|
|
|
|
|
|
||
| إعلانات منتديات ألم الإمارات |
|
|
|||||||
 |
|
|
LinkBack | أدوات الموضوع |
التقييم: 
|
طرق العرض |
10-10-2006, 12:44 AM
|
#1 | |||
  
|
▓Ξ❤Ξ حياتي..نبضها انتم Ξ❤Ξ▓
السلام عليكم ورحمة الله وبركاته
اشكر كل من له دوور فــ افتتاح ها القسم وانا ان شاء الله بحاول اجدد الموضوع باستمرار اتمنى اني اكون خفيفة عليكم بيومياتي وان شاء الله تستمتعون بها وتتعرفون اكثر علييه منها والسموووووووووحة  اختكم: نبض الشمال
|
|||
|
|
10-10-2006, 01:13 AM
|
#2 | |||
|
9/10
اليوم ما في شي مميز صار لي يعني كان كل شي روتيني الصبح سرت المدرسة والخبال كله يصير بها خلوني ارمسكم عن اجوا المدرسة عندنا صفييه فوق يعني بالدور الأول<< ليش شي ثاني من ورانا .. هع نحن 5 بنات فــ الصف مسويين لنا شله  دووم نحاوط ويا بعض خبالنا نشاطاتنا شغلنا اغلبه ويا بعض بس انا يالسة بعيد عنهم بس الاشارات والحركات شغاله طول الدوام  اليوم طلعوا لنا لقب يديد سمونا Kinder Surprise  امممممممم وبس هذا عن المدرسة ان شاء الله ويا الوقت بتعرفون عنها اكثر عقب ما خلص الدوام رديت البيت ورقدت وعقبها اشيا روتينيه بس اللي قهرنييه اليوم انهم ظهروا  وانا حليلي عليه امتحان باجر << دعواااتكم  عسب جييه ما ظهرت وياهم << اونييه عاده طالبه مجده .. هع بس قالو لي بيظهرونييه باجر والله العالم شو بيصير وسلااامتكم
|
|||
|
|
|
10-11-2006, 12:44 AM
|
#3 | |||
|
10/10
اليوم فــ حصة الانجليزي كان عندنا structure كنا ناخذ الــ Collective nouns سألت المس تعرفون مجموعة الحيتاان شو يتسموون بالانجلش<< عاده بلهجتها مش اماراتي قلنا لها لا .. شو ينقال لهم قالت school نحن فجينا عيوناا يعني ورانا ورانا ها الكلمه عقب قالت ومجموعه السمج..؟؟ جان تقول وحده من البنات الله يذكرها بالخير ايسمونهم class هع هع عاده نحن ها اللحظه نقعنا ضحك  هع هع سوت خير والله صفنا رااقد اليوم بزيااده كله عسب امتحان الكيميا امممممم وعن الامتحان الحمد لله حليت عدل وان شا الله خير هذا اللي صار بالمدرسة واليوم عدا عادي وكوول بس عقب الفطوور وصل لنا خبر عكر علينا الأجوا فــ البيت  بس هذا قضاء الله وقدره ولازم علينا نرضى به والحمد لله ع كل حاال وسلااامتكم
|
|||
|
|
|
10-12-2006, 01:11 AM
|
#4 | |||
|
11/10
11/10
اليوم فــ حصة الانجلش << ادري بكم عفتوهاا .. بس خبالنا يظهر فيها كنا نبي نسوي مقلب بوحده من شلة Kinder Surprise مسكنا طرف وقايتها وربطنااه بالكرسي اللي وراها حليلها كل ما تبا تعدل وقايتها تعلق هع هع وهي متلعووزة مب رايمه ترمس عسب المس كانت مغيظه ع البنات بالأخير رحمنا حالها وفتحناها غمضتنا.. هع هع والحينه قبل ساعة ما ادري ساعتيين قريت عن اللي مسويينه الدنمارك ربي ينتقم منهم اخوانييه قاطعووهم والله ان اللي مسويينه ها المره ابشع عن اللي مسوينه قبل بوااااااااااايد شافونا احتشرنا فــ البدايه وعقب سكتنا لما اعتذروا ردوا وسوو فعله ابشع عن اللي قبلها اتخيلوا انهم مسويين لعبه اظنييه انها لليهال عن الرسوول عليه الصلاه والسلاام وربي جاان شفتوا بس غلافها كافي انكم اتغيضوون عليهم ربي يراوينا يوم فيهم ها الأيام مافي احداث مهمة واايده بس ان شاء الله باجر برمسكم عن قبل والمواقف اللي صارت لي وبرمسكم عن عمرييه زوود والسمووحة
|
|||
|
|
|
10-13-2006, 01:16 AM
|
#5 | |||
|
12/10
اليوم حصة الانجلش كانت ملل ورقااااد  من زود الغصة اللي فينا وحده من شلة Kinder Surprise حطت حرتها بالكتاب بسوي لكم سكان للكتاب وبنزلها لكم باجر باذن الواحد الاحد وقبل ما انرد البيت شي بنات كانوا يايات من المؤتمر المسواي عسب يتناقشون ويا طلاب الثانويه عن النظام اليديد للثانويه العامه كنا متأملات خير من ورا المؤتمر  بس الظاهر ان الشقى ورانا ورانا  شالوا عنا السهل ،، وخلوا لنا الصعب  ارحموا حالنا شوي ،، بنتخبل ترانا الله يعييييييييييين ويعاوون والحمد لله ع كل حال دعوااتكم اخوانييه .. محتايين لها حيييييييييل عقبها سرت مدرستييه الجديمه  استانست وااايد لانييه جاابلت وحده من المدرساات اللي اعزهم وااااايد  وخازت عنييه ضيجه المدرسة شوي ع المغرب سرت المدرسة كانت عندنا ليلة رمضانيه برنامجها كان ايماني ترفيهي وقضيت احلى الأوقات والحينه اليهال عندييه مخبليين براسييه  وسلااااامتكم
|
|||
|
|
|
10-13-2006, 07:38 PM
|
#6 | |||
|
السلام عليكم والرحمة
مثل ما خبرتكم البارحة اني بنزل لكم خربشاات حصة الانجلش  وهذي هي  لا تلعقون ع الصور   والسمووووووحة
|
|||
|
|
|
10-14-2006, 03:20 AM
|
#7 | |||
|
اهــــ نبــ حياتي ــض ــداء
السلام عليكم والرحمة اليوم بنغير ها المره يايبة لكم اهدااء بسييط ان شاء الله يعيبكم  والسمووحة ع القصوور أختكم
نبض الشمال
|
|||
|
|
|
10-15-2006, 03:35 AM
|
#8 | |||
|
ربي يعيين ويعااون
اليوم ايدينييه تكسرن من مساائل الرياضياات
اتخيلوا 38 مسأله.. وكل وحده اطول عن الثانيه من الظهر ليين المغرب وانا يالسة ويا الرياضيات بس لاعت جبدييه منه  وراسييه افتر ففففر  ما يسوى عليناا يا بووكم ها الدرجاات صدقت من قالت نحن مش بثانويه عاامه نحن بثانويه عذاااااااااااااااااااااااااااب  وربي يعيين ويعااون
|
|||
|
|
|
10-17-2006, 01:11 AM
|
#9 | |||
|
...((نبض))...
16\10
البنات فيوزاتهم ضااربه اليوم..هع وحده من شلة Kinder surprise فــ حصة الفيزيا كانت تقرا المسأله وبدل ما اتقول البَنْدول كانت اتقول البَنَدول<< شكلها مصدعه وخاطرها بمهدي .. هع عاده شلتنا ما يفوتوون شي قاموا فــ حصة الأحيا يظهروون ابداعاتهم وسووا اعلان عليها حليلها غمضتنييه<< اونج عاده.. جان ما ضحكتي وياهم..هع  هذا الاعلان  السمووحة الخط مب وااضح عدل عسب صغرت الصورة شوي  وووووووووووووو هيييييه سرت السوق اليوم شريت لي كم غرض للعيد  والوقايه خبلت بي خباال بالأخير فصلت والله العالم بيخلصها لي قبل العيد والا لا وبعد لازم اظهر مره ثانيه عسب اكمل باجي الأغرااض والمدرسة مب معطتنا فجه كل يوم والثاني امتحان لاعت جبودنا ما اتهنينا بالعشر الأواخر حراام عليهم وربي يتقبل منا طعاتنا يمييع قولوا آميــــــــــــــن
|
|||
|
|
|
10-18-2006, 01:05 AM
|
#10 | |||
|
يومياات
السلام عليكم ورحمة الله وبركاته
اللي فاته العرض البارحه بيحصله فــ الملفاات المرفقه .. هعان شاء الله يعيبكم هذا من فنتوكاات غزلان الريم اليوم جاان يعاقبونييه..هع فــ الفسحة كنا فغرفة الجيولوجيا نتطاالع شغل ع الكمبيوتر عاده الحينه برمضان الفسحة 10 دقايق ما انلحق نسوي بها شي ولا نتهنا بها ودق الجرس ونحن ما خلصنا وحضراتنا كنا نتحسب علينا فيزيا ونزلنا للأبلة تحت لما شفناها قالت انا مب عليكم الحينه  جان اتطالعتوا اشكالنا ذييج الساعه بتفطسوون ضحك عقب سرنا ركييظ الصف بس ما لحقنا الأبلة كانت فــ الصف دخلنا اونا بريئاات  جان اتقول اوقفوا وراا ونحن ولا ع الباال عادي مب جنه كله نتحااسب عليه ويلست الأبلة ترمس عن آخر قرار نزل بالمااده اللي هي العربي ويلسنا نحتشر ولا جناا معاقباات بس حليها الأبله رحمت حالنا خمس دقاايق ويلسنا فديتنا والله  وعقب فــ حصة الكيميا كنا سايراات المختبر ونحن طبيعه صفنا هادي لما وصلت الأبلة وسمعت الحشرة استعيبت اونه ع بالها الصفوف الثانيه هع حليلها والله طيووبه ها الأبله وهذا اللي صاار اليوم كاان كله حشره بحشره وكلها الحشره ع القرارات اللي ما اعرف متى بيرسوون بها ع بر كل يوم والثاني نزلوا لنا قراار يديد الله يعيــــــــــــــن دعوااتكم الطيبة يا الطيبيين لا تحرومنا منها
|
|||
|
|
أقسام الموقع
