لمحات من الماضي و الحاضر

مرحبا الساع جمعيا شحالكم ربك الا بخير؟؟

هاي هي اول مشاركة لي في القسم اللي احبه كثير وانشالله تتقبلوني من بينكم وتتقبلوا يومياتي بسرور ....
تمنيت اكتب في هالقسم بس الظروف هي اللي ماساعدتني كثير يوم قررت اكتب وزهبت عمري << وين سايره خخخخخ وخلاص يعني فتحت المنتدى الا يوميات الاعضاء ماكان موجود ذهلت الصراحة قلت اكيد شي غلط بحثت في اركان المنتدى كم مرة بس لللاسف ماشي قسم اليوميات تضايق وايد يعني شو هالحظ يوم قررت اكتب مالاقيه يوم ماريد اكتب اشوفه كل يوم قدامي هذا الكلام كان في شهر ابريل (4) عاد انا عن الحظ لاتسالوني لانه حظي مشالله عليه وفي مره كنت داخله بالغلط الا اشوف يوميات الاعضاء في مكانه رجعوه فرحت وايد بس الاسف ماكان عندي وقت , خذيت فتره طويله ابتدت فتره الامتحانات وانشغلت كنت ادخل بس فترات محدوده الوالده الله يحفظها لنا ماتطيع >> ما نروم انقولها لا
افتكينا من شي اسمه الامتحانات ودخلنا على العطله الصيفية قلت خلاص الوقت وفضى لي بس اكتشفت ان ايام المدراس ارحم من ايام العطله لانه ولادقيقة يلست فيها في البيت شو اسوي يمكن شهر ماظهرت من البيت بعد كم اسبوع الوالد الله يطول فيه عمره كان مزهب لنا مفاجىء وهي سفره تفاجئنا فيها وتم كل شي بسرعة وسافرنا <مافيه حيله الوالد في ليليه السفر ونحن نزهب باقي الاغراض كنت اتابع قناة نجوم وكانوا ياييبن اغنية حمد العامري لاتصيف روعة هالاغنية عيبتني, هجرت هليه وناسيه وقصتيه اللي ما كملتها وصيت ربيعت عمري فرووشه تكملها عني وهي ماقصرت وتفاعلت مع الاعضاء وانهتها قبل مارجع من السفر زعلت يوم انتهت قصتنا في دقيقة وحده يعني شو اقول هالقصة تعبنا فيها حتى ريبعاتني كل يوم يرمسوني عنها شو صار فيها شو اليديد وجذه هن اصلن عارفين القصة من قبل ما نشارك فيها في المنتدى يمكن يوم من الايام مر عليكم اسمها (ياويل حالي).....المهم رجعنا ديرتنا الحبيبة قبل المدراس بكم يوم اول مرة نسويها حسيتها مغامرة لانه فرق الوقت بينا وبينهم كثير يعني نحنا عدنا ليل هم عدهم نهار جي وماتاقلمنا على الجو بسرعة خصوصا الديره وايد حر اكيد تتسألون وين سافرت؟؟؟ سافرت استراليا بحكي لكم عن السفره في المرة اليايه انشالله ,اول يوم دراسي كنت متشوقة لشوفت ربيعاتي يوم شفتهن طرت من الوناسة ايام المدرسة حلوة خخخ هاي اخر سنة لي الله يوفقنا انشالله مابطول عليكم وايد وايد هذربت نشوفك قريب يلا في امان الله

مرحبا ملايين ولايسدن عساكو بخير ؟؟
انا عني نفسي حالي يسركو اليوم في المدرسة حصلت لي هزاب من عند المس هب هزاب هزاب يعني شويه عن خاطرها شكلها تريد تهزب حد اليوم مالقت غيري خخخخخ الله يسلمكو اليوم كنت يالسه في الصف مع ربيعتي والمس يالسه تشرح الدرس انا ولا عبالي هب منتبه للدرس واسولف مع ربيعتي سبحان الله ماتطري عليه السالفة الا والمس تشرح الدرس لاتسالونيه ليش المهم انا نسيت نفسي لغيت وجودها خخخخ جان تصد صوبي وتقولي منصورية بسج من السوالف قلت لها مس ماسولفت انا , يمكن حد غيري بس انا مارمست اليوم, المهم طوفتها لي وعادت حلمية لعاداتها القديمة قالت لي منصورية اذا تريدين ترمسين ظهري مع ربيعتج بره عاده هالمره مسكيتني مااروم انكر هالشي بعد ماخلصت الشرح يات المس لعدي ورمستني قالت منصورية انتي شاطرة لاتخربين على عمرج على اخر سنه احم احم خخخ الا اتقول ربيعتي لا مس منصورية بس جي ترى لا شاطرة ولا شي جان تقفطها المس خخخخ تستاهل قالت لها لا انا اعرف منصورية مشالله عليها شاطرة بس انتبهي لروحج قلت لها انشالله مس مالج الا طيبة الخاطر انا والله السنة شكلي جي متهاونه وايد مع الدراسة لازم اشد حيلي شويه الوالده تريديني اييب نسبة انشالله اقدر اسعدها وهي من دخلت اول ثانوي تقول لي منصورية خاطريه جي تييبين نسبة عالية ونفرح فيج الله يقدرنيه وانا اقول لها امايه موضوع النسبة هذا شلي من بالج على ضحك يعني مو صدق
شهر رمضان قرب يمكن يكون باجر او ورا باجر انشالله يكون يوم الخميس قولو امين كيف استعدادكو لشهر
الغفران سمعت ان في ناس يرسمو جدول للمسلسلات وانا وحليلي لا جدول ولاشي اي مسلسل يعيبني بشوفة بس في هالشهر الواحد يتوجه لعباده ربه لا مسلسلات و لاشي ماكذب عليكو ان من الناس اللي يقسمواليوم نصفين قبل الفطور اقوم بامور دينيه وبعد الفطور اتابع المسلسلات بس اكثر مسلسل انتظره هو (فريج) عيايزنا وافديتن وحشوني من رمضان اللي فات ماشفتهن خخ عندي ربيعه الله يذكرها بالخير تموت عليهن واختيه الصغيره بعد تحبهن صدق هالعيايز كشخة عدهن معجبين من كل مكان وحليلهن خخخخ ايام رمضان روعة الصراحة ايام ماتنسي خالده في الذاكره تعرفو شو نفسي فيه السنه اسير اصلي صلاة التراويح في المسيد بس المشكله ماحد يطيع يسير رمضان اللي فات كنت متواعده مع بنات عمي ان اسير وياهن نصلي التراويح عدت الايام ولا سرنا خسارة الصراحة ايام رمضان ماتتفوت ..... بتحرى لكو الموضوع بشوف باجر رمضان ولا لا اذا هيه لي عودة لكو مع مسج شهر رمضان ........

سلام عليكوو

وصلني خبر بأن يوم الخميس هو اول يوم رمضان شهر الخير والغفران الحمد لك يارب شرا

ماتمنيته يكون اول ما اعلنو عن الخبر فرحت وبدوري اهنئ ادارة المنتدى بحلول هذا الشهر الكريم جمعنا الله اياكم على الطاعه يالله اغفر لنا خطايانا في هذا الشهر الفضيل

وعندي لكو كم مسج انشالله يعيبكو



1-§¤~¤§------------------§¤~¤§

اهديك عطر الورد والوانه

وارسل جواب انت عنوانه

واهنيك بقدوم رمضان وايامه

§¤~¤§------------------§¤~¤§




2-§¤~¤§------------------§¤~¤§

ابعث سلامي مع الطير..

واسبق الكل والغير ..

وأقول لك :

((كل رمضان وانت بخير))

§¤~¤§------------------§¤~¤§




§¤~¤§------------------§¤~¤§

باقة ازهار وورود ..

وسلة بخور ووعود ..

وكل عام وانت بخير ..

ورمضان عليك يعود ..

§¤~¤§------------------§¤~¤§



4- §¤~¤§------------------§¤~¤§

اللهم بلغنا رمضان

واعنا على الصيام

والقيام وقراءة القرآن



§¤~¤§------------------§¤~¤§

:S_مساء الخير والاحساس مساء النور والسرور


تحيدو المس اللي رمست عنها امس هيه ذكرتوها الله يسلمكو اليوم نشيت من الرقاد متاخرة

وسرت المدرسة على الحصة الاولى قبل ما تدخل المس المهم سرت والتعب غالب علي

ويلست على الكرسي يت المس اللي خبرتكو عنها راجعت الدرس بينها وبين نفسها وبعدين

صدت صوبي وقالت لي منصورية حضرتي الدرس اليوم قلت لها هيه واسالتني كم سوال عن

الدرس اللي مضى وجاوبت اسالتها وسالتني اساله عن درس اليوم وبعد جاوبت اسالتها الا

تظهر الزله فيني المهم قالت لي يلسي وهي متنرفزة مادري على شو بعدين شدني سؤال

وسالت المس مااريد اخبركو ,ليش؟؟ جي خخخخخخخخخخخ جاوبت عسؤالي بطريقة كأنه

السؤال مب عايبنها والبنات نقعن من سؤالي اللي سمته ربيعتي (بالسؤال السخيف) الله

واعلم عيل نحن ليش نسير المدرسة هب عشان نتعلم وكيف بنتعلم مو لازم نسال بعد مانتهت

المس من الشرح قالت لي منصورية اليوم وايد دمج خفيف مادي قلت لها مشكورة مس فورت

لها دمها خخخخخ خلاف اختبرتنا في الدرس ووحده ربيعتي وحليلها ناسية كتابها في البيت

قالت لها ربيعتي مس كيف بقدم الاختبار وهزبتها هزاب وحليلها ربيعتي تعيش وتاكل غيرها خخخخخخخخخ

الحصة اللي بعدها ماكان عدنا درس وكل وحده مجهزه لي سؤال وتسألني اقصد ربيعاتي
ربيعتي الاولى كاانت كاتبه لي عده اسئله كأني في جو امتحان ومن هالاسئلة :- 1-
شو هدفج في الحياة؟؟
كتبت لها بفلسفه زايد هدفي في الحياة هو النجاح في كل ميادينه اجابة حلو صح 0_=
2- هل تعرضتي في حياتج لخطر قوي هدد حياتج بالموت؟
كتبت هيه فجت عيونها ربيعتي صدق متى وليش ماخبرتينه قلت لها تريي الاجابه كتبت هيه تعرض لهذا الخطر فقد في الاحلام اما فالواقع لا الحمدالله

السؤال الثالث والاخير3- شو هو اكثر موقف ظريف حصلج؟؟
اقول ولا لا خخخخخ في مره من المرات اريد اتصل لكنتاكي اطلب لي وجبه شليت التلفون واتصلت استغربت لانه اللي شل التلفون مواطن هنا استغربت لكني ماسويت سالفه وطلبت الوجبه اللي ابغيها رد الريال علي قالي عفوا انا تحريته ما سمع كلاميه عدت عليه الرمسة مرة ثانية قالي لحظة اختيه وين تبين قلت له كنتاكي ضحك الريال قالي الرقم غلط وقالي ان هنا وزراة من وزرات الدوله تخيلو القفطة اللي انا فيها ياربي ويهي استوى حمر واشارات مرور وكل شي يخطر عبالكو سكرت التلفون دون ماقول مع السلامة وربعت عندي اختيه وخبرتها عن السالفة ونقعت من الضحك عليه وترجيتها تتصل هي لكنناكي وتطلب لي لكنها ماطاعت وكلت امر لله وهالمره سلمت الجره ماروم انسى هاليوم اكيد ها الريال خبر معارفه وربعه اللي في الشغل معاه لانه كان من صوته يضحك اكيد يوم سكرته نقع ضحك يالله شرا مايقول المثل نعيش وناكل غيرها

المهم نرجع لمحور حديثنا انا وايد اضيع السالفة ربيعتي الثانية قالت لا كيف هي تسألج وانا لا هي أسالتني اسئله ايده لكن انا مابذكر الا سؤالين السموحة منج نبدا:-
1- اغنية تحبينها؟؟
وايد اغاني احب منها اغنية ميحد حمد الجديده(ياطير) و اغنية حربي العامري( اه من قلبن) صدق هي قديمة شوي لكن لحد الحينه احب اسمعها لا واغنيها بعد ،امممم اغنية راشد الماجد(الا اي وقت) بعد قديمة لكني احبها واغنية(لمني في محجر عيونك) باختصار انا اميل للاغاني الهادئة جي ارتاح لها بس مب كل وقت حسب المزاج

2- ماذا يعني لك المنتدى؟؟
الصراحة في هذا السؤال احترت مارعرفت كيف اعبر المنتدى يعني لي دوا الجروح يعني لو احدر النت ومالاقي المنتدى مفتوح شو يستوى فيني يعني باختصار مالي غناة عنه
هذا كانت اسالتهن لليوم نترياهن باجر نشوف شو عدهن يمكن وحده نست تسألني ولا شياته خخخخ والله حلوة ايام المدرسة منو يقول هب حلوة كل يوم مغامرة يديده

بايوووووووووو

شكر خاص لكل اللي قيموني
/
/
/
/
اختي غلا الماضي مبارك الشهر علينا وعليج
/
/
/
/

للاسف في حد قيمني بس ماذكر اسمه ياليت تذكرو اساميكو
ومبارك الشهر علينا وعليكو

اهلا ومراحب اليوم تعب x تعب اول يوم رمضان هلكانه دراسة لا واللي اكثر مني جي اخر حصة كانت عندنا مدرسة مصريه يا لهوي طول الدرس وهي تلغي نقولها مس تعبنا رحمينا تقول لو مش رمضان كان اديتكو فرصة لكن في رمضان لا عشان الله يزيد حسناتنا لا تعليق اليوم انا وحدة صايمة.


اليوم اخبر ربيعتي اقولها اليوم ماشي سهره رمضانية تقول لي هيه وانتي؟؟ قلت لها هيه في
بيتنا وحليلي وين بسير بعد ....

/
/
/
/
شكر خاص لاختي غرشوبة بحرينيه
ولايهمج غرشوبة المس وراها وراها بس اخاف في الاخير يوقعوني عالتعهد خخخخخ/
/
/
ايضا شكر لاخوي زايد على تقيمه لي

مرحبا تراحيب كبار شحالكم مع اول يوم رمضان ؟؟

انا عن نفسي فتره المدرسة كانت مش ولابد استانسنا وضحكنا وسالفنا والمسات جمع مس

يعني يتحرطمن علينا كله معلمة تسكتنا من صوب لكن ماشي فايده اليوم خميس ومابنشوف

بعض الا يوم الاحد حرام عليهن يعني يوميين مااشوف ربيعاتي خخخخخ اونه بس في اخر

حصة خلاص تعبت مارمت ارمس الا كلمات متقطعة ....... الحمدالله على نعمة العقل بعد

مانتيهنا من الشرح والدروس يت اختيه الصغيرة وياحفظ عليها يلست ترمس وترمس وانا

خلاص يكفيني المس المصرية بعد تيي اختيه وتزيد عليه زاعجت عليها اسكتيه

وحيليها من قوه الصرخة سكتت ولا رمست ههههههه من قال لها ترمس ..............

اليوم من اوله كله مسلسلات الله يقدرنا على تأديه العبادات مب مسلسل ولااثنين مئات

المسلسلات في وقت واحد كل قناة تقول الزود عندي ياربي...... مع انه اول يوم حللته على

عمري بس بشد حيليه في الايام اليايه امس سرت السوق وفصلت ليه عباءة ماروم اظهر في

رمضان وسوق وزحمة عالم قلت اخلص شغلي من الحينه وارتاح يلا

see you later bye........

[/COLOR]

من صباح الله خير انا متفيرزة قبال الكمبيوتر اكمل اشغالي >> لا يروح فكركو بعيد الاعمال المدرسية......

شرا مايقول المثل (من طلب العلا سهر الليالي ) ادري انه ماله علاقة بس هالمثل طرى عبالي

انشالله لي عوده الليله يلا باي