امثال بحرينيه

غرام

· أبو طبيع ما ييوز من طبعه

· إذا بغيت صاحبك دوم حاسبه كل يوم

· إذا حبتك عيني ما ضامك الدهر

· إذا حجت البقر على قرونها

· إذا حضر الماء بطل التيمم

· إذا صار رفيجك حلو لا تاكله كله

· إذا طاح الجمل كثرت سكاكينه

· إذا فات الفوت ما ينفع الصوت

· إسأل مجرب ولا تسأل طبيب

· إش حادك يا المسمار ؟ قال المطرقه

· إصرف ما في الجيب يأتيك ما في الغيب

· أضبط من ساعة الملا

· أقضب مجنونك لا يجيك أجن منه

· إكل ما تشتهي وإلبس ما يعجب الناس

· إما طلعه ولا طبعه

· إن طاعك الزمن وإلا طيعه

· إنطر يا حمار لما يجيك الربيع

· إنفخ يا شريم قال ماكو برطم

· الباب اللي يجيك منه الريح سده وإستريح

· بات مظلوم ولا تبات ظالم

· بغاها طرب صارت نشب

· بغى يكحلها عماها

· بغيناه عون صار فرعون

· تجيك التهايم وإنت نايم

· ثوب أطول منك يعتك

· جارك ثم دارك

· حاميها حراميها

· حشر مع الناس عيد

· حط راسك بين رجليك وإشهد على والديك

· حط فلوسك بالشمس وإقعد بالظلال(إجلس بالظل)

· خبز خبزتيه يا الرفله إكليه

· خربان من البيضه

· دابة الله بأرض الله

· الذيب ما يهرول عبث

· راعي النصيفة سالم

· رزق القطاوه على الخاملات

· زرع الميانين (المجانين) يطلعه رب العالمين


و بس

الرومنسي

مرحبــا وخيتي ..!

أغلب هذه الامثال متداوله عندنا في الامارات ووطبعا هالشي متوقع دامنا بنفس العادات والتقاليد ..!

معلومه قيمه تسلمين على اختيارها ..!


نرقب يديد مواضيعج

غرام

تسلم اخوي على مرورك

سكوووون الليل

مشكوووووورة اختي الغاليــــــــــــة
(())** غرام**(())

امثال روووووووعة وبعد هالشي في السعوديــــــــة والخليج كله
مو خليجنا واحد بعد ناخذ من بعض العادات والتقاليــــــــد
وخصوصا التراث..

تحياتي..
أختك:/:سكوووون الليل..

أم محَمآسْ

يعطيك العافيه امثال نعتز فيها