[مقابله] ::+:: ليتني غريبة ::+::

أخت ألم

السلام عليكم ورحمة الله وبركاته





ونلتقي مجدداً هذا الإسبوع بعضوة تميزت بحضورها بين المجالس لتبدع بكلماتها ولتفرحنا بتواجدها،،معاً نرحب بــ " ليتني غريبة "





الأسم : " ليتني غريبة "
تاريخ التسجيل في المنتدى: 07-31-2006
من مواضيعها المتميزه:




°•˘●،،’’₪][ أعياد بلا فرحة ][₪’’,,●˘•°


•¨”~« ما بين حسان بن ثابت و شكسبير »~“¨•


رسائلنا الخاصة ما بين المباح و المحظور



إليكم بعض ضوابط المشاركه للتذكير:



1. على جميع الأعضاء تجنب المحادثات الجانبية خلال المقابلة.




2. لا يجوز للعضو طرح أكثر من 10 أسئله في المشاركة الواحدة.



3. لا يجوز للعضو طرح أسئلة أخرى للضيف قبل انتهاء الضيف من إجابته على أسئلته السابقه وذلك لترك المجال للبقية.



4. بإمكان العضو ( الضيف ) عدم الإجابة على أي تساؤل قد يسبب له إحراج وله الحرية في الرد على جميع النقاط المطروحة أو تجاوز بعضها إن لزم الأمر .



5. للعضو ( الضيف ) الحق بأن يطلب من إدارة المنتدى غلق الموضوع بعد ذكر الأسباب برسالة خاصة لأحد مراقبين المجلس .



6. على العضو ( الضيف ) متابعة الموضوع والتفاعل مع مشاركات الأعضاء المطروحة في الموضوع .



7. على جميع الأعضاء حين المشاركة في المواضيع المطروحة الابتعاد عن التجريح أو التشهير بالعضو ( الضيف ) وانتقاء المواد المطروحة في المشاركة بحيث لا تجرح مشاعر أي من الطرفين .



8. يمنع طرح مشاركات أو ردود من قبل الأعضاء لا تمت للموضوع بصلة وعليهم البحث عن ما هو مفيد والابتعاد عن المجاملة والمبالغة في الردود .



9. وليتذكر الجميع أن اختلاف وجهات النظر لا يفسد للود قضية وأننا إخوان في الله وعلى الحب والخير نلتقي بعون الله تعالى .




فتح الموضوع من اليوم الاحد 15 - 7 - 2007 إلي 21 - 7 - 2007




فمرحبا بكم ومرحبا بضيفتنا





مراقبي مجلس النقد والمقابلات

ليتني غريبة

بسم الله الرحمن الرحيم

السلام عليكم و رحمة الله و بركاته

مساء الورد ..
.
.

تتلعثم أحرفي خجلة ..

و تفحمني هذه البادرة الطيبة ..

فلا أجد ما أقوله

هنا فرجة صغيرة .. و تواصل ..
.
.

أخت ألم .. حبر و ورق

لا أجد كلماتي و قد تبعثرت برفق في هذه اللحظة ..

بعيدا عن متناولي ..!!

.
.

لا أجد سوى من قلب ممتنة ..

و وردة << وحدة بس تقاسمنها

.
.

مودتي عزيزتيّ

ليتني غريبة

صاحبة الظل

<<<<<<<<<<<<<<<<< احس نفسي مالي داعي اهني هق هق

حبيبتي ليتني
السلام عليكم
ترى اول مره اجي اهني
بس عشانك انتي
وبم انا اني بالطرائف داايم اسئلتي بتكون ظريف

ساعديني لاتطيحين وجهي هق


أ/ اسئلة عامة
س1_ تخيلي نفسك في مسبح ومامعك احد وفجاه طحتي وغرقتي وقدر الله انه يكتب لك الحياه بواسطه احد العاملين في المسبح كان يراقبك من بعيد
السؤال..
عندما تفتحين عينيك في المستشفى (طبعا مافيه امل تفتحيهن قبل كذا خخخخ)
ماهو اول تصرف تقومين به؟؟

س2_ كنت في غرفتك بالفندق (مامعك احد) وتسمعين صوت غريب ومخيف لدرجه لاتتصور بالغرفه المجاوره وش تسوين (صفقنى لو بتقول اروح له خخخخخخ)؟؟

س3_ قمتي من النوم حسيتي بالهدوء من حولك تدورين في البيت اهلك ماتلقينهم تطلعين من الباب ماتشوفين بشر ماتسمعين الا صوت الرياح (تخيلي الوضع مظبوط عشان تختارين صح) وش تسوي اختاري..مع ذكر سبب الاختيار
1_ ترجعي لغرفتك وتنام <== انواع البرود خخخخخ
2_ تنتحري (ادري انه حرام بس لحظتها ماتملك تصرفك)
3_ تصيحي بااعلى صوتك وتركضي عشوائيا
4_ تبكي وتجلسي في مكانك

س4_ صديقة من اعز صديقاتك وتعزينها معزه اخويه وتفدينها بالروح مستلفة منك مليون ريال (وهي مقطوعة من شجره) بعد فتره تكتشفين بان هذه الصديقة قاتلة ابوك وش تسوين؟؟(لاتقولي اقتلها ترى تطير المليون خخخخ)

س5_ شوف انت الان امام اكثر من 140 عضو يعنى ارجو انك ماتجاملي او تكذبي لان الكل راح يفهم من اسلوبك
جاوبي على التالي.. (للمعلوميه لك حذف سؤال واحد من ال3 انتي وشجاعتك خخخخ)
1_ من العضوة او العضو اللى تثقي فيه وتعاملينه معك حتى انه لو طلب 10.000 ريال كسلفه تعطيه فورا لثقتك فيه (بشرط انك ماتعرفه برا المنتدى <== تحجير على اصوله خخخخخ)

2_ من العضو اللى اذا شفتيه تحسين بان الدوخه والصداع والروماتيزم والحمى المالطيه كلها تجتمع فيك؟؟

3_من تحبين اكثر الاعضااء ؟!!!!

ب_ الاسئله الشخصيه

س1_ كيف تقدرين تتعاملين مع بنات اخوك واختك <== ماودها تحدد اسامى خخخخخخ؟؟



س اجمل بلد زرتيه ؟؟ وماهى امنيتك بالحياه؟؟

س لو طردوك من المنتدى فجاءه جيتى لقيتى نفسك برا وش اول شي تسوينه خخخخخخخخ؟؟


وبحبك وحشتينييييييييييييي


وتقبلي تحياتي

aNeeNalsmT

ليتني غريبه ..

اختيار موفق ..

كل الشكر موصول لمراقبي مجلس النقد والمقابلات ...


عزيزتي ..

سعيده بتواجدك هنا بهذه المقابله التي بلا شك اتوقع انها راح تكون رائعه ...


على فكره حابه اقولج اني قرأت قصتج .. واذا حابه اني اقول تعليقي عليها ماعندي مانع عزيزتي .. بس آمري ..


معاي باقه من الاسئله اتمنى انها تهدى للاجابه ..


- كيف ظهر فجر ألم الإمارات في يوم ليتني غريبه ؟

- متى شعرت ليتني غريبه بإنها بحاجه لإن تكتب فنسج لنا حرفها اروع الكلمات والقصص ؟

- في مجالس القصص اي القصص جذبتك وتركت الاثر في نفسك ؟

- 4 امنيات تود ليتني غريبه تحقيقها ؟

- من هي ليتني غريبه ؟ وكيف ظهرت فجأه على ساحه المنتدى واثبتت نفسها بجداره ؟





اهديك هذه الباقه من الاسئله ولي عودة فيما بعد بإذن الله


وياهلا والله ومرحبا فيج عزيزتي ..

شوق999

صاحبة الظل

صوري برز بنفسي مره ثااانيه


***بسم الله على ابوك ويحفظلك ايااااه*****

مجروحة وتكابر

هلا اختي ليتني غريبه ..,,
وعندي بعض الأسئلة ..
وان شاء الله تكون خفيفة وما تثقل عليج ..,,

.
..
.



.
..
.

السؤال الأول:
اكبـر موقف مهين تلقيتيه في حياتج ؟؟
السؤال الثاني:
موقف حلو صار لج في الصغر وللحين تذكريه؟؟
السؤال الثالث:
أقرب الناس لج والى قلبج؟؟
السؤال الرابع:
من قدوتج في الحياة؟؟
السؤال الخامس:
رأيج فيني <<< إذا تعرفيني يعني

.
..
.

واتمنى ما طولت عليج ..,,
وحياتي قبل تحياتي
مجروحة
وتكابر ..

ليتني غريبة

صاحبة الظل

اقتباس:

حبيبتي ليتني السلام عليكم ترى اول مره اجي اهني بس عشانك انتي وبم انا اني بالطرائف داايم اسئلتي بتكون ظريف ساعديني لاتطيحين وجهي هق

و عليكوو السلام و الرحمه .. مرحبا الساع

بشري بالعون و الله .. كم صحوووب عدنا ..

اقتباس:

س1_ تخيلي نفسك في مسبح ومامعك احد وفجاه طحتي وغرقتي وقدر الله انه يكتب لك الحياه بواسطه احد العاملين في المسبح كان يراقبك من بعيد السؤال.. عندما تفتحين عينيك في المستشفى (طبعا مافيه امل تفتحيهن قبل كذا خخخخ) ماهو اول تصرف تقومين به؟؟

- بشيك ع القذلة .. رب ما اخترب الاستشوار ..

اقتباس:

س2_ كنت في غرفتك بالفندق (مامعك احد) وتسمعين صوت غريب ومخيف لدرجه لاتتصور بالغرفه المجاوره وش تسوين (صفقنى لو بتقول اروح له خخخخخخ)؟؟

بقول عوووووووووووو .. عسب يتروع هو بعد

اقتباس:

س3_ قمتي من النوم حسيتي بالهدوء من حولك تدورين في البيت اهلك ماتلقينهم تطلعين من الباب ماتشوفين بشر ماتسمعين الا صوت الرياح (تخيلي الوضع مظبوط عشان تختارين صح) وش تسوي اختاري..مع ذكر سبب الاختيار 1_ ترجعي لغرفتك وتنام <== انواع البرود خخخخخ 2_ تنتحري (ادري انه حرام بس لحظتها ماتملك تصرفك) 3_ تصيحي بااعلى صوتك وتركضي عشوائيا 4_ تبكي وتجلسي في مكانك

بتصلبهم أشوف هم وين

اقتباس:

س4_ صديقة من اعز صديقاتك وتعزينها معزه اخويه وتفدينها بالروح مستلفة منك مليون ريال (وهي مقطوعة من شجره) بعد فتره تكتشفين بان هذه الصديقة قاتلة ابوك وش تسوين؟؟(لاتقولي اقتلها ترى تطير المليون خخخخ)

لا يختي الحي أبقى من الميت .. بقولها ترد مليوني و فوقها دية ابوية << بسم الله على ابوية

اقتباس:

س5_ شوف انت الان امام اكثر من 140 عضو يعنى ارجو انك ماتجاملي او تكذبي لان الكل راح يفهم من اسلوبك جاوبي على التالي.. (للمعلوميه لك حذف سؤال واحد من ال3 انتي وشجاعتك خخخخ) 1_ من العضوة او العضو اللى تثقي فيه وتعاملينه معك حتى انه لو طلب 10.000 ريال كسلفه تعطيه فورا لثقتك فيه (بشرط انك ماتعرفه برا المنتدى <== تحجير على اصوله خخخخخ)

حافي و منتف << شكله راعي خير

اقتباس:

2_ من العضو اللى اذا شفتيه تحسين بان الدوخه والصداع والروماتيزم والحمى المالطيه كلها تجتمع فيك؟؟

و حدة من ربيعاتيه يوم تنسدح في موضوع تنسدح من الخاطر يمر اسبوع و هي راقدة فيه

اقتباس:

3_من تحبين اكثر الاعضااء ؟!!!!

اقتباس:

ب_ الاسئله الشخصيه س1_ كيف تقدرين تتعاملين مع بنات اخوك واختك <== ماودها تحدد اسامى خخخخخخ؟؟

شرات ما تعاملين عيال خوانج و خواتج

اقتباس:

س اجمل بلد زرتيه ؟؟ وماهى امنيتك بالحياه؟؟

عزبتنا << أبعد الحدود ..

أمنيتي في الحياة أعرف من وين نسختي هالأسئلة

اقتباس:

س لو طردوك من المنتدى فجاءه جيتى لقيتى نفسك برا وش اول شي تسوينه خخخخخخخخ؟؟

بدق الجرس يمكن يدخلوني هع ..

اقتباس:

وبحبك وحشتينييييييييييييي

حبتج العافية و ما تشوفيش وَحش يختي ..

.
.

صحووووووب غناتيه ..

أشكر مرورج الروعه ..

و أسئلتج الـ ..

.
.

لا خليت الغالية

شوق الذبوحي

اختيار اختيار موفــــق


السلام عليكم هاي اول مشاركه لي ويسعدني أنها في هذا الموضوع بدا


المهم

اولا : لو عطوج الحكم يعني تحكمين الدوله شوه بتسوين ؟

ثانيا : من هم الاشخااص اللي دايما تتمنين تشوفينهم ؟

ثالثا : شوه سبب اشتراكج بالمنتدى ؟

رابعا : شوه رايج بمجتمع الامارات ؟

خامسا : فتاة اليوم ما هو رايج بها وكيف تقاريننها ببنت زمان أول ؟


سادسا : الله يعطيج العافيه غناتيه

ليتني غريبة

aNeeNalsmT

اقتباس:

عزيزتي .. سعيده بتواجدك هنا بهذه المقابله التي بلا شك اتوقع انها راح تكون رائعه ...

و أنا أسعد بتواجدك أنين

اقتباس:

على فكره حابه اقولج اني قرأت قصتج .. واذا حابه اني اقول تعليقي عليها ماعندي مانع عزيزتي .. بس آمري ..

ما يامر عليج قطوو .. أكيد يشرفنيه أسمع رايج

اقتباس:

- كيف ظهر فجر ألم الإمارات في يوم ليتني غريبه ؟

بالصدفة

ألم هو الأول .. و الوحيد

و جدت نفسي هنا .. و لم تعد لي نية بالتزحزح ..

اقتباس:

- متى شعرت ليتني غريبه بإنها بحاجه لإن تكتب فنسج لنا حرفها اروع الكلمات والقصص ؟

حين شعرت بأنني بحاجة لأن أصل إلى [ إنتهــــــ،ــــت]

اقتباس:

- في مجالس القصص اي القصص جذبتك وتركت الاثر في نفسك ؟

لا أريد أن أظلم تميز أقلام لم أصادفها بعد .. فقراءاتي محددوة و ضيقة النطاق .. و لكن ما قرأت أعجبني و دفعني للكتابة

اقتباس:

- 4 امنيات تود ليتني غريبه تحقيقها ؟

.. أن يراودني إحساس مجنون يقلب استقرار ذاتي ..

... أن لا أجد نفسي مضطرة لأن أترك مكاني هنا ..

.... أن أصادف كلماتك الرقيقة أكثر مستقبلا ..

..... إن أعرف شوه يعني سرفر :

اقتباس:

- من هي ليتني غريبه ؟ وكيف ظهرت فجأه على ساحه المنتدى واثبتت نفسها بجداره ؟

ليتني غريبة قلم بسيط أقبل إلى هنا بمحض الصدفة ..

ظهورها كان تلبية لرغبة ملحة في ترك أثر ما هنا ..!!

اقتباس:

اهديك هذه الباقه من الاسئله ولي عودة فيما بعد بإذن الله وياهلا والله ومرحبا فيج عزيزتي ..

أنيـــــــــــــن ..

كلماتك الرقيقة .. و حضورك الراقي أفرحني ..

إعذري بساطة تلك العبارات ..

أعشق المفاجآت .. و وجودك كان مفاجأة سارة ..

أشكرك عزيزتي .. و في انتظار عودتك ..

مودة