صوتيــه (( مدينــة شاعـــر )) صوتيه

بالضلوع العوج فيه أكبر مدينـــــــه = كانت لشاعر بناها من عذابه
كم مشى داخل شوارعها الحزينه = وكم تلحف في شتاهابإغترابه
كانت لشاعر رسمها من أنينـــــــه = والله أعلم كان يدفيها بثيابه
لاذكرها ينحني هيبه جبينــــــــــه = كنها اللي تعاتبه لحظة غيابه
ولاذكرها ترتعش حتى يدينـــــــــه = تسجد العبره خضوعن للكآبه
ولاذكرها تنكسر دمعه بعينــــــــه = ومادرت عنه ولاحست عتابه
كان يهديها حياته ياسمينــــــــــــه = من سببها عايفن حتى شرابه
وإسألوها شاعرك ماتذكرينـــــــــه = وقالت أعرف جرة الشوق بترابه
وإسألوها لوغلـــط ماتعذرينــــــــه = وقالت إن حبه ينسيني الخطا..به
وإسألوها ويش قدم في يمينـــــه = وإسكتت فيها حيا ولامن إجابه
حايره في هالإجابه أو رهينــــــــه = يامدينه شاعرك ضيع شبابه
من ورث جرحه وكنتي تكسرينـــه = وصارت أيامه مع الشيب إتشابه
من حكمتيه المؤبد بالغبينـــــــــــه = صار مجهول الهويه والقرابه
كم عطاك من الورود وتحرمينــــــه = لايشمه ولايشوفه من الغرابه
من هداك ولابخل تتجاهلينــــــــــه = دوري له ألف عذرن لإغترابه
ليت مره يوم يشكي تسمعينــــــه = تمسحين الدمع وتطيب الأصابه
مارحمتي عبرة الذل المهينـــــــــه = وإنتي أكثر من كسر فيه المهابه
عشقه الوافي فضا لاتحسبينــــــه = كل حرفن جرته حزن الربابه
وكل كلمة حب في قلبه سجينـــه = جا بيطلقها وتاهت في سرابه
ماقدرتي من يحبك تفهمينــــــــــه = تحسبين إن المحبه بالنيابه
بعد هذا من حدودك تطردينـــــــــه = وين يسكن هو بقى فيها رحابه
كاذبه ياهالمدينه ومستهينـــــــــه = كم خدعتي ممحل القلب بسحابه
وشاعرك لوينكسر لاتجبرينـــــــــه = يامدينه تلبسين ثياب غابه
كنتي أجمل حلم عاشه في سنينه = وكنتي أصعب حب في شعرالكتابه
يامدينه ذاك جرحي تلمسينـــــــه = مارضت فيه اليهود ولاصحابه
من بنى فيك المشاعر تهدمينــــه = من عشانه ينكسر قلب الغلابه
بالحنايا العوج كنتي أكبر مدينـــــه = هلت دموعي مذله عند بابه