|
|
|
|
|
|
||
| إعلانات منتديات ألم الإمارات |
|
|
|||||||
 |
|
|
LinkBack | أدوات الموضوع | تقييم الموضوع | طرق العرض |
10-18-2006, 02:35 PM
|
#1 | |||
  
|
.. الناس مظاهر ..
السلام عليكم و رحمه الله وبركاته.. . . شحالكم اعضاء - عضوات الم الامارات..
اليوم حبيت اطرح لكم اول موضوع من قلمي.. . .  . . - بنت ما تلبس الا ساعه كريستيان ديور و فيرساجي بـ كم الف .. ما بتحصل 10 دراهم في بوكها .. - ريال ما يسوق الا بي ام دبليو و مرسيدس .. ما عنده بيزات للبترول .. و ماخذنها اقساط.. - بنت عندها موبايل كروم بـالمبلغ الفلاني .. و مناك ما عندها رصيد .. - ريال ما يلبس الا نظارة بوليس ولا ارماني ..يتسلف عسب يشتريهن .. - ريال ما يفصل الا في العربي الممتاز و يلبس نعال انطونيو ولا باشيوتي " الله يعزكم " .. . . وايد منكم شافو هالمظاهر صح .. بتقولون انه خقاق ( ة ) و هالمظاهر انتشرت بشكل كبير جدا في الدوله .. يعني صاروا الناس يهتمون بمظهرهم اكثر عن جوهرهم .. ما اقول ان المظهر مب مهم .. هو مهم .. بس مب تهتم فيه اكثر عن الجوهر.. شي ناس يقولون الناس مظاهر .. و شي ناس يقولون الناي جواهر .. و الكثير من الناس عندنا في الدوله .. مظاهر .. يعني انت ما عندك تاكل ليش تدين .. يقولون تدين و اتزين.. و الناس يسوون هالشي بدافع " الخقه " .. يشوفون فلان عنده خير سوى جي .. الناس يقلدونه عسب يحسون انهم من مستواه .. . . يعني انا رايي .. لو الواحد يمد ريوله ع قد لحافه بيكون احسن له .. عن الديون تكسر ظهره.. يعني بدال لا ياخذ بي ام خل ياخذ التيما .. و بدال لا تاخذ شنطه بـ 5000 ولا عشر .. خل تاخذ لها تقليد .. ولا تاخذ ماركه اقل .. . . و في الختام .. . . هل تهتم(ين) بالمظاهر و الماركات ..؟ شو ماركه اغلى شنظه خذتيها " للبنات " عسب تعرفون اني صادق.. و بكم ..؟ شو ماركة اغلى ساعه خذتها " للشباب " و بكم ..؟ شو رايك (ج) بالناس اللي تهتم بالمظاهر ..؟ شو هي مقترحاتك للقضاء على هالظاهره ..؟ . . اتمنى ان الموضوع نال على بعض رضاكم.. . . و السموحه ع القصور ..
|
|||
|
10-18-2006, 04:25 PM
|
#2 | |||
 
|
السلام عليكم ورحمة الله
الأخ الكريم . الكايد . مرحبا بك في مجلس الحوار والنقاش وشكرا لطرح الموضوع للنقاش ====== ربما نكون -كخليجين بصفة عامة- من أكثر الشعوب أهتماما بمظهرنا الخارجي بمبالغة شديدة .. والمبالغة تكون عندما يتدين البعض لشراء مالا يطيق سداده لاحقا كالأمثلة التي ذكرتها أخي الكريم لكن إن كان الشخص يملك والرب رزقه الخير الوفير .. فخله يكشخ على راحته  المبالغة بالاهتمام إما تكون تقليد للغير .. وخاصة عند الفتيات لماذا صديقتي عندها الحقيبة الماركة وأنا لا .. ولماذا هي تركب السيارة الفخمة وأنا لا.. وأحيانا يكون لجذب الانتباه والأنظار وهذا يكون عند الشباب والفتيات أيضا .. لا ننسى الرفقة فهي تؤثر كذلك .. عندما تكون لدي رفيقة لا تلبس إلا ماركة ولا ترتدي من أي محل مثلا .. سأقول في نفسي هل أنا أقل منها أريد أن اكون مثلها أو أفضل هكذا هو تفكير معظم الشباب من الجنسين ولعدم قناعتهم بما يملكون يطمعون بالأفضل وإن كان على حساب راحتهم هل تهتم(ين) بالمظاهر و الماركات ..؟ لا انكر بأني أهتم بمظهري.. لكن بما أملك أي لا اتدين ولا أقوم بالتقصير على عمري في أمور أخرى لشراء ساعة بقيمة 15000 مثلا شو ماركه اغلى شنظه خذتيها " للبنات " عسب تعرفون اني صادق.. و بكم ..؟ بصراحة لا أتذكر ..  لكني لا احب المبالغة مطلقا في هذه الأمور وما يعجبني اشتريه سواء كان ماركة أو غير ماركة فلا اهتم شو رايك (ج) بالناس اللي تهتم بالمظاهر ..؟ إن كان الاهتمام بسيط ومقدور عليه لا بأس .. وهو حميد أما إن كان مبالغ وبشده بحيث يقوم بالتدين من أجل مظهره .. فهذا يدل على نقصان العقل شو هي مقترحاتك للقضاء على هالظاهره ..؟ النصحية وخاصة إن كانوا من الأقارب أو الأصدقاء .. فالله سبحانه وتعالى سيحاسبنا في أموالنا من أين جلبناها وفيما نفقناها ولك تحيتي
|
|||
|
10-18-2006, 05:07 PM
|
#3 | |||
|
السلااام عليكم
اخي الفاضل الكايد.. موضوع رائع وصراحه كنت راح افتح موضوع للنقاش يشابه موضوعك..بس خربت علي الله يهديك  انا من رأيي صراحة"ان اللي يبي يكشخ يكشخ على كيييف كيفه بس على قده يعني ليه مثلا" احمل عمري ديون فوق حالتي الماديه؟؟؟ يعني مثلا" ظاهرة السيارات لازم يشتريلك مرسيدس والا بي ام والا مدري ايش بس حق الكشخه ...وكلها اصلا" سلفه والا اقساط يعني من الممكن انه يدخل السجن اذا ما كمل اللي عليه والا تجيه سكته قلبيه اذا جا للسياره خدش بسيط ... اللي ابي اوصل له يعني اذا انت حالتك الماديه مو بالحيل مو لازم الماركات الغاليه يعني اهم شي الترتيب ...والا ناقه مثل ما يقولون في البساطه ..<<<مدري وش دخلها بس تمشي الحال... اما لسؤالك عن اهتمامي بالماركات انا ما انكر اني اهتم بالماركات ولا احب البس شي تقليد والا مو ماركه (بس انا اخف من اخواتي من ها الناحيه )وكل واحد على قد قريشاته اما عن اغلى ماركه فانا احتفظ بها لنفسي واما عن سؤالك مارايك بالناس اللي تهتم بالمظاهر؟؟ انا شخصيا" احب الناس الكشخه واوكيك بس يعني مو الزياده عن اللزوم يعني ما تكون كل شي بالنسبه لها لبسي شعري ما ادري ايش...يعني بالمختصر بحدود مو في كل شي تدخل الكشخه.... يعني نجلس مع وحده والكل عارف انها على قد حالها بس الا تبي تبين انها مو اقل مننا بانها تتكلم عن الماركات طول الوقت وانا شريت وانا حطيت وما ادري ايش يعني اوكيك احنا نعرفك ونعرف حالتك الماديه واصلا" احنا نفسنا ماجبنا طاري ها الشي ..الا بتفتحين الموضوع وتحرجين عمرك ليه طيب؟؟؟ اما القضاء على ها الظاهره فللاسف ما اتوقع اننا نقدر نقضي على ها الظاهره لان الزمن يتقدم والعقول ترجع... والسلام عليكم ورحمة الله وبركاته اشكرك على طرح هذا الموضوع اخي الفاضل اختكم &رحـــيـــل&
|
|||
|
10-21-2006, 01:46 AM
|
#4 | |||
 
|
وعليكم السلام ورحمه الله وبركاته
مرحبااابك اخويه معانا في هالمجلس وان شاء الله نرى كل ماهو مميز منك ان الله جميل يحب الجمال فلماذا لا نتزين ... نعم نحب ان نظهر بما نملك .. نكشخ .. بس مثل ماقلت كل واحد يمد ريوله على قد لحافه ولكن الملاحظ شبابنا .. اي اقصدالاغلب من فئه الشباب وليس الاناث من يتدين كي يكون احلى سياره واحلى كندوره وكل عطر ان شاء الله بــ 5000 الاف عادي المهم شرات غيره الحين واحد سيارته اخر موديل ماعنده مال البترووول .. ماعنده في بووكه حق العشاااء صدق يضحكوون .. اذا ماتوا وهالدين في رقبتهم ماعرف منو بيقضيه بدالهم هل تهتم(ين) بالمظاهر و الماركات ..؟ لن اكذب واقول لا ولكن ليس كل شي بس في اشياء هييه .. شو ماركه اغلى شنظه خذتيها " للبنات " عسب تعرفون اني صادق.. و بكم ..؟ اممممم ماحب اشتري شنط .. يعني ماعرف وايد فالماركات بس لو ابا شي ماركه ولا غيره بشتريه من فلوسي من ابويه المهم اشتريه لو يسوى ولو مايسوى ليش عسبه يومين واعقه بس مثلا فستان عرس اخذ غالي يعني مارضى اي شي .. في السيايير .. مارضى باي سياره يعني شي وشي .. بس مثل ماقلت على قد لحاافك .. شو رايك (ج) بالناس اللي تهتم بالمظاهر ..؟ المظهر مب مهم النفس اهم شي .. بس احيانا تحكم على شخص من الاشياء اللي يستخدمها شو هي مقترحاتك للقضاء على هالظاهره ..؟ كل شي مسؤوولين عنه .. وكل درهم عقيناه وبذرنا فيه في ميزان سيئاتنا وبنصييح عليه في يوم لاتنفع نفس شي سؤالي لك .. هل تهتم بالمظاهر ؟؟؟ وهل تدين عشان تشتري سياره مثلا ؟؟ موضوووع جمييل اخي وفقك الله اختك ألم غاوي
|
|||
|
10-21-2006, 01:57 AM
|
#5 | |||
|
مشكور عالموضوع تسلم الحقيقه مره ولكن لازم تنقال كل شي
هاللايام مظاهر والمظاهر الجاذبه تسوي كل شي هالايام لان الناس مظاهر وزمان كانوا يقولون الرجال مخابر ومب مناظر ولكن الحين كل شي استوى مناظر وبس
|
|||
|
10-21-2006, 05:53 PM
|
#6 | |||
|
والله انك صادق أحس ان المظاهر انتشرت بشكل ماينوصف
اول لما كنت بالثانوي ( يعني بالمدرسه ) ماكنت اشوف المظاهر والفشخره اللي موجوده بالجامعه الحين في الجامعه يحكمون على الشخص من مظهره ومن خلال لبسه للماركات العالميه يعني الشنطه لازم تكون _ قوتشي والجزمه ( الله كرمكم ) لازم تكون_ بربري النظاره ديور والساعه ماادري ايش والجوال لازم يكون اخر شئ نزل للسوق وبعض الاحيان تكون البنت على قد حالها ... تروح تتسلف من قريبتها او من ايشخص عشان تتفشخر طيب ليش كل هذا ؟؟؟؟؟؟؟ مد رجللك على قد لحافك الكشخه حلوة وكلنا نحب نكشخ ونلبس .. بس حدود ربي بيسألك يوم القيامه ( عن ماله فيما انفقه )
|
|||
|
10-25-2006, 06:05 PM
|
#7 | ||||
|
لي عوده مع الردود ..
انا في الشماليه .. اقتباس:
الصراحه .. اهتم وايد بمظهري .. بس ما اتدين عسب اشتري سياره او ساعه ..!
|
||||
|
10-25-2006, 06:31 PM
|
#8 | |||
|
هل تهتم(ين) بالمظاهر و الماركات ..؟ الصراحه ايه .. انا من النوع اللي احب اشتري والبس واتكشخ ..
شو ماركه اغلى شنظه خذتيها " للبنات " عسب تعرفون اني صادق.. و بكم ..؟ الصراحه في الشناط ما هتم اذا كانت ماركه والا لا اهم شي تكون حلوه .. شو رايك (ج) بالناس اللي تهتم بالمظاهر ..؟ اهم شي الاخلاق .. والجمال جمال الروح .. شو هي مقترحاتك للقضاء على هالظاهره ..؟ كل الناس تحب تلبس الحلو وتتزين .. وهاي مب عيب بس لازم الواحد يصرف فلوسه عاللي يقدر عليه .. وعلى قوله المثل .. مد ريولك على قد لحافك .. الف شكر لك عالموضوع المهم .. اختكم.. خيال..
|
|||
|
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
أقسام الموقع
...اكثر شي يرفع ضغطكم...شاركوني 
العرض العادي
