|
|
|
|
|
|
||
| إعلانات منتديات ألم الإمارات |
|
|
|||||||
 |
|
|
LinkBack | أدوات الموضوع |
التقييم: 
|
طرق العرض |
10-03-2008, 10:08 PM
|
#171 | |||
  
|
للعيد،،
 احم احم،، ابـــــعترف،، ابعترف للدنيا و لكل العيون،، ابعترف اني قبل ما احبها ،، ما اعرف ولا ادرى من أنا،، ومن هو أكون،، أبعترف،، اني لقيت في حبها شئ مختلف،، ابعترف اني بديت أموت في حبها،، ،، مر عليه العيد وانا انتظر شئ،، وهالشئ اترييييته من كم شهر،، بس للاسف ما صار هالشئ،، وكدر لي الخاطر،، كان اللوك بتاعي>>>>>> عاشت  ،،تراثي 100%،، القطعه مقلّمه و خوارها طبعا تلي وكان الشغل ثجيل،، ولابسه المرتعشه والكواشي،، وظهرت البرقع بتاااعي  ،، بس استحيت ألبسه جدام قوم عمي،،فرديته محله،، اصبحت الصبح ،، وبسرعه بسرعه ازهب عمري،، وسرت اصلي صلاة العيد اللي من كم سنه ما سرت اصليها في المسيد،، بسب اموري في البيت والالتزامات وترتيب الفواله مع البشاكير،، هالسنه يلست اختيه وانا زريت بدالها،، وكل شئ اسويه ويمر عليه،، افكر اني لازم استانس،، لان هالشئ بتكون ذكرى في حياتي المستقبليه،، كان شعووور رائع وصدق استانست من الخاطر،، بس يلست حذالي عيووز،، ما شاء الله عليها،، ابغي اسمع للخطبه،، وهي كل ساعه تدعي،، أذن اسمعبها الخطبه،، وأذن اسمعبها العيوز،،  كنت يالسه في السيد الأولي وبينا وبين الرياييل حاجز اخضر نقدر انشوفهم منه،، لانهم جدامنا بس في مسااافه كبيره،، احلي شئ ان صلاة العيد كانت في مسيدنا،، يعني مب بعيد،، وهالشئ من كنت ياهل،، لو رمست ما بسكت عن الذكريات اللي مرتني يوم ريت البنات الصغار بفستانيهن في المصلي،، لنكمل،، واصبحنا الصبح بيت أمايه( يدتيه)،، واللوووووك كان خطير،، طبعا كله من ذوقي واختياري،، واختيه غارت مني وسوت شراتي بس اللون غير،، اشوفها السنه اليايه ان شاء الله اتسوي شراتي بزغدها  >>> صخي عن تسمعج ،،بخبركم عن عيوزي شو قالت،، اشوف يا بنت فلاان شو لابسه،،عاد انا راويتها كل شئ،، أونــي عاد،، يا حااااااااااااافظ عليج يا بنت فلان>> هالجملة اللي قالتها حقي  ،،يا بختهم..طوووووووووووووووووط>>>> منطقة محضور عليها  ،،وانا هالكشخه كلها بس عشان شئ في بالي،، للأسف ما صار اللي بغيته  ،،بس يمكن تحقق لو انطرح سؤال وعرفوا يجاوبون على هالسؤال،،>>> بدت ترمس في الألغاز>>هآآآع،، بغيت اشوف ناس كانوا غالين عندي،، كانت اختيه،، وكانت توأم روحي،، وكانت كل شئ بالنسبة لي،، للأسف الزمن تغير وغدر فينا،، والنفوووس اتغيرت،، يـــــــــا الله،، يا كيف ان الدنيا دنيّه،، سنـــــه يا عالم ،، مب هينه على هوادي،، بس اصبر واسكت عمري وأقول،، اللي ما يباك لا اتصيح تبغيه،، ترك هواه وعند العرب لا عاد تطريه،، صدمة عمري في هالزمن،، نفوس البشر اصبحت رديّه،، تعاملهم اصبح قوم بويهين،، ظهر المعدن الحقيقي وانزاحت عن حقيقتهم الستاره،، ناس همها تدمير العلاقات بين الناس وتزرع الشوك والحقد من بينهم،، كل واحد ينهش وياكل من لحم الثاني،، رغم ان هاللحم نفس الشئ،، لكن يستلذون في هالسبايب،، ويفرحون ان زادت وكثرت،، حسآآآآآآفه،، المهم،، كنت بكتب الكثير ولكن أبت اليد الكتابه،، استميحكم عذراً،، 
|
|||
|
|
10-11-2008, 02:20 AM
|
#172 | |||
|
وحشتووني
:......... وحشتووني.........: عسى ما يوحشك غالي تطمن يا هوى بالي أنا في غربتي صابر ومخلي بالي من حالي امس احتجت لك وربك احتجت لحضنك وقلبك شفت ألبوم رحلتنا وزادت حاجتي لقربك " أحبك " هي تكفي وزود قولها تطيح حدود أحبك كثر هالغربه كثر ما انا بك محسود ولهت على البيت ،، واااااااااااااااااا فديت البيت وهله وناسه وريحته ،،امس يتني حاله هستيريه،، حنيت للبيت اتعرفون الساعه كم،، 3 الفير،، اتعرفوون ليش،، يوم ييت بوطي راسي فوق المخده ،، اتذكرت شئ،، دووم الدرب والخطوط اتعبني تعب فضيع،، اتم احاوط من بيتنا لين بيت يدتيه،، وفليل على العشى اكوون خلااااص تعباانه،، وهم في الصاله والكل يسولف،، اانا منطويه على عمري ورااقده،، ويوم يزقرووني اقولهم لا واعيه،، ولااا أنا في خبر كآآآآآآآآن>> ،،ما اشوف عمري الا حد يقوودني وانا بلياا حاسيه،، يدخلني الحجره وانا مثل اليهال ،،يرتب سريري ويرفع لحاافي ويلسوووني فوق السرير،، ويقولولي يالله طيحي>>> >> فديتها والله،،اطيح ويردون يلحفووووني،، ويشغلون المكيف ويسكرون عليه الباب،، فديت هالايد وفديت راعيتهااااا،، ولهت عليج يا غلاة القلب،، ولهت على ايدها يوم حطيت راسي على المخده،، هيجتني الذكرى،، ولا حتى المعلمة اللي تشرف عليه سابقا عقب ما غيروني ودرست مرحلة ثانية،، مطرشتلي مسج مساعه،، (( سلامات يا بنت فلان اكيد تعباانه لانج ما نزلتي ولا شفتي اهلج ،، ان شاء الله الاسبوع الياي بتشوفينهم ))،، وااااايد فرحت فيها،، قلت الغريب يسأل ويتخبر عني مع اني اعرفها من شهر وشئ،، صدق كبرت بعيني،، وحسيت ان الدنيا بعدها بخير،، ورديت عليها وكتبتلها،، (( مرحبا الساع ،، لا تتخبرين يا ابله؟؟؟ ضايجة وحاشرتنهم من كثر ما اتصل والحمدلله على كل حال ^_^ لجل عين تكرم ألف عين استحمل عشان عيون اهليه وارفع راسهم))،، يالله بخبركم عن بعض المواقف اللي صارتلي من فتره،، الصف اللي كنت مسؤوله عنه صف رابع والبنات خاري والابله محد،، خليت بنت توقف عليهن وانا بسير اشوف المعلمة ليش متأخره يمكن ما اتعرف الجدول،، وانا امشي كان في عمااااال في صف من الصفوف وانا امشي في الممر،، واتغشيت قبل لا اوصل عند الصف اللي فيه عمال،، في حديده مثبته على الارض ما شفتها زين،، ونعالي كانت سطآآآآآآحية،، نشبت بين الارض والحديده،، ما حسيت الا وانا،، دبــــــــــــــــــــــــــــــــــــــــيّ على جدام،، والله اني ضحكت عشان استوعب شو صارلي ،، الا اشوف ربيعاتي جدامي وهن يضحكن،، اتعرفون ليش يضحكن عقب بخبركم،، وهن ين عندي وانا ميته ضحك ،، انزين يا الروح قومي اشعنه يالسه ،، بعدني استوعب شو صار واضحك،، ما اشوف سياره ماره حذالنا وعينها صوبي،، وانا وحليلي على نياااتي ما ريتها زين،، والبنات يضحكن لان اللي في سيارة فرااااااااااشه بيضا  ( ريال )،،اظني يايب وحده من المعلمات يمكن اخته وشافني يوم طحت،، اتحسب البنات يضحكن على طيحتيه ثرهن يضحكن يوم الريال شافني طحت،، اونه يا الفضيحه شاااافج،، وحليلي لا انتبهت ان في سياره ولا حسيت بأي حركه،، هذا اللي يمشى بسرعه ولا يصبر في اي شئ،، بس القهر هووه ليش ما ريوّس وظهر  ،، اشعنه لف صوبنا عسب يلف ويظهر،،وفوق هذا،، التعليقات اللي سمعتها،، اونه بيسير اليوم عند اهله بيقولهم وحده لابسه عباه فيها لون أخضر طاحت،، والثانيه اتعلق واتقول،، بيقولهم اخطبوووها حقي عيبتني يوم طاااحت،، وانا اضحك،، ولا وحده يوم خبرتها اتكمل وياهن،، واقول ما دروووبه أخوان شمه ولا بيرووووووووح فيها،، ومن عقب هايييييج الطيحه الحديده اللي في الممر ما اخطف صوبها لو ألف مليون لفه ما امشي عليها،، توووووووبه خلاص،، ولا تستويلي مواقف شرات ويوه العدو،، موقف ثاني الصراحه بعد عجيب ،،كنت يالسه اصلح اوراق العمل والكتب للبنات  ،،وماخذه راحتيه اصحح،، مره اكتب ممتازه  ،،ومره اكتب احسنت ِ،، ومره اكتب جيده،، جان تعطس ربيعتيه اللي ويايه،، بدال ما اقولها يرحمج الله،، اتوقعوا شو قلتلها،، ههههههههههههههههههههههههههههههه،، خلوني اضحك،، قلتلها احسنتِ ،، اسمينا ضحكنا ضحك اليهد،، وكل يوم اتذكرني بهالموقف،، يالله وايد رمست اليووم،، انشوفكم على خير ان شاء الله،،
التعديل الأخير كان بواسطة : al_rooo7 بتاريخ 10-11-2008 الساعة 02:32 AM. |
|||
|
|
|
10-11-2008, 09:22 PM
|
#173 | |||
|
حد يبغي كرون فليـــــــكس  ،،من زمان ما شربت حليب،، واحسن يوم حطيت الكورن فليكس برد احبه شرات لوّل،، بس نفسي تعافه ،،والحين بالغصب أشربه،، احس بألم في عظامي،، واسناني اتعورني،، اذا حد يعرف بديل عن الحليب،، غير البيض واليبن ( الجبن )،، بخبركم على خطة سويتها ثالث أيااام العيد،، كنت ارمس حرمة اخويه واشكيلها عن البشكاره الصغيره اللي عندنا،، وفجأة دخلت علينا بشكارتها ،، وعادي عندي انا برمس وهي دوم تنصح اللي عندنا،، لان ما شاء الله عليها فنانه بشكارة اخويه،، المهم وصلتني اخبار ان بشكارتنا عندها تلفووون،، قبل قالي ولد عمي انه شافها تلعب بالتلفوون،، زلزلت الدنيا عليهن ذاك اليوووم،، ولا ظهرته المهم،، قلنا بنطوف السالفه،، ولكن يوم دريت ان هالمره اكيد عندها،، سويتلها خطـــــــــه عجيبه،، جان اشوفها تغسل الثياب سرتلها قلتلها يا توتي سيري بابا فلان،، ساعدي مدام سوي ترتيب هناك،، وبسرعه بسرعه خليتها اتسير بدون ما اتمر حجرتها،، المهم والثانيه طرشتها داخل اتعرفووون ليش،، عسب اترتب الكبت مالي اللي عفسته من فوق لين تحت>> ان لكيدهن عظيم،، المهم عسب اطول توتي في بيت اخويه،، والثانيه اطول بعد في ترتيب الكبت،، المهم طرشت اختيه اتشوف المخبأ السري اللي خبرووني عنه،، ألا وهو المكيف،، يت صوبي اتقول ماشئ وانا تعبت،، قلتلها شددي الحراسه هنيه وانا بدوّر،، المهم دروت في كل مكان ،، يآآآآ انا يا التلفون اللي عندها ،،لقيت جرج التلفون مطّوااااااي طواي اليهد وحاطتنه في كيس داخل كبتها،، تعبت وانا ادور قلت ماشئ حل لازم اظهر التلفون،، إلا وشوي اسمع صوت مسج بس بصووت وااطي،، هنيه بغيييييييت اموت اناا،، يعني عندها تلفون،، سرت سحبت الثانيه اللي كانت اترتب الكبت،، طلعي التلفون ولا انتي وتوتي داخل سجن بعدين اندونيسياا،، يالله بسرعه اتظهريييييييينه الحين ولا اخبر الشرطه>>> اوني عاد مستقويه عليهن  ،،قالت ماشئ وما اعرف شوو  ،،هاي خوافه اتخاف من الصغيره وهاييج مهدده هاي ان خبرت حد بتسويبها شئ،، المهم من الضيقه صرخت عليها صرخه طلعيه الحين،، تراني يوم اعصب قووومي عني ،،اشوفها اونه ادور ويانا حطتني مخده في البدايه هيه دورت فيها ويوم دورت فيها ،، حسيت ان في شئ داخل المخده القلب،، وطلع التلفووون،، قلتلها ان قلتي لتووتي اني شوف تلفون يا ويلج،، ان سألت عن التلفون قولي ما في شوف ما في يسمع ،، ما في معلوم،، المهم خليت حرمة اخويه اطرش توتي على انه خلصوا ترتيب،، يقولكم اول ما يت ادووووووور في الحجره ادوّر التلفون،، وكل ساعه تسأل الثانيه عنه،، وانا شليت التلفون بيت اخويه عسب تقراالي المسجات اللي كاتبتنهن،، ثرها عندها حبيب في اندونيسيا واعدنها بالعرس>>> واانا اشوفها ذاك اليوم تتخبر واايد،، المهم،، واشوووف ارقام من الدار وارقام فتح خطهن مال اندونيسيا،، ادتريــــــــي عليه بس،، قمت مسكت تلفون البيت وقمت اتصل على الارقام،، كم هندي،، كم بنغالي،، كم اندونيسيه>> طلعت بشاكير فريجنا ما شاء الله تلفونات عندهن وخلق الله راقده والدنيا سايبه عند البشاكير،، المهم سرت المطبخ،، إلا واشوفها يايه صوبي،، يا الروح تلفون مافي شوف وتتنافض من الزيغه،، اوني استعبط عليها،، اقولها لا مافي سوي اندونيسيا تلفون مالي سيري سوي تلفون داخل بيت،، وهيه اتحااول اتوضحلي انه تلفوونها محد وانا طاااااااااااااف ،،المهم وصل الخبر لابوووويه وخبرته ان في تلفوونها كله رياييل ومهنده اللي كهربجي والا صباغ ولا عله اتعلهم،، وسمعناها كلمتين حلووات،، وانا اقول لابويه خلها حقي،، واصارخ عليها،، اتعرفووون اللي خايفه منه انها اتصورنا ولا اطرش صورنا لبلاادهاااا ولا حق اللي اترمسهم،، ينخاااف منهن البشاااكير،، وانا ميته غصه منها لانها متعبه اماااايه ولا اتسوي شئ،، وامايه قلبها طيب ما تبغي اتسفرهااا اونه محتااايه شغل وحليلهاا،، بنقووول يعني لو هيه تستاهل المعااش،، يا غير انها ما اتسوي شئ،، وابويه خذ ارقااام اللي فيه ورمسهم وههدهم،، وبيخلوونها شهرين لانه ابويه مشغول حاليا ما يروم يركض،، وقلتلهم تتسفر ما اتم وان يت على بشكاره تراها جاهزه بس باقي اطرش اوراقها،، انا مرمسه بشكاره اخويه عندها بنت خالتها تطبخ بتساعد امايه،، وتحجزولهاا وقبل ما تتحرك الطياره اتشل كل شئ هيه يابته والا الاغراض الباقيه ما اتشل اي شئ،، كل شئ ينحرق،، بس اتشل ثيابها وكل شئ يتفتش،، يا أنا ولا هيــــــــــــــــــــــــــــــه،، والله ينخاف منهن هالبشااااكير،، وانا اقول ليش دخل الهندي على وحده من فريجنا دخل عليها الصاله،، اظني مواعداتنه بشاكير الفريج،، وحليلها اسميها زاااعجت وشرد ذاك اليووم،، وعن سالفة التلفونات عند بشاكير الفريج بعدنا ما رمسنا،، ما فينا ألزم ما علينا اللي عندنا والا الباقين ما يخصنا،، عن يقولون يرمسون عناا وما اعرف شوو،، متى يمرن هالشهرين،، يالله سي يووو،،
التعديل الأخير كان بواسطة : al_rooo7 بتاريخ 10-11-2008 الساعة 09:27 PM. |
|||
|
|
|
10-16-2008, 09:45 PM
|
#174 | |||
|
،،
^ ^ ^ ^ ^ (من يضحكك يوم لابد يجي ويبكيك في يوم)
|
|||
|
|
|
10-26-2008, 12:23 AM
|
#175 | |||
|
what?
في إن،، 
|
|||
|
|
|
10-26-2008, 04:42 PM
|
#176 | |||
|
في إن،،
|
|||
|
|
|
10-27-2008, 10:03 PM
|
#177 | |||
|
،،
المود: very Down،، مالي بارض أسوي شئ أبداًً،، عندي exam،، ولا فجيت ورقة وحده،، ما أعرف شو أسوي بعمري،، ادريبكم ما بتبخلوون عليّه بدعوه صالحة ومن الخاطر،، صدق صدق محتايّه لدعواتكم،،  ،،توصلني تقييمات بس ما اعرضها،، اغلبها بدون تعريف،، اتعرفون لو الود ودي ارد البيت في هاي اللحظه،، شو اسوي بعمري شاله همين،، أول هم>> التدريب وكورس التخرج،، وثاني هم>> متى بخلص أموري وأعرف اللي عليّه وواللي ليّه،، بالنسبة لثاني هم،، كل ما افكر فيه ،،أقول اكبر هم التدريب،، هذا لاحقه عليه>> مع انه العكس بس طآآف،، و لازم اخلص شوي شوي عسب ما اتعب عمري اخر شئ،، اتخيلوا ودي أرد البيت ما افكر في طالبات ولا مدرسه ولا أي شئ،، لدرجة ان ابوويه ( طول الله بعمره )يقول نحن هااي ما انشووفها  ،،وما يسوي عليها التدريب جذه مسويّها،، صدق صدق ما ايلس وياااهم مثل العالم والناس،، واللي يباني ايي الحجره عندي،، احس بس سايره حب خشووم،، وامط بيزات،، واشتري اغراض ،، واغسل ثيابي والدرب،، لدرجه ان يوم ييت بفكر بهمي الثاني اقولهم ابغي اسير المكان الفلاني ابغي اخلص اشيائي من الحين،، يعني شوي شوي،، قالولي العيد،، بنسير نتشري للعيد وانفصل وانزهب من الحين،، يالله اخليكم،، لا تنسون تدعولــــــــــــي،، واشكر كل من قيّمني ،، >> بذلف أوني بذاكر،،
|
|||
|
|
|
10-29-2008, 04:21 PM
|
#178 | |||
|
الدنيا أصبحت اتخوف،،
الموت لا يعرف صغير ولا يعرف كبير،، اغلبها حوادث،، يتني من فتره كل افكر في الموت واشوف وأتخيل واايد أشياء،، غصبا عني من اللي اشوفه واللي اسمعه،، من فتره تقريبا عقب العيد،، ونحن رادين من المدرسة صوب منطقة المقام،، شفت سيارة منتطره فوق العشب اللي على طرف الشارع الرئيسي،، والشرطه والاسعاف والعالم كله هنااك،، اللي شفته ان السياره متعفصه وراااايحه فيها،،يعني اتقول اللي فيها شقايل بيطلع،، وريت شئ مغطاي فوق العشب،، تم هالمنظر في بالي لين يومكم هذا،، وفي رمضان،، واحد ساكن بيت من البيوت اليديمه ثنينه من عياله راحوا هم من الجنسية الآسيويه،، والسبب ان ياااهل توه معطاااي الليسن وشاريله سياره يديد ،، يسرعبها في الشوارع،، راحوا ثنينه من عياله وثلاثه واحد متكسر وثنينه الحمدلله،، ولا فوق هذا الحرمه ام الولد اللي داعمنهم رابعه الشرطه اتقولهم ليش تعطوونه الليسن الغلط منكم،، رد عليها الشرطي اولا انتوا مطرشينه ياخذ الليسن هب نحن،، وثانيا عطيناه الليسن بس ما قبضناه السياره،، داااااااااااااااااااااااااروا على عماركم يا اخواني وخواتي اللي يسوقون،، اصبحت الدنيا اتخوف،، ومن اسبوع وشئ تقريبا،، ثنينه من الذيد اتوفوا الله يرحمهم،، وكنت حاسه سبحان الله اتخبر اربيعتيه عن الفريج واخبارهم،، مع اني مب من الذيد،،بس من المعارف،، قالتلي جنج حاسه بشئ،، قلتلها يعني،، طلع ولد ربيعة أمايه اللي كل عيد انشوووفها،، والسبب يتسااابقون الله يرحمهم ان شاء الله،، والاسبوع اللي طاف ثنينه بعدهم ما شافوا الدنيا عدل،، دعمتهم شاحنه،، خطفت على عمرهم وشلتهم عن هالدنيا،، ما انساااااااااه الاسبوع اللي طااف،، ونحن ياين الاماره اشوف سياره مدعومه وربشه،، وعقب بساعه حادث ثاني الجهة المقابله لهذا الشارع،، ونحن نسمع لصوت سيارات الشرطه،، أشووف اخويه طاير،، هنيييييييييه انا اتروعت،، ما دريت بعمري الا وانا اربع صوب بيتنا ركض ،، ابغي اتصل واعرف شو مستوي،، طلع انهم سامعين واحد منهم من منطقتنا اللي اتوفي،، الله يرحم جميع موتانا ويغفرلهم ان شاء الله ويسكنهم فسيح جناته ان شاء الله،، بس كلمة ابغي اقولها،، ^ ^ ^ شو صااااااااااااااااااااااااااار ،، وشو استوى،، ما يسوى علينا هالتطور وهالشاحنات اللي ما يخلصن،، يتخاطفن جنهن قطااااااااااااااار الموت ويخطفن على شبابنا وعيالنا،، أبدا ما يرحمـــــــــــــــــن يخطفن جنه الشارع على حسابهن،، نصيحه،، لا تسرعـــــــــون و اتقفوا عدل في الشارع وذكر الله لا تنسوونه،، والله خير ٍ حافظ ان شاء الله،،
|
|||
|
|
|
11-03-2008, 03:31 PM
|
#179 | |||
|
^_^،،
^ ^ ^ x_Click_x ^ ^ ^ اسمعوا هاي النشيده،، كل يوم،، أول ما أقوم الصبح حق الدوام الساعه 6 ونص تقريبا،، اشغل الراديو>> صدق عيوز ،،احط على قناة القرآان التابعه لإذاعة بوظبي،، وايلس اتصوّخ لبرنامج قوم هلال خليفه وراشد،، يعني بشكل يومي ما اصبر عنه الا يوم اكون في البيت ما اسمعه،، برنااااااااااامجهم حلووو وما شاء الله تبارك الرحمن،، اعدادهم وااايد حلو،، في شخص دوم ايشارك (بو عايده)،، مشاركاته في البرنامج الصراحه اكثر من رائعه ،،يطرح اسئله على المستمعين،، وانا كل فتره والثانيه اشارك وياهم طبعا اطرشلهم مسجات>>> ،،اليوم كان موضوعهم عن اليده،، اتمنيييييييييت لو طرشت مسج،، لكن كنت مستعيله نتلاحق على الدوام،، منو منكم يتسمع هالبرنامج بشكل دااايم،، وكل ثلاثاء يناقشون اسمين من أسماء الله الحسنى،، وايد حافظه اسماء من اللي يشاركون،، بس الحين ما يحضرني شئ لاني انسى،، دووم يوم يرمس واحد ولا حد اقول هذا فلان،، ربيعتيه اتقولي اشدراج اقولها والله كل يوم اسمعهم لان صدق صدق مواااااااااااااضيعهم وااايد حلوه،، من فتره بعد كانوا يناقشون عن المطلقات وبشكل اكبر عن الطلاق،، ومره عن الطيبه والرحمه،، لو اقووولكم ما بخلص،، بس صدق اسمعووووه،، وخبروووني رايكم،، واللي يسمعه يخبرني شو رايه،، بردلكم خلاف إذا الله راد،،
التعديل الأخير كان بواسطة : al_rooo7 بتاريخ 11-03-2008 الساعة 03:34 PM. |
|||
|
|
|
11-08-2008, 10:08 PM
|
#180 | |||
|
^_^،،
مرحبا السااع لكل الأعضاء،، مرحبا ملايين في ذمتيه ولا يسدن،، وصلتني تقييمات ووصلتني رسايل،، اشكر كل من اتواصل ويايه،، ودي ارد عليكم بس والله ماشئ وقت ارد واكتبلكم،، بس ان شاء الله في أقرب فرصه ان شاء الله،، يالله بخبركم اليوم عن طالباتي،، ومغامراتي التدريبيه،، عندي طالبه،، كل ما اتشوفني تربع تحضني وتلوي عليه،، ومب بس جذه اتحبب ايدي وويهي،، لدرجة اني مره وحده اشرح الدرس،، ما اشووووف بنت من المجموعه الأولي تربع تربع،، تربع صوبي عشان تحضني وانا يالسه اشرح،، الا واشوف حد يلوي عليه ويحببني،، طلعت هيه،، ومن اتخلص الحصه ومن تبدا الحصه وهاي حالتها،، فديتها والله،، ما اتفيد فيها الرمسه،، عادي حتى جدام المعلمة نفس الشئ،، انا ويهي يغدي احمر  ،،يوم اخبر اختيه اتقولي يمكن ناقصه حنان ولقته عندج،، اقولها مره مرتين بس كل يوم وحليلها،، وكل خميس بس نحضر 3حصص وعلى الفسحه انرد الجامعه،، تلقاني جانها سايره المقصف من اتشوفني تربع طلووووووووووق صوبي وطاحت عليّه،، اقولها يا فلانه اشحالج،، اونه ابله وين بتسيرين،، اقولها بروح بيتنا خلاص،، اتقولي باجر بتيين،، اقولها باجر ماشئ مدرسه،، واترد اتقول باجر بتيين،، اقولها باجر الجمعه،، اتقولي السبت انزين،، اقولها اجازة،، فديتها والله،، والاسبوع اللي طاف سرنا رحله وياهم،، مسويه طاف للبنات وهيه يالسه احذالي ،، وشغلتها اللي كل عاده،، واي بنت تيلس حذالي في القطار اتقولها سيري بعيد ،، انا بيلس هنه،، واستانسنا في الحديقه،، وشفنا عرض الطيووور،، وخلينا بناتنا ينشدن ويغنن،، بس لفت نظري موقف اتمنيت ما شفته ولا طاحت عيني عليهم،، الله يستر عليهم،، بس لو سمعتوا رد البنات على هالموقف ما بتتوقعون شو هالشئ،، بس ربي يعينا من هاي الاشكال،، واستغفر الله العظيم ،، اتمنيت لو البنات ما شافوا هالمنظر،، بس والله استانسنا واايد،، واستانسن البنات،، وشغل التدريب ما يخلص،، ما شئ وقت أبدا،، ارد السكن اعابل في التحضير والوسائل،، وحتى في رقااادي اهاذي بالتدريب،، ابغي ارتاح وابغي ارقد مرتاحه الصراحه ما افكر في شئ،، اتخيلوا من التعب يوم رديت البيت رقدت 13 ساعه واليوم اللي عقبه 12 ساعه،، ابووويه يضحك عليه،، حشى ما ترقدين هناااك،، اقولهم رقااد البيت غير،، أمان وراحه نفسيه،، وغيييييييييير من كل ناحية،، يالله اخليكم الحين،، ونتلاقي في ردود ثانيه ولازم لازم احط التقييمات المره اليايه،، دعوآآآآآآآآآآآآآآآآآآآآآآآآآتكم لا تنسووني،،
|
|||
|
|
أقسام الموقع
