|
|
|
|
|
|
||
| إعلانات منتديات ألم الإمارات |
|
|
|||||||
 |
|
|
LinkBack | أدوات الموضوع | تقييم الموضوع | طرق العرض |
09-15-2006, 10:28 AM
|
#1 | ||
  
|
الرحماني وعاداته أيام زمان..
الرحماني وعاداته أيام زماااااااااااان...
وبعد ما مضى على زواج فتو شهر ونص.. فرحت عيلتها بخبر حملها لما جاها المغص .. بدأت العيلة تعبي من داك الوقــــــــــــــت.. حاجات البزرة إللي حيفرح بها الكل حتى الجد.. و لما قربت ولادة فتو بدئت ستي و عمه وخاله و استيتا صفيه ما ننساها... يعبوا حاجات الولادة بكل تفاصيلها لي فتو و بزرتها.. ولدت فتو وجابت لنا ولدنا حمتـــــــــــو.. طبعا كان اسمه على أسم جــــــــــــــــــــــدو.. قالت جده: يا ولد لا تصير زي جدك عصبي.. وخد منه طيبت القلب و الرزانه يا قلبي.. وبعد كده عبينا الأكل لأم حمتوعشان تتقوى وتتنشط.. سوتلها ستي العريكة إللي مسوايا: (بالعسل ودقيق الدخن و التمر و السمن الحر إللي يحبه قلبك).. و حضرتلها كمان المسلوقة باللحمه الحري, مو بالدجاج زي بنات هادي الأيام يقولوا: ما نحبوا ! عاملين شي يسموه الرجيم!وحاجات زي داه الكلام...!! وطبعا ما حننسه المجلب إللي يتعمل من : ( القرفة والقرنفل.. و الحلبة و الزنجبيل .. و الكزبره و الهيل .. و الشمر و المحلب و الكمون و اليانسون و ما حننسى الكراويه ) و تحطوه ستي في البكرج و تفوره وتسقيه لفتو, وتقولها: يلله يابنت أشربي عشان تتربربي. وبعد كدا فكرت ستي تعمل رحماني وسابع لحفيدها حمتو.. عبت الشمع إللي عليه الفلل ..عبت الحلاوة بتاسة .. عبت اللدو و اللبنية و الشريك والمهجمية.. عبت كرتت فتو و ملابس حمتو .. إللي مطرزتها بالقصب ستو.. لحمتو: الكوفلة والبخنق المقصب و الطرحة وعصابة صغيرة على قدو.. عبت الطرَّاحة الصغيره على قد حمتو, إللي مطرزتها بالقصب والكنتيل و اللولو.. وعبت لفتو كرتتها اللي مطرزتها على يدها ستو.. و البخنق إللي مشتغلة أطرافوا بالقصب, وسروال طويل مشجر, والسيدريه إللي عليها ازارير الكرستال إلي تبرق.. ولما جاء اليوم السادس عبت ستي النشرة إللي تتسوا من ) حزمة رجلة- و بدنجانة سودة – و كم عود من شجر النيم- و شوية سدر- وقرطين كرفس - ). وإنحط في تنكة على موية مفوره, وتتبيت في السطوح عشان بكرة.. في صبحية السابع تتروش فتو بالنشرة , وصابون أبو عجلة.. وبعد ما تغلق وتخرج من بيت الماء , إللي يسموا هادي الأيام الحمام,( الله يعزكم ).. تلبس كرتتها و بوخنوقها وباقي حاجاتها.. قريب الضهرية تعزم ستي و عمه وخالة قرايبهم وبزورتهم معاهم .. وفي الضهرية قريب العصرية , إجي جدو وينتني على إدن حمتو , ويسمي بالله ويأذن في اليمين بصوت منخفض , وفي اللإذن اليسار الإقامة, ويسميه جدو على اسموه, ويغطرفوا الحريم (لولولولولي لي لي ), وبعدها تقوم ستو وتحنك حمتو بالعسل و التمر, وبعد كدا يحلقوله راسو و يوزنو شعره المحلوق بالفضة , و يدبحولوه العقيقة طليين , ويغدو الرجال و الحريم و كل المعازيم ... في العصر قريب المغرب يجوا البزوره و الحريم ويعملوا" الرحماني" , يلبس حمتو كرتتو و كوفلتو وعصابتو , ويحطوه في الطرَّاحة المطرزه بالقصب و اللولو, ويغطوه بالطرحه.. تقوم عمه وتوزع الشمع للبزوره......... وتشيل فتو حمتو ودور و تقول : يــــــــــــــــــــارب يا رحماني............. بــــــــــــارك لنا في الغلامي يــــــــــــــــــــــــــارب البريه............. بــــــــــــــارك لنا في البنيه و البزوره يقولوا وراها ....... و يقولوا البزوره كمان: يــــــــــــــــــادايه هري هري............. يـــــــــــــــــــادايه جاك العري يـــــــــــــــــادايه ملي الشربة............ يــــــــــــــــــــادايه جاتك ضربة يـــــــــــــــادايه محلى مشيتك............ يـــــــــــــــــــادايه إنتي وبزرتك يــــــــــــــــــادايه يا ست الكل............. يــــــــــــــــــــادايه منديلك فل يــــــــــــــــادايه يا ست الناس............ يــــــــــــا فضه و الناس ألماس و بعد كدا تمسك عمه صحن فيلوا شويت ملح , وحبة سوده , وكناسة العطار, و تروش على البزوره و على حمتو كمان.. عشان الحسد و العين كدا كانوا أهلنا زمان.. و بعد كدا تجلس فتو على الأرض و تحط حمتو في الغربال و تهزو و تنشد و تقول: غربلوا يا غربلوا حتى النونو يتغربل غربلوا يا غربلوا حتى النونو يتغربل و يرددوا البزوره و راها ...... و بعد كدا تتوزع على البزوره و الحريم .. الحلاوة البتاسه و الشريك .. ويخلص الرحماني و كل واحد يروح على بيته, شايل في يده الهداية.. كدى يسوا أهلنا زمــــــــــــــــاااان ............. كدى كرمهم وعاداتهم الحلوة ياسلاااام... منقول.. هذا موضوع يتعلق ببعض العادات في المنطقة الغربية وكما هو متعارف عليها بمنطقة الحجاز.. اتمنى لكم الاستفادة وإذا مافهمتوا شيء من بعض الكلمات بحكم انوا الموضوع باللهجة الحجازية قول لي وأنا أفسرها... ولكم جزيل الشكر... askias  |
||
|
|
09-16-2006, 04:02 AM
|
#2 | ||
 
|
يسلموا
|
||
|
|
|
09-16-2006, 04:13 AM
|
#3 | |||
 
|
بعض الكلمات أول مره تمر علي ولكن فهمت اغلبها من سياق الموضوع ..! شاكر لك تواجدك بينا واختيارك لهذا الموضوع القيم
|
|||
|
|
|
09-16-2006, 05:21 AM
|
#4 | |||
 
|
اللهـ عليج اختي askias موضوع رووووووعهـ
وحملتينا فيهـ لأيام اول ولأجواء الحجاز قديما.. تسلمين لتواجدج بيننا وبأنتظار جديدج الممتع..
|
|||
|
|
|
09-16-2006, 08:18 PM
|
#5 | |||
|
اقتباس:
والله يعطيك العافية على المرور... askias |
|||
|
|
|
09-16-2006, 08:21 PM
|
#6 | |||
|
اقتباس:
askias |
|||
|
|
|
09-16-2006, 08:22 PM
|
#7 | |||
|
اقتباس:
الحمدلله رجعناك لأيام حلوة... والله يعطيك العافية على المرور... askias |
|||
|
|
|
09-16-2006, 09:44 PM
|
#8 | |||
 
|
الصراحه في كلمااات ابدن ما فهت معناااها
^_^ يسلموو الغلا على الموضووووع
|
|||
|
|
|
09-16-2006, 09:52 PM
|
#9 | |||
|
اقتباس:
على العموم الله يعطيك العافية... askias |
|||
|
|
|
09-16-2006, 11:18 PM
|
#10 | |||
 
|
مشكوووووووووووووووووووره
ترى انا مره رحت رحماني مرررررره حلووووه اهو مثل السابع بس يسمونه هنيا بالحجاز رحماني مشكوره اختي
|
|||
|
|
|
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
أقسام الموقع
العرض العادي
