بنات الكويت ساعدوني !!

دُرَهـْ

السلام عليكم ..

بنات الكويت بغيت منكم مساعده ..
عندي عرس بعد أقل من أسبوع و ليلحين ما شريت بدله و انا ما افتريت بكل السوق بس رحت بعض المجمعات و للأسف البضاعه مو ذاك الزود و الأسعار ناااااااااااار !!

بليييييييييييييييييييييييز الي شافت بدله راقيه بسعر معقول توصفها و صف بسيط و تعطيني اسم المحل

عنيدة

إن شاء الله تلقين حد يساعدج

الزين

مرحبا بنت ديرتي
الله يعينج جد هذي مشكله بصراحه
انا من فتره شفت بدلات حلوه و اسعارهم زينه بس من بيت يبيع بضاعه بدلات سهره
جان تبين دزيلي رساله خاصه وانا ان شاء الله اعطيج رقمهم ..

دلوعه الكويت

هلا والله اختي

في محل بالنقرة فوووق اسمه زووووم حلوة اشيائه ومو غاااالي وااايد

وان شاء الله تلقين شي يعجبج

توتة الكتكوتة

هلا أختي
أنا أعرف وحده تيب بدلات من بره وخاصه لبنان وأسعارها وايد زينه
وإذا بغيتي عنوانها راسليني على الخاص
وبعد عندج مجمع المهلب عنهم بدلات حلوه وأسعارها مناسبه

دُرَهـْ

الزين ، دلوعه الكويت ، توتة الكتكوتة
اشكركم على مساعدتكم و انا عارفه نفسي دعله و مو أي شي يعجبني و بما أن الحفله عقب باجر يعني ما بقى شي امس شريتلي بدله من ليلى جاليري عالسريع لأن يبيلي و قت بعد عشان أدور جوتي و تراجي <<< ما أقولكم دعله

تسملون حبايبي..
توتة الكتكوتة اذا صارت عندي مناسبه ثانيه طلبت منج العنوان عالخاص ان شاء الله

أوراق ملونه

حبيبه قلبي أناعمتي وباقي الأهل الله يحفظهم لي عايشين باالكويت أبشري على ذا الخشم أدق عليهم وأقولش؟ولاتخترعين

دُرَهـْ

تسلمين حبيبتي ..
حتى أنا عمتي و بعض الأهل عايشين بالسعوديه عشان جذي أشتري فساتين السهره من هناك لأنها أرقى و أرخص بس هالمره ما شريت من هناك لأن ما كان في أحد يوديني و توني خالصه امتحانات لكن الحمدالله شريت خلاص لأن الحفله باجر و مافي وقت أدور أكثر و اذا بغيت أتسوق بالسعوديه سألتج ان شاء الله لأنج أكيد تعرفين سوقكم ..