|
|
|
|
|
|
||
| إعلانات منتديات ألم الإمارات |
|
|
|||||||
| أرشيف المقهى أرشيف المقهى مجلس غير مخصص للمشاركات للإطلاع فقط . |
|
|
LinkBack | أدوات الموضوع |
التقييم: 
|
طرق العرض |
07-14-2007, 09:15 PM
|
#31 | ||||
|
تـــابع >>>> ســفــرتـي لبــــاريــــس "" اليوم الرابـع "" هذا اليوم رحنا لديزني لاند .. ركبنا مترو و نزلنا من مترو الي يوصل لبرج ايفيل رحنا للجهه الثانيه و نركب قطار يوصلنا لديزني و قعدنا ساعه ونص على ماظن .. يوم وصلنا مشينا في المحطه إلى ما وصلنا للمدخل شرينا التذكره و دخلنا و أختي تصورت << أكثر الصور لها أول شي ركبنا للقطار الي يمشيك للمدينه كلها انتظرنا ساعه بس علشان نركبها وبعدها رحنا لقطار ثاني و كان سريع مره حلو في نزله قوووويه داخل النفق الفتحه قصيره يعني يمكن تضرب بالجدار وكان في واحد امريكي لابس قبعة كاوبوي كانت بتضرب فيه وبتطير منه هو قاعد قدامنا واحنا جلسنا نضحك وفي هذي اللعبه انتظرنا ساعتين .. بعدها رحنا لقطار ثاني وهذي أخوف من القبليه فيها شقلبتين و الطلعه و النزله تكون مستقيمه ركبت و جمبي أخوي و ورانا أمي و أختي أما أبوي ماركب بس مسك أغراضنا وبدت اللعبه في الطلعه عادي بس النزله مت من الخوف تمسكت عدل والا ننزل بقوه و المشكله ان أنا و أخوي قاعدين أول الناس مافي حد قدامنا قعدنا نصارخ و جات الشقلبه الاولى و وراها الثانيه و روسنا بس تدق بالكرسي خخخخخخخخخخخخ ما شفنا شي في الشقلبه خخخخخخخخخ على ماظن كانت 3 دورات ... وهذي بعد قعدنا ساعتين لين ماركبناها بعد ما قعدنا 5 ساعات و ماركبنا إلا 3 قطارات رحنا نتغدى و كانت الساعه 3 ونص يوم خلصنا من الغدى رحنا بنشوف عرض طرازان بس كان مقفل وقالوا على 7 بيفتح فرحنا ندور و شفنا لعبة القراصنه وهذي تركب سفينه تكفي لـ 12 شخص كل مقعد لـ 3 أشخاص أختي ماركبت قالت إنها تعبانه و أمي جلست معاها لين مانخلص دخلنا المدخل وقمنا نمشي و نمشي الدنيا ظلمه و النور خفيف يعني عادي تصدم و تطيح حتى الدرج انا ماشفته بس الحمدلله سلمت يوم وصلنا الدنياااااااااااا زحمه يعني نطروا الدور بس هالمره انتظرنا ساعه ونص يعني الفرق نص ساعه زين مازادت بس كانت حلوه اللعبه وكان حوالينا بالداخل مطعم يعني انت بالسفينه تمر من عندهم وهم يتفرجون و ياكلون كأنهم بسينما خخخخخخخخخخخخخ بس حتى احنا تفرجنا على القراصنه كل مانمر من واحد اما يطيح من فوق و هو سكران ولا خنزير يتكلم <<< هذي ضحكت عليها عدل خخخخخ و شفنا أنواع و أشكال يوم خلصنا الطلعه تكون داخل محل لتذاكرات وهي لفيلم القراصنه ناسيه وش اسمه أكيد تعرفونه إلى الآن يعرضون عنه لقطات بالتلفزيون و يتكلمون عنه وكيف سووه المهم يوم طلعنا قالت لنا أمي إن أختي شكلها مسخنه شفتوا عاد فقلنا خلاص بنرجع للفندق واحنا بالطريق قالوا بيبدون العرض وكانت 4 ونص فجلسنا نشوفه و طلبنا لنا بيبسي و سفن آب و قعدنا نتفرج جابوا تقريباً كل شخصيات ديزني ويوم خلص طلعنا و ركبنا للمترو وبعد ساعه ونص وصلنا وركبنا متروا ثاني عشان نرجع للفندق يوم وصلنا للحي كان جمب فندقنا على طول صيدله دخلنا و الموظفه قاست حرارة أختي و عطتنا دوا لها وبعدها رحنا للفندق نرتاح .. نمنا كم ساعه وصحينا جات لنا أمي و قاست حرارة أختي و كانت منخفضه مافيها حراره عاد أخوي يقولها :- كل منك خربتي علينا الطلعه .. وأختي ترد عليه :- عادي أصلاً انت ماتدري يمكنها خيره لنا بالنسبه لي كان عادي لأن ديزني لاند ممله يعني تنتظر ساعتين بس عشان لعبه وحده و هي كبيره على الفاضي أنصحكم تروحون لـ park europeفي ألمانيا تجنن أحلى من ديزني مليون مره حتى احنا زرناها أكثر من مره ... بعدها طلعنا و رحنا للمطعم الهندي تعشينا و بعدين رحنا لشارع الشانزلزيه قعدنا شوي نتفرج على العالم ورجعنا مره ثانيه للفندق لأن الساعه صارت 10 ومانبي نتأخر أكثر من كذا ... "" اليوم الخامــس "" بعد ما فطرنا رحنا لشارع الشانزلزيه و منه ركبنا الباص السياحي عشان نروح لمتحف اللوفر مرينا بالباص على كذا مكان و بعدها وصلنا للمتحف وطبعاً كان مزحوم وقفنا طوابير لين ما نوصل و بعدها دخلنا و كان ممنوع التصوير أو الأكل و من هالقوانين يوم دخلنا رحت خذت خريطه وكان فيه خرايط بلغات مختلف عربي انجليزي ايطالي و اسباني و كثير من اللغات أول شي توجهنا نشوف لوحة " الموناليزا " يوم وصلنا كان زحمه وحاولنا نقدم علشان نتفرج يوم وصلنا شفت اللوحه بس ماتوقعتها كذا صغيره فكرتها كبيره وحاطين حراسه و ممنوع التصوير بس الناس مو ماعطينهم وجهه وقعدوا يتصورون .. وأمي سألتني وش فيها الحين ابتسامته الكل يقول ابتسامه وابتسامه مافيها زود ؟؟!!! رحت قلت لها :- مادري يمكن لأنها أول لوحه تكون الشخصيه فيها مبتسمه أنا مو متأكده بس تخمين لأني شفت لوحات كثيره لرسامين مشهورين والشخصيات الي فيها موب مبتسمه فقلت علشان كذا حتى واحنا نتفرج على اللوحه كانوا في ناس نسمعهم يقولون :- look to her smaile مادري وش فيها هالابتسامه عاديه جداً ... بعد ماتفرجنا طلعنا ورحنا للقسم الإسلامي والأشياء المعروضه مره حلوه وهي طبعاً أشياء قديمه منها من مصر و من العراق و إيران و كثير أماكن وشفنا خناجر و سيوف من ذهب و مزين بألماس المكان حلو ... بعدها تنقلنا وطلعنا برى وكان المكان كأنك في روما حاطين تماثيل قديمه نزلنا تصورنا ورجعنا لفوق وقررنا نطلع لأن مافي أشياء نشوفها .. فطلعنا وكان قدام المتحف نافوره كبيره و الناس كانوا قاعدين عندها فرحنا و جلسنا و فصخنا الجزم و حطينا رجولنا في الماي وكان بارد ترى مو بس احنا كل الي جالسين مسوين مثلنا .. و في ناس فصخوا قميصهم و يتسبحون مادري وين يحسبون نفسهم فيه ؟؟؟ !!! بعدين قمنا و رحنا للجهه المقابله علشان ننتظر الباص يمر .. بس طول ولا جا باص واحد قعدنا ساعه و أخيراً مر واحد وركبنا فيه و وصلنا لنهر السين نزلنا وقعدنا نمشي في الحي بغينا نركب بسفينه بس زحمه فجلسنا نتمشا و وصلنا لكنيسه مشهوره و دخلنا داخل نتفرج هذي بس للسياحه يعني مايصلون فيها .. وكانوا مسوين فيها زي عرض للتاريخ كيف كانوا يتعاملون مع المذنبين و مادري شو حاطين أشيا كثيره حتى محل تذكاري بعد مادرنا فيه طلعنا لباب الخروج و كملنا مشي في حديقه وبعد كم ساعه رجعنا من وين ماجينا عشان الباص ومن حظنا توه واصل فركبنا فيه ووصلنا على طول لشارع الشانزليزه ما كان في محطه ثانيه قبلها فنزلنا ورحنا للمترو عشان نرجع للحي و نتغدى في مطعم ماكدونالدز وبعدها للفندق ... وفي الليل مثل العاده رحنا لشارع الشانزلزيه وعلى الساعه 11 رجعنا للفندق .. "" اليوم السـادس "" قعدنا نفطر بعدها رحنا للمترو لشارع الشانزلزيه و ركبنا للباص وقمنا نحوس كل مانوقف في محطه ننزل و نتمشى فيها وبعدها نركب الباص و ننزل لمحطه ثانيه نزلنا لبرج ايفيل و تمشينا فيه وبعدها ركبنا الباص ورحنا لنهر السين وبعد نزلنا و تمشينا و بعدها ركبنا الباص للحي اللاتيني وهذا الحي مره حلو فيه اسواق كثيره ومنها " إيتام " أكيد تعرفونه يا بنات .. دخلنا و تشرينه منه و دخلنا محلات ثانيه و تمشينا ودخلنا محل صغير شرينا هدايا لأهلنا وأغراض لنا وطلعنا وشفنا مطاعم كثيره تفرجنا عليها و قررنا نتغدى في مطعم تايلندي .. و اخترنا مأكولات بحريه تغدينا و رجعنا نتمشى إلى الساعه 6 بعدها رحنا لموقف الباصات ورجعنا لشارع الشانزلزيه و ركبنا المترو ورجعنا لحينا نتعشى في ماكدونالدز ... وبعدها قعدنا في الفندق شوي وطلعنا نتمشى في الحي ودخلنا للحديقه وبعدها للفندق مره ثانيه ... "" اليوم السـابـع "" هذا آخر يوم لنا لباريس قمنا الفجر الساعه 4 لأن موعد القطار الساعه 5 ونص جهزنا أغراضنا و تلبسنا ونزلنا الشنط تحت لين ماخلص أبوي إجراءات الفندق وركبنا للسياره لطريقنا لمحطة القطارات وصلنا بعد ساعه وباقي على الموعد نص ساعه .. واحنا في الطريق شرينا لنا فطور من محل صغير قلنا بناكل في القطار الحين احنا بنروح لألمـــانيــا " قرية بادن بادن " بعد نص ساعه وصل القطار و رحنا للدرجه الأولى و دخلنا قسمنا ورحنا للحجره الخاصه فينا ... اما باقي الحجر ماكان فيها الا وحده امريكيه و ولدها الصغير "" ولي عــودهـ مع أحداث جديده في ألمانيــــا خخخخخخخخخخ كأني في مسلسل "" الحين بروح انتظر مسلسل Lost بآكشن الي يبي يتابعه يجي كل سبت الساعه 9 ...
|
||||
|
07-15-2007, 07:14 PM
|
#32 | ||||
|
____________________________
إذا لم تجد من يسعدك فحاول أن تسعد نفسك وإذا لم تجد من يضيء لك قنديلاً .. فلا تبحث عن آخر أطفأه .. وإذا لم تجد من يغرس في أيامك ورده فلا تسع لمن غرس في قلبك سهماً ومضى .. ____________________________
|
||||
|
07-17-2007, 03:31 AM
|
#33 | ||||
|
اللـه مــعــاك يالأخــضـــر
***  *** 
|
||||
|
07-17-2007, 03:34 AM
|
#34 | ||||
|
_________________________ أحياناً يغرقنا الحزن حتى نعتاد عليه .. وننسى أن في الحياة أشياء كثيرة يمكن أن تسعدنا وأن حولنا وجوهاً كثيرة يمكن أن تضيء في ظلام أيامنا شمعة .. فابحث عن قلب يمنحك الضوء ولا تترك نفسك رهينة لأحزان الليالي المظلمة _________________________ مــلاحظــه :::::::::- أحداث السفره لباريس و ألمانيا للسنه الماضيه هذي السنه ان شالله بنسافر بعد كم أسبوع بإذن الله
|
||||
|
07-18-2007, 05:03 AM
|
#35 | ||||
|
سـفـرتـي لألـــمـــانــيـــا
"" اليوم الأول "" مثل ماقلتلكم في اليوم الأخير لنا في باريس ركبنا القطار الي يوصلنا لألمانيـا وبالتحديد قرية " بادن بادن " .. في الكبينه بالدرجه الأولى فيه 6 مقاعد متقابلين واحنا عددنا 5 فبقى مقعد زايد هذا سحبناه وخليناه سرير بس ماحد نام عليه خخخخخخخخ حاطينه منظر أنا قعدت بجهة النافذه وجلست أتفرج على قرى فرنسا كان المنظر مره حلو حسافه مازرناها وبيوتهم حلوه و ملونينها بعدة ألوان شكله يجنن شفنا بحيرات صغار و حيوانات و أشجار يعني باختصار مناظر طبيعيه .. بعد فتره قلنا نروح للمطعم بس أمي جلست مع أختي أما أنا و أخوي رحنا مع أبوي طلعنا من الكبينه وكان جمبنا كبينه ثانيه الي فيها الأمريكيه و ولدها الصغير وبعدها يجي الباب ضغطنا على الزر و انفتح عاد الدنيا تهتز نلف يمين و نلف يسار مو قادرين نتوازن فتحنا الباب الثاني و كانت الدرجه على ماظن الثانيه المقاعد مره صغيره مادري كيف جالسين ولا الناس نايمه مو مريح .. المهم احنا كملنا مشي وقمنا نمسك بالمقاعد علشان مانطيح و نتفشل خخخخخ ووصلنا للباب الثالث وكان المطعم بس فاضي مافيه الا احنا خذنا المينيوم و اختارنا عصير برتقال وأبوي اختار كوفي عطونا الطلب و جلسنا على المقاعد ونشرب والموظفين رجعوا يسولفون بس خلصنا رجعنا من وين ماجينا وطبعاً تمسكنا بالمقاعد و وصلنا للباب وفتحناه و للباب الثاني وفتحناه وهو يسكر آلي .. دخلنا الكبينه و خذت من شنطتي الفطور الي شرينا <<< اونه بس شرينا كيك من محلي المفضل إلى الحين خاطري فيه خخخخخ بس ان شالله بنسافر باريس هالسنه واشتريه واطيب بخاطري نرجع للموضوع .. بعد ساعتين قال أبوي بيروح للكبينه الي ورانا هي فاضيه بينام فيها و أختي راحت معاه و سبحوا المقاعد و ناموا .. وأخوي خذ الأس بي " مثل الجيم بوي " ويلعب فيه أما أنا خذت كتابي قلت لكم عنه الي شريته بمطار البحرين و كملت قرايته بقت ساعه ونوصل للمحطه القطار وقف على ماذكر محطتين والثالثه هي محطتنا .. وأخيراً مرت الساعه و وقف القطار واحنا ماحسينا مادري كيف لا تسألون ويوم مرت ربع ساعه مر واحد من الي يدورون يشوفون التذاكر وقال هذي محطتكم .. تو الناس !! رحنا ننزل شنطنا و كل واحد يسحب له شنطه أول شي نزلت أختي بعدين وراها أخوي فجاءه يوم نزلوا قفلوا الباب عاد هم اخترعوا قلوبهم تدق بسرعه لأن القطار بدى يمشي واحنا داخل مانزلنا .. بس الموظف شافهم واقفين بره و عيونهم طايره بالباب و حلوقهم مفتوحه خخخخخخخخ صدق اشفقت عليهم فعرف الموظف ان احنا لسه مانزلنا فوقفوا القطار <<< آخر ناس نازله نزلنا وشفت أخواني هع هع هع صدق خافوا .. وقمنا نضحك عليهم أصلاً أنا كنت ساكته بس أبوي بدى وضحك وأنا كملتها وهم ينكرون انهم خافوا بس حنا كاشفينهم خخخخخخ وكان في موظف جانا الا يساعدنا مادري شفيه قلنا له عادي بس مصر قلنا يلا سحب كم شنطه واحنا وراه وقلناله اسم سواقنا و وصلنا للبوابه الرئيسيه وكان السواق ينتظرنا ساعدنا و حط الأغراض وركبنا السياره شغلها و مشى و شغل الراديو وكانت أغاني أجنبيه بعد ساعه وصلنا للشقه وأبوي اتصل على صاحبة المبنى اسمها " سونيا " وقالها ان وصلنا بس هي قالت ان المبني الي وصلناله محجوز لازم يجي للمبنى الي هي ساكنه فيه عطته العنوان ومشينا عاد فهاللحظه حطوا أغنية شاكيرا المفضله عندي Hips Dont Lie قلت لأبوي يعليها لأنه قاعد قدام و علاها وأنا قمت اردد الكلمات ::::- Ladies up in here tonight No fighting, no fighting We got the refugees up in here No fighting, no fighting Shakira, Shakira I never really knew that she could dance like this She makes a man wants to speak Spanish Como se llama (si), bonita (si), mi casa (si, Shakira Shakira), su casa Shakira, Shakira شوي وصلنا الشقه ترى القريه صغيره علشان كذا وصلنا بسرعه أنا قعدت اتسمع للأغنيه ويوم خلصت نزلت من السياره وهم توهم مخلصين تنزيلهم للأغراض .. نزلت " سونيا " وفتحت الباب و كانت شقتنا في الطابق الثاني هذا الطابق كله لنا والطابق الثالث حقها هي ساكنه فيه مع زوجها و ولدها تراها شايبه خخخخخخ عاد بعد ماتفرجنا على الشقه و رتبنا أغراضنا طلعنا نتمشى نستكشف القريه .. واحنا بالطريق كان في مطعم تركي وهم من شافونا استانسوا من زمان شكلهم ماشافوا عرب وكملنا وكان في مطعم تركي ثاني بس مو حلال 100 % يبيعون خمور .. ومشينا وشفنا على يسارنا سينما و حديقه صغيره فيها مقهى و كملنا و شفنا السوق في محل " سبيرت " و محلات ثانيه قعدنا نتفرج إلى ماوصلنا للمطاعم و طبعاً دخلنا ماكدونالدز طلبنا غدا وقعدنا بس المكان حار مكيفهم خربان .. وكانوا قاعدين قدامنا عايله من إيران عرفنا من لهجتهم أول شي فكرناهم عراقيين .. وصل الغدا ومثل كل مره مايجيبونه عدل نقولهم ساده بالجبن يجيبون كامل بكل الي فيه فصرت أطلب شكن نقست .. بعد ماخلصنا كلمنا دواره وشفنا مقهى كبير <<< هذا وإلى الآن أكبر محل عندهم خخخخخخخخ واحنا ندور شفنا واحد و معاه مره قاعدين بالكراسي واحنا مارين وقفنا الرجال الرجال :- السلام عليكم أبوي :- وعليكم السلام الرجال :- من فين إنته ؟ أبوي :- من البحرين <<< خخخخ مابغى يقول السعوديه ليصكنا بعين لأن من تقولهم من السعوديه يقومون يطالعونك من فوق لتحت ويتاهمسون اونه تجار ومادري ايش واحنا بس نقول " قول أعوذ برب الفلق من شر ماحسد " هب عيون عندهم يحسدونه على سفره .. نرجع للرجال :- فين البحرين ؟ أبوي :- قريب من السعوديه على الخليج << خخخخخخ مايعرفها الرجال :- اهااااا يلا ان شالله تستمتعوا هوني أبوي :- مشكور يلا مع السلامه ورحنا عنه وكان في قريب من المكان محل آيس كريم فشرينه اييييييييه صح نسيت ماقلت لكم في باريس يوم رحنا للحي اللاتيني طلب أخوي وأبوي آيس كريم باليمون وجابوا ليمونه كبيره و من داخلها الآيس كريم شكلها مررررره حلو وهو من النوع الإيطالي بس هنا في القريه مايبيعونه .. بعد ماجلسنا و كلنا الآيس كريم رجعنا لشقتنا وارتحنا لنا كم ساعه وقمنا على المغرب أنا فتحت التلفزيون وقمت اتفرج فيه قنوات عربيه وكان هالوقت حرب لبنان حطيت على قناة الكويت وكانوا عارضين مسلسل حلو قمت اتابعه وشوي قام الكل وجلسوا بالصاله قال أبوي وش تبون من المطعم التركي الي شفناه ؟ " المطعم قريب من الشقه و قدام الشقه كنيسه مشهوره " قلنا لابوي نبي ساندوش شاورما و كولا و سفن آب وطلع أخوي مع أبوي واحنا قاعدين بالتلفزيون و يوم خلص المسلسل قمنا نفرر وامي حطت على الجزيره وقامت تتابعه أنا قمت ورحت لغرفة الطعام وشفت المكتبه وقمت اتفرج على الكتب بس كانت آلمانيه شفت مجله وقعدت اقراها وكلها ربع ساعه وابوي واصل وحطوا العشا وقمنا ناكل و نهذر ونحش بالناس خخخخخخخخخخخخخ حتى " سونيا " حشينا فيها خخخخخخخ بعد ماخلصنا رجعنا للتلفزيون وحطينا على فلم أجنبي يجنن تابعناه لين ماخلص وبعدين رجعوه للجزيره رحت لغرفتنا وخذت لي دفتر أشخبط فيه وأرسم وقمت احوس بالشقه بعدين جلست معاهم و أشوف الي حاطينه .. بعد كم ساعه تأخر الوقت ورحنا ننام لأن اليوم الثاني لازم نقوم بدري عندنا طلعه أصلاً دوم نقوم بدري خخخخخخخ ... "" انتظروا التكمله ........ لــي عــــــودهـ ""
|
||||
|
07-18-2007, 07:06 PM
|
#36 | ||||
|
_________________________
أوووه يا سعووودي بالعزم يا سعودي والجد والهمة ... كلن شهد لك وكلن باسمك ينادي ... _________________________ مـــبـــروووكـ فــوووزكـ يالأخــضــر 4 - 0 _________________________ يـا آسيــا جيـنا لك و ناوينــها نيــهـ حنـا أسيـاد آسيـا حنـا السـعـوديـهـ
|
||||
|
07-18-2007, 08:44 PM
|
#37 | ||||
|
الســـلام عليـكم كيف حالكم ؟؟ ان شالله بخيـر اليوم جايبه لكم صوره لكيكة حفلة أختي احنا سوينا الحفله بعد الإمتحانات على طول يوم الخميس وقررت انزلها لكم .. 0 0 0  0 0 0 مكتوب جمب الفريق " اسم اختي " بس مسحته ان شالله تعجبكم ..........
|
||||
|
07-18-2007, 08:47 PM
|
#38 | ||||
|
_____________________________
الحيـن بروح أنزل بعض الصور لسفرتي لألمـــانيـا أما باريس مالقيت صور تصلح انشرهـا ... _____________________________
|
||||
|
07-18-2007, 09:02 PM
|
#39 | ||||
|
"" صــور ســفـرتـي لألــمــانيـــا "" 0 0 0 هذي الصوره في ألعاب europe park ثاني أكبر لعبه عندهم .. تكفي لـ 24 شخص تقريباً ..  أما هذي في قرية تاريخيه مرينا عليها واحنا لطريقنا لقرية " فوجن أو فيوزن " على حسب نطقهم ..  وهنا في قرية " بادن بادن " أول قريه زرناها بتلاحظون السياره الكلاسيكيه في هذا اليوم كان عندهم معرض يختارون أحلى سياره كلاسيكيه ..  وهنا صوره ثانيه في قرية " فوجن " صورناها عند وحده من القصور التاريخيه وهي تفصل بين الجبيلن هذا الجسر مشهور عندهم ..  وهذي الصوره في طريقنا لقرية " فوجن " بعد مارجعنا من البحيره ..  0 0 0 ان شالله عجبتكم
|
||||
|
07-19-2007, 03:48 AM
|
#40 | ||||
|
تـــــــابع >>> ســفــرتــي لألــمــانــيـــا "" اليوم الثانــي "" قمنا الصبح بس مافطرنا لأن ماعندنا الأغراض فقلنا بنروح بعد مانرجع للبقاله المهم احنا قبل مانصحى أبوي راح يستأجر سيارة مرسيدس ويوم وصل كنا جاهزين فعلى طول طلعنا وبدينا نسأل وين بنروح وش بنسوي ؟؟ قال أبوي بودينا لحديقة الحيوانات هي تبعد عن القريه مسافة ساعه بس .. وطبعاً معانا الخريطه ولا كيف بندل هذي أول مره نزورها .. قلت لأبوي يشغل الراديو ماحب الهدوء فقمت أسمع ونص الأغاني الي عارضينها أحبها خخخخخخ هبلت فيهم كل شوي أعلي الصوت بعد ساعد وصلنا للقريه الثانيه وقمنا ندور مدخل الحديقه محنا عارفين كيف ندخل أصلاً طروقاتهم تلعوز الواحد .. وقف أبوي رجال وسأله وشرح لنا كيف يقول لازم ندور بعدين مادري وش المهم انه دلانا يوم وصلنا نزلنا للمواقف وبركنا السياره ورحنا فوق للحديقه .. دخلنا وقعدنا نتمشى وكانت الحيوانات مطلوقه يعني ماهي بالأقفاص وين ماتروح تشوف لك حيوان يمشي جمبك ... واحنا نمشي شفنا البحيره وفيها مراكب قلنا نركبها ورحنا وكان الموظف مصري عاد هو استانس وقام يهذر وانه هو مغترب وقاعد له كم سنه هنا و مادري وش إلى ماوصل المركب وركبناه واحنا قبل شارين فشار فقمنا نأكل الطيور بأنواعها المختلفه حتى الأسماك كلهم يلحقون مركبنا على طول مانتظروا نرمي لهم شي متعودين خخخخخخخخ احنا استانسنا وقمنا نصور و نلمس فيهم ماعدا الأسماك طبعاً دخلنا داخل نفق و طلعنا منه و الطيور و الاسماك تلاحقنا واحنا بالمركب شفنا أفيال وأكيد بالقفص لو طالقينها كان الحين مو عايشين خخخخخخخخ تذكرت موقف صار من كم سنه بقطر بعدين بقولكم عنه ان شالله ،،، المهم قعدنا نتفرج على الحيوانات الموجوده و درنا حول الحديقه كلها بالمركب و أخيرا رجعنا للموظف ونزلنا بعدين رحنا لداخل و شفنا مطعم فطلبنا غدى وقعدنا بالمقاعد .. وصل طلبنا وقمنا ناكل بس المزعج إن النحلات تحوم فوقنا و تجي على الأكل عاد أنا أخاف من شي اسمه حشرااااااااات حتى الذبان أخاف منه والله العظيم بس الكبير مو الصغير هع هع هع وأنا كل شوي أهف وأغطي الأكل علشان تبعد بس مافي فايده مصره الخوات خخخخخ بس حتى أنا معانده آكل من تحت المنديل حتى السفن آب ماسلم من هالنحلات .. وأخيراً خلصت من الأكل بعد عراك معاهم وتركت لهم الباقي حلال عليهم بس القهر تركوه ولاطبوه شفتوا عاد بعد ماخلصنا من الحديقه طلعنا و رجعنا لقريتنا و على طول للبقاله نزلنا وخذنا الأغراض الي نبيها وأنا تلاقوني في قسم الحلويات اخترت لي حلاوة البيبسي تصدقون هذي أول مره من سنتين اشتريه وآخر مره شريته بعد هالسفره مشتهيته خخخخخخ بعدها رحت لأهلي وشفتهم خلصوا ورحنا نحاسب بس الي ماكنا ندري عنه إن الأكياس الي يحطون فيها الأغراض بفلوووووس تخيلوا أول مره أدري أنا أشوفهم شايلين سلات معاهم أثاريهم مايبون يدفعون للكيس احنا في الخليج ماندفع للأكياس وهم يدفعون !!!!!!! بعد مادفعنا وخلصنا حطينا الأغراض في المرسيدس ورجعنا للفندق .. رتبنا الأغراض وكل واحد راح ينام إلا أنا عيا النوم لايجيني فرحت للتلفزيون وخذت حلاوتي وقمت اتفرج بالمسلسلات لساعتين بعدين قاموا أهلي وطلعنا لوسط القريه نتمشى بالمحلات وشفنا عرب يمشون جمبنا في القرى قليل العرب فيها نادر ماتشوف ... بعد ماحسنا رحنا لماكدونالدز و تعشينا فيه وبعدين رحنا للحديقه نتفرج على الرايح و الجاي ونتقهوى ورجعنا للشقه وانتهى هاليوووووووم .. "" اليوم الثالــث "" بعد ماصحينا قعدنا نفطر ويوم خلصنا غسلنا الصحون والكاسات ورحنا نتجهز ورحت قعدت بالصاله عند أخوي وشوي سمعنا الجرس راح أبوي افتحه وشاف " سونيا وزوجها " دخلهم وقاموا يهذرون وأنا بالصاله يعني مغطي ماكنت أدري انهم بيدخلون .. الاسمعت زوجها يدخل عندنا فعلى طول حطيت حجابي على راسي بتحجب وأنا ألفه هو توه دخل وشافني فقال لأبوي مالاداعي الحجاب هنا عندنا عادي أنا عصبت وش يبي بكيفه هو بس مابينت شي وسفطته وكملت لف حجابي ... ولف علينا وشافنا حاطين قناه عربيه و قام يسولف معاي .. زوج سونيا ماذكر اسمه :- what Channel is this ? أنا :- it is kuwait Channel زوج سونيا :- it is close to Bahrain? أنا :- yes it is شوي الا سونيا جايه وتقولي :-Happy birthday sadaa أنا ابتسمت لها :- thnks زوج سونيا :- today is your birthday ? أنا :- yes it is زوج سونيا :-oh ! Happy birthday أنا :- thank you sir أنا أصلاً مادري كيف دروا بس طلع أبوي يسولف ومادري كيف طلعت سالفة عيد ميلادي المهم شوي الا رن الجرس رحت وفتحت الباب وطلع ولدهم يبي أمه رحت لها وقلت لها وهي راحت و وراها زوجها .. واحنا خذنا أغراضنا وطلعنا للسياره هذا اليوم بنروح للألعاب " europe park " وتبعد عن القريه مسافة ساعه ونص ... جلسنا نسولف و نتسمع للراديو وصلنا للألعاب وقفنا بالباركن يكفي لأكثر من 100 سياره فيه من حرف a إلى z دخلنا للألعاب و ماضيعنا وقت رحنا على طول لسينما ثلاثي الأبعاد وكان العرض نص ساعه دخلنا و لبسنا النظارات وبدى وهو عن الحيوانات .. أول شي فيه دب قطبي مع صغاره وفجاءه تجي هزه ويتكسر الجليد ويطيحون ومادري ايش واخيراً وصلوا والا الدب يعطس ويقومون يرشون على وجيهنا ماي خخخخخ اونه عطس في وجيهنا وبعدها جا ثعبان فوق شجره يتحرك يمين و يسار كان يخرع لأن تحسه قريب فجاءه ينقض علينا و الكل صارخ و نقزوا من مكانهم خخخخخخخخخ وماوعينا الا 5 قرود طالعه وقاموا يقطفون البرتقال ويرمون علينا واحنا نبعد نلف يمين يسار عشان ماننضرب << مصدقين هع هع هع وأصوات الضحك ماليه المكان وبعدين نشوف شباك تنرمي ومن تحتنا يلشطونا بقوه كأنها الشباك بالعرض ويقومون يصارخون ويرفعون رجيلهم فوق الله يقرفهم خخخخخخخ وباقي العرض ماذكره أظن فيه سلحفاه و أسماك و أسد بس ماذكر وش بالضبط .. بعدها طلعنا و عطيناهم النظارات ورحنا نكمل وركبت مع أخواني لعبة القطار وأهلي ينتظرونا كانت قويه مره تلف بقوووو و النزله بقووووو صدق استانسنا .. بعدها رحنا لأهلنا وشفنا لعبة سفينه وقعدنا ننتظر نص ساعه " ارحم من ديزني الي ساعتين لين ماتركب " ركبناها كلنا وبدت تمشي والطلعه مستقيمه و حسنا فوق بعدين جات النزله الكل تمسك وتنزل وقمنا نصااااااااااااااارخ وااااااااااااااااااااااااااااااااااااااااااااااااا اااااع <<< حلوه الصرخه هع هع هع وطبعاً تبللنا ماي بس هنا ماحد يهتم واحنا ماهتمينا وقمنا نلعب في كل لعبه فيها ماي و لعبنا بالقطارات و بعد ساعاااااااااات قررنا نتغدا فجلسنا شوي وبعدين جات عايله كويتيه وجلست قدامنا وكان معاهم أطفال صغار يجنووون ... المهم بعد ماتغدينا كملنا لعب وشفنا ناس توقف عند ممر وبالمقابل لعبة السفينه من تنزل يطشر عليهم الماي يبون يتسبحون و قمنا نتمشى وشفنا خشب مسوينه مثل الأفلام القديمه الي بيعدمونهم يسكرون راسهم وايديهم بعدين يقطعون الراس مادري فهمتوا عليّ ؟ المهم هذي كل حد يمر عليها يتصور بكميرته راح أبوي وسوا روحه بينعدم خخخخخخخخ الصوره مره تضحك الكل من يشوفها يضحك وأخوي راح صور و أختي بس أنا ماصورت ... ولعبنا كم لعبه فقال أبوي بس بنلعب لعبه وحده وبنطلع لأن الوقت تأخر 5 ونص احنا من الساعه 9 موجودين يعني تسع ساعات قاعدين نلعب .. سألناه إي لعبه بنلعبها ؟؟؟ قال السفينه الكبيره " حطيت صورة اللعبه فوق أول وحده " احنا اخترعنا لأنها تقريباً أطول من العماره .. أمي رفضت قالت مابي العبها تخوف أما أنا صحيح خايفه بس شجعت نفسي وأختي بعد تشجعت لأني بركب .. ورحنا بالطابور وقمنا ننتظر الطابور طويييييييييييل أطول طابور في الألعاب ندخل فوق بعدين ننزل تحت وبعدها داخل مبنى ومادري وش بعد ساعه ونص دخلنا " هذي أطول مده انتظرنا فيها " ومثل ماقلت لكم يكفي لـ 24 شخص تقريباُ .. أبوي قال بنركب أول وحدين بس أنا قلت الأخير أحسن فركبنا أنا بالطرف الثاني وأختي جمبي وأخوي جمبها و أبوي بالطرف الأول وبدت اللعبه وقلوبنا ترقع ركبنا فوق والركبه مستقيمه ويوم وصلنا لفت السفينه على ورى وتنزل بقوه وترتفع وتنزل مره ثانيه بعدين لفت لوضعها الأصلي هنا قلت لأختي :- ليش ركبت ليش ركبت الله بستر الله يستر أختي :- صدى أنا خايفه ياليتني ماركبت كل هذا نقولها قبل لا ننزل وتمشي السفينه والنزله مستقيمه وبالأخير نفق قوي ونزلنا بقووه واحنا نصارخ .. واااااااااااااااااااااااااااع وااااااااااااااااااااااااااااااااااااع لحقوا علينا خخخخخخخخخ وندخل النفق وتنزل بقوه ثانيه ونصارخ وهنا صورونا " كل لعبه في النزله فيه كميرا آليه واذا طلعت تقدر تشتري الصوره اذا بغيت بـ 25 يورو " وبعد ماطلعنا من النفق ارتحنا والغريب ان ملابسنا ما تبللت ويوم قلت لهم إلا تجي قنابل علينا وتطيح بالماي وهنا تبللنا .. خخخخخخ هنا راح الاستغراب هع هع هع وصلنا داخل ونزلنا من اللعبه ومرينا من عند الصور وشفنا صورتنا وقعدنا نضحك على أشكالنا وطلعنا من الممر وشفنا أمي قاعده فوق في المدرجات جات لنا وقمنا نمشي لين مانطلع من بوابة الخروج وبالطريق شفنا عرض مسوينه وأختي بغت تتصور معاهم راحت لهم وتصورت وكملنا طريقنا ورحنا للسياره ورجعنا للشقه بس قبل شرينا عشى هالمره طلبت أكلتي المفضله " الاسبكتي " واختي مثلي أما الباقين طلبوا ساندوش شاورما .. وتعشينا بالشقه وشفنا أفلام ونمنا ... "" لـــــي عــــــــودهـ ""
|
||||
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
العرض العادي
