|
|
|
|
|
|
||
| إعلانات منتديات ألم الإمارات |
|
|
|||||||
 |
|
|
LinkBack | أدوات الموضوع |
التقييم: 
|
طرق العرض |
07-03-2007, 12:24 AM
|
#1 | |||
  
|
|[♥•»|[₪ طَرقاتَ تطرقُ بَاب قًلبي ₪ ]|«• ♥]
][ طَرقاتَ تطرقُ بَاب قًلبي ][ ياقارئ خطي لاتبكي على موتي فاليوم أنا معك وغدا في التراب فإن عشت فإني معك وإن مت فللذكرى ويامارا على قبري لاتعجب من أمري بالأمس كنت معك واليوم في قبري وغدا أنت معي أموت ويبقى ماكتبته ذكرى فياليت كل من قرأ خطي دعا لي السـلام عليكم ورحمة الله وبركاته المجلس رائع يحمل في صفحاته يوميات شيقه وممتعه .. وبدون تردد تحمست بأن أكتب يومياتي هنا بالطبع لا تخفى الذكريات على أحدنا ... فلكل ذكرى ولكل منا أيام قضاها في الصغر والكل كان يبتسم ويضحك ويبكي وينام ويلعب ... ولا يحس بتلك الأيام التي انقضت والتي ذهبت والتي ارتحلت ... فكانت بحق أياماً جميله أياماً مليئة بالابتسامه كنا نلعب وكنا نفرح وكنا نضحك وأيضاً كنا نَضرِب ونُضرب ... وبالرغم من تلك الشقاوه الا أننا لم نكن نحمل على هذا وذاك في قلوبنا ... اصبحت تلك اللحظات في قاموس الذكريات تراود اذهاننا بعد حينٍ و اخر .. فنرى ابتسامة لا شعوريه ترتسم على الثغور و دمعة عفويه تتساقط من العيون و احمرار مفاجئ يتربع وسط الخدود و نقول في صميم انفسنا : ايــــــــــــــــــــــــــــــــــه والله ايـــــــــــــامـ مثلما يردد اجدادنا في ذكرياتهم مع الماضي ..!! و ذلك لما في هذه المرحلة من براءة و ذلك لما في هذه المرحلة من شقاوه ........ ماراح أطول عليكم و لـي عودهـ ان شالله تقبلوا تحياتــي أختكم ::::::::: صــــدىالمعـــــــاني
|
|||
|
|
07-03-2007, 03:19 AM
|
#2 | |||
|
في البدايه بعرفكم على نفسي :::::::: . . . . . . الأســـــــــم :- صــدى المعـــــــاني العـــــمر :- 16 سنه المرحله الدراسيه :- الثانويه >> بروح لثاني علمي المدينه :- المملكه العربيه السعوديه – الشرقيه هواياتي :- الكتابه .. الرسم .. التصميم .. ركوب الخيل .. التصوير شخصيتي :- مستقله .. خجوله .. هادئه " بس تجيني حالات استهبال خخخخخخ " .. عنيده رياضتي المفضله :- كرة القدم " أشجع الهلال مع اني شرقاويه " .. البيسبول " أشجع فريق البيرز " .. كرة سله .. الركض <<< خخخخخ كأني ولد بس شسوي هذي أنا والي مو عاجبه يضرب راسه بالشاشه لوني المفضل :- الأزرق حيواني المفضل :- الخيل .. الصقر حكمتي في الحياه :- طنش تعش تنتعش – لا حياة مع اليأس ولا يأس مع الحياة . . . . . . أشوفكم على خيـــــــر ...
|
|||
|
|
|
07-03-2007, 03:58 PM
|
#3 | |||
|
Good Afternoon
نتع ــــب من الحياة لأن هناك مشاكل كثيره لاحل لهـــا وإن وجد نتكبد التعب لنحصل عليـه .. نتعذب كثيراً من فراق عزيز نحزن دائماً لموت أحد الناس عندك نعيش الصدمـه دائماً من أشياء لم نتوقعُهـا نتعب .... ونمرض .. نشعر بالضيق .. ونحزن.. نندم .. ونتحسر.. ونتوهـ في مكانُنـا... وفي نفس الوقت نحن محتاجون لصدر حنون يضمنــا لــ يخ ـــفف عنا الألم وينسينا التعب ويحسسنا بالأمان.... . .. ... هل تختــــــتار نفسكـ وتنطوي عليهــــا تشكي لها ولا أحد سواهـا .. او تختـــــار صدر ح ـــــــنون و حضن.. يح ــــتويك.. سأبدأ بالإجـــــــــابه وسأكتبهـــــــــــــــــــا بدون تردد ( حضـــن أمي من يحتويني ) صــــدىالمعـــــــاني
|
|||
|
|
|
07-03-2007, 07:48 PM
|
#4 | |||
|
باركولي النجـــــــــاح
الاسبوع الي فات يوم الاثنين استلمت الشهاده .. وابشركم التقدير ممتاز والنسبه 95% الحمدلله الدرجات زينه والمستوى أوكي مع اني كنت مفكره اني مزفته لأن صدق كنا مضغوطين .. أول ثانوي أصعب مرحله مرت عليّ المواد كثيره 19 ماده من صدقي ماكذب صدق صدق تعبت ماعمري ذاكرت مثل هالمره ولا جدول الاختبارات كل يوم مادتين ونطلع الساعه 12 تقريباً دوام كامل بس كان عندنا يومين ماده ..... والأيام الي عندي فيها مادتين كنت أول مارجع ما أنام مع اني كنت صدق تعبانه أول شي اذاكر الماده الأولى احياناً اقدر اخلصها واحياناً يبقى لي باب ولا بابين وماقدر اكمل مذاكره والساعه توها 8 الليل فاروح انام واضبط الساعه على 4 الفجر واقوم وابدى اذاكر الماده الثانيه الي مافتحتها ابببببببد واحاول اذاكره بسرعه واخلص واذا بقى لي كم صفحه على طول اسكره وابدى اكمل مذاكرة الماده الاولى كنت ابدى فيها على الساعه 5 او 5ونص صدق تعب حتى بعد مانخلص الاختبار الأول الفسحه وقتها قصير فمايمديني اذاكر الماده الثانيه كلها ماعدا يومين كان الفسحه فيها ساعتين هذي احمد ربي عليها لأني قدرت فيهم اذاكر الماده الثانيه واراجعها اكثر من مره مع اني ماذكرتها اليوم الي قبله ولا الصبح يعني كنت توني اذاكرها اما اذا كان بس ساعه هذي اقوم لها الفجر لأن اليوم الي قبله ماذاكرته اصلا مافي وقت اقولكم مضغوطين هالساعه حقت الفسحه ماتكفي الا بس مذاكره ل10 دروس بسسسسسسس ... مو بس هذا الي متعبني من بداية السنه في الفصل الأول طلع نظام جديد الي هو الاختبارات الدوريه افففففف تونا بادين دراسه وعلى طول الاسبوع الثاني بدت الاختبارات ومن يومها كل يوم نختبر مادتين ماكذب والله العظيم كل يوم بالصدفه تطلع لنا يوم ولا يومين بدون اختبار حتى مانصدق يقولون اجازه ولا يوم الامهات والا الكل غايب يبون يرتاحون من الهم .. حتى أيام المراجعه ما ذاكرت ولا ماده خلاص النفسيه زفت ماقدر استوعب شي والحمدلله نجحت والتقدير ممتاز و النسبه كانت 95% <<<< مثل هالفصل ... اما بداية الفصل الثاني عطونا ورقه وقالوا بيرتبون الوضع بيخلون أسبوعين اختبارت بعدين ثلاث اسابيع راحه و بعدين اسبوعين اختبارات وخلاص ،، بس ماشفنا شي ضبطوا أول اسبوعين والباقي رجع مثل قبل ،، كل يوم اختبار خلاص لاعت كبدي من المدرسه خلوني اكره شي اسمه دراسه مع اني قبل عادي بس يلا الحمدلله على كل حال المهم نجحت وجبت نسبه زينه وطبعاً سجلت في قسم العلمي <<< أكره شي عندي المواد الادبيه و الاجتماعيه ياربي ماتدرون وش كثر أكرهم لو تشوفون الشهاده أقل درجه خذتها كان في المواد الادبيه بالأخص " الأدب العربي " هذي اكره ماده في العاااااااااااااااااااااااااااااااااااااااااااااال ــــــــم أنا و أخوي نكرها كره العمى .. " ترى أخوي بثالث اعدادي بيروح لأول ثانوي " يعني أصغر مني بسنه وأنا أكبر أخواني نحن عددنا ثلاثه : بنتين و ولد .. أختي آخر العنقود بتروح لسادس ابتدائي المهم .. ان شالله على السنه جايه بكون بثاني علمي واكيد المواد بتقل كثييييييييير يعني بكون مرتاحه وخصوصاً اني احب المواد العلميه وشاطره فيهم وطبعاً موادي المفضله هي الكيمياء و الانجليزي وان شالله ان شالله اقدر اجيب نسبه أعلى من %95 وعقبااااااااااااااااال 100% كامله .......
|
|||
|
|
|
07-04-2007, 12:51 AM
|
#5 | |||
|
إهــــــداء إلـــى صديقـــــات طفـــولتــي
عندما أتذكر تلك اللحظه.. وأذكر جمعتى بالأحبه.. وكيف أننى في لحظه سأكون اسما في ورقه.. دفنت بين الأوراق وبين لحظات حلوة.. قضيتها بين الأحباب.. أجد نفسي بعيده.. بعيدة عن الجموع.. وفي عيناى حزن.. يغطى جميع الربوع.. لكنكم في القلب أنتم.. ساكنيه ولن يتغير أي شىء.. اتمنــــــى ان تتـــذكرونـــي بكـــــل خيـــر
|
|||
|
|
|
07-04-2007, 04:05 PM
|
#6 | |||
|
أخـــــــوي & السيـــــــــاره
الله يسلمكم في يوم الأحد قبل آخر يوم لإمتحانات أخوي قال لأبوي انه يبي يروح لمدرسته بالسياره <<< توه 15 سنه بس هو مدرب على السواقه من كان في ثاني اعدادي عاد أبوي رفض قال لا مايصير بروحك أخاف تسوي حادث ... أخوي يحاول يقنعه ويقوله انه مو أول مره لأنه بالعاده يسوق بالسياره بس مع أمي يعني مايطلع من حارتنا ،، ابوي ماقتنع فراح أخوي لأمي وقالها بس امي بعد ترددت و أخوي قام يزن براسهم لين ما وافقوا و قالوله انه لازم يكون في البيت على الساعه 8 لا يتمشى فيها لأن ابوي عنده شغل هو يشتغل بشركة ارامكوا وبعد لأنه لازم يمر على أختي وياخذها من المدرسه هي تدرس بالخبر المدرسه الي تدرس فيها أمي " هي معلمه " ... عاد أخوي تشقق من الوناسه وقال ولا يهمكم 8 بالتمام انا عندكم وامي بقلبها تقول الله يستر المهم في اليوم الثاني جاني الباص ورحت واخوي سبقني وراح بسيارة أبوي و وصل المدرسه وقام يختبر .. اما امي قامت تتحلم بكوابيس <<< أخوي زايرها بالحلم خخخخخ بس ماراح أقولكم شي وهنا تجيكم السالفه .. أخوي خلص الامتحان وطلع وراح للسياره وشغلها و طبعاً قام يتكشخ اونه رزه عند ربعه يبي يقهرهم انه جاي بالسياره وهم لاء وبعد ما سوالهم حركات مشى لطريقه للبيت وهو يمشي بالسياره شاف قدامه سيارة شرطه تمشي باتجاهه عاد أخوي و ما ادراكم باخوي <<< حلوه خخخخ قام قلبه يرقع طبووووووووول خايف يمسكونه لأن صغير و مو بالسن القانوني عاد هو قام يهدي نفسه ويقول خلك هادي لا تخليهم يشكون و يشوفونك مرتبك يلا يلا اهدى لازم ما لف راسي لا يمين ولا يسار ايه ايه لازم .. وتمر سيارة الشرطه جمبه و أخوي مصطلب يطالع قدامه ولا التفت لهم اونه عادي وبس عدته رفع عينه للمرايه وقام يركز فيهم يطالع بيرجعون له وبيمسكونه ولا مانتبهوا له ؟؟؟ هنا أخوي نسى نفسه ومركز بالمرايه ويوم شافهم بعدوا نزل عينه من المرايه الا يشووووووووووف بوجهه سياره وقريب بيصدمها وأخوي على طووول دعس بريييييييييييييييييك وش صااااااااااااااار ؟؟؟؟؟؟؟؟؟!!!!!!!!!!!!!!!!!!!!! ما صار شي لأنه كان يسوق بسرعه عاديه والسياره الي قدامه نفس الشي يعني حتى لو صدمها ماراح يصيرله شي ولا للسياره .. عاد اخوي تنهد وارتاح وكمل طريقه للبيت ويوم وصل اتصل على امي ( نحن عندنا بالبيت تحويلات كل غرفه لها رقم خاص ) وقالها انه وصل وامي ارتاحت وكملت نومها بعيد عن الكوابيس .. وطبعاً يوم قامت امي جاها اخوي وهو شاق حلقه شكله فرحان على الي صار " الحمدلله والشكر " وقالها :- توقعي وش صار اليوم !! أمي :- وش صار أخوي :- بغيت اسوي حاااااااادث أمي خافت :- سويت حادث !!!!!! أخوي ضحك :- لالالالالالالا اقول بغيت بغيت اسوي حادث أمي :- هذي من أولها الله يستر من آخرتها .. قولي وش الي صار بالضبط ؟ أخوي جلس وقام يقولها السالفه كللللللللها ماترك شي و انا واختي قمنا نضحك عليه لأن طريقته بالوصف تضحححححححححححك حتى امي ضحكت وماخلت حد بالعايله ما قالت له حتى البزران دروا ... نــــــصــــــيـــحــــــــه :- (( اذا كنت تسوق السياره و انت تحت السن القانوني وكانت سيارة الشرطه قدامك سو مثل ماسوى أخوي لا ترتبك ولا تلتفت لسيارة الشرطه كون مصطلب لأنهم راح يشكون فيك و يصيدونك وانت ماتبي أكيد هالشي بس لا تغلط غلطة أخوي و تنسى روحك وانت تراقبهم من المرايه لا .. ركز بالطريق قدامك ولا تهتم لهم ولا راح يصير لك حادث وتروح فأمهــا أوكييييي شباب ))
|
|||
|
|
|
07-05-2007, 03:58 AM
|
#7 | |||
|
__________________________
للذين يعتقدون بأن دورهم في الحياه قد انتهى يجب عليهم أن يتريثوا قليلا قبل أن يتخذوا القرار بإعدام أنفسهم فالإنسان ابن يومه لأن الدنيا فانيه ،،،،،،،،،،،،،، __________________________
|
|||
|
|
|
07-05-2007, 10:22 PM
|
#8 | ||||
|
اقتباس:
مشكوره أختي على تقييمك و على الإطراء ....
|
||||
|
|
|
07-05-2007, 10:37 PM
|
#9 | |||
|
البارحه رحنا لبيت جدي ( أبو أبوي ) لنا فتره ما زرناهم لأن شخص من قرايبنا توفى فراح جدي و جدتي يعزونهم بالأحساء قعدوا هناك تقريباً اسبوع وهذا كان بعد الامتحانات .. ويوم رجعوا راحوا للبحرين وقمنا ننتظرهم علشان نزورهم بس يوم رجعوا توفت زوجة الشخص الي مات فرجعوا مره ثانيه عشان يعزونهم طبعاً .. فما لقينا فرصه الا امس لأنهم كانوا يسوون تصليحات ببيتهم يعني مشغولين بس قبل أمس اتصل جدي علينا وقال تعالوا لنا فرحنا البارحه وكنا مخططين نقعد ساعه علشان نحن متفقين مع جدتي ( أم أمي ) ان نروح معهم للمارينا مول بس طلع جدي عازم عمتي و حرمة عمي والعيال وكان مجهز لنا عشا و شاري كيكتين لنا و للرجال وغير كذا وزع علينا هدايا هو دايم يهدينا حتى بدون مناسبه " الله يخليه لنا " ما قصر جدي دوم ان شالله فرحته آآآآآآآآمين ... الله يـــحـــفـــظـــك يا جــــدي (( في هـــذا الشـــــهر )) :- تكمل جدة أبوي سنه من وفاتها " الله يرحمها ويغمد روحها في الجنه "
|
|||
|
|
|
07-06-2007, 02:17 AM
|
#10 | |||
|
_____________________________ ما أجمل أن تتذوق قلوبنا طعم الفرح فالشعور بالفرح فى هذا الزمان كالأمنية البعيدة نراها .. ونترقبها بلهفة ونسعى جاهدين إلى الوصول إليها وفى معظم الأحوال لا نصل إليها وإن وصلنا إليها .. لا يدوم فرحنا طويلاً تٌرى .. لماذا عمر الفرح كعمر الزهور ??? كلاهما يذبل .. سريعاً !!! _____________________________
|
|||
|
|
|
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
أقسام الموقع
العرض العادي
