دنيـاكـ دنياي

قلب خفاق

.

•

.


+{ السلام عليكم و رحمة الله }+



يسعدلي مســاكم ع صبــاحكم اخواني و خواتي ..


شحــالكم .. عســاكم بخيــر ..

و شوو الصيام ويــاكم ..


المهم ..

فـ هـ الصفحه بحط لكم يومياتي انــا قلب خفاق >>> حلفي انتي بس ..

اول شي بعرفكم ع نفسي و بعديــن بخبركم شو يستوي ويايه من مواقف و خرابيط و صوالف ..



و الحيــن ..

فاصل اعلاني



حد فـ خاطره ..



فطــاير ..



دونــات ..


تحيــاتي القلبيه ..




+{ تحياتي .. ام خمـاس }+

.

•

.

قلب خفاق

.

•

.


+{ مســاكم الله بـ الخير }+



اسميه : قلب خفاق

عمريه : 17 سنه و قريب بدش الـ 18

ويـن اعــيش : فـ الشارجه ..

هوايتي : التصميم و التصوير و احيـانا الرسم ..

الحاله التعليميه >>>صح جيه !! لول : طالبه فـ الثانويه العامه .. القسم العلمي ..

حكمتي فـ الحياه : البساطه .. طريقك نحو التميز ..

اشيــاء تجذبني : الثياب و الاكسسوارات و من هـ الخربطان ..

هدفي فـ الحياه : اني اكون محبوبه بيـن النـاس .. و انه اهلي يرضون علييه .. و اني اكون متميزه فـ بلادي ..

اشيــاء تميزني عن غيري : اممم هدوئي و عناديه و ع قولة ختيه راسيه يابس لول .. و بس هـ الي اشوفه انــا ..



نصيحه : لا تشرب الجاهي عقب ما تاكل اللقيمات ..



+{ تحياتي .. ام خمـاس }+

.

•

.

قلب خفاق

.

•

.


+{ مســاكم الله بـ الخير }+



شحـالكم ..

شو الصيـام ويااكم ..

عااد خلاص ما بقى الا كم يوم و بيخلص هـ الشهر الي نتريااه من سنه لـ سنه ..

و بيينــا العيــد ..

هيـه ع طاري العيد ..

خلصتــوا اغراضكم مال العيد والا بعدكم ..

انــا وحده خلصت كل اغراضي من الالف الى الياء ..

فديــت ابويه انا .. قال تشروا حق العيد قبل رمضـان عن الزحمه ..

و انا سمعت رمسته .. و خلصت >>> يا حيج انتي ..



تعرفــون احس بــ راحه نفسيه .. خلصت و افتكــيت ..

الحيـن الاسواق زحمه و تططططفح من الناس .. و كل من يقول يالله نفسي ..

حتـى يوم تدشون محل والا شي ..

تشوف الناس حاطه عينها ع القطعه الي فـ ايدك .. بس تترياك تهدها عسب تشلها هيه عنك ..

الله يهدي اليميــع ..

اشوفكم ع خيــر ..

فداعه الله ..





+{ تحياتي .. ام خمـاس }+

.

•

.

قلب خفاق

.
.
•
.
.





.
.

عيــدكم مبــارك و عســاكم من عواده ..



يعل هذا العيد لي ياكم
تفرحون بشوف غاليكم
والقرايب كلها وياكم
وانا بقدومه اهنيكم
ويعلني يا سيد القاكم
في فرح واسعد لياليكم



ما باقي الا كم ســاعه .. و بيهل عيد الفطر ..

عســا الله يعوده عليـنا و عليكم كل سنه و كل حول يا ربي ْ>>> بلاني استويت خخخ

هاا شو النفسيـه >> داخله حرب انا

صرااحـه انا وحده ما بحس بالعيـد الا باجر الصبح يوم بحصل عيديتيـه خخخ ااقصد يوم بتزهب و بتكشخ


يالله


ان شاء الله هـ العيد يكــون اكسبيشل و غيـر عن باقي الاعيــاد ..

و تستــانسون فيـه .. و تشوفون قرايبكم ..


شكلييه ما برقد انا الليله خخخ ما فيني رقاد الصراحـه

بس بسيـر احووط شويـه فـ البيت .. و بسوي شوية ترتيبات

و خلاف برقد ..

يالله تصبــحون علـى خير ..




همسه : يقووللكم الشيــاطيين هدووهم


و عيـــدكم مبــارك ..

.
.




.
.
•
.
.

قلب خفاق

.
.
•
.
.





.
.

مســاكم ورد و جـــوري زوار صفحتــي ..

شحــالكم .. عسـاكم بخيـر و نعمه ..



من كم يوم كان جسمييه متدقدق و متكسر و كنت حاسه انييه بمرض و بتييني حماا

بيني و بينكم كاان ودييه انه تيني الحماا خخخ

صح الحمد لله ع نعمة الصحه و العافيه ..

لكــن يوم انته ميهود تلقـى الكل حولك و يداريك و يهتم فيك

وناسه ياخي

^
^
^

شوفووا التفكيير انتـوا بس خخخخ

استغفر الله العظيم

يالله الحمد لله ع كل حـال


هييه برمسكم شوي عن ابلة الـ فيزياء

الله يسلمكم ابلتــنا امبونــها كانت سورية او اردنيه شي من هـ ال2

لكـن ماادري شو ياها و غابت عنـها يمكن حول الـ 3 اسابيـع ..

و يابلونــا بدالها وحده مصريه .. موول ما تعرف تشرح

فالحه الا فـ الرمسه الزايده الي مالها معنــى .. لكـن شرح و ما ادري شو ما يخصه .. محد فاهم علييها

عااد اليووم يايه و لابسه هايييك الكندورة المخورره الغااويه >>>

الله ييسر دربهـــا و تتوكل بحفظ الله ..


دعواتكم انتـوا بس ..

عاد هـاي آخر سنه ليه .. و ان شاء الله اييب هاييك النسبه الغاويـه ..

يالله اشوفكم ع خيـر



.
.




.
.
•
.
.

قلب خفاق

.
.
•
.
.





.
.

2 - 11

هـ اليوم صادف وفاة ابويـه زايد الله يرحمه ..

ما اعرف اعبـر عن شعـوري ..

الا ..

بـ هـ البطاقه الي سويتـها ..









.
.




.
.
•
.
.

قلب خفاق

.
.
•
.
.





.
.

يسعدلي مسـاكم جميــعــــا ..

رديت انا >>> قولي والله خخ

اليوم استوالي موقف سحيــق ..


اخخ وييهييي

كنـا سايريـن مول من المولات .. طبــعـا انا الحبيبه ما صدقت توقف السياره عسب انزل ..

قمت و بكل رقهـ فجيت الباب و نزلت >>> اشك

و جابلت السياره الي حذالنــا .. كانت مخفي عاكس خفيف و مب خفيف >> كيف جيه لول

عااد انتـي ما حصلتي مكان تعدليـن فيه شيلتج الا عند اول جامه ..

شويه ما وحالييه الا و جان تيرنيـه اختييه اونه اييه السياره فيها ناس

عااد انا تحول ويهيه لـ

و طيرااان صوب سيارتــنا .. ابغي استوعب السالفه عدل خخخخ

مشيـنا شويـه بحيث ما يشوفونـا الي كـانوا فـ السياره ..

ظهر انه ريال كان فـ السياره ويـن ما كنت انا واقفه .. و الصوب الثاني حرمه يالسه ..

صدق صدق صدق كرررهت عمريييه حزتـها ..

افف شو هـ المواقف الي انحط فيهـا انا





يالله بالستـر ..



.
.




.
.
•
.
.

قلب خفاق

<<مســاكم / صباحكم ورد اعضاء الامارات>>


.
.

هــا انـــا اعود لكم من جديد ..

و كلي شــوق و فرح ..

لهذا المكــان الذي احتضنني ..

لـ قرابه الـ سنتيـن او اكثـر ..

و التي كونت فيــهــا صداقات كثــيره ..

و اختلفت فيــهــا مع عدة اشخــاص ..

و اطلب السمــاح منهم ..

هــا انــا عدت ..

لـ امزق " و ليس اطوي " صفحـه المــاضي ..

و ابدأ من جديد ..

و انـا كلي امل ..

بأن تكــون هذه السنـه سنة خير و فرح لي و للجميــع ..

و دمتم بخيـر ..

.
.

قلب خفاق

<<يسعدلي مسـاكم ع صبــاحكم >>


.
.

شوو الاخبــار ..

ان شاء الله كل شي تمام و اكسبيشل ..

يقولكم بــــاجر المباراة النهائية ويا عمــان ..

ان شاء الله عــاد عيال بلادنـا يبيضون الويه ..

قولوا ان شاء الله انتـوا بس ..



هيـه ما خبريييييييتكم

باجر بنسير العيــن ..

حد يصفعني انا مب مصدقه


ونــــــاسه و قسم بالله



هـ الاجازه احلــى اجازه مرت علي ..

بالرغم من انـهـا اسبوعيـن وشويه ..

الا اني قضييت احلــى ايام حياتي ..



بخبركم ان شاء الله يوم برد بـ السوالف الي بتستويلنـا هنـاك ..


و بعد

يقولكم يوم الخميس عندي موعد فـ عيادة الاسنان ..

محسوبتكم ناوية تسوي تقويـم .. بس زايغه ..

ياخي الي عنده خبره فـ هـ الشي و مجرب .. يخبرنـا ..





اخيرا ..

شـو شعوركـ يوم تيــلس فـ مكان كله ظلام ..

و محد حذالك ..

هذا شعوري انــا ..

زيغه و قسمبالله ..


يالله ..

اشوفكم ع خيـر ان شاء الله

همسه : غلا دبي .. مشكورة يالغاليه ع هـ الكلام الحلو ..

استـانست صراحـه ..



.
.

قلب خفاق

<<مســاكم / صباحكم ورد احمر جوري>>


.
.

لكـــم وحشـه ..



اول شي مبروووووك لـ منخبنــا الابيض ..

والله استانست من الخــــاطر ..

فاتتكم مسيرة العيــن ..

ربشه و قسم بالله ..

الي راكم فوق السيارة و الي يركض فـ الشارع ..

و الي يخمس بـ السياره ..

اخخ يا قلبي لو نرد كم يوم لـ ورا ..


و بعد ..



فيني غصه و قسم بالله .. باجر آخر يوم استــانس فيـه اففف ..



دوامنـا بيكون بـ الاحد ..

تعرفــون شـو فـ خاطري الحيـن الحيـن ..

خاطري يطيح هاك المطر القووووي و ينقع كيبل المدرسه ..

و تبـــق بكبرهــــــــــــــا ..

و عـاد تكـون الحريجه قويه عسب محد يقدر يطفيـهـا ..

و تختفي هـ المدرسه من الدنيـا ..

و حيـاتكم مب ونـاسه ..





لي عوده عقب ما نرد من البر ..

عسب اخبركم شـو استواا لي فـ عيادة الاسنان ..

هـااع



.
.