|
|
|
|
|
|
||
| إعلانات منتديات ألم الإمارات |
|
|
|||||||
 |
|
|
LinkBack | أدوات الموضوع | تقييم الموضوع | طرق العرض |
06-05-2007, 09:21 PM
|
#1 | |||
  
|
خطوط سريعه 2 ..
السلام عليكم والرحمه
مساء الطاعه .. ~|/ خطوط سريعه 2 /|~ 1 يوم الاربعاء الساعه 12 ظهرا .. بوابة مدرسة الأصمعي الثانويه للبنين قاعد ينطر اخوه يطلع من المدرسه النوم كابس عليه مغمض عين وفاتح الثانيه شكله جد ضحك غير الغتره الي ما يدري شلون حاطها على راسه يعني مأساه من قلب غمض عيونه ياخذه قيلوله على ما يطلع اخوه وماصارله ثواني الا ويفتح عينه على جرس الهده المزعج تأفف و تململ و تعدل بقعدته وقعد يحوسه بأشرطته الي كلمالها وتنقص شوي شوي ما يدري شلون تختفي رفع راسه وطاحت نظراته على منظر خلى شوي و عيونه تطلع من مكانها قعد يطالع مو قادر يستوعب شنو هالي يشوفه وين قاعدين احنى لدرجه انه شك انه قاعد يطالع فلم اجنبي مو منظر بمدرسه ثانويه حق لصبيان من كثر ماهو مصدوم ماحس بأخوه الي صعد السياره وما انتبه الا على كفخه خفيف على الجتف حمد : هووووووو خلود شفيك ؟ لف على اخوه وتعابير الصدمه واضحه : حمود ويهد يهد العدو شالمسخره وين قاعدين احنا حمد ببراءه : شنو ؟ شسالفه؟ خالد : شوف بس شوف جدامك وبعدين قول شسالفه؟ لف حمد يطالع جدام ويوم شاف الي شافه اخوه ضحك من قلب وقال : هه انت جذي وعصبت شلون الي يصبح بهالاشكال الخايسه خالد : وانتو ساكتين؟ حمد وهو يحذف جنطته السيت الوراني : شوف احنا اول شي خاصه الي نعرفه ننصحه واذا شفنا ماكو فايده بصراحه نمسخرهم تمسخر خالد : وين الناظر والاداره ؟ حمد : تكفى اي ناظر و اداره اذا مو من الاهل ماكو فايده شوف مره أبوي راح حق الناظر وبصراحه ناظرنا رايته بيضه بس البلى من الاهل تدري يوم كلمه ابوي شقاله قاله انه استدعى ولي امر واحد من هالطلبه ويت الأم ويوم كلمها شوف اذا هذا رد الام شنو تتوقع يطلع الولد " خله يستانس توه صغير " خالد ضرب بريك قوي لدرجه ان حمد شوي ويطق الجامه الي جدام بس الله ستر جيور خالد و رجع صوب الولدين فتح الدريشه وعطاهم من عطايا ربي هزأهم تهزيئه محترمه طبعا الشباب ماقصور و مسحو فيهم القاع .. المشهد الي شافه خالد وهو فعلا حقيقه من أرض الواقع " واحد واقف و متسند على الطوفه ريل فاردها والثانيه رافعها ومثبتها على الطوفه والثاني مجابله مايل صوبه شوي وساند ايده على الطوفه " | / / / قال رسول الله صلى الله عليه و سلم " لعن الله المتشبهين من الرجال بالنساء والمتشبهات من النساء بالرجال"وقال عليه السلام (ألا كلكم راع وكلكم مسؤول عن رعيته، فالإمام الذي على الناس راع وهو مسؤول عن رعيته، والرجل راع على أهل بيته وهو مسؤول عن رعيته، والمرأة راعية على أهل بيت زوجها وولده وهي مسؤولة عنهم، وعبد الرجل راع على مال سيده وهو مسؤول عنه، ألا فكلكم راع وكلكم مسؤول عن رعيته) 2 البحر قاعد اوهو مجابل التلفون و يدزز مسجااااااااااات اما رفيجه فمن كثر ادمانه على النت ساحب اللاب معاه و شابك و يهذر على المسن طبعا اللست مفوله وشوي والا رفيجه يصرخ :واخير ما بقيتي لف عليه : شنو الي ما بقت ؟ سالم : شوف هذي وحده من اسبوع ضايفها وتوني اشوفها على المسن قرب بدر صوب الشاشه ودقق بالايميل مجرد فضول لا اكثر بس كان فضول قاتل قااااااتل حس جنه احد صاب فوق راسه ماي حار ومليون شيطان فوق راسه كل الي حس فيه انه الحين بسيارته و ماغير يتعدى السيايير والوجهه بيتهم .. قاعده فمان الله بعد ما بلكت وحذفت الايميل الي صاره اسبوع ترفضه و يرجع وقبلته عشان تعرف شسالفته وكالمعتاد تشارك بمنتداها و تسولف مع رفيجاتها ولا بالباب يتبطل شافت اخوها ومن كثر ماهو معصب ماتت من الخوف ما امداها تقول حرف الا وهو طايح فيها طق ولوما الله ثم اخوها جاسم الي توه داش البيت جان الله يرحمها .. حاس بندم فضيع بقى يذبح اخته بيده و السبب رفيجه الزفت قعد يتذكر الي صار له من بعد ما نقل اخوه اخته حق المستشفى.. " طلع مو عارف وين يروح بباله انه سوى الصح وان اخته لازم تتأدب وبيسحب منها كل شي ولا التلفون يرن حقره بس بالاخير رد سالم : وينك ذلفت ؟ بدر و نفسه بخشمه : شتبي ؟ - ابد اسال شفت الي قتلك عنها وهو يغلي من داخل ويسب : شفيها لحظه انت شعرفك فيها ؟ - شعرفني فيها ما اعرفها هذي دازه ايميل حق القروب الي انا مشترك فيه عاد ضفتها عندي وتوني اشوفها على المسن سالتي وقتلها من القروب قهرتي قالت لو سمحت احذف الايميل وعلى طول ماوهلتي بلكتني و حذف كل الي سواه بدر لحظها انه سد التلفون بويه رفيجه وتذكر كلمة واحد من عيال فريجهم دوم ينصحهم يبطلون لعب على بنات الناس و ان الدنيا دين ويوم لك ويوم عليك وكما تدين تداااااااااان طبعا الي يرد عليه ويقول ( انا خواتي متربين عدل ) ويقولهم يعني هالبنات كلهم بنات شوارع مو متربين ؟ والله ثلاثة ارباعهم بنات عوايل واهلهم معروفين والي يقول ( الحمدلله ما عندي خوات ) ويرد عليه ابد مقطوع من شيره ماعندك بنات خوال عمام ماراح تتزوج و يصير عندك بنات .. ياما وياما نصحهم بس اذون من طين و اذون من عيين تنهد من اعماقه وتعوذ من ابليس واقر بنفسه هالمره ربه ستر و فهم غلط لو كانت السالفه صج شراح يسوي ولا شراح يصير لو دروا اهله .. شوي بحقها ( مصيبه ) 3 قاعد يقرى الجريده ولفت نظره صوره ظل مده يطالعها وشوي ولا رفيجه يقوله : شفيك علقت على الصفحه لف على الي وراها رفع راسه و ابتسم وقال وهو يوري رفيجه الصفحه الي قاعد يطالعها : شوف هالصوره شافها : انزين شفيها هذي صورة المسيد الكبير برمضان الي طاف صلاة الجيام - تدري ودي تكون المسايد دوم جذي زحمه على طول مو بس يوم ايي رمضان ليش الناس بعضهم الله يهديهم ما يذكرون الصلاة وان عندهم دين الا من رمضان لي رمضان اهو ضامن عمره مايموت الا برمضان ؟؟! - استغفر الله الله يهديهم ويثبتنا على طاعته وعسى الله يرزقنا حسن الخاتمه دنيا زايله ماراح تاخذ منها غير عملك - وانت الصاج عسى الله ينور دوم قلوبنا ويحفظنا من معاصيه ويبعدنا عنها ولا يفتنا بدنيانا - آمين ولجميع المسلمين ... دمتم برضى الرحمن
التعديل الأخير كان بواسطة : الزين بتاريخ 06-05-2007 الساعة 09:28 PM. |
|||
|
|
06-05-2007, 10:45 PM
|
#2 | ||
|
لاحول ولا قوه الا بالله
جميع المشاكل التي تكثر في مجتماعتنا من التقليد الاعمى اللهم اهدي شباب المسلمين لك جزيييل الشكر على الموضووع الرائع |
||
|
|
|
06-06-2007, 04:31 PM
|
#3 | |||
|
اللــــه يـــهــديـــنـــا
|
|||
|
|
|
06-06-2007, 07:43 PM
|
#4 | |||
 
|
.
ミ♥彡 . . ₪¤₪**₪¤₪ . . :: |؛¤ّ,¸¸,ّ¤؛|彡السَّلامُـ عَلَيْكُمْـ وَرَحْمَةُ اللهِـ وَبَرَكَاتُهـ彡|؛¤ّ,¸¸,ّ¤؛| :: :: الله يهدي الجميييييع . . جزااااك الله خيرا على طرحك للموضوووع :: :: |؛¤ّ,¸¸,ّ¤؛|彡سَلامْـ彡|؛¤ّ,¸¸,ّ¤؛| :: . . ₪¤₪**₪¤₪ . . ミ♥彡 .
|
|||
|
|
|
06-07-2007, 05:03 PM
|
#5 | |||
|
الله يهديــ الجميع يا رب ،،
ومشكوور على الموضووع ،،
|
|||
|
|
|
06-07-2007, 05:08 PM
|
#6 | |||
|
الله يهديــ الجميع يا رب ،،
ومشكوور على الموضووع ،،
|
|||
|
|
|
06-08-2007, 12:43 AM
|
#7 | |||
|
بسم الله الرحمن الرحيم
السلام عليكم و رحمة الله و بركاته . . أختي الكريمة :: الزين :: جزاك الله خيرا على هذا الموضوع القيم .. و أثابك الجنه .. يوصم بالتميز  . . في انتظار كل جديد خالص الاحترام ليتني غريبة
|
|||
|
|
|
06-08-2007, 01:03 AM
|
#8 | |||
|
مشكورة اختي الغالية :: الزين ..
/ / موضوع متميز ولا حول ولا قوة الا بالله .. فعلا اغلب مشاكلنا وخاصة بلاد الخليج العربي سببها الرئيس هو التقليد العمى لا غير .. / / أصلح الله الجميع.. تحياتي .. أختك..سكووون الليل..
|
|||
|
|
|
06-13-2007, 03:13 PM
|
#9 | |||
 
|
الزين موضوع جميل وراقي ويستحق الإشاده في انتظار جديدج عين الله ترعاج 
|
|||
|
|
|
06-14-2007, 09:24 AM
|
#10 | |||
|
رائــــــــــــــــع........
هدى الله الجميع.... لكـــــــــــــــ شكريـــــــ..
|
|||
|
|
|
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
أقسام الموقع
[/IMG] 
العرض العادي
