|
|
|
|
|
|
||
| إعلانات منتديات ألم الإمارات |
|
|
|||||||
| أرشيف المقهى أرشيف المقهى مجلس غير مخصص للمشاركات للإطلاع فقط . |
|
|
LinkBack | أدوات الموضوع |
التقييم: 
|
طرق العرض |
07-20-2007, 05:46 PM
|
#41 | ||||
|
أهلييييييييييين و سهلييييييييييييييييين اليوم مثل العاده ماقمت الا الساعه 2 وأمس كنت سهرانه إلى الساعه 6 الصباح أناوأختي .. أما أخوي أصلاً هو بروحه سالفه ماينام إلا الظهر ويصحى بالليل الساعه 10 يعني نص النهار غاطها نومه ... المهم أمس احنا متفقين مع أبوي نروح البحرين عشان فلم هاري بوتر 5 توه نازل قلنا نبي نشوفه وأبوي وافق آخر مره رحنا يوم الأربعاء خخخخخخ تو قريب يعني .. بس طلع إن اليوم متصلين ولد عم أمي و عماتها (بحرينيين) وقالوا إنهم بيجون يزورونا على العصر قلنا معليه ماراح يطولون كلها ساعه وبعدها نمشي بس المشكله انهم إلى الآن ماوصلوا كلمتهم أمي وطلعت رنة البحرين هي اتفاجأت وقالوا لها إنهم في الطريق توهم طالعين يعني يبيلهم تقريباً ساعه أو ساعه ونص لين مايصلون .. وشكلها الروحه تكنسلت حسافه على الفلم كنت متحمسه وراحت علينا بس ان شالله أبوي ماغير رايه ونحضر العرض بالليل ان شااالله..
|
||||
|
07-20-2007, 08:11 PM
|
#42 | ||||
|
بـاااااااااااااااااااااااااااااااااااااااااكـ  تو من ساعه وصلوا أهل البحريـن ،،، أخيراً مابغوا  رحت سلمت عليهم بعد ماراح ولد عم أمي و أبوي للمسجد عشان صلاة المغرب .. وهم يوم شافوني استغربوا ماعرفوني خخخخخ هم يوم شافوا أختي أول ماوصلوا فكروها أنا احنا ماشفناهم من زمااااااااااااااااااااان .. أمي تزورهم بس احنا مانكون معاها فعشان كذا  المهم سلمت عليهم و يقلون لي تشبهين فلانه و تشبهين علانه و سألوني عن تاريخ ميلادي بالإنجليزي وقلت لهم 1991 وهم قالوا أهاا يعني في أول ثانوي قلت بروح لثاني علمي ان شالله .. يؤ يؤ هذهم جاوا لعندي فوق يتفرجون على بيتنا  خخخخخخلو يدرون إني اتكلم عنهم بتستوي علووووم <<< أمزح لاتصدقون أكيد بيستانسون  ابي اروووووح للبحرين أشوف فلم هاري بوتر  ان شالله نروح مايهمني اذا الوقت متأخر لازم اروح احضره قبل مانسافر يوم الخميس ... ايه صح تذكرت يوم الخميس بيجي فلم هاري بوتر 3 على دبي ون الساعه 10 للي يبي يشوفه ...
|
||||
|
07-20-2007, 10:44 PM
|
#43 | ||||
|
b a c k _ a g a i n أهل البحرين طلعوا وراحوا لبيت خالتي ... و طلعتنا للبحرين تكنسلت  بس عشانهم تأخروا علينابالله متصلين من صباح الله خير وقايلين الوقت ويتأخرون ساعتين أكره شي عندي لما حد يتأخر عن موعده لو ربع ساعه عادي بس ساعتين !!!!!!!!!! المهم عاد مادري اذا بكره بنروح للبحرين ولا لاء ؟  أنا كل الي ابيه أشوف الفلم قبل مانسافر ماعتقد طلبت شي مستحيل ! المشكله أبوي عنده دوام ،،، يمكن يرضى مادري لأنه أحياناً يودينا وسط الأسبوع ... ايييييييه صح تذكرت ودي اتصل على صديقتي بالمتوسط اسألها متى فاضيه علشان نتصل على صديقتي الثانيه هي بتنتقل لجده عشان شغل أبوها وقلنا نتقابل قبل لاتسافر .. عاد الحين أنا الي بسافر مادري نقدر نتقابل ولا لاء ؟ ودي أعزمهم في بيتي بس حنا مزحومين فما أقدر كل شوي طاب علينا حد <<< يقالكم حراميه خخخخخخخخخ بتصل عليها وبشوف يمكن نتقابل بأرامكو مثل الفصل الأول صدق طلعه حلوه ما تنّسي ...
|
||||
|
07-20-2007, 10:49 PM
|
#44 | ||||
|
][^_^][ مــن أشـعـار دايـــم الـسـيـف ][^_^][ ---------------------------------------------------------- يا عيونه بس يكفيني عذاب بالذي ودّك تقولينه دريت كل ما قلتيه عندي له جواب إقري عيوني مثل ماني قريت يا ذهاب العمر عمري في ذهاب القوي الله فلكن ما قويت ما بقى لي قلب منك القلب ذاب بيّن حالي ولوني ما حكيت كل ما قلت انفتح لي فيه باب دار حظّي وانقلب عمّا نويت دوك شيبي لاح في حل الشّباب كلٍ وحظه وأنا بحظّي شقيت ---------------------------------------------------------- "" الـشـاعـر :: خـالـد الـفـيـصـل ""
|
||||
|
07-22-2007, 04:51 AM
|
#45 | ||||
|
بـــشـــااااااااااااااااارهـ اليوم العصر رحنا البحرين شكلنا كسرنا خاطر أبوي خخخخخخخ بعد ماتغدينا على طول طلعنا ... وكان الجسر مو زحمه مره شفنا سيارات من عمان و الإمارات شكلهم صيفوا عندنا وقالوا يكملونها بالبحرين .. المهم بعد ماخلصنا من الجسر و خرابيطه رحنا للسيف ودخلنا السينما شفت أفلالالالالام تهبل تجنن  كان ودي أدخلهم كلهم بس الوقت مايكفي .. اذكر مره دخلنا وحده من الأفلام 3 مرات ورى بعض خخخخخخ صدق كان حلوووو و بعدها بسنه عرضوه بالتلفزيون وشفناه .. المهم بعد ماشرينا التذاكر أنا و أختي و أبوي أما أمي قالت تبي تتسوق على راحتها وكان العرض بعد ربع ساعه فرحنا محل وشرينا الي نبيه بعدها رحنا مع أبوي للسنما شرينا فشارين و ماي و دخلنا قعدنا نشوف الإعلانات و كان بينهم فلم جاكي شان الجديد هو و طفل رضيع الفلم شكله روعه واللقطات تفطس من الضحك .. وجابوا دعاية البيبسي الي مشاركين فيها لاعبين كوره وبينهم ديفيد بيكهام أكيد تعرفون الدعايه 24 ساعه عارضينه <<< دخلتكم بالدعايات هع هع هع الزبده بعد ماخلصت الإعلانات بدأ الفلم و الكل سكت وبدوا ياكلون الفشار و يشربون البيبسي ماتسمع إلا المز و القرمشه خخخخخخخخ وقعدنا نطالع الفلم و مندمجين ... باختصار بعد ماخلص كان حزن × حزن بس بعد حلو و اللورد فلدمورت ما قدروا يقتلونه وكان فيه نبؤه إنه هاري و فلدمورت مايقدرون يعيشون إلا بعد ما يموت واحد منهم يعني بقى أجزاء له يمكن على ماسمعت جزئين ... بعد ماخلص الفلم طلعنا و تعشينا ورحنا محل سبريت أنا ماشفت شي يعجبني أما أختي شرت كم تي شيرت وبعدها طلعنا و رجعنا للسعوديه ... و هذا كل يومي ,,,,
|
||||
|
07-22-2007, 07:35 PM
|
#46 | ||||
|
أوووووووووووهـ يـا ســعـــوووووودي مبروك لفوز منتخبنا السعودي و انتقالهم للدور الرابع 2 - 1 الهدف الأول سجله الكابتن ياسر القحطاني بعد دقيقتين من بداية المباره ,,, وفي الشوط الثاني اوزبكاستان بعد مابقى 10 دقايق على النهايه سجلوا الهدف الأول لهم بس مفروض ماحسبوه لأن فيه ضرب متعمد و على ماشفت كأنه فيه تسلل .. وطلعوا عبدالرحمن القحطاني ودخلوا بداله أحمد الموسى الي سجل الهدف الثاني .. وطلعوا سعود و دخلوا بداله عمر الغامدي وفي آخر 3 دقايق طلعوا ياسر القحطاني و دخل بداله سعد الحارثي و عطاه شارة الكابتن .. كان للمنتخب فرص كثيره بس ضاعت وخصوصاً في آخر دقيتين تيسير الجاسم ضرب كوره حلوه بس الحارس انقذها .. صدق أعصابي اتلفت والحكام عصبوني كل دقيقه يطلع خطأ لمنتخبنا 5 بطاقات صفرا لمنتخبنا و 3 لمنتخب اوزبكاستان يلا الله يوفقهم ان شالله و عقبال الكاس
|
||||
|
07-23-2007, 06:37 PM
|
#47 | ||||
|
تـــــــابع >>> ســفــرتــي لألــمــانــيـــا " بختصر لكم لأن ماعندي وقت ويوم الخميس بنسافر بإذن الله " "" اليوم الرابـع "" قالت لنا " سونيا " عن لعبه فوق الجبل هي عباره عن عربه تركبونها بالسكه وبشكل آلي تركبكم لفوق وبعد ماتوصلون انتوا تتحكمون فيها باليد اما تطلقونها و تصير سريعه مره أو تخففون من السرعه .. وكانت مرررررره روعه استانسنا فيها هي تصلح للكبار و الصغار وبعدها رجعنا للقريه و تمشينا بالأسواق و بعد وقت تعشينا بماكدونالدز ... "" اليوم الخامـس "" بعد مافطرنا سألنا " سونيا " عن طريق أشهر الحدايق عندهم وهي دلتنا طلعت الحدايق قدام شقتنا خخخخخخخخ وحنا ماندري تمشينا فيها و كانت حلوه مسوينها على طريقة الرومان و فيها حديقة ورود و نافوره كبيره و أسماك ... باختصار روعه وبعدها طلعنا و رحنا مره ثانيه لألعاب " europe park " وركبنا كل الألعاب وكان فيه بعد عرب و شفنا ألمانيين مسلمين ماشالله عليهم الله يثبتهم ان شالله ... وبعد ماخلصنا كانت الساعه 6 فرجعنا للقريه وشرينا عشانا من المطعم التركي .. "" اليوم السـادس "" هذا اليوم الآخير لنا بهالقريه ومشينا بالسياره لقرية " فوجن " وبطريقنا مرينا على قريه تاريخيه < الصوره عرضتها > ... تغدينا فيها و ركبنا للسور التاريخي وكان طويل صدق تعب بس يستاهل لأن المنظر يجنن وبعدها نزلنا و تمشينا فيها ورحعنا للسياره و كلها ساعه و وصلنا للقريه ودخلنا للفندق وكان نازل مطر والكل يتراكض بعيد عن المطر صدق أشكالهم تضحك خخخخخخخ المفروض يستانسون المهم بعد ماخلصت الإجراءات رحنا لغرفنا وارتحنا وماطلعنا لمكان بس تعشينا بالفندق ورجعنا للغرف أنا على طول لتلفزيون من زمان عنه هع هع هع شفت مسلسل " الساحرات الثلاثه " الي يجيبونه بـ mbc4 بس الي عارضينه موسم جديد إلى الآن ماعرضوه عندنا بس توني من كم يوم شفت إعلان عنه " تو الناس " وشفت مسلسلات كثيره وطبعاً الموسم جديد و حلقات جديده يبيلنا ننتظر لين ماينزلونه عندنا .. <<< خخخخخخخ طلعت عن الموضوع "" اليوم الثانـي "" نزلنا نفطر بالفندق وبعدها أبوي شرى تذاكر لوحده من القصور المشهوره عندهم وهي فوق الجبل و بالجبل المقابل قصر ثاني مشهور .. ركبنا للقصر الأول بعربة الحصان و كان معانا واحد برازيلي قام يتكلم مع أبوي و الأماكن الي زاروها وقاله أبوي إنه سافر لتايلند و هاواي و إنه درس بامريكا و زار كم بلد وهذاك يقوله انه الحين هالأماكن تغيرت كثير عن قبل ومن هالكلام إلى ماوصلنا للقصر نزلنا ولازم نمشي فوق وكان تعب لأن الركوب صعب ولازم تتمسكون عن تطيحون والناي يجلسون يستريحون و ياكلون .. واخيراً وصلنا و دخلنا بالقصر وكنا مجموعات وكانت المرشده تتكلم عن كل غرفه و الأحداث الي صارت فيها وعن الملك و الملكه و الحروب ومن وحده من الغرف طينا على الجسر < بعد عرضت الصوره > قعدنا تقريباً ساعتين هناك وبعدها نزلنا و ركبنا بالباص ورجعنا للقريه .. استرحنا و تعشينا بالفندق "" اليوم الثالـث "" فطرنا و رحنا للقصر الثاني تمشينه فيه وتكلموا عن الأحداث وبعد ماخلصوا رحنا للكافتيريا وشرينا آيس كريم و ماي وبعدها طلعنا و رحنا لقسم التذكارات بس ماشرينا شي وطلعنا بس هالمره النزله بالدرج وكان طويل طبعاً .. وصلنا للفندق واسترحنا وبعدها طلعنا نتمشى بالقريه ورحنا للغابه وكان فيه بحيره صغيره جلسنا حوالينها وقمنا نلعب بالماي <<< بزران خخخخخخخ خلونا نستانس وبعد ساعه رجعنا للفندق ورحنا بالسياره لوحده من قرى النمسا هي صغيره تمشينه فيها شوي وبعدها شفنا مطعم ماكدونالدز فتغدينا فيه وكانت القريه نصها ساكنين فيها أتراك .. وبعدها رحنا نتمشى وسط القريه بالأسواق ورحنا للكافيه جلسنا ساعه ورجعنا للفندق مره ثانيه وتعشينا فيه .. "" اليوم الرابـع "" رحنا لقريه بعيده شوي عشان نروح للجبل .. وصلنا بعد ساعتين و ركبنا بالتلفريك لفوق وتمسكنا عشان مانطيح ووصلنا و على طول لبرى وكان الجبل فيه ثلج تمشينا بالمنطقه ولقينا بقعه زينه وجلسنا فيه و قعدنا نلعب بالثلج كل واحد يسوي كرات ثلج و نرمي على بعض حتى أمي و أبوي معانا خخخخخخخ وقمنا نراكض و طبعاً تزحلقنا و طحنا و اتفقت مع أختي نسوي كرة ثلج كبيره ورميناها على أخوي الي عصب وسوا وحده مثلها ورماها علينا وكان جمبنا عايله مصريه جالسين يطالعونا ويضحكون خخخخخ الكل حوالينا يبي يجي عندنا لأن بقعتنا حلوه بي حنا حاجزينها وبعد ماتعبنا جلسنا شوي و رحنا للجهه الي جمبنا هي مرتفعه ركبنا لفوق بصعوبه لأنه يزحلق وبعد ماوصلنا الحين بنتزحلق بس ماقدرنا فقمت وقفت بنزل وأنا أقول ماقدر اتزحلق ماوعيت نفسي إلا بالأرض و انزل من فوق بسرعه وانا اصارخ خخخخخخخخخ أحاول أوقف وبعد ماوقفت لقيت أختي تضحك وفجاءه تزحلقت من فوق خخخخخخخخ ووصلت جمبي وأنا قمت اضحك عليها وحتى أخوي ماسلم .. فحاولنا نوقف و تزحلقنا مره ثانيه خخخخخخخخخ صدق حنا خطيرين وأبوي ماطوفها كان ماسك كاميرة الفيديو ويضحك علينا ..... المهم بعد ماخلصنا رحنا للكافيتيريا وكان فيه بوفيه فخذنا الي نبي وجلسنا نتغدى وبعد فتره دخلوا عايله خليجيه وجلسوا شوي بعدين طلعوا يتمشون واحنا من خلصنا شفنا تلفريك ثاني يكرب لجبل أعلى أبوي قال بيركبه بس أنا و أمي رفضنا لأن شكله خطير فقلنا انتوا روحوا واحنا بنجلس .. فيوم راحوا ونزلوا من الجبل قالوا كله ضباااااااااب مافي فوق شي فرحنا للكافيتيريا مره ثانيه بس هالمره طلعنا للجلسه برى وشرينا كوفي و آيس كريم وجلسنا نسولف .. ويوم خلصنا قلنا نرجع لأن الساعه 6 دخلنا من وين ماجينا ومن حظنا إنه آخر قطار و مافاتنا المفروض يعلنون شي زين مافاتنا ولا مادري وش بيصير !!! بعد مانزلنا رجعنا للفندق وكنا تعبانين فبس تعشينا ونمنا .. "" اليوم الخامـس "" هذا آخر يوم لنا فرحنا لبحيره كبيره و استأجرنا مركب صغير وجلسنا نتمشى حوالين البحيره و نأكل الحمام و السمك وكل واحد له دور يسوق المركب .. صدق استانسنا وبعد ماخلص وقتنا رجعنا للفندق وخلصنا الإجراءات ومشينا بالسياره لمدينة " ميونخ " وكان المشوار لين مانوصل ساعتين "" لـــــي عــــــــودهـ ""
|
||||
|
07-23-2007, 06:39 PM
|
#48 | |||||
|
اقتباس:
|
|||||
|
07-24-2007, 08:07 PM
|
#49 | ||||
|
|
||||
|
07-25-2007, 01:23 AM
|
#50 | ||||
|
تـــــــابع >>> ســفــرتــي لألــمــانــيـــا "" اليوم الأول "" وصلنا لميونخ بعد ساعتين ودخلنا الفندق وسوينا الإجراءات وكانت غرفنا بالطابق نفسه .. دخلنا الغرف و ماكان فيها تكييف  الجو حاااااااااااااااااار رحنا لهم وقالوا بيعطونا مراوح فطلعنا نتمى لين مايخلصون شغلهم .. في طريقنا كان محطة قطار و مطاعم بيتزا هت و برجر كنج و الأسواق و مقاهي .. حسنا فيها كلها وتعشينا بعدين رجعنا للفندق وكانوا حاطين المراوح شغلناها وكان بعد حر بس مشينا حالنا و فتحنا الدرايش ونمنا لأن تعبنا من المشوار و الطلعه .. "" اليوم الثانـي "" فطرنا بالفندق و بعدها طلعنا للسوق ودخلنا المجمعات الي عالطريق مو الي بالساحه .. وقمنا نتسوق تقريباً خذنا ساعتين وبعدها رحنا للساحه و قعد أبوي و أخوي فوحده من المقاهي عاد هالمقاهي كلها عرررررررررب هناك بالساحه غير الموظفين مافي أجانب نادر ما تشوفهم!!!! المهم أنا و أمي و أختي رحنا نتسوق قعدنا ساعات لأن دخلنا كل محل موجود من أوله لآخره <<< قولوا ماشالله هع هع هع وبعدها رجعنا لهم و طلبنا عشا كل واحد له طبق ولأن طلبنا أكثر من طبق عطونا تحليه مجاناً خخخخخ الموظفين موب شايفين خير اخترعوا ويوم طلبنا هالكثر خخخخخخ المهم بعد ماخلصنا رجعنا للفندق نرتاح و عالساعه 10 طلعنا ورحنا لبيتزا هت " ترى السياره رجعناها يعني نروح مشي " دخلنا وطبعاً المكان كله عرب و كان زحمه مررررررره بس لقينا طاوله وقعدنا فيها و خذنا ساعه ونص لين ماتكرموا وخذوا طلباتنا !! وساعه ثانيه لين ماوصل العشا .. تعشينا و خلصنا ورجعنا للفندق قعدت مع أخواني شوي عالتلفزيون و بعدها نمنا .. "" اليوم الثالـث "" رحنا هاليوم لحديقة حيوانات بالمترو .. وشفنا حيوانات كثيره بس هالمره بالقفص مو مطلوقه وكانت الحديقه مره روعه فيها بطاريق و غزلان و أسود وحيوانات كثيره .. وكان بينها قرود و غوريلات وكان في قسم خاص في غوريلا ضخمممممممممه أكبر وحده بينهم و كانت معصبه حدها حتى بدت تضرب بالزجاج والكل يصورها و يضحك حتى أخوي صور هع هع هع تقريباً قعدنا نص يومنا فيها وتغدينا هناك ... ومن طلعنا على طول للفندق نرتاح و على الساعه 9 طلعنا للسوق و تعشينا في ماكدونالدز وقعدنا شوي حوالين النافوره وبعدها رجعنا للفندق مره ثانيه .. "" اليوم الرابـع "" بعد مافطرنا رحنا لمكان حق هوليود .. حضرنا عرض يورونا كيف الشخص يحترق و كيف السياره تنفجر و القتال و كيف لما يضربون شخص بزجاجه مايتعور وأشياء كثيييييره صدق كان حلو .. بعدها دخلنا داخل وكانوا حاطين تمثال لغوريلا (جو) أكيد تعرفونه الفلم مشهور .. وكان في مطعم ماكدونالدز و كشك صغير يبعيع فشار و ذره وحلويات .. احنا رحنا لمشرده تفرجنا على المكان و تقولنا عن الأفلام الي سووها يعني المباني الي بالأفلام هنا مسوينها ودخلنا مبنى حق فلم مخلوقات فضائيه ماذكر اسمه بس هو مشهور .. قالت المرشده مين يبي يمثل الفلم طلع واحد هندي و3 مراهقين امريكان فعطتهم لبس الممثلين وقالت لهم طالعوا الشاشه وقولوا دوركم كل شخص على حسب لون القميص .. وبدوا يمثلون وكل شوي نروح لموقع ويكملون وبالأخير تسويله مونتاج والي يبي يشتريه وبعدها طلعنا ورحنا لموقع غواصه لفم ألماني قديم ومشهور ورتنا الغواصه الي مثلوا عليها و دخلنا داخلها وكانت نفسها أنا اتفرج واذكر الفلم نفس كل شي .. وبعدها دخلنا مبنى لفلم قديم حق أطفال وهم مشهور وكانت فيه الشخصيه يركبون عليها الأطفال ويصورونهم أختي راحت معاهم وصورت .. وكانوا يشوفون نفسهم يطيرون ويوم خلصنا طلعنا ورحنا لعرض سينما ثلاثي الأبعاد وكان فيه عرض بالألماني و الإنجليزي وطبعاً حنا دخلنا الانجليزي قعدنا بالمقاعد ولبسنا النظارات وكان فيه أحزمه وبدا العرض و كان حلووووو عجبني كثير . من خلص طلعنا وكان محل تذكارات وطلعنا وقلنا بنتغدى بماكدونالدز شرينا وكلنا وبعدها طلعنا واحنا بالطريق لحقنا واحد من الموظفين و قعد يكلم أبوي ويقولها انه من هواة تجميع العملات ويبي عملات سعوديه قاله أبوي ماعنده وبعدها قاموا يتكلمون وقعد الموظف يتمدح بأبوي خخخخخخخ ويقوله قليل يجونا سياح في هالمكان خصوصاً العرب وقام أبوي يقوله انه لما يسافر يخطط قبلها بشهور ويشوف الأماكن التاريخيه و السياحيه يعني من هالكلام وأبوي نصحه بأنه يسوون إعلان لموقعهم يعني من حد يبحث على طول يطلع الموقع بالتوب .. واحنا مشينا مسافه طويله إلى ماوصلنا للمترو وهو كان يمشي معانا وبعد ماوصلنا شكر أبوي ورجع يكمل شغله الحين برجعته بياخذ وقت ... المهم بعد مارجعنا على طول للفندق و بعد مارتحنا رحنا للسوق نتشرى و تعشينا هناك بماكدونالدز وبعدها رجعنا للفندق وحنا بالطريق كان فيه رجال وعياله الرجال كان يسحب شنطه بس بطريقه خطأ فأختي قالت بصوت عالي :- وش فيه مايعرف يسحب الشنطه عدل ؟؟!! التفت الرجال وطلع خليجي خخخخخخخخخخخخخخخخخخخخ تفشلت أختي عدل وأحنا ماقدرنا نمسك نفسنا وفطسنا من الضحك خخخخخخخخخخخخخ اختي تحسبته ياباني لأنه كثير بهالمنطقه .. راح أبوي اعتذرله والرجال قال :- لا عادي من زمان ماسمعت لهجه خليجيه هع هع هع عاد أنا مسكت أختي وقاعده أضحك وسبقناهم الحمدالله انهم بفندق ثاني ولاكان كل ماشوفه بضحك "" اليوم الخامـس"" مافي شي جديد تسوقنا و تغدينا في برجر كنج وهو جمب محطة القطار على طول وفيه باب لداخل المحطه وكان مسوين حفلة عيد ميلاد .. و بالعشا تعشينا بماكدونالدز "" اليوم السـادس"" هذا آخر يوم لنا جهزنا شناطنا و طلبنا تاكسي و ودانا للمحطه هي قريبه بس صعبه نمشي بالشناط لين مانوصل .. يوم وصلنا اشتهيت كيك يبيعونه فشرينا كم حبه و وصل القطار دخلنا ورحنا للدرجه الأولى ودخلنا للكبينه حقتنا وحطينه الشنط .. بنروح لمدينة فرانك فورد علشان المطار هناك منه بنرجع للبحرين .. وصلنا للمدينه بعد ساعتين على ماعتقد ورحنا لفندقنا وكان توه جديد وخذنا 3 غرف .. بدل غرفتين تفرجنا على الأفلام و المسلسلات وعالعصر طلعنا ورحنا لسوقهم بس كان مقفل لأنه يوم الأحد فتمشينه شوي ونزل مطر بس مو كثيف .. وبعدها رجعنا للفندق وطلبنا عشا وقعدنا على التلفزيون "" اليوم الثانـي "" طلعنا نتمشى بالمدينه ورحنا لحديقه وكانت حلوه فيها بحيره وتستأجر مركب و فيها طيور تمشي جمبك حتى انها تجيك للكرسي بس عشان تأكلها .. قعدنا تقريباً 3 ساعات وبعدها رجعنا للفندق قعدت مع أخواني نسولف ونلعب ونشوف تلفزيون وبالليل أهلي طلعوا للسوق واحنا قعدنا بالفندق لأن هالمدينه مافيها شي حنا بس جيناها عشان المطار طلبنا لنا عشا و قعدنا نشوف فلم وعالساعه 10 نمنا لأن بنروح للمطار بدري .. "" اليوم الثالـث "" فطرنا و بعدها نزلنا أغراضنا ورحنا للمطار .. وسوينا الإجراءات ورحنا فوق ويوم جينا ندخل وقفوا أبوي وقالوله ممنوع يدخل الكوفي معه <<< مادري وش يتوقعون فيه !! المهم بعد مادخلنا رحنا للإنتظار وكان نص الموجودين عمانيين لأن بعد ما نوصل للبحرين يروحون بعدها لعمان قعدنا شوي وبعدها دخلنا الطياره .. ومن اقلعت بديت اتفرج على الأفلام وكانت حلوه كلها فاتتني وماشفتها بالسنما وبهالوقت شفتها كلها .. وصلنا للبحرين الساعه 5 أو 6 المغرب ورحنا مع السواق وكان نفسه الي وصلنا للمطار .. بس وصلنا البيت ارتحت وقمت أحوس اشتقت لبيتنا "" وهذي نهاية سفرتي لألمانيا واذكركم إن هذي سفرتنا للسنه الماضيه .. ""
|
||||
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
العرض العادي
