|
|
|
|
|
|
||
| إعلانات منتديات ألم الإمارات |
|
|
|||||||
 |
|
|
LinkBack | أدوات الموضوع |
التقييم: 
|
طرق العرض |
10-17-2007, 08:29 PM
|
#101 | ||
 
|
السلام عليكم ورحمة الله وبركاته
شحالكم عيال الذيب عساكم بخير ونعمه البارحه يوم اهيعت العبادي ونيت من قلب ذكر محبوبه ونيت ونات بدون اعداي وهلت ادموعي ع الوجن مسكوبه جفني سهير ولاهناه ارقادي شروات يلي يفتكر بذنوبه يالله من حطوا بارق مشرف اشوف الناس تتقاصر من المجلس والبرزه انا اخوكم ماغريب واذا تشوفوا الاشراف كبير علي خبروا المدير والاداره قولوا مانبا بارق مشرف اهم شي راحتكم ولاني بزعلان منكم مايهمني مشرف او غيره اهم شي اني افيد واستفيد ولايغرك حاله الخاري لو تشوفه زين في الصوره اهم شي عندي الجوهر اللي بداخلي يكون صافي للناس وغير منافق ولايضر احد والضار والنافع هو الله سبحانه وتعالى والسموحه منكم |
||
|
|
10-17-2007, 10:45 PM
|
#102 | |||
  
|
مرحبــــــــا ..!
بروق صح بدنك شيخي والكلمات تراها من المحفوظات والرومنسي هب شاعر  شيخي شو هالرمسه اللي تغث الخاطر  قبل كل شي الاشراف تكليف والعضو المناسب في المكان المناسب فلا تفكّر الغياب بسبب وجودك ..! يقول المتوصف أفعل وغيرك بيرمس وما شاء الله دورك بارز ونشاطك ملحوظ وتستاهل الاشراف بشهادت الكل ..! كل انسان وله ظروفه الخاصه ومرات تجد عليك جدايد تكرّهك في بيتك ويمكن تزعّلك من أهلك ولكن في النهايه ما لنا بد عنهم ومردنا لهم طال الزمان أو قصر وبالنسه لي والله الشاهد على كلامي أحس بأنه ناقصني شي اذا ما دخلت المنتدى ( بيتي ) واللي يضايجني أكثر اذا شفت أفراد العائله الكريمه غايبين .. وتراني أهويس بيني وبين نفسي بيردون والا بيتم ميلس التراث والحضاره على هذا الحال  أخواني اخواتى ترانا عدة جثث في قلب واحد وروح وحده والمفروض بأن كل واحد منا يكمل الثاني و يآزره .. ! واعتبروها دعوه من أخ تعزون عليه ويحبكم في الله فلا تخيبون ظنه ========================== هلاا هلاا بـ بوقليب يالله حيه طويل العمر وربي يسمع منك .. ان شاء الله شرات قبل أحسن ..! ========================== عبوقه دومج جدام وخيتي وسباقه ما عليج زود ..! نرقب تواصلج لولي وحضورج الدايم ..! ربي لا هان شانج الشيخه ========================== هلا بالمزايين كلهم وخاصة مزايين قطر  البيت بيتج وخيتي وبلا شك بأن وجودج بينا شرف لنا ونرقب تواصلج الشيخه ========================== هلاا سكوون يعل الخير فالج وحولج وحاوليج ما يفارقج أبد سألت عنج العافيه وخيتي والاخبار تسرج أحمد الله بسبعة انعام وفوقهم واحد =========================== الباجين وينكم  نرقب تواصلكم
|
|||
|
|
|
10-17-2007, 11:17 PM
|
#103 | |||
|
مرحبا والله
اشحالكم لا خليت منكم بارق والرومنسي وسكون وعبق المسك وسكوون ومزيونة قطر واللي ما دخل بارق شو هالرمسه ياخوي تريا بعدهم الجماعه ما خلصوا اجازة العيد  الرومنسي مرحبا شيخي .. عساك بخير وما تشكي باس .. يا زين رمستك جذه اباك هب ريح  سكون وعبق المسك الله حيهن .. اشحالكم عساكن بخير يعافيكم ربي عالمجهود وربي يحفظكم
|
|||
|
|
|
10-17-2007, 11:28 PM
|
#104 | |||
|
بارق والرومنسي  صويـب الحـب مفـجـوعٍ معـنّـى  ولا بـأهـنـى بـنــوم ولا مــقــاتي دريـج الحال من هـجـران خـلّـي تـلادانـي الايــادي وش حـيـاتـي بليـت بحـب مـن لا فـيـه خـوفـه وتيّمـنـي وشـتّـت بـــي شـتـاتـي ولا يرحم ولا يلطف بحالي ونا بسمه أصرّح هو غناتي علـيـه مــن الظـبـا نــوعٍ يمـثّـل عيـون وجيـد ريم ٍ في الفلاتي وزلفيـنٍ كسـن فرعـه و غـطّـن عـلـى متـنـه يـفَعْل إمعشكلاتي ونهـديـنٍ عـلـى صـــدره وبـايــا كـمـا التـفّـاح حـمــرٍ جـاعــداتي ومنهوب الحشا و الردف عالي وخـصـريـنٍ هـضــام مـعـزّلاتـي ويمشي مثل ما تمشي الحمامه ويــدرز مـثـل مــا درز الـقـطـاتي وانــا والله مـالـي عـنــه تـوبــه يلـيـن انـحـط فــي لـبّــة حـصــاتي جتيـل الشـوق معفـايـه ذنـوبـه ومـمحـاي الـخـطـا و السـيـئـآتي ولو ما الحب مـا غنّـا المغنّـي ولا اشتاقـن لصـوتـه مطـربـاتي ولا سـجّـلــت لـلـعـشّـاق فــنّــي
ولا لانــــن قــلــوب الـسـيّــداتي
|
|||
|
|
|
10-18-2007, 02:32 AM
|
#105 | |||
 
|
سلاااااااااامن عليكم...
علوومهم عياال الذيب..يعلهم الا بخير و سهالات.. ................... برييييييييق ................ اشوه هالرمسه اللي ما لها معنى... يا خويه انته فووق رووسنا و قدرك عالي و محفووظ... و ربيه المعبوود إنا كلنا يميع فرحنا لك.. تعوذ من ابليس بس.. الحاله اللي انته فيها ما لها يغير تفسيرين...  اما انك محمووم و تهاذي(بعيد الشر عنك)  او انه داعمنك بيك أب يوم انته صغيير و مأثر عليك يلين الحينه  و نحن التراثيوووووووووون ما عندنا لك علاج غير " الوسممممممممممم"... هههههه... السموحه منك خويه "بــــــــارق" سوينا وياك سوالف.. يلا..يلا أيها التراثثثثثثثثثثثثثثثثي..نباك اترد شرات اول و اخير.. ......................سكوووون هلا و الله و غلا هلا بنحلة المنتدى.................... ......................عبوووووقه...مرحبا بج عد ما هب هوى الريف ذناني................ ...................... الروومنسي..ولكموووووو بويه و مشكووور عـ العوده..................... ...................... بو قليب..صح لسااانك..اشوف الشعر ناقع عندك خخخخ .............. و الله تمام بنرز خيمه بنسميها " خيمة شعرا التراث"  . . . و الغايب يا خوتيه عذره معاه...و لو يغيبووون لا بد ما يردووون لتراااااااااااثهم..
التعديل الأخير كان بواسطة : دانة غزر بتاريخ 10-18-2007 الساعة 02:35 AM. |
|||
|
|
|
10-18-2007, 08:14 PM
|
#106 | |||
|
اقتباس:
وعليكم السلام ورحمة الله .. ياهلا اخوي وتوأمي الشيخ بارق .. افا عليك وش هالكلام .. الاشراف وما الاشراف .. والله تستاهلــه وما فيه احد يشك في هالشي .. وجوهرك كامل والكامل وجهـــه .. وعارفيـــن اخونا زين ما زيـــن .. ويكفي تواجدك وطيب كلماتك في هالمجلس .. ومكانتك على الراس من فوق والله ولا يمكن ينزل .. وان شـــاء الله ما يكون هالكلام في قلبك والغايبين عذرهم معهم ومكانهم محفوظ لهـــم .. والمتواجدين ما يقصـــرون .. وابشـــر بالمشاركات والتفاعل من اليوم وطالـــع ..  بس المهم هالكلام تنساه وما تحطـــه في خاطرك ,, وصدقني هالكلام ما يرضي لا اخواني واخواتي من عيال الذيب  ..الله يسعدك ويحفظك على هالمجهــود.. التعديل الأخير كان بواسطة : سكوووون الليل بتاريخ 10-18-2007 الساعة 08:19 PM. |
|||
|
|
|
10-18-2007, 08:22 PM
|
#107 | ||
|
السلام عليكم ورحمة الله .. ياهلا بالكــل من اخوان وخـــوات ... تو ما ينور المجلس بهالتواجد والحضـــور وان شاء الله ما يغيب ويبقى .. الرومنسي .. بو قليب .. دانه .. يا هلا ومرحبـــا فيكم .. وتسلمــون والله وما تقصـــرون .. جهد واضـــح لارجاع المجلس مثل ما كــان .. وان شـــاء الله هذي البدايــــة وتبشر بالخيــــر ,,دام المجلس تحرك والردود بدت ترجع مثل أول ..الله يسعدكم يارب .. |
||
|
|
|
10-18-2007, 09:37 PM
|
#108 | ||
 
|
قوم تعاونوا نا ذلوا....
السلام عليكم ورحمته وبركاته
هلا والله بعيال الذيب وبناته مبخوت هات الدله والمدخن والفواله هاي خيمه المحبه والتعاون والمخوه الطيبه سقفها منتدانا وارضها بلادنا الحره وحيابها دينا الحنيف..... نداء لكل من يحب التراث يدخل ويضيف له معلومه ولا قصيده الخ الخ.. هذا تراثنا الاصيل ونرجع مثل قبل واحسن ولا يقفل مجلسنا لأي خلاف ولا زعل وتقصير لنا نحبه ونحب اعضائه والمنتسبين من مراقبينه ومشرفينه الجدد خاصه له لانه جزء منا ومن حياتنا وتاريحنا ولازم نحافظ عليه مهما صار... بارق ما نحب نسمع هذا الكلام ارجع لمكان التهاني وشوف كيف الاعضاء فرحانين بك لا تدلع علينا ززززززززززززين با خويه الطيب. التعديل الأخير كان بواسطة : عبق المسك بتاريخ 10-18-2007 الساعة 09:48 PM. |
||
|
|
|
10-19-2007, 12:21 AM
|
#109 | |||
|
مشتااااااااااااااااااااااااااااااقه
هوووووووووووووووووووووووود
شحالكــــووووووو يميييييييييييع والمعوووووووووووونه؟ وعيدكووووووووو مبارك هههههههههو شسوي اليوم رديت البلاد الحمدلله اعتمرت العشر الاواخر وعيدت هنــاك...عشان كذيه ابطيييييت وغبت عنكو ولا حدرت لانيه كنت مسافره السعوديه...يعل تتخبر عنكووووووووو العافيه يميييييييييييييييييييييييييييييع كل من تخبر عن سعوووووووووفه...يسركو الحااااااااااااااااااااال الحمدلله بخير ومستانسه صدق انيه أول مره أعيد برا البلاد لكــــن عيدت في مدينه الرسول عليه الصلاه والسلام روووووووووووووووعه سبحان الله غير صلاه العييييييد يوم سمعتو يكبرون حسيت انيه بطير من الفرحه انيه عند الرسول عليه الصلاه والسلام صدق انه خنقتنيه العبره ان أبويه وأميه هب عندنا بس الحمدلله ردينا بالسلااااااااامه... طمنووووووووووووووونيه ربكو بخيــــــــر خلاف بخبركو عن سوالفيه في العمره...والله تعباااااااانه وأنود لكن متولــهه عليكو قلت هب راقده لين اسلم عليكووووووووو يالله الحين بحط راسيه من ارتاح كمن يوم خلاف بحدر سلااااااااااااااااااااااامي لليميـــــــع تحياتي: الحجه سعووووفه
|
|||
|
|
|
10-19-2007, 12:25 AM
|
#110 | ||
|
السلام عليكم ورحمة الله وبركاته شحالكم خوتي وخواتي ومشكورين على الكلام الطيب وصح السانكم لا ني بميهود ولاني ادلع لكن شوف العين والانسان يحكم على الظاهر اشوف العرب تقاصرت ع العموم السموحه ان كنت غلطان او صادق في كلامي وان شاء الله مابتشوفون مني الا الخير واكون عند حسن ظن الجميع وهذا اهداء مني لكم وخلينا البغيض يموت غيظ وييبس مثل شن الليهباني بلى الله موشي سب الفراق بذايات يتمن له زمان على الحضره يلاقيني بطيب وفي الغيبات هذار شناني أظن أن الكلام وزون حق وجور من وزون المسلمان علي الله مطلع وكيل ولا غير الاله رفيع شان إله ينتقم م الظالمين يبين بالعدو من هين كان فلا يلزم علي الا أقول مقال بالغبا أو بالبيان فلا لزم السفين الا السناد ولالزم السناد الا البنان ولا لزم البعير الا الخزام ولا لزم الجواد الا العنان ولا لزم الحريم الا الرجال ولا لزم الرجال الا المعاني والسموحه منكم هذه الابيات للشاعر المرحوم بن ظاهر الله يرحمه ويرحم امواتنا واموات المسلمين |
||
|
|
|
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 2 (0 عضو و 2 ضيف) | |
| أدوات الموضوع | |
| طرق العرض | تقييم هذا الموضوع |
|
|
أقسام الموقع
العرض العادي
