|
|
|
|
|
|
||
| إعلانات منتديات ألم الإمارات |
|
|
|||||||
 |
|
|
LinkBack | أدوات الموضوع |
التقييم: 
|
طرق العرض |
09-15-2006, 05:12 PM
|
#1 | |||
  
|
رحلتي انا وام _جسومي ..لا يفوتكم ^_^
السلام عليكم ...
شحالكم كلن بحاااله ؟؟ ان شااء الله بحط لكم .. رحتنا انا وام جسومي صوب صلاله .. الصراحه كانت سيره ما تتعوض ... طماااشه ^_^ بحط لكم بعض المواقف واللحظاات اللي استوتلنا ونحن في صلاله ... ... ( ام جسومي اكييد ما بتقولين لا ^_^) ان شاء الله بحطها لكم على شكل دفعااات ,,, اتمنى انه الموضوع يعجبكم .... .................................................. ..... خلونا نبدا ... الكل يعرف صلاله ويعرف جوها .. لاكن وااايد منهم ما سار صووبها .. ~~~~ انصحكم اتسيروون مكان ما يتفوت ... هذا الصييف ..ظهرنا من الامارات تاريخ 15 /7 تقريبا ظهرنا الظهر الين ما خرجنا من مركز حفيت كانت الساعه 3 الظهر المهم يو كنا في الدرب صوت لكم كمن صوره ... هذي منطقه هيما بينها وبيم صلاله امم تقريبا 4 ساعات .. هنييه عبيينا بترووول ..   هنيييه يوم وصلنا ثمرييت ..   وصلنا صلاله تاريخ 16 / 7/ 2006 الساعه 9 الصبح .. ( لازم اول الناس هناااك انسجل حضوور ^_^..كل سنه لازم انصيف هناااك ) كان الجو توه يعني البقعه مب ذاك الزود خضرا ,,, لكن جوها حلو وكان يصب علييهم الرذاذ .. درجت الحراره كانت ,,  المهم .. وصلنا بيتنا وعينا من الله خير وارتحنا ,,, يتنا ام جسومي وهلها اممممم في شهر 8 بس ما اذكر التاريخ بالضبط .. ^_^ ولقينالهم بيت عدال بيتنا ... يعني دوم انا وام جسومي متقابلات .,, اتيينا حالات نتضارب ( سوالف ) اونه اقولها انا ملييت منج .. والا هي تقولي لا اتييين صوبيه خلاص.. ويوم الليل اننا ملتمااات .. الصراحه كانت اياااام عجيييبه كل يوم يستوييلنا موقف ,,, في مكاااان دووم نلتم فييه هو بين بيتنا وبيتهم في مساااحه فيها العشب وفييها مكااان مسميييينه ( العرش ) دوم نسهر هناك انتم الين 1 فليل .. والمطر يصب عليينا ,,, وهذي صوره عرشنا .. ^_^   ومن يعديينا الصبح انتم محتشريييين عليييهم نباهم يظهروونا ,, لكن لا حياة لمن تنادي ,,, كل يوووم مسوييين عزييمه ... على قولتهم السكين دوم حمرا ... قرحت كبوودنا من كثر ما ناكل اللحوم والعيش ... غدا وعشا ... دووم انسوي مظاهرات انا من صوب وام جسومي من صوووب ... اقولهم بشتكي عليييكم .. وبقوول لجمعيه الرأف بالحيوان اتي صوبكم عشان اطالع حل ..^_^ يتموون يضاحكووون ...\ هذا درس الهوش كل 3 ايام حطو فييهن من ذا الذبايح  وهنييييه يوم كانو يعقرون القعوود ...  وهذي ذروة السنام ..   ذاك اليوم اهل ام جسومي وهليه اتفقو انهم يظهرووون ... استانسنا ... ودووونا اسكتلندا ( ملقبتنه ام جسومي بهذا الاسم ) هذا المكان على طريق مغسيل  سيح خضر وبعده أي قصف والبحر تحته .. وهذي بعض الصور ...     هنيييه كنا ماشاء الله لمه .... وسرنا انا وام جسومي .. نمشي ,, ولقيينا راعيه الهووش ,,, ~~~ ( تذكريينا ام جسومي ^_^ ) الصراااحه كانت لابسه على ما اظن اللون البرتقالي ,, وكانت تزقر ... تزقر كل عنز باسمها ...  تمييينا هناااك الين 5 العصر .. يوم رديينا البيت انه الويووه غاديه حمر .. من الجوووو ............. يتبع .. ( في موااقف بتموتون من الضحك ) ^_^
|
|||
|
|
09-15-2006, 05:44 PM
|
#2 | |||
 
|
وعليــــــــــــــــــكمـ السلاااااااااااااااااااااام
الله شهاالحلااااااااااا ياتوتهـ  وناااااااااااااااااسه  مسوينها من ورانا انتي وام جسومي طيب اجل انا باخذ البنات وبنروح السنه الجايه ونخليكم هههههههههههههههههه بس من جد عجبتني اسكتلند ع قولة ام جسومي ونااااااااااااااااسه الخضار فيها والبقر وااااااااااي كنج باالخارج والا البحر الله ياالبحر صوووووووور روووووووووووووعهـ بس تعالي ..شنو ذي راعية الهوش اللي تنادي كل وحده بأسمها خخخخخخخخ والله اني مت من الضحك؟؟ اونها مسميتهم ههههههههههههه تسلمين الغلا على هاالموضوع الغاوي ولاهنتي
|
|||
|
|
|
09-15-2006, 07:28 PM
|
#3 | ||||
  
|
منقول من عند وااافي: اقتباس:
صور ولا اروع ومتنيه الاماكن الزينه ..! عسى الله يولفكم ع الخير دووم .. الا بنتخبرج ام جسومي وين ..؟؟ صار لها فتره غاايبه ..! تشكرات كبار على اختيارج لهذا الموضوع المدعوم بصور وخص به ميلس التراث والحضاره ..! نرقب التكمله .. لا تبطي علينا لا هنتى وخيتي
|
||||
|
|
|
09-15-2006, 07:50 PM
|
#4 | ||
|
يسلمووووووووووووووووووووووووووووووووووووو
|
||
|
|
|
09-16-2006, 08:38 PM
|
#5 | ||||
|
اقتباس:
هههههههههههه لا اكيييد ما بتخليينا ..^_^ يشرفني مرورج الغاليه ...
|
||||
|
|
|
09-16-2006, 08:45 PM
|
#6 | ||||
|
اقتباس:
^_^ يشرفني مرورك اخوي الرومانسي .. . وابشرك ترا ام _ جسومي بخير وسهاله بس الاب توب طااح واخترب علييها .. .. لكن ان شاء الله عن قريب بتدخل .. بتمووت وتبا تقرا الموضوووع...... وان شاء الله ما بطول علييكم . بالتكمله ^_^
|
||||
|
|
|
09-17-2006, 06:45 AM
|
#7 | |||
 
|
السلام عليكم...
السلومة يا توتة.. ^_^ وأنا أقول الأعضاء وين شردوا.. ثرج إنتي وأم جسوم في صلالة !!  أسمينها رحلة،، المهم إنكم استانستوا..  وقضيتوا ع القعدان  وجاسكم هاك الهوا البارد !! بس أبه أعرف شو مودنكم ورا الغنم ؟؟!!  الحمد لله ع سلامتكم 
|
|||
|
|
|
09-17-2006, 11:41 PM
|
#8 | ||
|
يه يه يه
وش هالزين توته تكفين طلبتك نبي صور والا مواقف والا صيدات حق ام جسومي فيه عرب وايدين يبون ياخذون قضاهم من ام المفلوع  وبعطيج عشرة آلاف كاااااش بس ماشاء الله خوووووووووووش رحله والله يهنيكم سلام |
||
|
|
|
09-17-2006, 11:42 PM
|
#9 | |||
 
|
اللي يشوف المعز وسالفه البرتغالي اتقولون هايدي في المراعي
ههههههههههههههههه شكرا لكم ممتعه الصراحه اختكم الروووووووووووووووووووووح
|
|||
|
|
|
09-18-2006, 08:28 AM
|
#10 | |||
|
مرحبااااااااااااااا السااااااااااااااااع و الله ..
انا الصيف سرت لها صلالة .. سبحان الله .. عليها جو .. مشكلتها البعوض .. يوم كنا في الدرب .. الطريج كله سيح ضاربنه جفاف مافيه شيرة .. لدرجة اني شكيت ان عمان مسوين كاميرا خفية هههههههه.. غير يوم وصلنا منطقة صلالة و عدينا المركز بدت المناظر .. خص المكان لي بين اليبال .. صدق ابداع خالق الكون .. و سيايير الاماراتيين مازرة البقعة .. تحسين انج في البلاد .. و احلى ما في الموضوع .. لا مريتي من عند سيارة لوحتها اماراتية .. لازم تظرب لج اشارة .. تحية معينه بين الاماراتيين .. استانست عليها .. تسلمين توته ع الصور الغاوية .. و يعطيج العافية ..
|
|||
|
|
|
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
أقسام الموقع
العرض العادي
