|
|
|
|
|
|
||
| إعلانات منتديات ألم الإمارات |
|
|
|||||||
| أرشيف المقهى أرشيف المقهى مجلس غير مخصص للمشاركات للإطلاع فقط . |
| كلمات البحث |
| ثرثرتي المكتومة |
|
|
LinkBack | أدوات الموضوع |
التقييم: 
|
طرق العرض |
|
#1
10-29-2006, 10:00 AM
|
|||
|
|||
ثرثرتي المكتومة
السلام عليكم ورحمة الله وبركاته
إن شاءالله بتواصل معاكم في هذي الصفحة وبحاول انقل لكم كل شي يصير لي...  وتحملوني تراني وايد اهذرب  دمتم بود 
|
|
10-29-2006, 11:11 AM
|
#2 | ||||
|
مرحبا ....
بعرفكم على نفسي أكثر..من خلال اجاباتي على هالاسئلة 1. مـــاذا يعني لك الـــ Nick Name اللى تدخل به المنتدى؟ ما يعني لي شي ومش مقتنعة فيه أبدا...ما أعرف ليش اخترته..؟ 2) شو اللى دفعك للتسجيــل في منتديات ألمـــ الإمـارات؟ بصراحة ادماني للقصص شجعني على التسجيل في هذا المنتدى الراقي 3) ما هي المرحــلة الدراسية التي تنتسب إليـها حالياً؟ سنه اولى شغل...أداوم تقريبا من 25/01/2006 تخرجت من الجامعه في صيف 2005 4) للجامعين فقط ما هو تخصصك الدراســـي Major الحالي؟ إذا أتيحت لك الفرصـة لدراسة تخصص آخر تحبــه فمــاذا سيكون؟ كنت متخصصة نظم معلومات إدارية...وخاطري اتخصص برمجة حاسب 5)هــل أنت مطلع على الأخبــار التلفزيونيــة؟ ما هي القنـاة الإخبارية التي تتابعها؟ وما هي قنــاتك الفضائية المفضلة؟ بصراحة ما احب الاخبار ومن النوادر ايلس اتابع اخبار...وانا من طبعي ما احب اتابع التلفزيون وايد بس احيانا اتابع مسلسلات او قناة العفاسي واحيانا حواس او نجوم 6)هــل أنت مواضب على قراءة الجرائد اليوميـة؟ وما هي جريدتك المفضلة؟ مش مواظبة بس كل يوم الصبح ادش على سايت الخليج واقرى اخبار الدار ليش ...؟؟؟ما ادري..؟طبعا افضل جريدة الخليج 7) ما هو أفضل تشجيع أو Compliments أو كلمة حلوة حصلت عليها؟ وكانت مِن مَـــن؟ الصراحه وايد...بس اللي تام فبالي لما كانت عندي مقابلة للوظيفة وكنت عاشر بنت يقابلونها فقالي واحد من اللي قابلوني انتي احسن وحدة قابلناها ... 8) ما هــو أطرف موقف مر عليـك؟ وايد...بس اللي يحظرني الحين مرة كنت طالعة بعد صلاة العشا ويا بنت اخوية كنا رايحين المكتبة ولما يينا نروح ركبت السيارة وحركت وفالشارع العمومي احس انه في شي غلط وخلق الله يبيمون لي آخر شي اكتشفت اني مش مشغلة الليتات جان اضحك على عمري وطولت عالمسجل وقفطت قفطة بصراحة ولين البيت وانا اضحك وبنت اخوية ميتة من الضحك بعد 9) ما هو أســـعد يوم مــــر عليـــك؟ يوم التخرج من الجامعه 10) ما هو المكــان الذي تجد فيـه نفسك وتستلقي به براحــة و اطمئنــان؟ بلا شك غرفتي 11) أي نــوع من النـــاس تصف نفسك: عصبي .... مرح مـــزاجي هادي ... خجــــول .... انطوائـــي ... مزيج من هالصفات .. صفة أخرى بليز أذكرهااا ...؟ انا مكس... مزاجية وهادية وعصبية شوي وخجوله ودلوعة 12) كم صــــديق حقيـــقي لديـــك؟ وما هي أفضــل الصفات التي تعجبك بهم؟ بصراحة صداقاتي متعددة بس اعتبرها صداقات عادية او بالاحرى سطحية وعندي صديقة اعتبرها اخت وام وكل شي صديقتي الصدوقة الله يخلينا لبعض 13) مــا هو الحيــوان الذي تميل إليه أو تريد اقتنائه يومــاً؟ ماأحب الحيوانات 14)مـــا هـــي ألوانك المفضـــلة؟ وما هي دلالة هذه الألوان لديــك؟ ما عندي لون مفضل... احب الوردي ويعني لي الرقة واحب الازرق ويوحي لي بالصفاء واحب الذهبي ويحسسني بالفخامة واحب الاخضر ويعني لي الحياة 15)مــا هي هوايتك المفضلة؟ وهل تمارسها باستمرار؟ ما احس انه عندي هواية محددة بس احب اتصفح النت واقرى الشعر وأكتب خواطر 16)مــا هي رياضـــتك المفضلة؟ وهل تمارسها أو مشاهــد؟ ما عندي رياضة مفضلة اكرهها 17)كم عدد الساعات التي تقضيها في الشبكــة الانترنتية وهل ترددك .. يومي .. أسبوعي؟ تقريبا يومي وانا في الدوام ادش شوي بس في الويك اند نادر ما ادش 18) مـا هو نوع هاتفك المتحرك الحــالي؟ وما نــوع الهاتف الذي تود اقتناؤه؟ هاتفي الحالي هو نوكيا N73 اما الهاتف اللي اود اقتناءه اي تلفون غريب عجيب 19) ما هو نوع سيــارتك الحالي؟ وما هي سيارة أحلامك ؟ الحالي لكزس ES350 2006 لونها ذهبي اما سيارة الاحلام اما رنج سبورت او بنتلي (أحلام) 20)مــا هي المجالس التي تحبــها في المنتدى وتتردد عليها دائمـاً؟ ولمــاذا بالذات؟ مجالس القصص و الروايات...احس اني القى نفسي فيها واتردد احيانا على مجالس الشعر والخواطر والالعاب 21) ما هي حكمتك في الحــياة؟ ليس كل ما يتمناه المرء يدركه 22) ماذا تقول عن الصـــداقــة (باختصار)؟ الصداقة احلى شي في هالكون وبدونها الحياة مالها اي طعم 23) من قدوتك / مثلك الأعــلى في الحيــاة؟ وما هي الصفات المتوافرة في قدوتك؟ الوالدة...الله يطول لي بعمرها...
|
||||
|
10-30-2006, 07:32 AM
|
#3 | ||||
|
صباحكم جوري..وأوركيد..وفل..وياسمين..وتوليب..ولوتس
باختصـ ـ ـ ـ ـ ـ ـ ـ ـ ـ ـ ـار صباحكمـ ورد طبعا البارحة ظهرت من الدوام عالساعة 2وثلث وبيني وبينكم الدوام يخلص وربع بس اختكم خوافة...(محد يضحك) ترييت كل الشباب يطلعون عسب اطلع بدفاشتي المعتادة من الباركن ومحد يضحك علي..بصراحة ماخذه الليسن من 7شهور تقريبا بس لأني مااظهر وايد احس اني ما اتحكم في السيارة زين ،وبعدين كنت مبركنة فمكان غبي (تبرر موقفها) وكان الجو روعة ...وايد حلو ...مغيم شوي والهوا بارد حلو..جان ادق حق ربيعتي من فترة ما شفتها ومريت عليها الدوام وجان اخطفها ورحنا تمشينا عالكورنيش وكان المنظر روعة صح انه الظهر بس صدق استانسنا كان خاطري بآيس كريم بس يحليلها ربيعتي صايمة ما يصير آكل جدامها ورديتها دوامها ورحت انا البيت وتغديت وعينت من الله خير وتميت اسولف ويا الاهل ومر اليوم.... عاد اليوم قررت أصوم ولا مرة صمت 6 ايام من شوال غير مرة يمكن... والله احس بدوخة واحس اني وايد يوعانه...سبحان الله في رمضان نصوم ولا نحس بيوع ولا تعب.. تريوني بعد شوي...
|
||||
|
10-30-2006, 09:57 AM
|
#4 | ||||
|
اليوم أحس إنه فيني شي...
أحس إني متوترة ومالي نفس لشي...بس الحين احس اني مستانسة بس مش راضية عن نفسي ساعات احس اني غبية ومتعقدة...احس اني مش قادرة افهم نفسي ودايما اتهرب من تساؤلات كثيرة بداخلي  خاطري اواجه نفسي واتناقش معاها واجادلها...أحس انه الحياه باهتة مالها اي لون  بس لما افكر واتذكر انه في ناس يحبوني ويتمنون لي الخير احس انه الدنيا بعدها بخير وانه الحياة حلوة \ / \ / \ / شي فخاطري....  أعتذر لإنسان يمكن اكون قسيت عليه فيوم...بس والله مش ذنبي الظروف اجبرتني \ / \ / \ / \ همسة...  الحب أكبر عاطفة تسكن الروح / \ / \ / \ / \ خاطرة كتبتها من سنة ونص تقريبا وأنا على مقاعد الدراسة الجامعية  أبكتب لك وأبحكي لك وأبشرحلك انته يا أمسي وحاضري وباجــــــر ودي أكشف أوراقي وأعبر لك عن الخافي انته يا دم شرياني وسبة نبضة الخافق أنا وانته..بلاش انته أبتكلم أنا عني أنا بدونك أنا لو بفقدك لا ما اتخيل بس لو فرضنا صار..تصدق ما أقدر حتى أتخيل غيابك عن دنيتي مأساة وعلي يا كبر تأثيره غدى يومي شرات امسي وباجر شرات اليوم عفت قوتي ونومي وحتى شربة ما ذقت تكدر صافي رقادي وانجلى من حياتي الفرح خلاص يكفي والله ما اقدر اتخيل أنا أرجوك يا خلي تعال نجدد عهدنا ونفتح صفحة بيضا ونترسها فرح وسرور وببداها من أول سطر بكلمة أحبــك وبنهيها بروحي لك / \ / \ / \ / \ / \ بشارة... توها ربيعتي متصلة تقولي انه خلاص بتتوظف وتوهم داقين لها عسب تروح تكمل اجراءات التعيين والله فرحت لها من كل قلبي تستاهل الغالية كل خير وقالت لي انه لي البشارة ...لأني كنت دوم ارفع من معنوياتها وأشجعها وعطيتها من نصايحي الذهبية لما راحت المقابلة.. وأهم نصيحة انه الواحد يبين لهم انه واثق من نفسه ومن قدراته / \ / \ / \ / \ / \ كلمة أخيرة...  وش فيك تركض وش بلاك..ايش اللي تتزاحم عليه ليش اللي بيدك ما كفاك..ليش اللي مو بيدك تبيه / \ / \ / \ / \ اسمحولي عالمغثة والكلام الزايد بس مدام دشيتوا صفحتي لازم تتحملوني شوي دمتم بود
|
||||
|
10-30-2006, 09:00 PM
|
#5 | ||||
|
مساء السعادة...يا أصحاب السعادة
طلعت اليوم من الدوام سيدة البيت(عيل وين...؟)وبعد صلاة العصر انتابني شعور غريب واحاسيس غبية تحفزني عالطلعة رحت بيبي شوب ويا بنت اخوية سارونه وعقب اذن المغرب مريت المسيد وصليت وجان اشخطه ستار بكس خذت لي كابتشينو وذ اكسترا كارميل وااااااااااو وردينا البيت وكملت روتيني المعتاد... / \ / \ / \ / \ / \ فاصل ونواصل [IMG] فديته هذا حمودي ولد اختي (محمد) دايما يسوي هالحركه فالظلام اونه اوووووووووه [IMG] فديت روحه هاي صورته يوم العيد كاشخ بكندورة ويفكر يلبس غترة وعقال والا بس يتعصم(محتار فديته)ماشاءالله عليه الله يحفظه على فكرة حمودي عمره سنة وشهر وعنده اخت توأم بحط صورتها بعدين ما صورتها دايما مبوزة / \ / \ / \ / \ / \ / \ / \ الحين بروح اسبح وبتابع برنامج غيرلي حياتي اللي بيحطونه الساعه عشر ونص في دبي مع اني ما احب التلفزيون وايد بس جذبني هالبرنامج بتابعه اذا ما رقدت وانا متأكدة اني برقد... / \ / \ / \ / \ / \ كلمات فبالي وأحس إنها أثرت فيني  ما أقدر خلاص لأتحمل اليوم غلطات...ما أكذب عليك أنا بديت أتغير بسكات أنا جيتك وبروح بسكات...أببتعد وأقول هذا مقــــــــــدر قصرت وسواتك معي ماهي سوات...هذا مع إني فيك ما كنت أقصر بتواصل معاكم باجر الصبح وأنا في الدوام تصبحون على الطاعة يا أصحاب السعادة دمتمــ بود
|
||||
|
10-31-2006, 09:55 AM
|
#6 | ||||
|
صباحكمــ سكر
صباحكمــ عسل[IMG]  [/IMG]اليوم الثلاثاء نشيت الساعة 5وربع يمكن صليت الفجر ورديت ابا ارقد شوي الين الساعة6 طبعا ما رقدت تفكير *تفكير قمت عالساعة 6 تريقت ولبست ورحت الدوام وجني رايحة عزا استغفر الله... \ / \ / \ أحس هالاسبوع بطيء ما يمر والوقت ما يمر بعد...انا الحين في الدوام واحس اني ملانة ومضايجة ولايعة جبدي ابا اطلع بس ما اعرف وين اروحواصلا لو طلعت محد ويايه وانا ما احب اطلع بروحي...والله حالة  \ / \ / \ ما عندي شغل اليوم... مــــــــــــــلــــــــــــــــلـ \ / \ / \ / \ بريييييييييييييييييييييك \ / \ / \ / \ / \ / \ / \ / \ / \ / \ / \ / \
|
||||
|
10-31-2006, 12:06 PM
|
#7 | ||||
|
مرحبـــــــــــا
احس اني مضايجة ويوعانه بعد... خاطري اروح البيت ابا ارقد تعبانة ومضايجة ولايعة جبدي والمزاج متعكر ومعتفس
|
||||
|
10-31-2006, 07:21 PM
|
#8 | ||||
|
مساء الخير
 بعده المود معتفس...  رقدت شوية والحين يالسة اشرب نسكافيه (صنع ايدي) واحاول اضحك ويا اخواني واسولف بس صدق ضايجة / \ / \ / \ / \ أبا أصيح...بس مابصيح بتحدى نفسي / \ / \ / \ / \ / \ كلمات أعجبتني... LoVe Is ThE PoEtRy Of ThE SeNsEs ThErE Is OnLy OnE HaPpInEsS In LiFe,To LoVe AnD Be LoVeD OnlY LoVe CaN BrEaK YoUr HeArT تصدقون عاد.... tHe hEaRt tHaT hAs tRuLy lOvEd nEvEr fOrGeTs بصراااااااااحة... هالدنيا غريبة عجيبة...سبحان الله الانسان يعرف الصح ويعرف الغلط ويميز بين الدرب المستقيم و الدرب الوعر بس دايما نسوي الغلط ونسلك الدرب الوعر...لييييييييييييييييييييش....؟ دايما نغلط وربنا يسامحنا عز وجل بس ليش احنا ما نستحي من ربنا ونتفادى الغلط...؟بالعكس الشي اللي نعرف انه غلط نسويه... لا إله إلا الله طبيعة البشر وكأنه شعارنا في الحياة كل ممنوع مرغوب خرابيطــ..... [  ]خاطري أرد طفلة صغيرة بريئة..طفلة همها الوحيد لعبتها ..لا تفكر في باجر ولا تخاف من الياي..طفلة تتريا الشمس تبعث أشعتها الدافية الصبح عسب تركض وتشل شنطتها الصغيرة وتروح المدرسة..طفلة ما تعرف شو يعني الألم...الخيانة...الغدر...النفاق...اليأس...الفشل... كلمة أخيرة... أشكر كل من يسجل حضوره يوميا في يومياتي بقراءتها دمتمــ بحب
|
||||
|
11-02-2006, 07:42 AM
|
#9 | ||||
|
صباحكمــ جوري أحمر...
[IMG]  [/IMG]البارحة ماكان لي نفس أكتب أي شي بس الحمدلله اليوم اعتدل المزاج ... وصار عال العال بخبركم شو صار دقت لي ربيعتي وقالتلي انها صايمة وتباني اروح وياها المطعم عسب تفطر كتغيير وربيعتنا الثانيه بعد بتي عاد انا ما صدقت وجان اخذ بنت اخوية سارونه ورحنا رحنا المول واول ما وصلنا اذن المغرب صلينا وسيدة عالمطعم طلبنا اللي طلبناه عاد (محد يسأل أخاف بطني يعورني)وسارونه تقولهم ابا سمبوسة بالجبن وعصير فلاوله...(فضحتنا على بالها يالسين فمطبخ بيتنا وتتشرط على واتي طباختنا) وربيعاتي ميتات عليها من الضحك ووايد استانسن عليها لأنها اول مرة تكلمهن اونها عاد تستحي وتمت يالسة عند ربيعتي وتقولها حطي لي كتسب عطيني ماي ليش سيجينتج كبيرة وانا اضحك عليهم اقولها تستاهلين تراها دوم تقولي ييبي سارونة وياج... المهم خلصنا ودفعت انا العزيمة كانت علي  ..ومرينا ناخذ فربتشينو حقهم وانا طبعا كابتشينو..بس صدق استانست وغيرت جو تريوني برد لكم...
|
||||
|
11-02-2006, 12:43 PM
|
#10 | ||||
|
مساء السعادة...
اليوم ابا اطلع ابا استانس ....خاطري اروح البحر العب بالرمل شرات اليهال وابا امشي لا لا اركض ونااااااااااسة بس طبعا بيقولون بلاها هاي تراكض وعباتها تطير وراها...  اتخيل شكلي ههههههههههههه(لا تضحكون علي )عاد باجر اجازة والسبت بعد...ان شاءالله بحاول اصوم من باجر بيخلص شوال وانا ما صمت.. هيه تذكرت عندي موعد يوم الاحد عند دكتور التقويم كل مرة يبا يشله يشوفني مب منتظمة بالعلاج صراحة ما اروم ما بوبل كل شوي احط هالربل فحلجي ووقت الاكل ابطله تعب...(يا كثر ما آكل)قلتله آخر مرة خله برايه التقويم يعله يتم 5سنين...فالحة اغير اللون كل مرة عاد الحين حاطة لون كرزي عجيب وافكر بالاحد اغيره تركواز ماخليت لون ماجربته ونااااسة.... برد لكم فليل احس انه افكاري ضايعة ...بدورها وبرتبها وبصفها لكم اهنه دمتمــ بود
|
||||
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
العرض العادي
