|
|
|
|
|
|
||
| إعلانات منتديات ألم الإمارات |
|
|
|||||||
 |
|
|
LinkBack | أدوات الموضوع |
التقييم: 
|
طرق العرض |
09-12-2007, 10:36 PM
|
#1 | |||
  
|
.~. الدموع إذا نزلت صعب ترقــــــــى .~.
 بريحة العطر والمسك والعود رمضان علينا وعليكم يعود شهر الخير والكرم والجود تهاني لكم من قلب ودود بشعور ملؤه الحب اجمل التهاني بحلول شهر رمضان المبارك : : : كل عام وانت بخير
|
|||
|
|
09-13-2007, 02:53 AM
|
#2 | |||
|
الحلم dream
 يا زينها دنيا بها الحلمـــ جاليـــ واستبشرتــ فيها اللياليــ والأيامـــ منذ فتره تقريبا يعني من 5 أيام يعني الجمعه حلمت حلم بعد صلاة الفجر ولله الحمد ما شاء الله كان الحلم واااايد حلووو ما خليت حد إلا وخبرته هالحلم يعني كنت طايره من الفرح لانه عن المستقبل يعني اللي تحلم فيه كل بنت  اوني اقرب لكم لدرجه ان عندي كتاب عن تفسير الاحلام بالقرآن الكريم فسرته وللتأكيد اتصلت بمفسر للأحلام وبسرعه بسرعه ارمس عن حلمي وكان هذا اليوم عطاني كلمتين ثلاث كانت كفيله اني افرح ونزلت دموع الفرح مثل ما تقولون وان شاء الله ايكون خير يارب العالمين
التعديل الأخير كان بواسطة : al_rooo7 بتاريخ 09-13-2007 الساعة 02:55 AM. |
|||
|
|
|
09-15-2007, 09:21 PM
|
#3 | |||
|
انا مع الأيام
 أنا من الايام :::: ... أنا من الايام والايام مني ... اشوفها ياناس بس تبتعد عني ... صبرت وتحملت وقلت متى ترضا علي ... وحكمك علي... ... سيد الاحكام ... ما تعرف بحالتي ...ما تسمع بونتي ... ما تدري بحيرتي ... واللي جرا لي يا دنيتي ... اصدق وعدها.. واقول عمري لها ... والا ابتعد عنها .. واقول كل شي انتهى ... ما كفى ايام صبري ... ولهفتي وانتظاري وسهري ... وما بقى لي امل ... من هو اصدق ... قول الحبيب ... ولا القريب ... ولا الغريب .. --------------- صعب الواحد يوم يغير المكان اللي عايش فيه وايكون في بيئة يديده من حوله حاولت اتأقلم ما قدرت مع اني اجتماعيه لكن ما قدرت هالمره احس هالشئ صعب عليه اني اتأقلم بسرعه اتعودت على شئ وفجأه يتغير هالشئ شو الحل ؟؟ لدرجة اني وسط الغير غريبه ويديده ما رمت استحمل نظراتهم مع اني كنت متحمسه ولكن هالشئ صعب عليه وعلى غيري ولكن ان شاء الله و بإذن الله ما دام عندي حد من ريحة الأهل والصحبه والاخوه ان شاء الله بتأقلم بوجودهن حولي
التعديل الأخير كان بواسطة : al_rooo7 بتاريخ 09-15-2007 الساعة 09:32 PM. |
|||
|
|
|
09-16-2007, 08:34 PM
|
#4 | |||
|
شوق
 هوب عارف وين اروح وين اولي ضايع ويفوح صدري فوح ( دله ) وين اصد الى خياله شايع لي بين عيني زول روياه ومثله ----------------------- يالله لو انا الحين في البيت شوفة اهليه تغنيني عن الأكل في خاطريه من رطب نخلناااااا ومن ضواحينااااا هب من بقعه محد يعلم ابهاااا وطاسه جامي وفوقها سمن وودي في فنيان قهوه يفجج الصوووع ويخليك في مزاج رايق ودي عقب صلاة التراويح اظهر صوب الارحام واسلم اليوم ألتمينا كلنا على سفره وحده وقلت بسم الله ولا اشوف كل وحده بصحن تاكل وين اللمه وين الصحون كل صحن ايكون حق 3 بنات وووووين كل هذاا  اتغير الحال ودوام الحال من المحال شرات ما يقولون ماشئ ايتم شرات لوّل الحمدلله على كل حال انا هالاسبوغ خاطريه اسوي كيكه الشوكلاته على قولتهم ويايبه المقادير هل بيكون لي بارض اسويها ولا لاااا اذا تبون خبروني توصيل للمنازل مجانا للجادين فقط توها ربيعتيه اتقول يا ليت عندنا تنووور جان سويتلكن هريس وانا قلت ياليت عندنا غاز شرات العالم والناس بسويلكن خمير ولا فرن سنع مثل الأوادم جان سوتلكن فطاير شكلي المره اليايه بييب ويايه قهوه وبسويلي دله افجج فيها الصوع يوم ابغي ^_^ وبييب مله فيها جاامي
|
|||
|
|
|
09-22-2007, 12:07 AM
|
#5 | |||
|
^_^
 My cake من صنع يديّه ------------------------------------- اول شئ برد على انسانه عزيزه على قلبي واقولها الفضول جتل عيووز وانا عيوووز عندي الفضول نسبته 50 % بس بعد شراتهم اللي في الجدر بيظهره الملاس  لا تستعيلين يمكن اتعرفينه وكل شئ في وقته حلوو ----------------- في مسلسل ماله داعي اقول اسمه من اول حلقه يقول ويرمس اربيعه اي بمعناه لو باخذ كل وحده ارمسها في التلفون جان ماخذ نص بنات البلاد شو قصده بهاي العباره يعني نص بنات البلاد خايسات وصايعاااات وااايد بنات هو ما يسوا ظفر من ظفروهن بسواياه وكلامه ووايد بنات حشيمات ويعرفن الصح من الغلط لو اشوفه جدامي بمرغه بالعصاه لين اقول بس حتى في كتابه الحوار هب لين هناك رمسه والله هنها مش مزبوطه ولا والقهر اتسير بيته واظني واحد من اهلها ومحد فيه غيره كلهم برع البيت والوقايه على الجتف واتقوله حبيبي وغيره وفي رياييل تنقالهم كلمه والنعم فيهم.....احسن من هاي الاشكال اللي انشوفها في التلفزيون ولا اللي نسمع عنهم ما يحطون الا الصوره الخايسه ابرزوا من الشخصيتين هب كل عيال البلاد من هاي الطينه شو هذااااااا احس ايعلمون البنات اللي نفوسهم ضعيفه وبدال ما يحلون المشكله اتزيد وغيره وغيره احس ان المسلسلات اكثرت واغلبها بدال ما تحل المشاكل اشوفها اتزيييد وبدال ما يسترون اللي يشوفونه يفضحونه زووود يعني كل شئ بحدود ولكن اللي انشوفه شئ ما يسر الصراحه والله يعين
التعديل الأخير كان بواسطة : Dad's girl بتاريخ 09-22-2007 الساعة 10:38 PM. |
|||
|
|
|
09-26-2007, 01:34 AM
|
#6 | |||
|
^_^
 يا بنيّا يا بنيّا يا سنًا في مقلتيّا أنت أغلى في الحشا من مهجتي من ناظريّا تسعد القلب الشجيّا أنا أفديك بروحي وبأغلى ما لديّا ما أحيلاه زمانًا يوم أن كنت صبيّا ضاحكا ترنو إليّا ---------------------- لا تعليق  بتمر عليه ذكرى بعد كم يووم وما بقي شئ يالسه واودع الايام الباقيه والسموحه منكم ملاحظه: ما بطلع من المنتدى
|
|||
|
|
|
09-26-2007, 09:46 PM
|
#7 | |||
|
البحر
 ياسامرين الليل في بحـر الأشـواق يا ليتنـي معكـم يلـوح شراعـي بين القمـر والمـوج لمعـه وبـرّاق والنسمـه العذبـه للغاليـن داعـي القـرب يالغاليـن للـروح تريـاق والبعد ذَبّـاح القلـوب الوجاعـي لا واعنا اللي باطرف الليل مشتـاق خلّوه ربعه مـع سـلام الوداعـي يسهر مع الذكرى على صفر الأوراق في صفحة(ن) تشرب دموع اليراعي بين الرجا والياس وقّف على سـاق والدرب بقلوب المواليـف ساعـي -------------------- ساعات وانته تتأمل البحر اتحس براحه عن نفسي ارتاح واتخيل نفسي جدامه حلو التخيل بس مب لدرجه او لحد ايكون ابعد من الواقع يعني اتخيلو شئ واقع مب شئ غير متوقع حدوثه هانت ما بغي شئ بس حاسه بوحده فضيعه واتأمل الكون من حولي  وقبل شوي اسمع صلاة التراويح وقلبي يتفطر اني اسمعه في مكان ثاني ما اعرف كيف بيمر هاليوم بس اتمني ايكون خير 
|
|||
|
|
|
09-27-2007, 03:53 AM
|
#8 | |||
|
شوق الشمال
 اتهيض الاشواق نود الشمالي \\ هيضت مابي والهواجيس تمتاس بي من رسيس الشوق صعب المنالي \\ ما يندرك وصفه وللشوق رساس ------------------ مشتاقه لناس عيونهم سود : مشتاقه لناس غلاهم كبير في القلب : مشتاقه لناس لو يطلبون العمر كله يفداهم : مشتاقه لناس هم عيوني اللي اشوف فيهااا : مشتاقه لناس يرسمون البسمه لمجرد شوفتهم : مشتاقه لناس ودي ما افارقهم : مشتاقه لناس هم سادة القلب و الروح : مشتاقه وقلبي في كل دقه يقول وينكم : : : : : : : لا يسير تفكيركم بعيد مشتاقه للاهل لانهم كل شئ بالنسبه لي
التعديل الأخير كان بواسطة : al_rooo7 بتاريخ 09-27-2007 الساعة 03:57 AM. |
|||
|
|
|
09-30-2007, 01:00 AM
|
#9 | |||
|
يوم ميلادي
 -------------------------- ["]دخ,,ــ ـ ـ ـول خـ ـ ـ ــــأص بحتفل في يوم ميلادي ,, للأسف بحييه من دونك همسـ ـ ـ ـ ــه سأطفئ شمعتي الثانية والعشرون و أتمني 3 أمنيات الأمنية الأولي ـ ـ ـ ـ ـ ـ ـ ـ ـ ـ ـ احتفظ بها لنفسي علها تتحقق في يوما ما الأمنية الثانية ـ ـ ـ ـ ـ ـ ـ ـ ـ ـ ـ أن تكون هذه السنة سنة خير وسعادة يا رب العالمين الامنية الثالثه ـ ـ ـ ـ ـ ـ ـ ـ ـ ـ ـ اشوف اللي حولي مستانسين وفرحانين لان فرحتهم من فرحتيه وكم تسوا البسمه مرسومه على ويوهم : : : سأنام ليلتي هذهـ بهدوء لا تفكير لا قرارات لا محاسبه فقط على أمل أن يكون الغد أجمل وأرقى المرســـ ـ ـ ـــى شخص عزيز تمنيت لو يتذكر هذا اليوم..ويقول لي كل عام وأنت ِ بخير .. لكن ؟؟؟؟؟. أول الإهـ ـ ــداءات مسج من بنت عمي قبل الموعد اليوم=== رن التذكير عندهم قبل الموعد بيوم مسج من ربيعتيه === وحليلها من شافتني يت اتوايهني واتسلم وكيكة من بنات جناحنا وربيعتيه مطرشه مسج وصندوقين جلكسي وبدأ اليوم الجديد : : 30 -9 – 2007[/font]
التعديل الأخير كان بواسطة : al_rooo7 بتاريخ 09-30-2007 الساعة 01:06 AM. |
|||
|
|
|
09-30-2007, 12:02 PM
|
#10 | |||
|
رساله
رساله من المنتدي
 al_rooo7 السلام عليكم ورحمة الله وبركاته بما إنك أخ / أخت منتسبة ضمن عائلتنا في منتديات ألم الإمارات وقد صادف هذا اليوم يوم ميلادك . نحن كإدارة المنتدى نهنئك على هذا اليوم ... كل عام وإنت إلى الله أقرب .. وتذكر بأن العمر يمضي إستغل عمرك في طاعة الله عزوجل والإبتعاد عن كل ما يسئ إليه بالطاعات والواجبات الدينيه وعبادته عزوجل . وتقبلوا فائق الإحترام والتقدير والسلام عليكم ورحمة الله وبركاته إدارة منتديات ألم الإمارات ------------------- ناس اتوقعت منهم يقولولي كل عام وانتي بخير بس مالهم حس ولا اي خبر
|
|||
|
|
|
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 5 (0 عضو و 5 ضيف) | |
| أدوات الموضوع | |
| طرق العرض | تقييم هذا الموضوع |
|
|
أقسام الموقع
العرض العادي
