₪× ذبحنـ الشـــوق ـــي ×₪

**ذبحني الشوق** · 01-01-2007, 12:04 PM

₪× ذبحنـ الشـــوق ـــي ×₪

السلام عليكم ورحمه الله وبركاته

حبيت ابتدي يومياتـي ببيت شعر..وخواطر قصيـرة
.
.
آه من قلب(ن) غدى حبهـ جنونيـ
وآه من خل(ن) على بالي طرى
.
.
وينــجـ ؟!
تولهتـ عليجـ يالدبهـ ..
ليتني بس اقدر اذبحجـ عشان افتكـ من هالشعور..
انتيـ ما عرف منو انتيـ ..
بس اتمنى فيوم تحسينـ فيهـ وتعرفين قدرجـ
ف قلبيـ اللي ملـ من الصبـر..
.
.
لاترحلينـ ..!!
هالكلمة دوم فـ باليـ ..
كنت اسمعها وماهتم بها..
بس من ذقت طعمهـا حسيتـ بمعناها..
وتمنيت فـ يوم اللي ارد واسمعها وانا مب مهتمهـ
ولا اسمعها وانا اذوق معاناها..!!
.
.
من غلاكـ اتخيلكـ دوم فـ عيونيـ ..!!
شوف حالي كيف عقبك مخطرهـ ..!!
.
.
هجرتينيـ ..؟!
واصبحتـ ملازمهـ للبيتـ وماطلع منه الا اذا حد زقرنيـ ..!!
ماطلع منه الا اذا مليت واريد اغير من الجو..!!
.
.
ذكرياتـ ..؟!
حسافهـ ..
ليت كل الذكريات اللي تخصجـ تنمحو..!!
بــس هاذي امنيه مابتتحققـ ..!!
كل ماطلعت بغير جو من البيتـ ..!!
تلاحقني هالذكرياتـ ..
هناك وين كنا نمشيـ ونسولفـ ..
هنيه كنا نقعد ونتكلم عن سوالف المدرسة والبناتـ ..!!
وارجع للبيت وانا احس بالضيقهـ ..
بدل لاغير جو ارد وانا مهمومهـ ومتكدرة..
.
.
شوفيها الحياة خلج ريلاكس فري
هالجمله دووم تنقال اليهـ ..!!
يوم اسمعها على طول اضحك يمكن لأن الشخص اللي تقولها اليه تونسني..؟!
تبتسم وتنسينيـ اللي قاعدهـ اقوله واللي بـ قولهـ ؟!
.
.
تعرفينـ شو في خاطري؟!
هالجمله دووم اقولها بس اوقف وماكمل..
ماعرف شو في خاطريـ ..!!
لأن الليـ في خاطريـ اشياء وايدهـ وماتنعد وتنحصا..!!
في لحظة تمر يكون ميتـ شي وشيـ في خاطريـ ..
.
.
جروحـ وألم وذكرياتـ وفي النهايــهـ شوقـ وولهـ ..
لرغم قساوتها ونسيانها..
أحبها..
لرغم صدها وجفاها لي..
اريدها..
لرغم الحزن والالم والعنى..
عندي امل فـ رجوعها..
.
.
الصد..الجفى..القسوة..الحزن..الالم..القهـر ..
وكل هالكلماتـ تعلمتها منجـ ..!!
.
.
لاتشتمتـ بيـ عذول(ن) مادرى..!!
دوم اخاف من هالشيـ ..!!
ماحب اشوف العواذلـ حوليـ تطالعني وتأشر بيديها لي وتضحكـ ..!!
اكرهـ ضحكاتهمـ واكرهـ نظراتهمـ الاستفزازيهـ ..
.
.
وفـي الختام
سمعت هالكلمات في توقيع احد الاعضاء وحبيت احطها..
.
.
حبك ملكني واصبح القلب مفتونـ ..!!
فتان حسك بالجمال العجيبيـ ..!!
تفدى عيوني نظرة فيك العيونـ ..!!
يانظرة منها فوادي صويبيـ ..!!
.
.

لي عوده

₪× ذبحنـ الشـــوق ـــي ×₪

**ذبحني الشوق** · 01-01-2007, 12:08 PM

₪× ذبحنـ الشـــوق ـــي ×₪

البدايهـ ملفي الشخصــي..
الاسم:ألم الظفرة<<سابقا والحين ذبحنــي الشوق

تاريخ الميلاد:يوم/ 8 شهر/5

الهوايات:قبل كنت احب الرسم والتلوين..من عرفت الاب توب وهواياتي كالتالي..

كتابة القصص/ كنت اقرى قصص وتأثرت بهن واايد وبدت الافكار تطلع وبديت اكتب..

التصوير الفوتوغرافي/ من وانا صغيرة وانا اصور بكيمرة فلاش واحمض صور"في المحل" وكنت اصور
بصورة فضيعه يعني فلم 37 صورة في اليوم مرتين او ثلاث مرات..
ومن تطور العالم تطورت وخذ اخويه ديجيتال وتطورت في التقاط الصور وكيفية التصوير..

التصميم/ من فتح عيوني على هالمجال الدبهـ فديت..كانت تراويني أشياء خبال..
لين ماتعلمت منها في اشياء واشياء تساعدني فيها..وقمت انزل دروس والحمدالله تقدمت وايد..

الواني المفضله:العيناوي في الصدارة..الوردي سابقا..الاحمر حاليا..والاسود تقريبا..

مكاني المفضل:حجرتيه ماعرف اموت فيها سواء كانت الجديمه والحين اليديده كلهن واحد..
احسـ بالامان فيها واحب اقعد فيها لفترة من اليوم../ فـ حجرة فديت..واايد هاديه وحلوة وتساعد ع الدراسهـ

النادي:العيــــــــــــــــــــــــــــن..
/ \ / \ / \ / \ / \ / \ / \ / \ / \ / \ / \ / \ / \ / \ / \

من القصص اللي كاتبتنهنـ
عندي 4 قصص ع دفاتر عندي بس ماحاولت ومافكرت انقلهن ع الوورد..
.
.
اول قصة عرضت ع النت هـي "أقولك شي وماتزعل ولاتاخذ على الخاطر..!!/طويله
ثاني قصـة عرضت ع النت هـي"خنتك مع طيفك بعد ماتيقنت انك علي بعد الثرى والسحابهـ"/طويله
ثالث قصة عرضت ع النت هـي"غربتـــي"/طويله
رابع قصة عرضت ع النت هـي"روح الرب يرعاك اللي خلق مثلك خلق مليون شرواك"/طويله
بس اغلقتها وبكملها بعد اجازة نص السنة ان شاء الله..

وبعدها بديت في كتابة القصص القصيرة ومنهن/

ضعيف النفسـ / لوعرفت بغيابك كيف يصبح زماني؟! / اقفى وخلاني عايش مع طيوفه /
بعد عمري انا مشتاق / انا وانتي صرنا كل المسأله /لاتفكر بالرحيل / مشكورة مغرورة /
قلبي شموخي / مالي غيرك ومالك الا انا / وفي غيرهن الكثير بس مانزلتهن

ومن المسرحيات وكانت اول مسرحيه اكتبها/ الفريج واليوم الوطنـي
وهالمسرحيه عرضتها على معلمة اللغه العربية عشان نمثلها في اليوم الوطني والحمدالله
عرضناها بس بعد اليوم الوطني لأن الكهربه بندت علينا يوم الحفلة..
.
.
التصاميم / وااايـــدة حتى ماذكر الا شوي منهنـ وكل تصاميمي معروضه ع النتـ
بعضها يحمل اسمي"الم الظفرة" والبعض الآخر "ذبحني الشوق"
.
.
الصور/ بعــد واايدة ومنها في البر ومنها في البحر وصور عشوائيه
لاتعد ولاتحصها..في منها نزلت والبعض الآخر مانزلته لضيق الوقت وماقدرت انزل
.
.
يعجبني/
الهدوء والصوت الخفيفـ ..!! بس في بعض الاحيان اموت في الحشرة..!!"ماعرف كيف فيه تناقض"
الصراحهـ "كلمه ماتعودت عليها" بس احاول اني اتعود عليها وماجامل اللي يسألني فـ شي..
واحب اللي يقولي الصراحه في اي شي اسأله فيهـ ..

لايعجبني/
الشخص اللي يخلف في وعودهـ لأن هالشخصية منتشرة بشكل فضيعـ جدامــي..
المجاملات"كلمة تعودت عليها وااايد وبصورة فضيعهـ بس احاول اقضي عليها.."ببف باف خخخخخخ"

يعجبني/
البحر مع اني ماروح له دوم بس استاانس على لونه الازرق العذب..
واحلى سيراتي للبحر مع فديتـ الله لايفرق بينا ياربـ ..
البــر كلمة احبها موتـ .. بس من كثر ما اسمع من حولي يقول"فقدت البر" قمت شوي ماحبهـ
ولكن ارد واتمسك في راييـ واقول فديت البر واهلـ البر والبداوة..
احب في البر نقيانه العاليـة وهواه النقيـ وذيج الضو اللي نشوي عليها القرص ونصخن عليها اللبن..

لايعجبني/
الانانيــة ... قابلت اشخاص تحمل هالصفهـ الشينه وانانيتهم مب لايقه عليهمـ ..
سوء الظنـ ابغض صفه بالنسبة ليـ لأني تأذيت منها وااايـــد..
.
.
لي عوده

₪× ذبحنـ الشـــوق ـــي ×₪

**ذبحني الشوق** · 01-01-2007, 12:11 PM

₪× ذبحنـ الشـــوق ـــي ×₪

.
.
اليوم الاثنين ..
ان شاء الله بادرس تاريخ واخلصه باذن الله لأني البارحه بديت فيهـ ..!!
يالله الله يمرر هالامتحانات ع خير..!!
انا خايفهـ من هالامتحانات لأني في الفترة الاولى حاله عدل ويايبه علامات فوق الممتاز..!!
واخاف في هالامتحان ينزل مستوايـ بموت الصراحهـ ..!!
.
.
تمنياتــي للجميع بالنجاح والتوفيقـ ولاتنسونا من الدعاء ..!!

₪× ذبحنـ الشـــوق ـــي ×₪

**ذبحني الشوق** · 01-02-2007, 12:54 PM

₪× ذبحنـ الشوق ــي ×₪

.
.
اليوم / الثلاثاء.... الساعه حاليا/12:48 ظهرا ..... التاريخ/2-1-2007م
.
.
فقلت باب حجرتيه وانا احس بالتعب..يالله باجر بقوم من الفير عشان ادرس
انسدحت ع الشبرية وقعت اخطط متى بقوم وشو بدرس واي الوحدات اللي بدرسهن
لفيت لختيه اللي كانت مكيفه وماخذه راحتها ومفججه ريولها ويديها تميت اضحك عليها وقعدت اصورها
وهي راقدهـ ــ عقيت الكيمرة وبندت ليت الابجورة وانا افكر في هالتاريخ اللي الله بلشنا بهـ
ماعرف انا عني ماحب هالماده ابدا..زين اذا يبت فيه 80 بالضبط ويكون عندي يوم عيد اذا يبت 85 فيه
شوي شوي..غمضت عيوني ورقدت وانا مرتاااحـــهـ ..بس من عوايدي اذا كنت افكر اني بقوم من وقت
اتم اهاذي فليل بالقومه واحلم لي حلم مرعب شوي واقوم ع الساعه اللي مخططه اني اقوم لها
كركركرككركركر قمت وانا اضحك على الفلم الرعب..اووه سوري قصدي الحلم الرعب..مابقولكم اياه لأنه
خاص جــدا شفت الساعه كانت 6 بالضبط ماوعيت الا خواني يدقون الباب عليه اونه الصلاة الصلاة
والله لايراويكم دق اخوي هذا خاصه يييب اليهد..قلت زين زين..طلعت لقيتهم منسدحين على كراسي الصاله
ومشغلين الليتات ..شفت باب الصاله مفتوح والحاله الله ماعرفت شو مستوي طنشت وقمت صليت ورجعت
للصاله مرة ثانيه ومالقيت حد فيها..شغلت الدفايه وحطيت كتابي التاريخ واوراقي وقلامتــي وقعدت ادرس
مرت ساعه وانا ظهري منكسر..انسدحت عدال الدفايه بس حرقت ويهي آآآخ دزيتها عني وقعدت عدل
زين الحين شو ها منو هالمعركه صارت بين الاوروبيون والعثمانيون زين منو هالخبل قائد الحمله؟!
وانا شـ دراني يوم ابلتنا ماتعطينا ملخصات او ع الاقل اوراق مراجعه مخليتنا ع ويوهنا؟! والله حالهـ
مرت ساعهـ ..قريت ان سؤال يديد بيحدرونه لنا في الامتحان اللي هو ..
حاطين صورة لشخصيه من الكتاب ويسأل..شو اسم هالشخصيه؟! وملامحه على شو تدل؟!
شو اعماله او انجازاته؟! شو اسم الجريدة او المجله التي انشأها؟!
اللي ناقص يسألون ويقولون شو رايج فيه مزيون ولا لا؟! طويل ولا عريض ؟! متين ولا ضعيف؟!
قعدت اضحك من الخاطر..طالعت جمال الدين الافغاني قلت له لا لا انته ابدا مب كشخه شكلك مب واايد حلو
لفيت لعبدالرحمن الكواكبي وقلت له هيه هذا احلى عنك بشويه مرتب وكااشخ الريااال..
وعقبها كركركركركركركركركركركر الله يغربل بليسي الحين انا قاعده بدرس اقوم افكر في هالاشياء؟!
رجعت ادرس وعقبها تعبت طلعت اختيه وقلت لها تيب اليه عصير راني انناس اللي ع الكومونيدنو مالي
وشربت وانا كنت صدق عطشانه..لأن الله يسلمكم وانا ادرس ادرس بصوت عالي..
رحت احوط في بيتنا وادور خواني وانا يايه ان يدتيه تتدفى بالدفايه سلمت عليها وقعدت تسألني شوي وعقب
راحت لبرى رجعت ادرس لين ماوصلت الساعه 10 تعبت وسكرت الكتاب..الحمدالله درست الوحده الاولى والثانية والخامسه..باقي لي الوحدة الثالثه البااايخه طويييله واايد والله حراااام..
اتصلت على ربيعتي..شلت الفليبينيه التلفون قلت لها فلانه وين؟! قالت بصوت معصب//رووونق نمبببرر
وجان تسكر التلفون ضحكت من الخاطر انا شو داقه؟! خمسه ولا سته؟! شدراني...اتصلت مرة ثانيه والحمدالله
ماغلطت شلته اختها الصغيرة وقعدت تكركر عليه وانا ازقرها وهي مستاانسه شلت ربيعتي التلفون
وقعدت اسولف عليها كانت توها واعيه وبتروح تدرس عاد الله لايراويكم قعدت اتشكى لها الحال واني تعبانه
وافكر ارد ارقد وجيــه قالت والله ردي ارقدي اونه عادي بتتعبين عقب..قلت لها اوكي..
وسألت عن ربيعتنا الثالثه والحبيبه طلعت هالثلاث ايام مشرقه ومغربه من بيتهم لبيت عمها لبيت خالتها
وماخلت مكان وماراحت له ولامسكت الكتاب..الحبيبه شو قايله اونه بدرسه يوم الثلاثاء وبخلص؟!
ول؟! انا يومين يالله يالله فلحت فيه هي يوم واحد؟! قلنا الله يهديها يارب هالسنه قامت ماتهتم هالبنت يبالها
قطع رقبه..سكرت عن ربيعتي وشليت التلفون لحجرتيه ييت برقد..الا اسمع حد يدق الباب..
قلت//منو؟! محد رد عليه..رجعت وفتحت الباب..لقيت اخوي العود يتريق..قلت//هاه
قال//صباح الخير..قلت//صباح النور..شو؟!
قال//شو شو؟! قلت//منو دق الباب؟! قال//كركركركر مب صاااحيه
قلت وانا مبققه عيوني//والله حد دق الباب عليه..؟! رد وقال//شدراني انا قاعد اتريق محد دق الباب..
رجعت معصبه وسكرت الباب..شو انا دوم يتهأ اليه هالشي..شو لايكون ينيييت لااا لاااا لاااا لااااااا
انسدحت بسرعه اريد ارقد..تذكرت ان يديتيه سألتني عن اخوي العود ورجعت بقول له مالقيته..
تعايزت اروح لحجرته واتصلت عليه//الووو "وقعدت اضحك...
قال//هاه لا يكوون بعد هب صااحيه؟!
ضحكت//لا لا صاحيه..بس رح ليدتيه سألتني عنك تباك..
قال//زين بتسبح وبروح لها باي..
سكرت وانا اضحك وحاولت ارقد...3.....2.....1....... ZZZZZZZZZZZZZZZ
قمت على دق الباب..وكان اخوي محتشر يريد التلفون..الساعه كانت 11 ونص الصبح..تأفأفت وقمت اطلع له
التلفون ورجعت ابدل ثيابي وطلعت اشوف منو في البيت..بس بيتنا محد فيه..
اوووف ماتعودت على هالهدوء تعودت على الحشرة..يالله ..خلني برد لحجرتيه..يت الخدامه ورحت اقول
لها ترتب حجر خواني والصاله وتشل الريوق ورجعت لحجرتيه وشربت عصير راني انناس وكلت لي
كتكات عشان اصحصح شوي..
يالله بكتب شو صار معايه اليوم الصبح وبرد ادرس..
شغلت لاب توبي وقعدت اكتب وانا ميته من الضحك على شكلي..وقلت ان شاء الله بصلي الظهر وبتغدى
بمشي شوي اصحصح عن هالاجواااء وع الساعه 1ونص ولا 2 بالضبط وببدى ادرس الوحدة الثالثه
من التاريخ..يالله ادعولنا باجر اول امتحان والله يستر ياااربــ ــ ـ ـ ـــ ـ ـ
.
.
₪× ذبحنـ الشوق ــي ×₪

**ذبحني الشوق** · 01-02-2007, 12:57 PM

₪× ذبحنـ الشوق ــي ×₪

.
.
خواطــر سريعهـ
.
.
الخوفـ ..!!
ربما هذا الشعور اللي اشعر به الآن ..!!
لقد تملكني منذ ان بدى العد التنازلي للإمتحانات..!!
.
.
الامتحانات..!!
كلمهـ عندما يسمعها الطلابـ تخفق قلوبهم بالخوف والرعبـ ..!!
يدب في قلوبهمـ الخوفـ من الذي سيحدث أثناء تلك الايام العصيبهـ ..!!
.
.
الورقه الامتحانيهـ ..!!
يراها البعضـ ورقهـ تنص على اعدامـ الطالبـ ..!!
اذا قام بحلها قد نجى من الاعدامـ ..!!
ولكن اذا وقف الطالب عن حل تلك الورقه وجف القلم من حبرهـ ..!!
اصبحت نهايتهـ وخيمهـ اصبح يبكي لقربـ نهايتهـ ..!!
.
.
التوكل على اللهـ ..!!
فـمن توكل على اللهـ في تلك الايام..!!
سيرى ان الله معهـ في كل لحظة يمر فيها وهو يقوم بالاستعداد له..!!
او في وقت الاجابه عن تلك الاسئله الامتحانيه..!!
فـ لا تحزن ايها الطالب..اذكر الله وتوكل عليهـ ..!!
وسيطمئن قلبكـ ..!! بإذن الله تعالى..!!
.
.
في الختامـ
.
.
ان شاء الله يومياتي تنال على اعجابكم..
يمكن هالايام ما اتواصل معاكم..
السموحـــهـ منكم..

₪× ذبحنـ الشوق ــي ×₪

**ذبحني الشوق** · 01-02-2007, 01:45 PM

.
.
.
رحلتيـــــ ولم يبقـ سوى السكوتـ
.
.
.
لكـــنـ انا حائرة بين مصدقـ ومكذبـ
.
.
.
المـــوتـ
نهايــــــــة الجميعـ
.
.
.

**ذبحني الشوق** · 01-03-2007, 11:16 AM

₪× ذبحنـ الشوق ــي ×₪

التفت للمعلمة وانا متملله//شو هالحالهـ اوف شو بنود الحملهـ ؟!
واللهـ نسيت السؤال..ياللهـ ساعدنيـ انا هالحمله اظنيـ طنشتها
ولا قريت شو فيها واللهـ خبلهـ..//

تصفحت اوراق الامتحانـ والحمداللهـ حالهـ عدل فيها..
شو باقيـ براجع وبرجع للبنود الله يستر ياربـ

مضى نص الوقــت وانا اطالع البنات بعيونيـ من المللـ
رجعـت بعيوني لورقتــي..

وماعرفت خلاصـ راسي بينفجر ..سكرت الدفتـر وسلمتهـ
للمعلمه المراقبـه من وقعتـ وطلعت وانا اشوف ربيعاتيـ
يراجعنـ واقولهن شو فايده المراجعهـ يالله نروحـ

وبـــسـ

ياللهـ ان شاء اللهـ باجر امتحان علم النفسـ يكون اهون
واحل فيهـ ..

السموحــهـ
لي عودهـ

₪× ذبحنـ الشوق ــي ×₪

**ذبحني الشوق** · 01-04-2007, 04:36 PM

₪× ذبحنـ الشوق ــي ×₪

السلامـ عليكمـ ورحمهـ اللهـ وبركاتهـ

اليوم كانـ // الاربعاء التاريخـ //3-1-2007م.

نزلـتـ من السيارة وحدرت للبيتـ الليـ اصبحـ خاليـ ..بدلتـ ثيابـي وطلعتـ لبيتـ يدتيهـ
سلمتـ ع الحريمـ وع امايهـ الليـ سألتني عنـ امتحانـ التاريخـ وشو سويتـ فيهـ
الحمداللهـ حليتـ "وفي خاطريـ اللهـ يستر" لعبتـ اخوي الصغير// دبـ تولهتـ عليكـ
بعدها رجعتـ للبيتـ وماليـ نفسـ ادرسـ فيهـ خذتـ كتبي ورحتـ لبيتـ خالتيـهـ عشانـ ادرس عند البناتـ
الحمداللهـ قعدتـ اسولفـ شوي مع بنت خالتيـ ولا كانتـ حاطهـ ع ام بي سي ويايبين الفلم الهنديـ
ـ لايراويكمـ ع باليـ حلو طلع باايـخـ الا طاحـ عليهمـ المنطاد وطاحتـ فـ حلجهـ
شو هالبياخهـ هاذيـ ..!!
حسيتهـ بايخـ وانا الابيخـ اللي كملت الفلمـ ..!!
اونهـ ماتقبلتـ القلبـ "مركبين لها قلب حرمه ثانيهـ متوفيهـ " ويومـ يت بتموتـ يا وانقذها الحبيبـ ..!!
شو هالخرافهـ وهالخربطانـ ؟! تميت اظحكـ واقول لبنت خالتيـ بايخـ وهيـ تقولي//زين خليهـ يوليـ
ليشـ عيل تطالعينهـ ؟! قلتـ // بتطمشـ شويـ قبلـ لا ادرسـ ..
خلصـ الفلمـ وقعدتـ ادرسـ ..الساعهـ كانتـ 2 بالضبطـ وع اذان العصـر حدرنـ بناتـ خالتيـهـ وسولفتـ شوي عليهنـ
وكنتـ تونيـ مشغلهـ التلفزيون لأني مليتـ وانا ادرسـ وقلت باخذ بريكـ ..
أي بريكـ اللهـ يخليكمـ ؟! احتشرنـ عليهـ اونهـ بنخبر امجـ انجـ مادرستيـ قلتـ//ماعليهـ منكنـ عاديـ اميـ تعرفـ
انا شو اسويـ //اونهـ اهددهنـ هعـ هعـ هعـ //
بعدها صلينا العصروكملت دراستـي انا عشان اخلـصـ وعلم النفس كان 3 وحدات + 4 ورقاتـ زيادهـ
خلصتـ وحدتينـ والـ 4 ورقاتـ وبقـتـ وحده //التعلمـ//وقلتـ بخلصها عقبـ ..
بعد صلاهـ المغربـ رجعتـ لبيتـ يدتيهـ وقعدتـ شويـ ورجعتـ للبيتـ شغلتـ النتـ شويـ وجيكتـ على الشيـ اللي
كنتـ اريد اعرفهـ وطلعتـ ..
كانت الساعهـ ع سبع ونصـ تقريبا ..رحتـ ورقدتـ عشانـ اقومـ 10 الليل واكملـ دراستيـ لعلم النفسـ
انسدحتـ بعد ماكلمتـ بنت عمتيهـ وقلتـ لها يوم بترجعـ بيتهم ع الساعه 10 توعينيـ عشان اقوم ادرسـ
3....2....1....zzzzzzzz ...
ماعرفـ شو حلمـتـ كان شي غريـبـ ومافهمتـ شي من الحلمـ حسيتـ بحد يدقـ البابـ قمتـ
ع باليـ 10 الليل وهاذي بنت عمتيهـ تدقـ //حدريـ الباب مفتوحـ //محد رد..//بلاجـ حدري؟!// محد رد
فتحت الباب وغمضت عيونيـ لأن اشعة الليتاتـ كانت قويهـ ع عيونيـ وحجرتيـهـ بروحها مظلمهـ
ماوعيتـ الا بصحنـ فـ ويهيـ //بسمـ اللهـ شو ها؟! //الخدامة//ماما قولـ هذا مشان انتيـ //
قلتـ//زين لاتدزينهـ جيهـ فـ ويهيي شوي شويـ روعتينيـهـ //خذت الصحن واولـ مافتحتهـ كان محشيـ
ملفوف وورقـ عنبـ //اللهـ من زمان ماكلتـ هالاشيــاء..
لفيتـ للساعهـ ..!!!!!انصدمتـ !!!!! توها الساعهـ 9؟! حرامـ ماخليتونيـ ارقد لين عشـــر عشان ادرس؟!
بدلتـ ثيابـي وطلعتـ ادور حد ياكلـ معايهـ ..انا الحينـ بروحيـ في البيت وملانهـ وبنت خاليـ اللي دوم معايهـ
مب موجودهـ تميتـ بروحـيـ هيء هيء هيء حالتيـ محزنهـ ..
لقيــتـ //نفرينـ من البناتـ بــسـ اللهـ يستر عليهنـ مافينا للفضايحـ // ام كـ .... وام فـ ..... ..!!
قلتـ//وينـ رايحاتـ؟!//ام فـ //ييتـ بوعيجـ عشانـ تدرسينـ //قلتـ اونهـ وعتنيـ اليعريهـ ..تبن؟!
"وأشرت لهن بالصحن؟!"ام فـ //انا اسوي ريجيمـ ماريد //ام كـ//محشي؟! منو مسونهـ ؟!//قلتـ مطرشينهـ
اليهـ"اونهـ مستانسهـ شخصيهـ هامهـ هعـ هعـ هعـ // ..
قعدنا فـ بيت حرمه عميـ وخليناها تاكلـ معانا وبعدها طلعنا برى عند الضو نتدفـى ..//
بردددددد//ام فـ:بتجتلنا من البرد //ام كـ:زين مورين الضـو تعالنـ بنقعد//
قعدنا نسولفـ وانا مت من البرد ماطلعت شالي معايهـ تدفيت مع ام فـ وسولفنا شويـ قعبها رجعتـ ام فـ بيتهمـ
ورجعتـ انا ادرسـ ..
شربتـ عصير انناسـ"الحبيبات جايهـ " وقعدتـ ادرسـ لين الساعهـ 11 ونصـ بالضبط ..
وانا خلاصـ هلكانهـ مافيهـ اكملـ بس الوحدة 3 للحينـ مادرستها..//طوفـ لا اخاف نفسـ ماسويت فـ التاريخ
طوفتـ ويتني البنود وماعرفتـ احلها..//خلاص بقومـ 5 ونص وبدرس ان شاء اللهـ ..
بدلتـ ثيابـي ورحتـ اشوفـ امايهـ اللي حسيتها تعبانهـ وترقد اخويهـ قلت//مابوعيها بخليها منسدحهـ
طلعتـ عنها ورجعتـ لشبريتيهـ اللي كانت ترقبني بشوقـ وولهـ //هعـ هعـ هعـ // ورقدتـ 3..2..1...zzzzz..
رنتـ الساعهـ معلنهـ الخامسه والنصفـ ولكنـ ضربتها بيديـ من التعبـ وانجلبتـ للجانب الآخــر
وانخمدتـ مرة اخرى //هعـ هعـ هعـ لايقـ صحـ ؟!// ماحسيتـ الا بالدقـ ع باب حجرتيهـ قمتـ وانا متروعهـ
//متـى هالاخوانـ بيتعلمونـ ؟! كمـ مرهـ اقول دقوا الباب بشوي شويـ ياناس تخوفوني بهالدقـ ؟!
شفـت الساعهـ 7:02 ياللهـ مادرستـ الوحدة 3 شو هالحالهـ ؟!
كيفـ الحين بحــل؟! //ماعليهـ اللهـ بيفرج