|
|
|
|
|
|
||
| إعلانات منتديات ألم الإمارات |
|
|
|||||||
 |
|
|
LinkBack | أدوات الموضوع |
التقييم: 
|
طرق العرض |
07-06-2007, 07:14 PM
|
#11 | |||
  
|
أمس رحنا العصر لمجمع الراشد بعد ما طلبت منهم لأني بغيت أشتري كتب وأخوي بغى محل البلايستيشن يشتري أشرطه جديده <<< بلايستيشن 3 حشرنه فيه خخخخ ماكأني ألعب فيه  المهم فأبوي قال بنروح للراشد فتجهزنا وركبنا السياره .. طبعاً أمس الخميس فأكيد زحمه مافي باركن فوقف أبوي السياره في الجهه المقابله ودخلنا المجمع ورحنا للطابق الأول علشان هناك مكتبة جرير واتجهنا لبوابه 7 وشفنا المكتبه أبوي وقف وقال :- مين يبي جرير قلت أنا :- أنا ابيه أمي :- نحن بروح معاها بنشوف يمكن نبي شي منه أبوي :- أجل احنا " قصده وأخوي " بنروح لمحل الرياضه وبعدين للبلايستيشن أمي التفتت لنا :- صدى روحي أنتي و أختك للمكتبه وأنا بلحقكم أنا :- طيب يلا تعالي .. مشينا أنا و أختي للمكتبه يوم قربنا أختي وقفت وقالت :- صدى تخيلي الباب يطلع مقفل و نتفشل أنا :- يا ويلي أنا مابي اتفشل شوفي الناس حولينا  أختي :- يلا خلينا نجرب أنا :- لحظه شوفي هناك باب مفتوح أختي :- لا هذا باب للخروج أنا :- ايه صح مانتبهت .. يلا خلينا نجرب و الله يستر قربنا للباب و وقفنا ننتظر الا انفتح عاد هنا ارتحنا ما تفشلنا خخخخخخخ مصدقين أعمارنا هذا وقت تفلسف .. دخلنا الا وقفت اختي مره ثانيه التفتت لها :- وش فيك بعد ؟؟؟ أختي :- طالعي هناك أشرطة dvd يمكن في شي جديد بعدين التفت وراي لأني سمعت صوت أمي تنادينا أمي :- وش فيكم واقفين ؟ أنا :- هذي أختي بغت تشوف الأشرطه أمي :- ايه طيب روحي إنتي شوفي لك كتب لين مانتفرج رحت لجهة الكتب وكانت في آخر المكتبه يوم وصلت قمت أدور الكتب الي ابيها دخلت الأقسام بس ماشفت الي ابيه أصلاً الأقسام نفسها أنا مابيها قمت أحوس الدنيا فوضه تعبت وأنا أدور شفت روايات عبير و أحلام و روايات هاري بوتر و شفرة دفنشي بس كل هذا مابيهم .. رحت لأمي وقلت لها .. أمي :- طيب ما سألتي الموظف ؟ أنا :- لا ما سألته .. رحنا للموظف وقلت له عن الكتب الي ابيها أول شي سألته عن كتاب لمصطفى السباعي راح بعدين رجع وقال مخلص عاد أنا انقهرت بس قلت يلا معليه .. بعدها سألته عن روايات وليام شيكسبير وراح ومشينا وراه وطلعلي الروايات بس كانوا مدعوسين داخل وين نشوفهم !! أول شي طلع رواية هملت و بعدها رواية تاجر البندقيه و طلعلي روميو و جوليت بس رجعتها له لأني شاريتها من قبل وباقي روايات شيكسبير خلصوا شفتوا عاد .. وقمت أحوس مره ثانيه أشوف فيه شي ولقيت سلسلة نانسي درو ( المخبره السريه ) خذيت السلسله الأولى و الثانيه و الرابعه و رجعت للموظف نفسه وسألته عن السلسله الثالثه فتش بالكمبيوتر وقال خلصت " ياربي منهم كل شي مخلص "  بس قلت ما عليه لأن السلسله الوحده هي روايه كامله يعني مافي تابع له كل سلسله روايه مختلفه ورحت مره ثانيه أدور كتب ورجعت لروايات عبير و أحلام تفرجت عليهم بس ترددت لأنهم كثاااااااااار ماعرفت وش اختار ويوم لفيت لليسار شفت رواية آنا مادري وشو <<< حلوه ذي بس صدق ماذكر الأسم هي لفتت نظري لأنها نفس الروايه الي مدحتها اوبرا و مسوين منها فلم بس رجعتها لأني شفت الفلم وش ابي بالكتاب .. وفجاءه تذكرت روايه ورحت للموظف مره ثانيه <<< لعوزناه مسكين  سألته عن رواية فراشات المستنقع للكاتبه الشيماء خالد بس قال انها لسه مانزلت هنا بالشرقيه المهم قلت بروح لقسم الكتب الانجليزيه يوم رحت الكتب كانت بااااااااااااايخه الي في مطار البحرين أحلى منها السنه الي فاتت شريت من المطار كتاب اسمه " أجنحه مكسوره " للكاتبه " فيرجينيا آندروز " <<< مالي خلق اكتب بالإنجليزي هذا الكتاب مررررره حلو بس للحين ماخلصته ماقريت إلا ربعه شفتوا عاد وباقي ثلاث ارباعه أصلاً الفصل الأول ماخلصته وبقى 3 فصول ... طلعت من القسم وشفت أمي و أختي قلت لهم خلاص باكتفي بالخمس الي عندي فرحنا للكاشير وشريتهم بعدها قمنا نتمشى و نتفرج على المحلات بس ماشفنا شي يعجبنا فرحنا للدور الثاني اتصلت على أبوي و قلت له عن مكانا ... أول شي رحنا لباسكن روبنز أختي ماجت معنا الا علشانه هي تبي نوع محدد كل ماتروح لمول يقولون مخلص قالت تجرب هنا وطلع بعد مخلص فشرت آيس كريم بالفانيلا و الشوكلت ... ورحنا للجهه المقابله الي يبيع آيس كريم كرات هذي الدوائر الصغيره أكيد تعرفونه النوع الجديد أمي اختارت بالفانيلا و أنا بالشوكلت شريناه الا شفنا أبوي جاي بس أخوي ما كان معاه ... أنا :- وين أخوي ؟؟ أبوي :- في محل البلايستيشن قاعد يجرب الأشرطه .. " التفت أبوي وشاف محل اسمه لندن " << هذا المحل يبيع بطاطس مشوي يجنن أهلي و خالاتي ذاقوه في مجمع الظهران الي هو جيـــان ومدحوه أبوي شرى منه كافي وبعدين رحنا لقسم العائلات و قعدنا ناكل .. اتصل أخوي علينا وقلنا له ان احنا في قسم العائلات فجانا وجلس .. أنا انتبهت للكيس الي فيده وبدى الفضووووول يشتغل أنا :- أي شريط شريت ؟؟؟؟؟؟ أخوي طالعني بنظره وقال بصوت واطي أهلي ماسمعوه :- مالك دخل وااااااااااااي تفشلت بس قلت ماكون صدى ان ماعرفت  أبوي :- أشوف الشريط طلع أخوي الشريط وعطاه لأبوي عاد أنا قلت هذي فرصتي و مديت يدي لأبوي وقلت له يعطيني عطاني إياه وطلع الشريط ذبح و مذابح و مسدسات و رشاشات و خناجر و مادري إيش قلت لأخوي :- ابي ألعبه والله الشريط كشخه بس هو مارضى أصلاً هو مايخليني ألعب إلا السيارات و سونيك و كوره و مصارعه ومالين القتال بسسسسسسسسسسسسس أما أي شي فيه مسدسات لا ممنوع ألمسه لأني انفعل بقوه من هالنوع اذا خسرت أرمي اليد " القير" على الشاشه و أسب فيهم وطبعاً أخوي يخاف على البلايستيشن حقه ما يبيني أكسره له أما باقي الأنواع عااااااادي حلال عليّ ماعدا أختي مالتمسه خير شر بس اذا كنت معاها عادي يسمح لنا .. عاد أختي تزعل ليش أنا عادي و هي لاء فروح أقولها أنا غيييييييير أنا توأم أخووووي ... المهم بعد ماخلصنا طلعنا من المجمع ورجعنا للبيت و أنا على طول خذت رواية هملت لشيكسبير وبيدت أقراها الساعه كانت 7 ونص ... و أنا كنت اقرأ جات أختي وقالت إن خالتي بتزورنا الحين هي في الطريق قلت لها حياها ورجعت اقرا كلها ربع ساعه وهي واصله و أنا موب حاسه بنفسي مندمجه بالقراءه دخلت خالتي للصاله و أنا جالسه سلمت ورفعت راسي وشفتها أقولكم ماحسيت قمت وسلمت عليها وكانوا معاها بناتها : الكبيره بتروح لخامس و الصغيره توها سنه فديتها تجنن تشبهني أختي خذت بنت خالتي الكبيره و راحوا يلعبون بلايستيشن ثاني مو مال أخوي أما الصغيره قعدت تلعب بالألعاب الي تحت <<< البزران يحبون يجون بيتنا بس علشان الألعاب الي عندنا هالألعاب ماحد يلعب فيها الا هم واحنا خلاص كبرنا بس ماقطيناهم علشان عيال خالاتي و أعمامي و الضيوف لا جو عندنا قعدت خالتي عندنا إلى الساعه 11 بعدين روحت ..... و أنا قبلها بساعه خلصت الروايه <<< لا تحسدوني خلصتها بوقت قياسي قولوا ما شالله ..  وان شالله اليوم ببدأ اقرأ رواية تاجر البندقيه
التعديل الأخير كان بواسطة : صدى المعاني بتاريخ 07-06-2007 الساعة 07:19 PM. |
|||
|
|
07-07-2007, 03:49 AM
|
#12 | |||
|
_________________________
إحساس أكثر من رائع أن تمد يدك فتجد من يصافحك .. بحب وتفتح قلبك فتجد من ينصت إليك .. بصدق وتصرخ فتجد من يستقبل صرختك .. بإخلاص وتبكى فتجد من يجمع حبات دموعك .. بوفاء فالصداقة كالقناعة كلاهما .. كنز لا يفنى بشرط أن لا تكون العملة مزيفة _________________________
|
|||
|
|
|
07-07-2007, 04:41 PM
|
#13 | |||
|
شــوفـــوا الــذكـــاء
أذكر يوم كان عمري 5 سنوات كنت ألعب مع أخوي (4 سنوات) برى في الحوش المطر كان كثيف عاد تمينا نلعب و نراكض وطبعاُ طحنا و تزحلقنا <<< بزران شوي و وقف المطر أخوي صارخ :- لالالالالالالالالا ليش وقف المطر !! رحت قلت له :- الحين بينزل بس الله راح يعبي بالهوز الغيوم <<< أم الذكاء خخخخخخخخ أخوي :- اهااااااااااااااا ماكنت ادري <<< شفتوا البراءه مصدقني ونزل المطر مره ثانيه وقمنا نصارخ و نكمل لعبنا بعدين جات أمي وكانت حامل ماذكر أي شهر ومعاها الخدامه جلسوا يطالعونا و مره ثانيه وقف المطر ... أخوي :- صدى شوي و ينزل المطر أنا :- ايوه ورحت عند أمي و جلست جمبها وقلت لها :- ماما ماما الحين الله ياخذ سطل و بيعبيه ماي و يكبه علينا ويصير مطر !! ونزل المطر مره ثانيه و أمي و الخدامه فطسوا من الضحك عليّ وأنا يا حليلي مادري وش السالفه وليش يضحكون ؟؟ بس ما عطيتهم سالفه ورحت لأخوي نكمل لعب ....... عاد أمي دايم تذكرني بهالموقف و دايم تقوله عند أهلنـا وأنا أقعد أضحك و منحرجه ياربي فشييييييييييييييله ..
|
|||
|
|
|
07-08-2007, 01:40 AM
|
#14 | |||
|
__________________________________ ما أروع أن نحيا بالأمل ونمتلئ به فلولا الأمل لتشوهت المساحات البيضاء فى داخلنا وفقدت مساحات الأرض الخضراء لونها فى أعيننا وأصبح اليأس كالنار الثائرة .. تلتهم أحلامنا __________________________________
|
|||
|
|
|
07-09-2007, 04:16 AM
|
#15 | |||
|
الـيوم رحنا لبيت جدي علشان خالتي أمس رجعت من السفر كانوا رايحين
للإمارات ... بس قبل طلعنا العصر أبوي قال بيودينا للمارينا مول لأنه يبي يروح لمكتب العقارات هو قريب من المول بس بالطريق اتصل المسؤول و قال لأبوي آخر التطورات فبكذا ما لا داعي نروح له وقالت أمي أحسن نرجع و نروح للخبر مول لأن هناك المحلات الي نبيها ولا احنا ما كان ودنا للمارينا فقال بينزل لمحل الكمبيوتر علشان جهاز أخوي خربان وبنروح للخبر فرحنا للخبر مول وشرينا الأغراض الي نبيها لأن قريب ان شالله بنسافر وبعدها رحنا لبيت جدي والوقت كان 7 يوم وصلنا .. قعدنا شوي و وصلت خالتي و البنات و تحمدنا لهم بالسلامه وبعدها وصلوا خالاتي و قعدنا سوالف وضحك ،، الجمعه كانت حلوه و مارجعنا الا الساعه 1 يعني تقريباً من ساعه ...
|
|||
|
|
|
07-09-2007, 04:24 AM
|
#16 | |||
|
][][ إهـــــــــــداء لناس غاليين ][][
أحبك لو بعيد الدار عنك جداك يحن قلبي للرجوعي يا لو عني الليالي ابعدنك غلاك في خافقي تحت الضلوعي إذا مرت لي الذكرى احتونك أحاسيسي وفكري لك خضوعي يا لو أخفيت به ما يبينن لك يفز القلب لك من دون طوعي يحليّك الجمال وصغر سنك فلا يوجود على شوراك نوعي خفيف الدم ويلي آه منك ترى شوفك ينور لي شموعي بكل الأوصاف ربي مكملنك جمال وخلق والطبع السنوعي عسى الأيام مني يقربنك فلا يبقى لها الفرقى رجوعي
|
|||
|
|
|
07-09-2007, 04:25 AM
|
#17 | |||
|
___________________________
آآآآآآآآآآآآآآآآه أيها الحنين كم من مرة طرقت أبواب حياتنا المظلمة كم من مرة زرت مدننا المكسوة بالأحزان كم من مرة فتحت دفاترنا المغلقة كم من مرة أوقدت نار الرماد الخامدة كم من مرة أعدت الزمان فى قلوبنا كم من مرة أعدتنا إلى أول الجرح وأول الألم .. وأول الضياع كم من مرة أعدت الصور فى أعيننا كم من مرة باغتنا .. هاجمتنا .. هزمتنا وكم من مرة كسرتنا .. فأبكيتنا ___________________________
|
|||
|
|
|
07-10-2007, 03:36 AM
|
#18 | |||
|
_________________________ أشياء كثيرة تسقى غابات الحزن في داخلنا وتزرع الألم في أعماقنا وتتحول بمرور الوقت إلى أشباح متعطشه للفرح نرسم دوائر الفرح بدخان أحزاننا نبحث في ظلمة الأيام عن فرحة نستند إليها فرحة .. تجنبنا ألم السقوط ومرارة الانكسار تُرى .. من منا يعشق الآخر نحن أم الحزن هل نحن بالفعل نهوى الحزن نعشق البكاء على الأطلال _________________________
|
|||
|
|
|
07-10-2007, 04:15 AM
|
#19 | |||
|
مســاء أو صبـــاح الخيـــــر  اليوم مافي شي مميز ما طلعنا مكــان كل الي سويته إني تابعت مسلسلاتي على mbc4 Days of our lives & popular & numb3rs numb3rs <<< هذا  لا يطوفكم طبعاً هذي المسلسلات تجي ورى بعض من الساعه 4 إلى 6 ونص يوم خلص قلت بقعد على النت بس لقيت أختي جالسه عليه و تستخدم المسن تتكلم مع بنت خالتي الي تصغرها بسنه <<< توهم متعلمينه والأخت كانت جالسه عليه من 4 ونص يعني ساعتين زياده عن الوقت قلت لها قومي خلص وقتك ولا روحي فوق جلسي عالنت بس أخوي كان شاغله << اليوم رجعنا جهازه ... قالت لي شوي بس شوي وأقوم فعطيتها فرصه بس هي زودتها حبتين ولا تبيني أعلمها أشياء عن المسن وضيعت وقتي إلى ماجى أبوي وقال بيجلس فيه عاد أنا لالالالالالالالالالا لي ساعه انتظر تراها خذت زياده عن الوقت ومادري وش خربطت بس أبوي قال بيقعد شوي ويقوم عاد أنا طالعت أختي بقهر وهي أونها بريئه ما سوت شي ... فرحت للصاله وخذت رواية تاجر البندقيه <<< موب مسدس  خخخخخ لا ها منطقه أكييييييد تعرفونها ماحد ماسمع عنها بعد نص ساعه قام أبوي وأنا شخطتها للنت هع هع هع ماصدقت بس ماتهنيت لأن العشى جهز وبعدها رجعت للتلفزيون وشفت فلم حلو بآكشن وفيه وحده صينيه حركاتها كشخه كأني أشوف جاكي شان هذا الي عجبني بالفلم حركات القتال وبعدها جا فلم بطولة جينفر لوبيز بعد حلو ذكرتني بسندريلا خخخ الخدامه " جينفر " تقع في حب مرشح لمجلس الشيوخ " اونه رئيس " حركاااات .. بعد ماخلص خذت الروايه مره ثانيه و توني من شوي خلصتها بس صدق الروايه تجنننننننننننننن عجبتني كثير انصحكم تقرونها اذا كنتوا من محبين القراءه ...
التعديل الأخير كان بواسطة : صدى المعاني بتاريخ 07-10-2007 الساعة 04:17 AM. |
|||
|
|
|
07-11-2007, 05:27 AM
|
#20 | |||
|
الســــــــــــلام عليـــــــــــــكم اليوم النفسيه طييييييييبه خخخخخخخ أكيد لأني تونست صدق بعد صلاة المغرب طلعنا لبيت جدي " أبو أمي " نزلنا أبوي وراح لموعد أسنانه نحن كنا متفقين مع خالتي بإن نتقابل بالمارينا مول وبعدين يمكن نروح للواجهه البحريه ترى اليوم الإفتتاح وطلع إن خالاتي العازبات خخخخخ يبون يروحون للإفتتاح عاد يوم وصلنا طلع إن أهلنا الي من البحرين جاوا لبيتهم ،، مساكين متعنيين بس عشان يعطونا بطاقات زواج بنت ولد عم أمي <<< طويله بعدها قالت خالتي نروح معاهم نزور خالتي في المستشفى " الله يشافيها ان شالله " بدل جلستنا لين مايرجع أبوي عشان يوصلنا للمارينا ... وصلنا للمستشفى وسلمنا على خالتي وقعدنا عندهم شوي و زوج خالتي ببوصلنا لأن بنات خالتي يبون يروحون معانا <<< ماتلاحظون العدد زاد المهم ونحن بالطريق كنا متفقين نروح للمارينا بعدين للواجهه بس غيروا رايهم ورحنا للواجهه أول وكانت الساعه على ماظن 8 أو 8 ونص ... رحنا تمشينا واخترنا مكان وجلسنا فيه عاد قدامنا كانوا مسوين " العرضه " الرجال كانوا يعرضون ويطبلون فللللللللللللللللللللللله بس الي مخرب إن اليوم مافي هوااااااااا الجو حاااااااار الأيام الماضيه الجو حلو بس اليوم الي اخترب بس مشينا حالنا بعدين ع الساعه 9 وصل الأمير محمد " الله يحفظه " ودخل للمخيم الي حاطينه وكان في مكان فوق مخصص للنسا وتحت للرجال وبعدها بربع ساعه بدت الألعاب الناريه بس ماطولوا كلها 10 دقايق وخلصت <<< قـهـر مستخسرين علينا بس صدق الواجهه مره حلوه ومرتبه والأنوار كثيره مو مثل كورنيش الدمام و الخبر ظلمه فيه نور بس يعتبر ظلام ... بس زين يعني بدينا نطور خخخخخخخخخخ المهم بعد ماخلصت وصلت خالتي الي متفيقن معاها نروح للمرينا وهي لحقت ع الألعاب الناريه وقالت أحسن نروح للمارينا لأنهم خلصوا ماعتقد في شي زياده بسوونه أما خالاتي العازبات و بنات خالتي جلسوا قالوا بيقعدون وبيرجعون بعدين .. فرحنا أنا وأمي مع خالتي وكانت معها بنتها في عمر أختي والي بوصلنا كان ولدها ،، اليوم الطريق زحمه ما تقولون إجازه و الناس بتسافر بيقلّون لا زاااااادوا بس الظاهر مأجزين عندنا لأني شفت كم سياره من قطر و البحرين و الرياض ... وبعد نص ساعه وصلنا للمارينا بسبب الزحمه ولأن مرينا ناخذ بنت خالتي الصغيره فديتها والله قلتلكم عنها من قبل عمرها سنه ونص تجنن وكانت جالسه عندنا ورى وماسكتها أختها وقاعده تقولها مين هذي ومين هذي تأشر علينا عرفتنا كلنا إلا أمي خخخخخخ عاد أمي قالت أنا خالتك ولا تعرفيني بس عرفتي بناتي هع هع هع وهي أصلاً ماتدري وش السالفه بس تضحك اذا لقيت صورتها بحطها لكم ... المهم وصلنا للمارينا ع الساعه 10 بس دخلنا انفصلنا أنا ومعاي أختي وبنت خالتي والقسم الثاني أمي و خالتي وبنتها الصغيره ... وطبعاً بدون لف و دوران رحنا سيده للألعاب وعبينا البطاقات ويدبنا اللعب .. أول لعبه ماعرف اسمها بس احنا نسميها " الكبيره " لأن أكبر لعبه عندهم هذي اللعبه المقعد يكفي لشخصين وهي ترتفع فوق بعدين تنزل وفجأه ترتفع بقووووه وتنزل بقووووه عاد احنا ماقصرنا أنواع الصراخ خخخخ عاد الشباب تموا يطالعوني لأني الوحيده المنقبه والباقين صغار بس لابسين عبيهم .. عاد البنات الي يتفرجون تشجعوا بعد ماخلصنا من اللعبه عدناها من جديد أكثر من مره وبعدها رحنا للقطار بس كان بايخ الي في ديزني و europe park الي في ألمانيا أحلى بكثيييير و يقولون إن الي في الفؤاد سنتر حلو بس ماجربته ... قعدنا بالألعاب ساعه كامله وبعدها شرينا لنا عشى من كودو وطلعنا لأن أبوي وصل وحتى خالتي ولدها وصل ... عاد أنا ما صدقت يوم وصلت قبل الساعه 1 لأن مسلسل اليوم بآكشن فاتني والإعاده 1 واسمه Prison Break كل ثلاثاء يجي الساعه 9 <<<< مسويه دعايه بعد ماخلص على طول دخلت النت لأن اليوم مالقيت فرصه ...
|
|||
|
|
|
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
أقسام الموقع
العرض العادي
