|
|
|
|
|
|
||
| إعلانات منتديات ألم الإمارات |
|
|
|||||||
 |
|
|
LinkBack | أدوات الموضوع |
التقييم: 
|
طرق العرض |
10-19-2006, 01:08 AM
|
#11 | |||
  
|
يوم في حياتي..لووول
السلام عليكم ورحمة الله وبركاته
اليوم الحصة الأولى كنا فاضيين  لووووووووووول ما بغينا بصرااحة المراات اللي نكون بها فاضيين تنعد ع الأصاابع بس حلاتها لما تكون الأخيره ووووو شو صاار بالمدرسة اليوم اممممممم ما شي بس كان عليه امتحان والحمد لله حليت عدل  وان شاء الله خير هييييييييه ذكرت اليوم وحده من البنات الله يذكرها بالخير كانت مسويه اعلاان كنت بسوي له سكاان وبنزله لكم بس الابله شاالته وشقته وعقته بالزباله وانتو بكرامه  اون عبارات تحبيطيه ومن ها السوالف لان الاعلان كاان يرمس عن القرارات العجييبة اللي كل يوم والثاني ينزلونها وكاانت كاتبه ( سارعوا بحجز مقاعدكم من الآن)<< تقصد للسنه اليايه..لوووول والكرسي الواحد بــ (9999$)  لووووووووول نحن خذناه سواالف واستانسنا عليه دخلوا المدرسات شافوه احتشروا عليناا حراام عليهم والله من الله عايفيين حياتنا من ها القرارات ما يبونا نستاانس شوي نظهر حرتنا شوي الله يعيينا بس ووووووووو هييه صح نسيت اسألكم عن البور بوينت اللي هو العرض شو راايكم به..؟؟ ^_^ خباال صح  لووووووووووووووووول وبااجر بندااوم بعد والله مالنا باارظ بس هب برضانا غصب(ن) علينا 
|
|||
|
|
10-21-2006, 01:59 AM
|
#12 | |||
|
MiSs U
السلام عليكم والرحمة
وايه .. مشتاقة لكم حيييييييل  البارحة ما كتبت لكم شي احس شي كان ناقصنييه بس كاان مالي باارظ البارحة يعني حتى لو كتبت بيكوون من ورا خاطرييه  لووووووول اممممممم تذكروون الاعلان اللي خبرتكم عنه وانشق البنت الله يذكرها بالخير يابت نسخة غيرها اليوم الثاني  وهذي هي صورة الاعلان  السمووحة منكم الرمسة مب وااضحة عسب صورت لكم الورقة ما سوييت لها سكاان اممممممم خلونا انكمل فــ اليوم الثاني ياابت البنت اعلان غيره ترضيه للمدرساات..لوووووول وكاتبتنه باللهجة الشحية لووووول خباال والله استانسنا علييه  اذا ما فهمتوا الرمسه خبرونييه عسب اترجمها لكم لوووووووول عقب فــ حصة الانجلش بناات Kinder Surprise زااايد الخباال عندهم حبتيين << ما سمعونييه والا بيركظوون ورايه  .. لووولوحده منهم مسويه مقلب بالثانيه قبل والحينه الثانيه ترد لها بمقلب غيره وميلسينييه انا من بينهم وكل وحده اتطرش لي رمسه مستويه مصلحة اجتماعية  .. لوووووووولويلسوا ع ها الحال ليين الحصة اللي عقبها جاان تعترف البنت انه مقلب  وهااي ورقة الاعتراف  ما خصكم شو مكتووب بالورقة << الحينه منو قال يبا يعرف.. لوووووول وهذا اللي صاار البارحة اما عن اليوم ما صار شي مهم بس اليهال زاايد خبالهم حبتيين << كل الناس زاايده خبالها.. لا وبعد نفس القيااس ..حبتييين.. لووووووول ويا الله مرااغد ورااهم من مكان للثاني  وظرااب وتهديد وما يفييد بهم شي الله يهديهم ويهدينا وياهم قولو آميـــــــــــــــــن  يا الله استرخص منكم الحينه SeE U 
|
|||
|
|
|
10-22-2006, 02:44 AM
|
#13 | |||
|
يوم روتيني
كعادتها الاجاازة
تمر روتينييه بس ها الروتينيه احلى من ايام المدرسة ع الأقل نحصل وقت شوي نيلس به ويا الأهل وانا الحينه حضرتييه يالسة اتلعب مب جنه ورايه تقارير ومشاريع لازم اخلصهن  بس براايه ابا اتهنى بها العيد دام العيد الثاني محطينه بوسط الامتحانات  يعني ما بنتهنى به << اللي يسمع الحينه بيقول مقطعه عمرها من المذاكره..لوووول بس سمعت شي احتمال يعدلوون فتره الامتحانات والله العالم دعوااتكم اخوانييه سوري ع الاسلوب ترانييه مسطله الحينه وموصله حدي اسمحولي الغاليين تصبحوون ع الطاعه لا عدمنااكم
|
|||
|
|
|
10-23-2006, 02:53 AM
|
#14 | |||
|
السلام عليكم ورحمة الله وبركاته
يقول لكم اليوم سوينا حملة تنظيف ع الغرفة لوووووووووول تنظيفات العيد مثل ما يقولون صح نتعب ونتخيس وتصير حالتنا حالة بــس نستاانس ونحس ان شي مناسبة بتصير وان شي غيير بيستوي لوووووول هذي الحملة كانت فتره الظهر عقب ع العصر سرت افتريت شوي بالسوق مافيه ع الزحمة فــ الليل عسب جييه سرت العصر ع المغرب كنت اعابل ع الكمبيوتر واحاوط شوي فـ النت عقب ع العشا نزلت القصة اليديده لــ غزلان الريم بصرااحة هي القصة خالصة من شهور وانا كانت عندييه من بداية رمضان بس قالت لا يا نبووض شقا اتنزلينها لهم الحينه فها الشهر الفضيل ها الشهر للعباده مش لها السوالف وما طاوعنييه قلبي انزلها قبل المهم نزلتها اليوم بتحصلونها ع العنوان تحت اضغطوا عليه بس ..+..[..يعذبـــ بخصامه ــني..]..+.. وها القصة عيدية لكم من غزلانووو وان شاء الله تعيبكم مثل ما عيبتييه بصرااحة ها المره اسلوبها غير عن القصة القبليه اللي هي حبك حبيبي ما طرى ع البال اذا قريتوا القصتين بتحصلوون اختلاف كبيير بينهم من حيث الاسلوب والافكار والعرض ان شاء الله يعيبوونكم يمييع امممممممممم خلونا انكمل شو صار لي اليوم عقب ما نزلت القصة رديت عاابلت فــ الغرفة طشوونة يعني غيرنا الكفرااات لووووووووول وناااسة لما نسوي نيو لك للغرفة عقب سرنا المطبخ وسويت لهم sweet عاده نبووضه تطبخ خير وبركه منها ترااني ما خصني فــ الطبخ واهواله<<وين تبيين..لوول يعني يا الله ع باب الله فــ ها السالفة ها الشي الوحيد اللي اعرف اسوييه وما جربت اسوي لهم شي غيره ان شاء الله باجر بصور لكم اياه وبخبركم شقاايل تسوونه عقب ما خلصت من السوييت شاركنا فــ الحملة التنظيفة للبيت وخلــص اليوم هذا اللي صار اليوم<<ادي اذيتكم بكلمة (اليوم) اليوم..لووووووول << بعد رديتي قلتيها ومباارك عليكم العيد وعسااكم من العايدين والفايزين وهذي عيديتكم  لووووووووووووول
|
|||
|
|
|
10-24-2006, 12:23 AM
|
#15 | |||
|
العيـــــــــــد
اليوم كان ونااسة فــ وناااسة
بدايته نشة من وقت عقب نتجهز ونتعدل نتريا الرياييل لين ايوون من المصلى انعايد عليهم عقبها نتريق يميييييييييع ع الظهر ظهرنا سرنا انسلم ع الأهل بصرااحة هذا أحلى شي صلة الرحم خذنا برييك العصر والمغرب ردينا نزوور الأهل لووووووووول وناااسة والله يعله يعود علينا بالخير والبركة وكل سنة وكل حول << ما خصكم بالتفاصيل .. هع هع
|
|||
|
|
|
10-25-2006, 01:23 AM
|
#16 | |||
|
رحلة الي مسندم
اليوم كان وناسة × وناسة
بصرااحة ايام العيد مالها مثييييييل اليوم سرنا مسندم اللي عرفها وفر عليه واللي ما عرفها<< يوم انج بتقوليين..اشعنه تتحرطميين من قبل..لوووول ترا هي جزء من سلطنة عمان وهي المنطقة الموجوده فوق الامارات طلعنا من البيت ع الساعة 12 ووصلنا ع الساعة 1 وشي .. ما اذكر كم كانت بالظبط سرنا بيت خالتييه يلسنا وسولفنا واتغدينا عقبها طلعنا سرنا صوووب خصب عاده اللي يبا يرووح غصب لازم يكون فيه هبة للتلفليفاات ودواارة الراس لان الشارع اللي يوصل لها مساواااي ع اليبل (الجبل) وعااده انا ما نسييتكم صورت لكم انا واختييه x human بعض الأشيا والمناظر اللي شفناها اول شي نبدا بالمناظر  هذي بيووت جديمه اسمحولي الصور يمكن اتكوون مب وااضحة عدل عسب السيارة تتحرك ونحن نصور  وعقب مرينا ع حديقة خصب   واليلسة ما تحلى بدوون أكل يم يمـــي  ونحن بالطرييج شفنا محطة الأرصاد الجوية مالتهم  دقاايق وبكمل لكم الباجي 
|
|||
|
|
|
10-25-2006, 01:39 AM
|
#17 | |||
|
رحلة لــ مسندم
بـــــــــــــاك
ونحن فــ طريج الردة مرينا ع ها الباخرة  هاي الباخرة مكونه من كذا طاابق وبها مطاعم ويمكن شي فندق ما اعرف والله ما دخلناها بس الظاهر اهم مسوينها كــ منطقة جذب للسياااح  وهذا منتجع جولدن تيوليب موجود فــ خصب ويطل ع البحر  عقبها ردينا بيت خالتييه كان ع أذان المغرب وهااي صورة للقلعة اهي موجوده فــ بخا بس عسب ظييج الوقت ما سرناها  ها القلعة موجوده فوق اليبل اذا طليتوا منها تروموون اتشوفوون كل المنطقة تحتها لوووووووووول ع المغرب سرنا عايدنا ع الأهل والعشا ردينا البلااااااد وهذي جمارك رأس الدارة اللي اهي جمارك راس الخيمة  وهذي رحلتنا لها اليوم ان شاء الله تكون عيبتكم
|
|||
|
|
|
10-26-2006, 02:33 PM
|
#18 | |||
|
sweet
تذكروون الsweet اللي سويته ليلة العيد
اليوم بكتب لكم طريقته للمرة الثالثة حليلي مرتين كتبته قبل وكل مرة يظهر لي Network Error يا الله ما علييه فدوه عن رااسكم اول شي الصورة  اللي مقصصات مربعات هذييل انا مسويتهم اما الدوااير اختيه هي اللي مسويتهم امممممممممممم خلونا نبدا قبل كل شي اسم الــ sweet هو فستقية اول شي المقادير: 400 جرام بسكوت 270 جرام زبدة ويفضل غير مملحة كوب فستق علبة حليب مكثف علبة قشطة (قيمر) تبووون الطريقة اكييد والا سواالف بس <<متفيجة صح..لووول اوكي خلاص الحينه بكتب لكم اياها الطريقة: الطبقة الأولى: نطحن البسكوت وعقب نخلطه ويا الزبدة لين تصير عندنا عييينه (عجينه) متماسكة واذا احتجتوا تزيدوون شوية زبدة عسب يتماسكوون مافي إشكال نفرش الطبقة الأولى فــ الصينيه الطبقة الثانية: نطحن الفستق عقب نحط الفستق+الحليب المكثف+القشطة فــ الخلاط ونخلييهم يختلطوون عدل عقب نجب (نصب) الطبقة الثانيه ع الأولى ندخل الصينيه الفرن ونجيك عليها من فتره لــ فتره ليين ما تنشف الطبقة الثانيه بحيث اذا لمسناها بطرف سجين ما يعلق شي منها بالسجين اترييوا لين تبرد شوي عقب دخلوها بالثلاجة تتخلى كم ساعة بالثلاجة يعني تقريبا 3 ساعات او اكثر تتقصص مربعات وتقدم وبالهنا والعافية
|
|||
|
|
|
10-28-2006, 01:34 AM
|
#19 |
|
|
أقسام الموقع
