|
|
|
|
|
|
||
| إعلانات منتديات ألم الإمارات |
|
|
|||||||
| أرشيف المقهى أرشيف المقهى مجلس غير مخصص للمشاركات للإطلاع فقط . |
| كلمات البحث |
| ذكريات وأوراق مبعثره من حياتي |
|
|
LinkBack | أدوات الموضوع |
التقييم: 
|
طرق العرض |
10-28-2007, 06:28 PM
|
#31 | ||||
|
السلامـ عليكمـ
كيفكمـ؟!.. وآآآآآآآآآآآآآآآآآآهـ بس.. من وين ابدا الموضوع؟!.. خلني ابدأ من البداية.. في البداية بقـولكمـ عن نـقـطـهـ بسيطهـ.. المسنجر حقي مليان بنات سعوديات وخليجيات لاني أحب التعارف هـذا أولا... خلينا نرجع انا وياكمـ ورا شوي.. يومـ من الأيامـ.. كنا وقـتهـا في مـكـهـ عشان نسوي عمرهـ وكنت انا في غرفتي في الفندق مع زوجة اخوي اللي كانت نايمة.. مالكمـ في الطويلة فتحت الوايرلس كانت موجودة شبكات كثيرة ولا وحدة منهم رضت تشبكـ فـدقـيـت عالاستقـبال عطاني رقـمـ منشان ادخل النت.. ما عليكمـ المهم شبكـ النت وبعدين دخلت المسنجر الا فيهـ ادد غريب أكسبت على طول لانه لو طلع ولد يردهـ بلوكـ يعني موصعبه!.. ولا اللي الايميل اون لاين.. على طول استجواب من انت و وش تبي ومن وين جبت ايميلي.. طلعت بنت..قالت اسمها..وقالت ان ما عندها أي خلفيهـ من وين جابت ايميلي.. سألتها انتي من منتدى ألم الامارات ؟! قالت لي لأ..انا من المنتدى الفلاني وقالت النكـ حقهـا ,قلت لها ما اعرفهـ والله مشيت الحال..وقـعـدنا نتكلم عادي فجأة قالت لي ممكن جوالكـ؟!.. انا ما عرفت وش اقول اول مرة وحدة عالنت تطلب جوالي.. قعدت افكر قلت رقمي الحين موبايلي واصلا من دون اسم فلو فرضا طلعت بنت من البنات اللي مو كويسات ما ضرني شي بطنشها وبس.. قلت لها طيب وش يضمني انكـ مو ولد؟ قالت اسمعي صوتي .. سمعت صوتها في المايكـ طلعت بنت.. عطيتها رقمي دقت وعطيتها بزي لان زوجة اخوي كانت نايمة ومابي ازعجها.. قالت لي في المسنجر ليش عطيتيني بزي؟ قلت لها لان زوجة اخوي نايمة..بس دقي مرة ثانية وبرد.. دقت رديت عليها وانا اهتز من التوتر!.... تكلمت معاي شوي عرفت عن نـفسهـا وانها من الشمال من سكاكا وبعدينـ قـفـلت وكملنا عالمسنجر على ما اذكر.. مرت الايامـ وعلاقتي معاهــا تزيد ودايما اكلمــهــا وارسلهـا مسجات.. ""فــرق السن بيني وبينهـا سنة وحدة بس هي ثاني علمي ,’, ما عـليـنـا..اكمل؟!.. طيب.. بعدين رقم موبايلي عطيتهـ لعمي واخذت رقم اختي اللي سافرت كندا ورغمـ ان الرقمـ كان باسم اختي يعني لو هالبنت اللي تعرفت عليها دقت عالاستعلامات وسألتهمـ بأسم من كانوا بيقولون لها اسم اختي وتعـرف من انا.. لكن انا مجنونة ومغامرة وابد ما التفت للعواقب.. المهم عطيتها رقمي الجديد حق الاتصالات وتواصلنا بعد العيـد ارسلت لها مسج.. مر يوم..يومين.. ما ردت!.. مو عادتها تطنش!.. دايما ترد عالمسج على طول.. قلت في شي.. عدلت الخيارات في جوالي وخليتهـ ينبهني عالاستلام ..يعني اذا وصلت المسج للجوال اللي ارسلت له يقولي واذا ما وصلت بعد يقولي.. وجربت ارسل لها مسج ثاني بس المصيبة ان الجوال طلع لي تنبيه انها ما وصلت!.. دقيت على جوالها مغلق.. تركتهـا كم يوم ورجعت دقيت قلت يمكن بطارية جوالها مخلصة ولا شي.. نفس الشي.. لا رد!.. لا في شي مو طبيعي في الموضوع.. قلت يا ان البنت ما تبيني اكلمهـا وقـفـلت جوالها..في هالحالة انا بتركهـا في حالهـا او ان فيهـا شي وانا ما اعرف.. مرت الايامـ.. امس لما كنت في غرفة ابوي جاتني اختي ركض وهي ماسكهـ الجوال.. رديت كانت هي.. والرقمـ كان غريب كان صوتها غريب علي... قالت لي رباب انتي فاضيه؟ قلت لها أي.. رحت لغرفتي قلت لها كيفكـ شخباركـ من زمان عنكـ؟!..وينكـ ؟!. قالت لي اصبري انا في الرياض الحين.. قلت لها والله!..تو الا نورت الرياض شعندكـ في الرياض هااااهـ؟.. ""اختهـا ساكنهـ في الرياض ويجون لها في الاجازات"" قالت لي ممكن تدقين من الثابت؟! الثابت؟!..وش عندهـــآآ؟!؟؟.. قالت بعطيكـ رقم المستشفى والتحويلة مستشفى!!.. قلت لها وش فيكـ و وش صار تراكـ خوفتيني!.. قالت دقي انتي وانا اقولكـ دقيت عالمستشفى وحطيت التحويلة ردت علي وقالت لي السالفة... انا انصدمت وانشل لساني ما اعرف وش اسوي اواسيهـا ولا ما اعرف ما اعرف لساني مافيهـ حيل يتحركـ من الصدمة!.. قالت لي ان اخوهـا كان يطعس بسيارتهمـ فانفقع الكفر واليوم اللي بعدهـ سافروا من سكاكا للقريات عند جدهم.. وفي الطريق انقلبت عليهم السيارهـ لان الكفر مفـقـوع.... انا سكت..قلت عسى ما صار شي؟ قالت اصبري .... بالمختصــر..قالت لي ان امهـا توفــت واخوهـا بعد.. واخوانها الباقيين مجرد جروح وانا ما ركزت عليهمـ قلت لها وانا اتلعثم من الصدمة الله يفكـ كربكـ....الخ قلت لها وانتي؟..صار لكـ شي؟ قالت انا فيني كسر في الحوض وما اقدر اقعد الحين بس امشي ..و يوم الثلاثاء بيسوون لي عملية وان شاء الله بعدهـا اقدر اقعد... قلت لها الله يقـومكـ بالسلامة...الخ قالت بمرح يالله عاد لازم تزوريني قلت لها ان شاء الله انا بقول لامي بعدين ارد عليكـ وقتهـا صراحة كنت افكر جديا اني ازورها مستحيل اخليها في هالوضع رغم اني ما اعرفها ولا قد مرة في حياتي قابلتهــا قـفـلت منها وقعدت افكر بالطريقة اللي اقولها لامي اخاف انها تقولي ليش تعطينها رقمـكـ ووو ...الخ المهمـ ان امي درت اليوم جات وشافتني اكتب هالكلام فحكيتهـا القصة قلت لها ها ازورها ولا لأ؟ ادق عالبنت اقولها اننا بنجيها قالت امي لاااا ما دام عندكـ رقم التحويلة بنروح المستشفى وندخل لها عشان نشوف هي صادقة ولا لا وش يدريكـ يمكن تكون ولد؟!!!... يا يمهـ والله باينهـ المصداقية من صوتهـاااا التعباااان ورقم المستشفى والتحويلة يعني لو ولد خلصوا بنات الدنيا وبيكون جايني من الشمال ولو نفرض انه في الرياض بيسوي نفسهـ مريض بس عشان يشوفني؟!.. عالعمومـ امي قالت اننا بنروح نزورها الويكيند يعني بعد ما تسوي العملية والله يقوووومهـا بالسلامة لوو سمحتوا أي احد يمر من هنا يدعي لهـا بالشفاء العاجل هي واخوانها.. ويدعي لامها واخوها بالرحمة.. لانها انسانهـ عزيزهـ علي والله سـ ـ ـ ـ ـ ـ ـــلآآآمـ... خلآآآص.. ما بقىى..في جوفي.. كلآآآآمـ ـ ـ ـ ـ !!..
|
||||
|
10-30-2007, 04:40 PM
|
#32 | ||||
|
مبرووكـ ليزااا يتربووون في عز غيركـ هع هع..
هــلآآآآآآآآ..
كيفكـمـ؟! .. خلونا نروووحــ لااامس كان علينا اختبار حاسب وما ذاكرت لان المعلومات مالت عليهمـ اكثر منها مافي بس يعني مشيت حالي في الاختبار غير عن بعض التخريفات.. وللأمانه بس تراني ما ذاكرته خير شر اللهم الا اني فتحت بداية الكتاب وحفظت لي كم كلمة والباقي طالعته بعيوني مو كـسـل بس مافيني حيل<احلفي يا شيخة وش تصـيـر مافيني حيل هاذي؟؟!!.. وجات استاذة الجغرافيا وكملت الناقص.. قالت عندكم اختبار مفاجئ..وانا اصلا من الاختبار اللي من اول درجتي زففففت.. اختبرت كم بنت شفوي ونادت اسمي سألتني اذكري علماء يونانيوون.. قلت لها افلاطون وارسطو وهيكاتيوس و بطليموس.. ومن وجههـا اللي كان معصب مدري اجابتي صح ولا خطـأ بس كانت باردة قالت لي ما شاء الله.. طيب قوليلي عمل واحد منهم.. قلت لها افلاطون..اثبت ان الارض كروية الشكل واستدل على ذلك بكسوف الشمس!!!.. وجهـهـا انقــلـب.. قالت لي وهي مكـشـرة شفتي الربع اللي اخذتيهـ الحصة اللي فاتت الحين ما زدتي عليهـ لا الربع حـقـكـ راح.. وقـعـدت تقـولي درجاتي,المشاركة والدفتر والاختبار.. صراحة راااااااااايحة في ابوووو خرااايطها مستحيل انها كذا حتى ولو والله ظلم ظلم وتقول انا قلتلك اياها عشان ما تنصدمي بدرجاتكـ في درجات اعمال المنتصف وعشان ما تقولي اني ظلمتكـ!.. والله ما يصير مستحيل مستحيل!.. درجة نووو واااااااااااي مدري ليش حاقدة علي هالاستاذة انا وش سويتلها؟!!!.. ولا في بنت نقـصـت درجة الدفتر حقـهـا مع انهـ كامل بس على قولتهـا دفاتركمـ تسد النفس دفاتر اولى ابتدائي احسن منكم!.. وانتوا دفاتركمـ فيها وفيها والليكود سايل وموصخ الدفتر و و و و و ..الخ ليش يا استاذة احنا فاضيين زي اولى ابتدائي عشان نزين لكـ الدفتر ونحط استكر قلب و وردهـ؟!.. اللهـ يسـامحهـا بس.. <بالله لو شافت دفتري وش بتقول بتنصرع من الخط الحلووو! مالت بس مااااالت.. في النهاية قالت توعديني الحصة الجاية تحسنين من مستواكـ و نبدا صفحة جديدة؟! قلت لها والصوت ما طلع من حلقي من الفشلة ان شاء الله وشي ثاااني.. اليوم وصلت حملة التطعيم ضد الحصبة لمدرستنا وااااااااااااااااااااع وااااااااااااع امس كانوا عند اختي اللي في المتوسط واليوم جووونا.. اللي تبكي واللي مسوية شجاعة ورافعة خشتها فوووق.. واللي تعزمـ اللي وراها كرمـ حاتمي تعرفون!.. أنا صراحة كنت خايفة والبنت اللي قدامي تقولي رباب تعالي قبلي اقولها لااا ابدا تفضلي انتي اول هع هع المهمـ.. وتطعمت وما كان يعور الحمدلله بس قعدت اضحكـ لان فيهـ بنت بيطعموها ولما جو يطقوهـا بالابرة قعدت تبكي فـتجمعوا عليها الاستاذات وبعدوا راسها عشان ما تشوف وهي قعدت تناقز وتبكي لما شافت الابرة.. لاحووول والله فشلة هذا وهي عرض بعرض ما شاء الله وش بقت للبزارين؟! حااالتنااا صعبة بقـد.. لمـا رجعت البيت كنت متحمسة عشان ادخل النت ولا يأتي الخبر الصاعـقـهـ<متعوب عليها يأتي خخخ ليــزااا ولدت!.. اللااااااااااااي طرت اخيرااااااااا مااا بغت يااا قلبي عليهاااااااا جابت 3 أحياء و واحد ميت كلهم متعلقين في ذيلها وهي تدور تدور تبغاهمـ يفكوهـا بس هـمـ ما يشووفوون لانهم توهم مولودين فـعيونهم لسى ما تشوف عميا ويا قلبي عليهم لاصقين في ذيلها.. يااا قلبي عليكـ يا ليزااا والله وصرت جد يااا اخوي!.. كلللوووويش الف صلي وسلمـ عليكـ يا حبيب الله محمد كللللوووويش.. يالله نستقـبـل التهاني والتباريكـ ولا تنسون الهدية يا جماعهـ ما نستقـبـل احد من دون هدية هع هع..
|
||||
|
10-30-2007, 04:45 PM
|
#33 | ||||
|
ذكـــااء حـــــــاد
كح كح كوووح!..
يا لـذكائي الحاد اللي فـقـع البلونة من حدودته!<يا زينكـ ساكتهـ وانا اللي اقول لاستاذة الجغرافيا ببدا صفحة جديدة واوعدكـ ولا يهمكـ اليومـ منشان احسن درجاتي في الجغرافيا كان لابد ان تكون اليد مرفوعه ومجزومة ومنصوبة طوال الحصة هع هع لما سألت الاووستاااذهـ سووعال..اممم وش كان ايهـ وش كان اسم البرتغال لما افتتحهـا المسلمين؟! رفــعــت يدي بكل حماااااااس اسسسسسسسسسسسسسس<اختصار استاذة هع هع.. قالت يلا يااا ربــاااب أنــا::القسطنطينية!!.. عيون الااستاااذة طااارت شبريييينـ  لملمت خشمي وفمي وعيني اللي كانوا طايحين عالارض بعدين قلت الأندلس!.. قايلتلكمـ هالاسبوع الدلااااخة في القـــــــمـــــــــة خخخخ
|
||||
|
10-30-2007, 05:59 PM
|
#34 | ||||
|
وآآآآهـ انهــد حيلي..
قــعــدت يمكن ساعة الا ربعـ اتزلج في الحوش وتوني راجعهـ من شوي.. ولا الاستاذهـ دقت قالتلي انتي عندكـ امتحان فيزيا بكرهـ صح؟ قلت لها صووح.. قالت خلاص انا دي الوأت بكون عندكـ وهـ حشى ما تنسى وانا عاطيتهـ طاااااااااااف اهيييييييء
|
||||
|
10-31-2007, 10:49 PM
|
#35 | |||||
|
PaPeR fRoM mY DaY
ســـلآآآمـ
كح كح كح!.. تدرووون هالايامـ الجوو بدا يبرد والعالم انفلونزا والاصوات رايحة فيهـا الله يخلف علينا بس.. المووهيمـ... اليوم اختبرت فيزيا  الحمدلله حليت تمامـ<لا تعطوني عين مو ناقصهـ اللي يسمع يقول دافورهـ  بس خبصت في سوعااال بتاااع الــ...نسيت كان السوعال جزرات اقصـد خيارات  اعتقد الخيارات كانت ثلاثة <كم بتكون يعني..  اللي هــــي مـبدأ ولا حقيقة ولا.... نسيت الثالث اصلا كنت مستبعدتهـ.. انا كنت حافظة تعريف هالشي بس ما ركزت على انهـ مبدأ ولا حقيقة ولا وش محلهـ من الاعراب  وقعدت محتارة الين في النهاية حطيت مبدأ بعدين لما الاستاذة سحبت الاوراق وحلت معانا الأسئلة طلع غلط علي الاجابة الصح حقيقة  حرااامـ مررررررررررهـ انقهرت عليها اتعب واكد واشقى واحفظ القوانين في النهاية يجيني سؤال قليل اصل مثل هذا اهيييييييييييييييء والله حراااامـ الحين بس عرفت ليش الدافورات يبكون لما تطلع نسبتهمـ 98 مع انها نعمة من ربنا ولو اخذتها انا ابوس يديني وجه وقفا هع هع  وقعدت اتساءل..هل هذا الاحساس يعني اني صرت دافورهـ نووو وااااااااااااااي  آآآح يااا البي... .. خلينا نخلص من هالعلة المسمى فيزيا.. المهمـ لما رجعت البيت قالت لي ماما تراني رحت المدرسة وسألت الاستاذات عنكـ وااااااااااااااكـ عيني طاااارت تووو كيلووو متر!! أكيــد تعرفون ليــش وقتهـا كنت خااايفهـ... مع اني ترا شاطرهـ في كل المواد وكلووو تمامـ بس تدرون اني خايفهـ من الزفت الجغرافيا واستاذتهـ الحرامية اللي تسرق درجاتنا وهـ بس لا تسمعني لا تكون تدخل هالمنتدى وتشوف الكلام اللي اكتبهـ عنها لانهـا سبق وان هزأتنا على دخولنا المنتديات وقالت كلنا ندخل منتديات<ركزوا على كلنا> بس لازمـ ندخل عشان شي هادف مو ردت فلانه وما ردت علانه<يا شيخة احتفظي برأيكـ لنفسكـ ايتز نوت يووور بزنس يا حووورمة نرد على اللي نبي مو كيفكـ  .. المهم اني قعدت على راس امي عشان تقولي وش قالت لها استاذة الجغرافيا..وقعدت اقولهـا تراها نصابة ودايما تتبلى علينا ومدري وشووو وكيت وكيت وتيت وتيت قالت لي ايوااا قووولي قوولي الفضااايح اش سويتي انتي؟؟  اناااا؟؟  افااا عليكـي يا مااامااا انااا بنتكـ ربــاب انا ربــاب وش سووويت  ابد انا شاطرهـ وماخذهـ في الجغرافيا full mark بعد في النهايهـ قالت لي بـعـد هذا الضغط النفسي وانا خايفهـ انها قالت لها شي منا ولا مناااكـ قالت لي انا ما قابلت استاذهـلجغرافيهـ الظاهر كان عندهـا حصهـ آخ يا قلبي دووومـ الحصص يا استاذهـ الجغرافيهـ موو يووومـ!! المشكلـهـ انهـ فيهـ اجتماع امهـات قريب وامي قالت بروح مرهـ ثانيهـ لاااهـ لااااهـ يا ربي متى يحن المرض على استاذهـ الجغرافيـهـ بس استغـفـر الله العظيمـ مووو لهالدرجهـ مرض ولكن وبس ولكن يا رب تجيها انفلونزا عالاقل وما تجي يومـ اجتماع الامهات عشان ما يطلع الخافي والمكنون وهـ وهـ وهـ آهـ آهـ آآآآآآآآآآآآهـــ يااااااااااا ليــــــــــــــــل ليلي ليلي ليلي و آآآآآآآآآآهــ يااا ليــــــــــل..وايهـ يعني غرامكـ ودعني؟!..ايهـ يعني..... يا زيني ساكتهـ لازم استعرض المواهب ستووووب.. جاني بريسز اقـصد تقويم طؤ اقصد تقييم من جهة مجهولة المصدر.. اقتباس:
حوووطي عينكـ في عيني يا بنت اشووووف ما عليهـ تشنـكرات للي قيمني سوااااء عاليوميات او المواضيـــع الثانيهــ  واااالله ما قـصـرتوا يااا شبااااااااااااااااااااااب  يلا يلا شبكـ الوايرلس اخيرا بضغط اعتمد الرد .. لا قبل بغير الالوان الكئيبة بعدين اضغط اعتمد الرد قبل ما ينفصل الوايرلس التعبااان ذاااااا تهؤ تهؤ انـفـصل الوايرلس مدري ليش هووو في جناح اخوي وانا في غرفتي اللي يسمع يقول ان جناح اخوي في الخرخير!!  يعني مااا معقووول واللهي يا زووول اني كل ما قـفـلت الباب ينفصـل الوايرليس! لا صراحهـ شي يرفعـ الضغط شكلهـ جاتني عين<شقصتكـ انتي والعين خخخ شبكـ اخيرااا.. بس قبل ما اضغط اعتمد الرد بقولكمـ توني كنت مارهـ عالصالهـ والتلفيزون مفتوح عالجزيرهـ فواحد الظاهر انهـ اسرائيلي مدري وش قصتهـ قاعد يتكلم عربي فصحى!.. لا ويقول بعد :ليس لنا فيها جملٌ ولا ناكهـ!! توووحفهـ وربي خخخخخ
|
|||||
|
10-31-2007, 11:34 PM
|
#36 | ||||
|
بآآآكــ أقـــيـــن ..
توووني سـيــرت على يـوميــات قــمــورهـ يا بعـد آلبي لمستي الوتر الحساس اهيء اهيء.. حتى احنا اختبارات علىىى طووول الاسبوع اللي راح كان كله اختبارات والاسبوع الجاي من السبت للأربعـاء كـلـهـ اختبارات.. هـذا غــيــر عــن استاذهـ الجـغـرافـيـهـ واختـبـاراتهـا المفاجئهـ الله يسامحهـا بس... وأنــا مدري شـفـيني ما صرت اذاكر اهيء والله ان يبيلي تـكـفيخ لا وصايرهـ باردهـ بقـوووهـ حتى ان اختي الكبيـرهـ تناديني تقولي رباب جيبيلي موية وانا سرحااااااااااانهـ فتـضـطر انهـا تصرخ وهي شوي وتكفخني على برودي.. كح كح!.. والله اني ما ادري يمكن عشان طاولتي تحت المكيف وانا دايما اقعد عالكرسي اللي تحت المكيف دايما فصرت باردهـ بـقـوهـ وخلاص تبلدت الاحاسيس؟! يآآآي احس اني مـخـلـوق ثـلـجي أطلع للصالهـ وكل العالمـ اجسامهمـ حارهـ وبس من المـس أحد يفـززز وينفجع ويقول رباااب يالمجنووونهـ يدكـ مثلجهـ!! واااالله!! مــشــكلــتكمـ انتوو اللي أجسامكمـ نار !!
|
||||
|
11-07-2007, 01:28 PM
|
#37 | ||||
|
ولكمـ بآكـ لي
ولـكمـوووو..
شخــبااااركمــ يااا جووومااااعهـ؟.. من زماااانـ عنكمـ يااا حبنيلكمـ وااالله  وااااي يا اني اشتقت لكمـ<<اصلا من انتوا خخخخخخ I mean اللي يمـرون على هونـا وبــعـد وحشوووني بنااات الطرائف والنوادر لاني دايما هونـاااكــ... كح كح!.. لحد يكلمني عن اللون عاد امس الهلاااال فاااز خلووووني افـلــهااااا ياهوووو.,. و النصراوييين يلبقووون على جنب لو سمحتوووااا . . تدرون طبعا ان اللابتوب كان مُصادر بس امس استاذة الجغرافيا العزيزة دخلت علينا وقالت يا بنات بكـرهـ ((يعني اليوم))تجيبولي اوراق عمل عن الجغرافيا اي درس و تصفحوا الكتاب كذا وجيبولي اسئلة اختبار ونموذج للاجوبة.. انا عيني طارت لا حوووول ما تخلينا نتهنى من جد تحسب اننا ما ندرس الا جغرافيا!! المهم رجعت البيت وقلت لامي عندنا كتب عن اليونانيين. طالعتني امي بنص عين عارفهـ اني الف وادور ابي شي  قالت تبغي اللابتوب يعني؟ انا ببراءة:ما قلت اللابتوب انا سألت اذا عندنا كتب عن اليوناانيين!!.. ((طبعا انا عارفهـ ان ما عندنا كتب عن اليونانيين ولا الاستاذة قالت لنا جيبوا عن اي درس اخذناهـ كنا ماخذين ماجلان وانا عندي كتيب عنهـ بس انا مابي خليت موضوعي اليونانيين عشانــ تدروون ما عندنا كتب عنهـ فبالتااالي.. هع هع ))المهـمـ قعدت الف وادور واحوس في المجلات قدام امي كل هذا تمثيليهـ وقعدت اتنهد قلت يا ويلي يا ماما هاذي الاستاذهـ مفتريهـ وتاااكل درجاااتنا اكلـ وقعدت اتمسكن وســالفتــي ســـالفهـ الين مافي النهايهـ قالت شووفي لكـ ربع ساعهـ تطلعي المواضيع وتطلعي.. قلت لها اوكي بس ربع ساعهـ بعدين افصل النت وانقل اختي المعلومات اللي لقيتها لان الطابعه مافيهـا حبر قالت اوكيـ وكانت امي نعسااااااااانهـ مع ان الوقت كان بدري يمكن كانت الساعة 8 ولا 9 بس هي صاحية من بدري.. فراحت تنام ونسيت اللابتوب عندي واليومـ مامتي سافرتــ الصباح فأول ما رجعت المدرسهـ اول شي سويتهـ هو اني رحت غرفتها وفتحت الباب عشان اتأكد سافرت ولا لأ طلع الباب مقـفول وقعدت ارقص من الفرحهـ ورحت جبت اللابتوب وجري شبكت النت خخخخخخخخ حالتي صعبهـ المهمــ لي عووودهـ مع ((مـقـتطـفـات من اسبـوعــي)) انتظرونا نيااهههاااي 
|
||||
|
11-07-2007, 04:56 PM
|
#38 | ||||
|
مـقـتطـفات من أسبوعــ 1 ــي--رقتي الزايدهـ...
ســلآآآمـ...
وين كنـا؟!.. أي.. مـقـتطـفات من أسبوعي.. وهـذا يعني اني بكتب لكمـ المواقـف اللي أذكـرها في هالاسبوع<والباقي الله يخلف علي ما عندي ذاكرهـ حديديهـ والله!.. اممم.. ما اعرف من وين ابدأ افكاري محتاسهـ<ايوا يا افـكـار انتي.. بـقـول مواقـف عشوائيهـ صارت لي في هالاسبوعـ بس خلوووني اعصر مووخي العظيمـ هـذا لعل وعسى يطلع معي شي.. ايوا طلع شي بكتبهـ قبل لا ينمحي من مخي ! ما ادري في أي يوم المهمـ دخلت علينا استاذهـ الحاسب وهي قبلهـ بكمـ يومـ قالت لنا جيبوا الحاسب معكمـ كل يومـ الين اجازهـ الحج وانا مفهيـهـ ونسيت اجيبهـ وعاد هي عصبيهـ فـوقـف نص الفصل ما جابوا وقـعدت تهزأ وانتوا اصلا المفروض ما تكونوا اولى ما عندكم مسؤولية وتستهينون في المادة ولا تقولون انكمـ نسيتوا شلون وانا قلتلكم امس ووو انتوا و فيكم وفيكم الخ الخ.... <مابي اسم اذااانكم من الكلام الحلو كح كح.. حشى والله لو اننا ملاك ما ننسى ولا نخطي! ابد ما عندها تفاهم دخلت فينا علىىى طووول! WaIt!! اخاف تكون استاذة الحاسب مسجلة في المنتدى لانها استاذة حاسب ومستحيل استاذة حاسب ما تدخل نت وتسجل في منتديات!. شوفوا لو كانت مسجلهـ هنا ياا ويلكم<محششهـ ما عليكمـ منها خخخ المهـمـ.. وأنــا يــا زمــن غــدار انا ربـاب انا انا وقـفـت مع الكسلانات واتهزأت ليما قلت بس!.. قالت ورا عشان زميلاتكمـ يشوفون... كح كح!!.. والله دنيــا!!.. عاد تعرفون هالاستاذهـ شديدهـ وتوقـف طوال الحصة ما عليها انا قلت ما عليهـ اهم شي اني فطـرت الصباح ان شاء الله مارح اتعب.. مو فطـور فطـور اكلت لي كم لقمة تميس بالفول<انـقـلبنا مصاريهـ خخخخ المهم انها تتسمى فطور.. وقـعـدت تسأل وانا رفعت يدي علبالي اني اذا جاوبت بتقعدني بس طلعت لا الحمارهـ تخلينا واقـفـين طووااال الحصة حتى لو شاركنـا معهـا!.. حشى مو بشـر! المهمـ.. وتمر الدقايق.. حسيت اني بدوخ.. وربي خلآآآص مرهـ حسيت بجـفـني ثـقـيل مو نـعـسانهـ لآآ.. تعبت الله لا يوريكمـ حسيت بـغثـيـان وحـرارهـ مدري وش فـيـني مع أني فـطـرت بس ما اعرف واتز هابند توو ميي المـهـم.. وكل ما تدير الاستاذهـ وجههـا عشان تكتب تجلس البنت اللي جنبي عالكرسي والله تمنيت اني اجلس ولو ثانيه من التعب.. في النهاية خلاااص حسيت اني بستفرغ وأدوخ عليهـم قلت يا ربي متى تخلص الحصة يا ربي عديها على خير الا الاستاذهـ قالت يلا باقي عشر دقايق بعطيكم فيها مثال عشان تحلوا لي اياهـ قاااق وشي يصبرني عشر دقااايق!! قالت بنت من الواقـفـات استاذهـ ممكن نرجع اماكنا عشان نكتب؟ قالت ارجعوا فأنا رحت جري مكاني ومسكت راسي خلاص والرؤية انعدمت قدامي مــا أبــالغ بس الرؤية صارت ضبابيهـ والحرارهـ والغثيان كل مالهمـ يزيدون, وقـفـت في مكاني وصدف ان الاستاذهـ مرت من قدامي فأنـا خلاص ما قدرت اتحمل قلت بصوت مبحوح:استاذهـ قالت نعم.. مسكت راسي وانا خلآآآآآآآآص رحت فيهـا قلت لها:استاذهـ احس اني بدوخ ممكن اجلس؟! شافتني تعبانهـ فأنفجعت وقالت اجلسي اجلسي!.. جلست وما صدقت على الله جلست يااا اااااالله حسيت اني في الجنهـ من زود التعب!.. يمكن لو وقـفـت دقيقة زيادهـ كان دخت عليهمـ بس ربكمـ ستر!!.. بعدين هالاستاذهـ تابت وصار اذا بنت ما حلت الواجب او نست الكتاب و وقـفـت تجلسـهـا اذا شاركت.. الدرس المستفاد:لازم نشرب الحليب عشان نكون اقوياء لوووول ولازم بعد يا ايها الاساتذهـ ترحمون الطلاب حراااااااااااامـ عليكمـ تـفـترون فينا زي موقـفـي هـذا والله اني قعدت ادعي عالاستاذهـ في سري..!
|
||||
|
11-07-2007, 05:14 PM
|
#39 | |||||||
|
فـــاصــل’’,,
فــاصــل ,,
تـقـيمات وصـلتني اقتباس:
و وصـلني تقييم من ضوووي اقتباس:
اقتباس:
بس ولا يهمكـ عن البنت أنــا لسى ما كمـلت سالفتي عنـهـا خلينا مبسوطين كذا احسن وبكمل سالفتها بعدين ولا يهمكـ كح كح.. الله ..تدرون مامتي دقت على اختي حتى وهي مسافرهـ ما تنسى! قالت لها اسحبي اللابتوب من رباب.. تو ما تهنيت اهيييييييء
|
|||||||
|
11-07-2007, 08:35 PM
|
#40 | ||||
|
مـقـتطـفات من أسبوعــ 2 ــي--OMG!..tattoo Girl!!
><><><><><><><><> خل أقـولكمـ اولا انا قـاعدهـ في أول صف عاليمين<يعني عند الباب.. وقـاعدين وراي اثنين كسالى الله لا يوريكمـ انا رحت وطي!.. تخيلوا في الاختبار يقعدون يهمسون رباب رباب غششيني اقومـ اقولهمـ ما اعرف اجابة السؤال فـتـقولي نصابهـ وما ارد عليها اعطيها ظهري هذا الناقص ما بقى الا هي!.. أغشش!..أغشش!.. ليه هيا الدنيا سايبة؟! ولا هيا وكالة من دون بواب ولا بواب من دون وكالة؟!.. المـهـمـ.... مرهـ كانت علينا حـصـة فـراغ أنا كنت احل واجباتي و زميلتي اللي جنبي التفتت عليهم تتكلم معاهـمـ خـلـصت الواجب والتفت وقعدت اطالع وانا ساكته.. ما اعرف وش كان محور الموضوع بس زميلتي قـعدت تقولهم شفايف بنت خالي عنابيهـ وتجنن ومدري ايش ابتسمت انا باستهزاء ولا تكلمت.. ابلشتنا بشفايف بنت خالتها الطبيعيه اللي تجنن!!.. المهم مدري وش وصـلـهم الين قالت وحده من اللي وراي أنا مو حاطهـ روج انا محدده شفايفي بالتاتو! عيني طارت شبرين.. أصـلا هالبنت أنا غاسـله يدي منهـا ماا اقـووول الا الحمدلله الذي عافانا.. مرررهـ ما ارتاح لهـا ماا اقوول الا الله يستر عليها.. وزميلتي باين انهـا ما فهمت وش يعني تاتوو فـقـلت لها يعني وشمـ.. سكتت زميلتي وقعدت تطالع فيهـا وهي متحنه.. شـافـتنا ساكتين فـتكلمت صاحبتها اللي الظاهر انها فرحانهـ بهالشي قالت وبعد مسويهـ وشم في ظهرهـا و وشمـ تحت انا شفت الوشمـ اللي في ظهرهـا بس ما ورتني الوشمـ اللي تحت ضحكت انا قلت احلفي يا شيخة<والله شر البلية ما يضحك.. قلت يعني كنتي ناوية تشوفين الوشمـ اللي مسويتهـ تحت؟!  قعدت تضحكـ بهبالهـ.. قالت انا ان شاء الله بسوي وشمـ في شفايفي أحددهـا <صحيت زميلتي من التناحهـ قالت للبنت اللي مسوية وشمـ::بس اللي يسوي وشمـ ملعون!!. طالعوا البنتين في بعض بعدين ضحكت اللي مسويهـ الوشمـ باحراج قالت اصلا انا ملعونهـ!.. خلتها نكتهـ!!.. الحمدلله الذي عـافـنا من جد لما عرفت ان البنت حاطهـ وشمـ طاحت من عيني بقوووهـ يعني هي اول كانت طايحهـ طايحهـ بس الحين طاااحت بقوووهـ<خلاص فـهمـنا.. اللي قاهرني انهـا ماخذهـ الموضوع ببساطهـ وتفتخر بهالشي لا وبكل بساطهـ قالت اصلا انا ملعونـهـ!!.. الله لا يبلانا بس..
|
||||
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
العرض العادي
