لعبة: {حط الكلمة التراثية في جملة مفيدة}

زين العابدين

بسم الله الرحمن الرحيم





السلام عليكم،،




شحالكم إلا بخير
ما تشكون باس

عندي لكم لعبة،، عساها تحوز رضاكم

وهي لعبة (حط الكلمة التراثية في جملة مفيدة)..



أظن إنكم فهمتو،،
وإلي ما فهم بنفهمه



مثلاً العضو الفلاني يدخل ويحصل إلي قبله كتب كلمة تراثية، (مثلاً: عسو)، ينش هالعضو يحط كلمة عسو في جملة مفيدة..
(مثلاً: البارحة يدّوتي ضربتني بـعسو) وعقب يكتب العضو كلمة من عنده، (مثلاً: جالبوت).. وبس

وتدخل مثلا عضوة، تحصل كلمة (جالبوت) في المشاركة إلي قبلها، فتحط (جالبوت) في جملة مفيدة..

وهَلُمَّ جَرَّ








يالله بسم الله،
أنا ببدا







( خَرْسْ )

**أحبـ حـيـل ـه**

ابويه مسمي دريولنا بـ(ـالخرس ) << وحليله يكسر خاطري


" وعيان "

زين العابدين

يحليلج يا دلوعة حيل..

شكلج الوحييييدة إلي شاركتي..











القطو كان يدخل مطبخ "أم خماس" ويكسّر الوعيان













كلمتي لكم هي:

سمبوج

أوراق ملونه

أخوي زين العابدين عندكم كلمات ماتنفهم
شو معنى سمبوج خلني أفهم شو معناها ثم أحطها في جمله مفيده
لاتلومني

**أحبـ حـيـل ـه**

سمبوج يعني محمل يعني لنج يعني سفينه


امممممم



هل البحر قبل كانو يسيرون الغوص بــــالسمبوج



" بارجيل "



ملاحظه : انا اسمي **أحبـ حـيـل ـه** مب دلوعه حيل

زين العابدين

ههههههههههههههههههههههههههههه

والله اسمحيلي اختي خربطت بالأسم،، كنت مغفّي !!








(إمارة دبي تشتهر بالبراجيل)





الكلمة:

منز

**أحبـ حـيـل ـه**

لا عادي افا عليك الشيخ


يرقدوون اليهال في المنز




" سويعيه "

الرومنسي

الله يرحم يدتي كشخت بسويعيه في عرسها



مزمااه

زين العابدين

المزماه،، أظني شرات الجفير مسوّاية من الخوص، يستخدمونها هل البحر...










رمرامة ؟؟

عبق المسك

الحريم الأول يندسن وراء الرمرامه من المستحي عن الريايل

الخنجر