ كانت ميالس العرب دوم مفتوحه والدارج احين ان العرب تنصب خيام برع البيت وتكون ملتقى لتيمع شواب الحاره وشبابها... ان شاءالله استفدتوا من الموضوع اعداد+تصوير وبقلم ختكم جرودي العين 
|
|
09-15-2006, 12:16 AM
|
#2 | |||
|
يامرحبا ترحيبة علي الهامه
في العلا دايم يكسر الحومه ماشاء الله تعبنا واحنا نمدح يالجرودي ..  هي ابيات والا تصوير والاتصميم والا والا عساها دار عامره بالخير والفواله بس قطعتي قلوبنا بالهريس والقرص اويلي عليها الحين مشاهد الفواله بروحي ومحد وياي يعطيج العافيه وتستاهلين كلمة حلاتين على الزين |
|||
|
09-15-2006, 12:22 AM
|
#3 | ||||
|
عليكم السلام ورحمة من الله وبركاته ..!
هذي المواضيع اللي تشفي العوق وتزيد من رونق ميلس التراث والحضاره ..! يا ليت كل مواضيعنا تكون من كتاباتنا الخاصه ومعززه بصور ..! ما عليج زوود يالجرودي " كثر الله خيركم وطول الله بعماركم وزادكم من زوايد الخير " تراني هبشت من الفواله وتسلم ايد العادنها لا هنتى وخيتي وكلنا شغف بانتظار اليديد
|
||||
|
09-15-2006, 01:36 AM
|
#4 | |||
|
اسمها غريب انا ماعرفته الا من القصص
اقول ايش فواله وبعدين عرفت والله يعطيج العافيه @وســـــــــــــــــــــــــــــــــوم@ |
|||
|
09-15-2006, 02:07 AM
|
#5 | ||||
|
الله عليج ياجرودي
موضوع كامل متكامل من كل نواحيه.. ابدعتي باالتنسيق والتصوير كذالك.. تسلمين الغلا..
|
||||
|
09-15-2006, 10:40 AM
|
#6 | ||||
|
ماعليييييج زووووووووود ^_______________^
|
||||
|
09-15-2006, 02:44 PM
|
#7 | ||||
|
وعليكمـ السلامـ ورحمة اللهـ وبركـــاتهـ..
يــامرحبــا عداد ماهل وبلٍ من سحابهـ...... باالطيبـهـ بنت الشــيوخ الكـــرامــي....... اللـــهـ على فنج ياجرودي.. ابدعتي سلمت يمينج على هاالموضوع الطيب.. كثر اللهـ خيركمـ وانعمـ اللهـ عليكمـ.. فوالــه بقمة الروعه ولاعليها كلامـ.. لاهنتي..
|
||||
|
09-15-2006, 10:51 PM
|
#8 | ||||
|
تسلمين جرودي العين على الموضوع ...
ما أقدر أقول غير أبدعتي بمعني الكلمه ...
|
||||
|
09-16-2006, 04:04 PM
|
#9 | |||
|
يسلمووو
|
|||
|
09-18-2006, 12:12 PM
|
#10 | ||||
|
السلام عليكم والرحمه
شكرا لكل من تعنى ورد عليه برد وعلق لا خلانيه الرب منكم السموحه والعذر
|
||||
|
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
العرض العادي
