|
|
|
|
|
|
||
| إعلانات منتديات ألم الإمارات |
|
|
|||||||
| أرشيف المقهى أرشيف المقهى مجلس غير مخصص للمشاركات للإطلاع فقط . |
| كلمات البحث |
| يوميات فتاة حالمة |
|
|
LinkBack | أدوات الموضوع |
التقييم: 
|
طرق العرض |
01-12-2007, 06:17 PM
|
#21 | ||||
|
يوم الخميس الموافق 22 / 12 / 1427 ه
طلعنا للبر الظهر يوم وصلنا هناك صار الجو عجاج هواء يعني نزلنا وجلسنا ,,  لكن ما قدرنا نكمل جلستنا لأن التراب لعب فينا لعب ..  فرجعنــا .. لكن ما رجعنا للبيت .. رحنا لأستراحتنااا .. طبعا ألي طالعين حنا وعمااني وعمااتي .. وصلنا للأستراحه على 2 ونص الظهر .. أول ما نزلت للأستراحه راسي بدأ يعورني .. ونمــــــــــت ,, وما قمت الا المغرب ..  والبنات فالينهااا سوالف ولعب واستهبااال قهر والله فاتتني هع هع هع عاد يوم قمت وطلعت .. لقيت بنات عماني جايبين الدباب  ومدخلينه للأستراحهوجالسين يلعبون فيه؟  هههههههههه مت عليهم من الضحك قالوا ما دامنا ما تهنينا في البر بنعوض هناا عاد يوم شفت الدباب راح وجع الراس هع هع هع وجلسنا نلعب فيه ........  يمديكم علينااا
|
||||
|
01-12-2007, 06:23 PM
|
#22 | ||||
|
ما بقئ شئ على الأختبارات
اهئ اهئ اهئ  الله يعيننا ويوفقناااا ما بقى الا أسبوعين بس صايرين كل يوم نختبر لأنه راح نظام الأختبارات الشهريه بس مأملين انهم يرجعونه لنا الترم الثاني ونظام المعدل التراكمي ألحين يقلع أبو المشوااااااااااااار يعني 50 بالمية بياخذون النسبة من ثاااني و50 % من ثااالث كل مالهم يصعبون الدراسه ما تلاحظون ؟؟ وسمعت بعد ان الكليات بتكون 5 سنين بدل ما هي 4 ؟؟  على حظناااا 
|
||||
|
01-21-2007, 10:27 PM
|
#23 | ||||
|
السلام عليكم
كيف حالكم ؟ الله يعين الأسبوع الجاي في نفس هاليوم بكون أذاكر فيزياء السبت الجاي تبدأ اختباراتنا النهائية الله يوفقني انشاء الله اليوم الأول حطيناه فيزياء لأن هالمادة أغلبية البنات متعقدين منها  يا بعدي معلمتنا معذبينها تعذيب .. هي من النوع ألي تجتهد مررره .. وتبينا كلنا نفهم الماده ونحبهااا ويضيق صدرها المسيكينه اذا قلنا شئ في الفيزياء طبعا انصدمت أول ما جت وشااافت ان كل البنات ما يحبون الفيزياء خخخخخخخخ .. وقااالت انشاء الله معي بتحبونه !! ويا حسره هذاه خلص الترم ولا حبيته ؟؟ هع هع هع شرحها زين ,, ونفهم معهااا .. والحمدلله اختباراتها سهلتها لنا تدرون ليش ؟؟ مو عشان نجيب درجات ؟؟ عشان نحب الفيزياااااااااء بس أنا أقولها شئ في نفسي اني أكره الفيزياء ومستحيل اني أحبه ! أجيب فيه درجات حلوه أوووكي أفهمه معاليش لكن اني أحبه ؟؟ مستحيييييييييييييييييييل فهي منقهره مررره من هالنقطه عاد يوم شفنا انها تأثرت المسكينه صرنا نجاملها ونقوول نحب الفيزياء خلاص حبيناه لأنها تجهد نفسهااا بقوووووووووه ولا تبي ثانيه وحده من حصتها ترووح  ويوووه اذا تأخرت دقيقه تصدقون انها تحسب الوقت راح كذا وبقالنا كذا من شدة حرصهاااا أول مره بحياتي أشوف مدرسة كذا ؟؟ بس ماشاء الله عليها أحسها مخلصه ..  طبعا للمعلومية هي دارسه في الأردن .. دراستهم أصعب مناا يعني ..
|
||||
|
01-21-2007, 10:33 PM
|
#24 | ||||
|
عاد فاتكم يووووم الأربعاء وش صااار لنــــــــا ؟؟؟؟
معلمة الرياضيات طالبه منا بحث عن حساب المثلثات وعلمائه والخ وأفضل بحث بتعطيهم درجات تحسين للأختبار ؟؟؟ وشوا هالأختبار ؟ طبعا الأختبار في الباب الأخير وهو أصعب باب مو هي ألي راح تكتب الأسئله ؟ الموجهه هي ألي بتكتبهااا يعني نفس أسئلة الوزاااره !! انصدمنااا والمشكله اننا ثاني وداخل في المعدل ؟ قالت عاد ما في ايدي شئ هذا شئ من التوجيه ومو بس أنتم كل المدارس بيختبرونهم عشان يشوفون مستوى الطالبات في هذا الباب ؟؟ وهالباب ألي هو باب الجا والجتا الكل يكرهه ويعتبره أصعب شئ في الرياضيات .. المهم أسكتنا .. وقلنا لها شوفي الأسئله وخططي لنا .. شافتها وخططت لنا المتطابقات لأنها فووووق 30 متطابقه ؟ جاااء اليوم وأنوااع الأرتباااك ننتظر هالأسئله الحصه السادسه .. جت ووزعت الأوراق .. وبدت تقرأ الأسئله ؟ أول ما شفت الورقه تنحـــــت !! بديت أقلبها .. عقب قلت يالله سمي بالله يا بنت وابدي حلي بديت بمسأله معطيتنا اياها وحليتهاا هذي ألي في الصفحه الثانيه فيه معادله تحتها ما حليتها قلت بخليها آخر شئ رجعت للصفحه الأولى وأول سؤال كان اختيارات ,, ما أدري كم فقرة بالضبط ؟ بس فوق 5 فقرات يوم شفتها انهبلت ؟؟ كلهاااا مسااائل وطويييييييل حلهااا ؟؟ وغير كذا غير مباشره يعني يبيلها تفكير ومخمخه تخيلوا اني وأنا أحل في آخر فقرة من الأختيارات صفرررت الحصه ؟؟ يعني انتهى الوقت !! بس ترى ما بدينا الا بعد ماراح ربع ساعه من الحصه ..  قالت يالله لكم 10 دقايق أنا عندي حصه ! آخر اختيار ما أمداني حطيته تخمين ! والحمدلله صار صح عقبها جت صح وخطأ برضوا اعتمدت على التخمين لأن كلها مسائل ولا عندي وقت ؟ وجت الفراغات وخمنت برضوا .. بس الأسئلــــــــه صعبــــه بمعنى الكلمه صعبه صعبه صعبه ..  يبيلها تفكيييييييييييييير ووقت .. المهم سحبت منا الأوراق وأنا ما أمداني أحل المسئله الأخيره ! بس يالله شئ جديد شفت كيف أسئلة التوجيه صعبه ويكفي اني فكرت بس والله لو معطيتنا وقت كان حليت زين عاد بنشوف يوم السبت درجاتنا الزينه ؟ البنات كلهم بنشروااا وبانوا على حقيقتهم .. وألي مو قد العلمي سلم الورقه فااضيه
|
||||
|
01-21-2007, 10:37 PM
|
#25 | ||||
|
وش هالقرارات ألي صدرت على دفعتنااا ؟؟
أصدرت الوزاره قرار بأنوا السنة الجايه ماراح يكون فيه اختبارات من الوزاره لثالث ؟ يعني حنا لكن بدل الأختبارات .. وش بيصير فيه ؟ بيكون فيه ................... > أكيد شئ أصعب ؟ (( اختبار قدرااااات )) واختبار القدرات هذا يعتمد على الثقاافه العاامه يعني ألي يبي يفلحون الأدبي ويصفي الطالبااات تصفيه موووو سهله لكن الله يعيننا عليه .. وعيبه انه يخسف النسبه خسف والله قهررررررر أسئلة الوزاره أهون علينااا هذا من غير انوا الأسئله ماراح تكون من مدرستنا من مدارس ثانيه  كل مالهم يصعبووون الأموور والمشكله حنا الضحية صرنااا تجار لهم هالسنة جربوا فينا المعدل التراكمي والسنة الجايه اختبار القدرات والله يستر من الجاي
|
||||
|
01-21-2007, 10:45 PM
|
#26 | ||||
|
النشرة الجوية
هع هع هع الجو عندنا في الرياض هاليومين روووعه غيووم ومطــر بس رجع البرررررد طلعنا للبر اليووم أنوااع الزحمه بس الجو خيــال 
|
||||
|
01-21-2007, 10:49 PM
|
#27 | |||
|
احرص على صحبة ثلاثة ~
ثلاثة احرص على صحبتهم : - عالم متخلق بأخلاق النبوة .. - حكيم بيضت فوديه ليالي التجربه .. - شهم له من مروءته ما يحمله على نصحك اذا أخطأت و إقالتك اذا عثرت .. و جبرك اذا انكسرت و الدفاع عنك اذا غبت و الأكرام لك اذا حضرت .. 
|
|||
|
01-21-2007, 10:57 PM
|
#28 | ||||
|
مدرســ الحياة ـــة علمتني الحياة .. والحياة خير معلم .. أن الأيمان مرفأ يرسو عليه الإنسان فيطمئن ,, وأنه لا شئ يؤنس الإنسان كصلته بربه .. علمتني الحياة .. أن يوما بغير إضافة إلى عقلي أو في عطائي غير محسوب عمري , وأن العلم أغلى الثروات لكنه كالزرع يحتاج إلى رعاية .,. وعلمتني الحياة أن النفاق خطير فليس كل ما يلمع ذهبا .. ما أكثر ما علمتني ؟ وما أقل الذي عرفته ..
|
||||
|
01-21-2007, 11:03 PM
|
#29 | ||||
|
السعادة: معنىً لا يمكن الوصول إليه بكنوز الذهب والفضة؛
لأنها أغلى من الذهب، والفضة. السعادة: كاللؤلؤة في أعماق البحار، تحتاج إلى غواصٍ ماهر يُتقن صنعة الاكتشاف والغوص. السعادة: هي مواقف، وكلمات، وتطلعات، ونظرات في الحياة بواقعية وأمل وتطلع وإشراق. ابحث في داخلك ففي أعماقك السعادة، وفيها الينبوع الذي لا ينبض .. الإيــمــان .. ينـبوع السـعادة
|
||||
|
01-21-2007, 11:05 PM
|
#30 | ||||
|
الغضب أعمى أعمى الغضب زوجة ألمانية بعد شجار مع زوجها فانطلقت في ثورتها من مزلها حاملة مطرقة لتحطم بها سيارته وتدرك بعد فوات الأوان أنها حطمت سيارة الجار وليس الزوج.. اعترفت الزوجة 43 عاما بأنها حطمت الزجاج الأمامي للسيارة والكشافات الضوئية وخلعت المرايا الجانبية فقد أحدثت بالسيارة المنكوبة 1000يورو كل هاذا بسبب شجار على الهاتف . . وبعد أن نفست الزوجة عن غلها وعادت إلى المنزل أدركت أنها حطمن السيارة الخطأ ولم ترى منها سوى لونها فحطمت سيارة جارها الأوبل كورسا الزرقاء بدلا من سيارة زوجها الفورد فيستا الزرقاء .. فإياك من الغضب الأعمى .. # واللهِ مجـــــــرمه .. يا حووول وش ذنب السيارة هههههه #
|
||||
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
العرض العادي
