|
|
|
|
|
|
||
| إعلانات منتديات ألم الإمارات |
|
|
|||||||
 |
|
|
LinkBack | أدوات الموضوع |
التقييم: 
|
طرق العرض |
10-09-2006, 02:56 AM
|
#1 | |||
  
|
شخابيط على جدار الذكريات
 ^ ^ كتبت الموضوع قبل لا اسير ارقد .. توني واصل من بوظبي .. اشغال اشغال اشغال ما تنتهي .. نسعى في ذا الدنيا والله يعينا ... FREEZ TWIX  جوو شاعري جداً جداً .. باجر بخبركم سوووااااالف ما تخلص .. تقرون وتقرون وتقرون الين تعيزوون .. ويخلص حبر المنتدى والاوراق ولا تخلص السوالف 
|
|||
|
|
10-10-2006, 10:59 PM
|
#2 | |||
|
يوم متعب بصراحه ..
طلعت من العين الساعه 9 ونص .. وصلت بوظبي في حدود الساعه 10 و ربع .. حضرت الاجتماع .. خلصت الساعه 12 ونص .. نزلت للموقع والشله معاايه طلعنا الساعه 2 .. وصلت العين الساعه 3 إلا شي .. حطيت راسي شوي عقب أذن العصر حسبته المغرب .. بغيت اربع لثلاجه  شفت الشمس في بطن السمااااء بااازغةً بزوووغاً  كملت رقاااد .. وعقب سمعت الأذاان قلت بعد العصر اكيد مغرب يعني مافيه مجاال يكون هناك خطااا ولا لبس في المووضووع ----- راح رمضاان .. امس توه باادي واليوم مشاارف على نهاايته .. الله يكتب لنا ولكم الاجر ان شاء الله .. ______ أمس كان FREEZ & Twix واليوم شي خاااص ما بخبر حد لا قوول قووول قووول قووول لا مابقوووول
|
|||
|
|
|
10-10-2006, 11:21 PM
|
#3 | |||
|
قبل كنت اشوف المعرسين ..
واحسدهم .. أقوول آآآآه حظهم عايشين في عالم الكل يتمنااه .. خلااف شفت اشيااء غريبه .. 1- شفت واحد يتشكى من زياادة الصرفيه عليه .. ودومه يفكر وهو عدالي .. سألته وقلت يافلان علوومك .. قال خلها على الله .. قلت له معرس ؟ قالي هيه .. 2- كل ما دخلت الحاره وانا ساير للبيت .. في العين ولا بوظبي .. اشوف آخر الليل أكثر عن شخص وويااه حرمته يحوطون في الحاره آخر الليل .. الساعه 1 تقريبا .. !! اقول في خاطري ماحصل يحووط وياحرمته الا آخر الليل ؟؟ العصر ... المغرب .. لكن الساعه 1 في الليل !! لا وبنسبة 90% من الحالات الي اشوفها كل واحده شاله بطنها شللل .. حاامل ولازم يربعها ريلها كل يوم 10 كيلومتر .. فكرت قلت ان عرست بتقولي الحرمه انا حامل واباك تمشيني 10 كيلومتر !!  زين ماينفع في السيااره !!؟3- شباب يختفوون عني ايام واساابيع وشهوور .. وماشوفهم غير في المناسبات الرسميه ، الاجتماعات .. وخلاف يختفون .. فجأه ألاحظ تواجدهم بدا يزيد .. اسألهم قبل مالكم شووفه واليوم لاعت جبدي من شووفتكم ..؟؟ فهمت إن عنده حالة طواري في البيت ويسمونها مرض الوحم يعني من تتوحم الحرمه تكسر الصحون وتاكل الصابون و الدقووس .. ولا تبااا اتشوف ولا اتشم ريحة رياال في البيت 8 شهوور متتاليه من غير انقطااع ولا انفصاال !! العزوبيه ارحم ..  4- اغلب الي شفتهم وعرفتهم من المعرسين .. الساعه والوقت عنده شي مقدس في حيااته .. الساعه 9 يعني الساعه 9 لازم يكوون في البيت .. ليش يافلان ..؟؟ سوالف وتبسيطه وشباااب .. ؟؟ قال الاهل شوي يعني ويحك رااسه .. عقب خلاص افهم الساالفه 5- العزابيه يحطون لتلفوناتهم قفل سري على اساس محد يدخل تلفوناتهم ويتعبث فيهن .. المعرس ياويله وسواد ليله ويلعن أصله واتنتف ارموش عينه واتكسر ضلووعه ان شافت حرمته تلفونه مقفول بقفل سري .. ليش خايف من شي ؟؟ ولا فيه شي ما تبااني اعرفه ؟؟ اعتررررررررف هذا الي شفته  مافيه حد ما يحب .. ولافيه حد يقدر يصبر من الجنس الآخر .. سنة الحيااه .. لكن خروج الانسان من نظاام متعود عليه ودخوله في نظاام ثاني كله جد وعمل ومسؤوليه وشغل واهتمام وعنايه واحاسيس ومشاعر جياشه  اتخلي الانسان يواجه صعووبات في بدااية حياته .. لكن حلااوة بداية الحياااه هذي وروونقها الخااص يطغى على الصعووبات هذي .. يبدا الروونق هذا يقل تدريجياً وتبدا الصعووبات والمشاكل والبلااوي الزرقاا تطلع __ العزووبيه .. برمس عنها خلاااف .. بسير آكل لي شي لاني صرفت طااقه
|
|||
|
|
|
10-15-2006, 02:10 AM
|
#4 | |||
|
العزوبية
باختصااار تعني الإستقلاليه في الأرض والسيااده استقلاليه في البيت .. السياره .. غرفة النوم .. الكمبيوتر .. وغيرها .. الزواج سنة الحياه .. وواجب على كل شاب مستطيع وقادر .. ولكن مع وجود الاحترام المتبادل .. --- قبل اسبوع انا في المحكمه .. شفت ريال عند القاضي يتلاعن هو وحرمته الي طلقها .. وانا يالس في القااعه -- واحد ثاني فاتح قضيه عشان 1500 درهم يقول خلوا حرمتي الي طلقها تعطيني الـ 1500 !!! ريال شطوله وعرضه ويقول عطوني 1500 وخلق الله في القاعه ويتناقر ويا ام عياله - مع وقف التنفيذ  ----- حرمه ثانيه تطلب الطلاق من ريلها لانه ما يخليها تدخل سوق الاسهم ويا تدخل السوق واتضارب ولا يطلقها ريلها .. بااعت عيالها وبيتها واشترت السووق !!--- سألت الكاتب بيني وبينه ( صديق لي ) ما يحضر عندكم عزابيه ؟؟ قالي نادراً .. واغلب القضااياا مشاكل اسريه وطلاق ---- بوقف عند الحد هذا .. لان فيه نااااس يطالعوني بالعين الحمرا ويقولون شو تقصد من هالكلام 
|
|||
|
|
|
10-17-2006, 11:52 PM
|
#5 | |||
|
عندي شغله صغنوووونه
ولكن من الكسل والخمول الي فيني مابا اخلصها ..  الجووو كوووول .. وعصير بارد .. وكمبيوتر ماشاء الله تبارك الله صار له شهوور ما بندته  شغال 24 ساعه على مداار اليوم .. اللهم ريستارت كل اسبوع وشغاال ..يعني نعمه عساااها ادووم ..,, ---- تدرون .. والله عورني بطني وانا اكتب لكم لاني ماخلصت الشغله .. عطوني ساعه اخلص شغلتي وبرد اسوولف عليكم BE RIGHT BACK
|
|||
|
|
|
10-18-2006, 03:46 AM
|
#6 | |||
|
بــاك ... أذكر أول ما دخلت الجامعه .. ماكنت اعرف حااء من بااااء .. يعني مايدري وين الله حاااطنه يعني اعرف ان لازم اييب كتبي واحضر قاعه رقم 205 و 207 وقاعده 5 مادري 4 عدال المسيد .. واطلع .. آخر الكورس اتخبر الشباب وين نحصل الشهاايد  قالوا ماشي شهاايد ادخل الموقع وطالع علاماتك .. دخلت .. وأشوف d وشي d+ وشي B وشي C .. هذا الكورس الاول .. تميت اضحك واقول طالعوا متفيجين يحطون لنا A B C على الموقع .. ماكنت اعرف ان الـ A B C اتهد الحيل والمعدل التراكمي ولا كنت اعرف انهن العلامااات  ---- دكتور توعدني وقال برسبك في المساق .. قلت ماتروم واتحداك .. لاني اول شي بايعنها يعني ارسب ولا ما ارسب مب فارقه معايه .. والشي الثاني الدكتور ما يعرف يشرح .. انا الحين قلت لدكتور ما تروم .. يعني لازم انجح ولو على الحاافه بس اقهره .. واييب لي ذااك الاستاااذ واقوله دخل الكتااب هذا في راسي غصب ولا طوووع .. قال زي ما بدك .. واطلع كمبيوتر حافظ المعادلات والصفحات وارقاامهن والقوانين واسم المؤلف واسم ابوه وامه وحرمته بعد لانها مكتووبه في بداية الكتاااب واحصل في الماده C ومظلووم .. قلت لدكتور : قلت لك ماتروم ترسبني .. طالعني بطرف عينه وزريت عنه -------- دكتور ثااني ... اول مادخلت القاعه .. في اول كورس لي في الجامعه ، وعدني ماقلت السلام عليكم تم يصاارخ وحالته حاله .. انجليزي وانا على باب الله ماعرف ذااك الزود .. يصارخ ويسكت .. أثره يسألني ويقول لي متأخر .. وانا على بالي يقولي شسمك .. قلت ماي نيم فلان بن علان .. وتحرطم شوي ولافهمت شي ولاقصر واحد من الشباب ويقولي الدكتور معصب لانك متأخر !!! وانا على بالي انه يرحب بي ويقول شسمك ..!! قلت يعله السااحق الماااحق .. والرصاااص المتلاحق .. تأخرت ولا ما تأخرت شو يخصه ؟؟! على بالي ثنويه عااامه  طلعت السالفه فيها بطايق صفراا وخضرا وحمراا وطرد من الملعب  قلت لااااا مايصير .. اداوم كل يوم قبل الاستااذ واشغل الليت والمكيف وارتب الطاولات والكراسي واتريااه الين يحضر ولد الحمراا ولايعطيني بطااقه حمراا ,,---- دكتور مصري .. اتمنى انه وصل مصر ساالمٍ غاانم من دعااويي عليه خلاني انااااا بس اداااوم الين آخر يوم في الكوورس .. وليش ؟؟لاني وصلت الحرماان .. وبعد طلبه وحب خشوووم وافق انه ما يعطيني بطاقه حمراا ولكن بشرط ادااوم كل يوم الساعه 8 والين آخر يوم في الكورس .. وكنت بروحي ايلس في الكلاس واتريا الين يحضر الساعه 8 ونص تقريبا .. يحضرني .. يتم معايه ساكت الين الساعه 9 يصلح اوراق ويكتب مادري شوو .. وعقب يقولي تقدر تتوكل على الله !!! بذمتكم شو اسوي به !!؟؟ ماروم اسوي شي ... قااانوووون -------- اذكر مره .. عندي امتحان .. والامتحان هذا بالنسبه لي مهم جداً جداً ... الساعه 8 الصبح ,, نشيت من الرقااد وانها ثماان الا ربع !!!!!!!!!  افتر والتواا عليه بطني عشرين لووويه واشغل المووتر واظهر من البيت .. واقول في خااطري بسير من الدرب الفلااني لان مافيه اشااير ولا دوااوير .. والصبح دوريات وحشره عشان باصات المدرسه والشباب .. وانا مسرع ولا انتبهت لدوريات .. عندي نيسااان يدييييييييييييييييد ويروغني ويروغني راعي الدوريه وعلى كلامه وفي ذمته انه من الدوار الفلاني .. وانا عديت الدوااار يمكن بحوالي 10 كيلووو !! ولاشفت لواااح ولا شي .. يوم اني وصلت الكليه ان راعي الدرااجه عدالي ويقولي وقف وقف ويزاااعق  قلت دعست عيوووز في الدرب ولا شفتها !!وأوقف .. وبالي عند الامتحان وبيبدا الحينه وهذا بيحشرني وليسن وملكيه وبيصدع براسي .. و أوقف مافيني على كسر الاوااامر ..وانه محتشر وتووصل الدوريه الثانيه ويسألون السوأل الصعب كم تمشي ؟؟ قلت عندي امتحان وبتأخر عليه قال خلللللل الامتحان انا اقولك كم تمشي .. هي هيييييييه الريال محتشر واسلوبه ماعيبني .. وانا وراايه امتحان .. قلت الطبلووووون كااامل اسحب الليسن والملكيه وطبق القانون ولا ترفع صوتك .. ويسحبها والله وقال ساحة الحجز .. قلت ان شاء الله .. ويزروون عني .. واسير للامتحااان وامتحن وسهل وخلاف اسير لساحة الحجز .. واخلص امووري واستلم ليسني وملكيتي وازر عنهم  ------- الساعه الآن 2:44 صباحاً .... وعندي دوااام وانا سهران لان ماعندي شي.. لاحرمه ولا عيااال .. اتخيل عندي حرمه .. والساعه 10 تدخل عليه الغرفه واتسكر الكمبيوتر واتقوول يالله رقاااد زين ما اكهربها بوايرااات الكهربااا واخليها اتحرم اتمد يدها على الكمبيوتر بسير ارقد واشوفكم لاحقاً على خير ومسره ..
|
|||
|
|
|
10-29-2006, 12:30 AM
|
#7 | |||
|
مسيكم بعبق المحبه والشووق من أحضاان مكتبي المتوااضع
عيد الله عليكم امبارك .. متأخره هيه .. بس مشوووها وياا خوااتها الله يسلمكم ويسمنكم .. صليت العيد في ذااك الجو الربااني الي يطمن القلوب .. ودعينا بالي سمعه ساامع دبيب النمل على الحصااة الصمااااا .. عسى الله يغفر لنا ولكم .. ويبلغنا رمضان الياي .. ويتقبل أعمالنا ويتجاوز عنا .. من صليت .. فزيت فزت الي ذكر له وديعه .. ذكرت عيوزي .. قلت اكيد ظهرت من المصلى وتترياني .. اركز سااقي الين وصلت المووتر ... ادقه سلف .. واحرك الين قربته من باب الحريم .. شوي وان ذااك الموودمي الي سلب خاافقي .. عيوووزي انزل .. واسير صوبها احبها على راسها ويدها .. وأعايدها .. وافتح لها الباب .. واخلي البنـز يشم هوااا الشرقي الين قربنااه من عربنا .. تريقنا ذا الريووق الي يسر الخاااااطر ويعل والديها في الجنه ما عاااابلته .. انعااام الله .. سيَّر علينا كل شغموم ذربةٍ معاانيه .. مهيلات ودخون وعلووووم رجال نحووززها .. الين أذن الظهر .. وتغدينا .. وقيلت الين العصر .. قلت في خاطري ، داري ما تنمل .. ولاني عنها بمحووووووول .. ياغير طرى لي من بدت الخلق غاالي .. أعزه واغليه .. هو العين ورمشها وهو ناظرها الي انااظره بها .. واحرك لمطار بوظبي الدولي .. سقى الله بوظبي من صااادق رعايدها .. وأحجز ذيك التذكرتين انا وشيبتي .. وهو يقول ياولدي شلي حدك وشعنه ذا العيَّله ؟؟ قلت غالي .. والقلب له عشااااق .. قال قليبك خضر ؟؟ قلت مثل دارٍ ابطااا عليها الحيااا .. وساق الله عليها صاادقات الرعااااايد اتررزم .. ويضحك .. لاخليت من ذااك الويه .. وانطيـر الين قربنااها من الدوووحه وفيها الين يوم الجمعه .. غيرنا جوو .. ووسعت خااطري .. والقـلب سكنت غرااايزه
|
|||
|
|
|
12-20-2006, 09:03 PM
|
#8 | |||
|
مسااكم مسك وريحان
متصلين امس وقالوا لازم تحضر احتفال في العين مول عن المعاقين .. وقلت الساعه المباركه وبنحضر ان شاء الله وبنشارك ،، ظهرت من الدوام الساعه 4 العصر وخطفت على المسيد وصليت .. وتغديت وسرت السوق اتشرى وقبل المغرب بنص ساعه حركت صوب العين مول ..زحمه وحشره ودوريات .. وشرطه .. وأمن .. بدا الاحتفال وانا اطالع المعاقين .. الي مايروم يمشي .. والي يعاني من قزامه .. والي اعمى مايشوف .. والي اصم .. والي ابكم .. الحمد لله على نعمه وفضايله .. وانا في الحفل .. والفقرات شغاله .. وانا افكر اقول لو اني اعمى ؟؟ او معاق ماروم امشي .. او ما اسمع ولا اتكلم .. حاولت اعيش جوو الاشخاص هذيلا واحس باحساسهم .. وهل هم يحسدونا ولا يضحكون علينا .. دخلت علينا وحده مواطنه .. بعدها صغيره يمكن 25 سنه على كرسي متحرك ماتروم تمشي .. ماشاء الله عليها عزيمه واصرار ماشفتها في اي انسان سليم من اي اعاقه .. لا وتضحك وتسولف مع الحضور واليهال ولا عندها اكتئاب ولا ضيج .. وانا اطالع واتأمل شفت "السكنيه" تلووح في الافق .. يايه تمشي من بعيد .. وصفها محال .. بس الي اقدر اقوله وحده مريضه ومعوقه نفسياً .. وشايفه عمرها شي نادر وفوق الوصف .. مادري امنوه قااص عليها .. دخلت ويلست على الكراسي .. الشعر مادري كيف مسوتنه ومرتكز فوق راسها بذراع .. وخلاف حاطه الشيله من فووقه والصدر والرقبه مكشووفه .. اتقولون مضرووبه على راسها بعشرين قب الين ورَّم وخلاف غطته بالشيله .. شكلها وتصرفاتها ادل على انها وحده دون المستوى الانساني .. !! يلست اطالع المعاقين واطالع البنيه المعاقه بنظره تكبر واستحقار .. لا وكل ما خطفوا عدالها اتأفف اتقولون بيعدونها بالاعاقه .. على بالها الإعاقه فيروس ينتقل عن طريق الهوااء الجوي ذكيه ومسويه لي فيها مطوره وعندها برستيج خاااص  قلت في خاطري ليتج تنعمين ويضربج صمخ وبكم .. وتنعطب ريولج .. واتيبس رقبتج ولا اترومين تلتفتين لا يمين ولا يسار .. والسنه اليايه يسوون نفس الحفل ويدخلونج على كرسي ويحطونج عدال البنت المعاقه الي كنتي اطالعينها بنظرة احتقار .. بس عشان اتعيشين وياها نفس الجوو .. واتحسين بالي تحسه .. مهما كان .. هذا انسان حتى ولو كان معاق .. يتم انسان .. له مثل ما لكم كلكم .. له الحق يعيش .. له الحق يستمتع .. له الحق انه يحصل على الاحترام .. وله الحق ان يعيش حياته حاله حال غيره من الاصحاااء .. نظرة متخلفين ان الانسان المعاق هذا انسان ناقص .. انسان ما منه فايده .. انسان عبء على المجتمع .. نظره متخلفه ونظره سلبيه لابعد الحدود .. انسان معاق ، فاقد بعض الوظائف الحيويه ولكن ومع هذا قدر يأسس نفسه ويبني له مكانه في المجتمع وقدر يثبت وجوده ويلفت انظار الناس له ..
|
|||
|
|
|
12-23-2006, 01:12 AM
|
#9 | |
|
أقسام الموقع
