أمثال كويتية

غالي كويتي

قوة الغالين


شلونكم ؟

شخباركم ؟


____________________ أمثال كويتية _______________________

مواي شي هع هع



· أبو طبيع ما يجوز من طبعه

· إذا بغيت صاحبك دوم حاسبه كل يوم

· إذا حبتك عيني ما ضامك الدهر

· إذا حجت البقر على قرونها

· إذا حضر الماء بطل التيمم

· إذا صار رفيجك حلو لا تاكله كله

· إذا طاح الجمل كثرت سكاكينه

· إذا طبع دوس على تريجه

· إذا فات الفوت ما ينفع الصوت

· إسأل مجرب ولا تسأل طبيب

· إش حادك يا المسمار ؟ قال المطرقه

· إصرف ما في الجيب يأتيك ما في الغيب

· أضبط من ساعة الملا

· اقبض من دبش

· أقضب مجنونك لا يجيك أجن منه

· إكل ما تشتهي وإلبس ما يعجب الناس

· إما طلعه ولا طبعه

· إن طاعك الزمن وإلا طيعه

· إنطر يا حمار لما يجيك الربيع

· إنفخ يا شريم قال ماكو برطم

· الباب اللي يجيك منه الريح سده وإستريح

· بات مظلوم ولا تبات ظالم

· بغاها طرب صارت نشب

· بغى يكحلها عماها

· بغيناه عون صار فرعون

· تجيك التهايم وإنت نايم

· ثوب أطول منك يعتك

· جارك ثم دارك

· حاميها حراميها

· حشر مع الناس عيد

· حط راسك بين رجليك وإشهد على والديك

· حط فلوسك بالشمس وإقعد بالذلال (إجلس بالظل)

· خبز خبزتيه يا الرفله إكليه

· خربان من البيضه

· دابة الله بأرض الله

· الذيب ما يهرول عبث

· راعي النصيفة سالم

· رزق القطاوه على الخاملات

· زرع الميانين (المجانين) يطلعه رب العالمين

· شبعونا طراقات وشبعناهم شتايم

· شمامها لمامها

· طارت الطيور بأرزاقها

· طقاق روحه ما يصيح

· الطول طول نخله والعقل عقل صخله

· عتيج الصوف ولا جديد البريسم

· عمره ما تبخر ، تبخر وإحترق

· عومه مأكوله ومذمومه

· غصيت فيك يا ماي ، شدفعك في

· فال الله ولا فالك

· الفرخ يجوجي في البيضه

· قال عندك تاكل ؟ قال لأ . قال عندك تغرم ؟ قال إي .

· قراقيع صيف

· قطو وطقيته بمصير

· كثر الدق يفك اللحام

· كلٍ بقلبه شيقاليله (شقاء له)

· كوم حجار ولا هالجار

· لي بغيب الخبر يشيع عطه (أعطه) أم بزيع

· لو جريت جري الوحوش غير رزقك ما تحوش

· لي طار طيرك قول سبيل

· لي فات الفوت ما ينفع الصوت

· اللي في الجدر يطلعه الملاس

· اللي ما يرضى بجزَه ، يرضى بجزَه وخروف

· اللي ما يستحي منك لا تستحي منه

· اللي ما يطول العنقود يقول حامض

· اللي ما يطيع يضيع

· اللي ما يعرف الصقر يشويه

· اللي ماله أول ماله تالي

· اللي مو على دينك ما يعينك

· اللي هذا أوله ينعاف تاليه

· اللي يجي من الله حياه الله

· ما تعينك إلا يمينك

· ما لك إلا خشمك لو كان عوي (أعوج)

· مال عمك لا يهمك

· مخروش طاح بكروش

· مد رجولك على قد لحافك

· مداح نفسه يبي له رفسه

· مكسورة و تبرَد

· من طمع طبع

· نصيبك يصيبك

· هذا سيفوه وهذي خلاجينه (ملابسه)

· الوجه من الوجه أبيض

· يا شين شيء ما شابه هله (أهله)

· يا من شرا له من حلاله علَه

· يفوتك من الجذاب صج وايد

· يمدح السوق من ربح فيه

· يوَد (أمسك) الحبَه وفلَت (أفلت) الدبَه



وشكرآ

aNeeNalsmT

يعطيك العافيه اخوي غالي كويتي .. على الامثال الشعبية الكويتية..

والنعم بأهل ديرتنا وامثالها ..

دائما كلامنا له طابع مميز وتراثنا مالنا غنى عنه .. اغلب الامثال تستخدم في الوقت الحالي

لا عدمنا تواجدك وحضورك

اطيب تحيه

بَسَّمَة سَحَابَ

سلمت يداك أخي الفاضل...
أمثال مميزة وجميلة...
دًُمتَ في حفظ الله ورعايته...
أختكَ:
askias

بارق الليل

تسلم اخوي على الامثال الطيبه
بارك الله فيك
ونتريا يديدك طويل العمر ان شاء الله
ولاتحرمنا

عضــ إبهام ــة

ونعم باهل الكويت ولايهونون دول الخليج الثانية


تسلم اخوي غالي

ريتآن

تسسلم آخوٍي ع الآمثآل ،،

مع إن غآلبهآ نستعملهآ بالسعودية ،،

لكن بتغيير بسيط بالكلمآت ،،

شآكرهـ لكـ طرٍحكـ ،،

دمت بـ عطآء ..

فديتكم

تسلم أخوي " غالي الكويت"

ويعطيك العافيه على هالأمثال الرائعه...

ودهنا في مكبتنا

والنعم بجارتنا عضة إبهام

وحلات الثوب رقعته منه وفيه

ويحفظكم ربي الرحمن
أختكم فديتكم

صدمني ترحيبك الرسمي

اقتباس:

· شبعونا طراقات وشبعناهم شتايم

وحدة بوحدة
خخخخخخ

بعضها متداول عندنا بس فارق اللهجه
يعطيك العافية
وعساك عالقوة

adomn

يسلمووووو

سعوفه

حيالله أهل الكويت


تسلم عالامثال


ونرقب كل يديد