|
|
|
|
|
|
||
| إعلانات منتديات ألم الإمارات |
|
|
|||||||
 |
|
|
LinkBack | أدوات الموضوع | تقييم الموضوع | طرق العرض |
09-20-2007, 05:29 PM
|
#11 | ||||
 
|
اقتباس:
 اقتباس:
جزاك الله خير . |
||||
|
09-20-2007, 06:37 PM
|
#12 | |||
|
مساء الخير بس عندي سؤال لخالد احمد ودانه كيف يكون يومك في رمضان وهل انت من مؤيدين اعطاء الاجازه خلال رمضان لتفرغ للعباده وهل يوجد من يريد اجازه في رمضان لتفرغ بالعباده او غيرها؟
|
|||
|
09-20-2007, 06:43 PM
|
#13 | ||||
 
|
اقتباس:
اتمنى ذالك وبشدة، فرمضان شهر مختلف عن بقية الأشهر على الأقل في الأيام العشر الأخيرة من الشهر حتى نتفرغ للعبادة بشكل أكبر
هذه السنة هي أول سنة اذق فيها طعم الاجازة في رمضان وهناك فرق كبير جدا صحيح أن ساعات الدوام اقل في رمضان، لكن يبقى هناك الضغط وعدم التفرغ والزحمة القاتلة في رمضان لهذا ،، أرى أن رمضان هذه السنة مختلف وماذا عنك؟ هل تؤيد الاجازة في رمضان؟ ومازلنا ننتظر المواقف الطريفة
|
||||
|
09-20-2007, 06:46 PM
|
#14 | |||
|
بسم الله الرحمن الرحيم
السلام عليكم ورحمة الله وبركاته مبارك عليكم الشهر ولو إنها متأخره .. راح الثلث وما بقى إلا القليل  ..الله يييسر للجميع طاعته ويوفقهم لها .. بسم الله .. أخوي bundy السلام عليكم وعليكم السلام والرحمه اول شي ارحب فيكم هني واحب اقول لكم رمضان مبارك الله يحيك ويبارك فيك .. علينا وعليك والله يتقبل من الجميع صالح الأعمال .. اول شي احب اسئل عن احسن الاكلات اللي تحبونها ... وشنو برنامجكم اليومي في رمضان مممم.. صراحه في رمضان الأكل يقل وما هنا شهوه .. لكن الأساس اللقيمات والسمبوسه والشوربه وأكيد الفيمتو .. والكبسه واللبن في السحور لا يعلى عليها .. والبرنامج اليومي .. بحكم إني من ضمن الطبقة الكادحه في رمضان .. فبعد السحور أقرأ قرآن إلى وقت صلاة الضحى وبعدها اراجع لي كلمتين إلى وقت المدرسه .. وتقريبا ارجع 2وربع واطقها نومه للعصر وبعدها على المطبخ إلى آذان المغرب وبعد الصلاة للمطبخ مره ثانيه << ابقترح اقتراح ليش ما ناكل بصحون وملاعق بلاستيك عشان نفتك من الغسيل  ..وبعدها على دروسي << ثالث ثانوي  .. وإذا حصل لي وقت رحت مع أمي أو أخوي للمسجد أصلي التراويح أو اصليها جماعه مع أختي واخواني الصغار .. وبعدها نقعد شوي مع الاهل وادخل النت شوي وبعدها على فراشي ..هل فيه شي من المسلسلات اللي تتبعاونها او ... مافيه شي محدد صراحه الواحد يبغى رضى ربه بهالشهر يروح يدور المسلسلات الحمدلله الله مغنينا عنها .. إلا اذا كان مطبات اللي يعرض في المجد يعتبر مسلسل فأنا اتابعه بعد كيف تشوفون رمضان السنة هذي مختلف عن السنة اللي قبلها ما فيه شغاله هالسنه  .. الصراحه أحس إن رمضان ما تغير هو نفسه بروحانيته وجمعاته واهتمام العائله فيه .. ممكن كبرنا وزادت قيمه رمضان عندنا ..شكرا لك أخوي .. :: :: أختي حبر وورق السلام عليكم ورحمة الله وبركاته وعليكم السلام ورحمة الله وبركاته أيام رمضان تكون عادة مختلفة عن بقية الأيام في الأشهر الآخرى ، فكيف تكون أيامكم (مختلفة) في رمضان؟ ما هي الأمور التي تحرصون على فعلها في رمضان دائما؟ مختلفه كليا ... حتى العباده لها طعم ثاني في رمضان .. الواحد يحرص على أي عباده يسمع عنها يبادر إنه يسويها .. اجتماع العائله يختلف .. الاهتمامات تختلف .. الاختلاف كبير وما أقدر أوصفه .. لكن .. ياليت أيامنا كلها رمضان .. الله يوفقك لما يحب ويرضى .. :: :: أختي ذرة رحمة .. مساء الخير مساء الطاعة والرحمه حبيت أمسي عليكم وأحيي الضيوف الكرام. الله يحييك ويبارك فيك س1-هل كنتم تتضاهرون بالصيام وأنتم أطفال وتاكلون المحلبية وأمكم إكتشفت الأمر وقامت بالواجب؟  صراحه لا .. ممكن لأن أمي غرست فيني مراقبة الذات وعطتني الثقة من صغري .. بس كنت اجمع أي شي اشتهيه واخليه لبعد الفطور .. متى بدأ الصيام الحقيقي لكم؟؟ في ثاني ابتدائي تقريبا يعني وعمري 8 سنين .. وسلامتكم الله يسلمك ويسلم غاليك :: :: صراحه حسيت إني توني في البيضه وأنا اقرا الردود صياما مقبولا .. وافطارا شهيا .. ولا تنسونا من دعائكم ..
|
|||
|
09-21-2007, 12:05 AM
|
#15 | |||
|
. . . اقتباس:
طبعاًتسألوني ليش؟؟؟؟؟ أناأقولكم: تقعدين من الساعه تسع إلى الساعه وحده ونص مسنتره قدام الاستاذه وتعبي عقلك من هالمعلومات وبعدين ترجعين يالمسيكينه للبيت وتقعدين تلفين لك سمبوسه وبعدين اقعدي في المطبخ ((لوماتسوين شي بس جلوسك في المطبخ من أهم المهمات)))بعدين رتبي هالسفره العاااااامره))وآخرتهاهالعيال العجااااااازين اللي شوي وبتشربينهم كاس المويه)))وطول ماانتي قاعده وهم يااااااااامرونك بإسم انك بنت)))وبعدين راحوايصلون ))يله صلي بسرعه بسرعه علشان تمسكين هالبزرالبثر)))وهكذااااااااا )معاناةإلين تنومين))))))وبعدهذا أكييييييييييييييد الإجازه مهمه في رمضان))وسلامتكم. >>>> رد بنت اخوي 
|
|||
|
09-21-2007, 12:22 AM
|
#16 | |||
|
.
. خالد احمد اقتباس:
تحياتي |
|||
|
09-21-2007, 12:33 AM
|
#17 | |||
|
اقتباس:
ياكثر ماتظاهرت اني صايمه لكن ماكانت امي تعاقبي ولا تقوم بالواجب لما تكتشف اني موصايمه وبدايه الصوم الحقيقي مااذكر بس الي متاكده منه انه ماكان بالابتدائيه يمكن بالمرحله المتوسطه يعطيك العافيه خيتو وياهلا ومرحبا فيك |
|||
|
09-21-2007, 01:57 AM
|
#18 | |||
 
|
mmooon
كل عام وانت بخير ورمضان مبارك علينا وعليكم والله يتقبل منا أن شاء الله بالنسبة للسؤال تراه نفس السؤال اللي سألته في نهاية ردي السابق لكن أجابتي بتكون كالتالي انا مع إعطاء الناس إجازة للتفرغ للعبادة لكن مو كل الشهر مثل ما قال اختي دافوديل العشر الأواخر من رمضان علشان التفرغ الكامل للحصول على الأجر العظيم والوافر لهذه الأيام العشر مع ان رمضان كله خير وايضا علشان اتكون الأجازة متصلة مع إجازة العيد ويكون الناس عندهم الأستعداد للإحتفال والفرح اكثر هذي وجهة نظر ويمكن اتكون صحيحة ويمكن خاطئة اخوكم خالد احمد
|
|||
|
09-21-2007, 02:09 AM
|
#19 | |||
|
مرحبا من جديد
التظاهر بالصيام ،، كلنا تظاهرنا في فترة من الفترات ومعكم يحلو السمرمع اني بديت بالصيام يمكن صف 3 ابتدائي ،، لكن لما كبرت شوي على الخامس مع البنات والرفقة الحلوة طبعا كنا نفطر في المدرسة ونرجع البيت نمثل الصيام بس طبعا يوم او يومين مش كل رمضان لكن اذكر أنه في بيتنا القديم في نص الحوي كانت نخلة طويييييييييييلة ،، وكنت اجلس على طرفها واصيح واصيح قبل الآذان بربع أو نص ساعة واترجى أمي يوعااااااااانة أبا افطر ابا افطر وهيه تقولي لااااا تحملي شوي وكل شوي تقولي صبري باقي عشر دقايق ،،، حتى لو باقي ساعة وانا اقولها ما خلصت العشر دقايق تقولي لا ما خلصت . . س سؤال ،،، - عندما يعلن عن شهر رمضان في التلفاز عادة ،، ما هو أول شيء يتبادر إلى أذهانكم؟ بالنسبة لي ،، صلاة التراويح ،، والشلق - مسلسل فريج هل انتم من متابعيه؟وأي الشخصيات تعجبكم؟ - كيف يؤثر رمضان في سلوكياتنا؟ - هل تؤيدون السهر في رمضان؟ وهل ترون أنها عادة حسنة؟ ولماذا؟ . .
|
|||
|
09-21-2007, 02:35 AM
|
#20 | |||
|
الحكاية الأولى
"أمي أمي خليني اسوي اليوم الفطور علشان أخوي خالد رجع من امريكا بعد ما كمل سنتين ، واكيد مشتاق لطباخ أيدي" قالت أختي للوالدة "انزين بس عاد لا تعفسين المطبخ واتخلينه كل شي مخربط ، أخوج خالد وين راح" ردت الوالدة "راح هو وعبدالله ومحمد المسجد واتعرفين اخوي خالد يحب يجلس في المسجد يقرا لين قبل الفطور" ردت اختي "انزين شو بتسوين حق اخوج يا الطباخة" سألت الوالدة "اتعلمت طبخة وايد حلوة من اربعتي في الجامعة يسمونها لزانيا" قالت أختي "شو بعد هاللزانيا ؟ لا تكون أكلة ما اتشبع ، وحليله ولدي اتلاقينه ما ياكل شي في امريكا واكيد مشتاق للعيش والبرياني والهريس والثريد ، لا تخربطين واتسوين له اكلات خفيفة" قالت الوالدة "لا يا أميي هذه أكلة معكرونة وصدقيني اخوي بحبها وانتي بعد ، بس خليني اطبخها وبتشوفين " هزت الوالدة راسها مستسلمة ، وانطلقت اختي نحو المطبخ للإعداد الأكلة. "السلام عليكم يا ام خالد" قلت للوالدة "وعليكم السلام ورحمة الله وبركاته يا ولدي ، رجعت من المسجد يا ولدي ؟" سألت الوالدة "هي نعم يالغالية رجعت وين عبدالله ومحمد ، تراهم طلعوا قبلي من المسجد من ساعة" سألت الوالدة "يالسين ينتظرونك في الصالة علشان الفطور قبل لا يأذن المغرب ، وابشر ترى اختك طابخة اليوم شي لك" قالت الوالدة وهي تبتسم "رحنا فيها ، الله يعينا اليوم ما دام الرضيعة طبخت الله يسلم ، بس احتياط يا ام خالد اكيد طباخج موجود كإحتياط" اكلم الوالدة وانا اضحك "اكيد يا ولدي اكيد ، سنتين في امريكا اكيد بتشتاق لأكلي وطباخي ، وطبعا ما قصرت" تضحك الوالدة "الله يطول بعمرج يا أغلى الحبايب ، يلله بنسير نستعد للفطور" واخذت الوالدة ورحنا لصالة الأكل استعدادا للفطور "يالله بسرعة الحينة بيأذن ميتين جوع" اخوي عبدالله يقول "انزين انزين الحين يايين وين الرضيعة" اكلم اخوي عبدالله وامي بجواري "راحت اتيب اكلتها الجديدة" جاوبني اخوي عبدالله "هاااااااااااااااا لا تكلون الحين انا ياية ويايبة اكلتي" اختي وهي شاله صينية اللزانيا "ما شاء الله الريحة وايد حلوة اظاهر انج امضبطة الأكل هالمرة ، والله الجامعة اتعلم ها ؟" اخوي عبدالله يرد على اختي بطنازة ونغزة "احمد الله اني اطبخ لكم ، اصلا لولا اخوي خالد ، ولا ما كنت طبخت لك يا دب" ردت اختي "انا دب يا المفعوصة " جاوبها عبدالله وهو معصب "بس خلاص الحين بيأذن يالله استعدوا للفطور ودعواتكم" رديت عليهم "الله اكبر الله اكبر" اذان المسجد القريب "يالله بسم الله ولا تنسوا الدعاء " قالت الوالدة وبعد لحظات نهضت "على وين اخوي خالد ؟" سالتني اختي "بسير المسجد وبرجع اكمل الفطور " جاوبتها وقمنا انا واخواني للصلاة وعند العودة "ها المفعوصة وين اكلتج اللي ريحته حلوة " اخوي عبدالله يسأل اختي "ما حد يا كل منها لين ما يجربها اخوي خالد اول" قالت اختي "اتفضل اخوي جرب هالقطعة" وناولتني قطعة "بسم الله" واكلت منها وكان طعمها جيدا ولا بأس مع نكهة غريبة لكن ما بغيت احرجها فقلت لها "ما شاء الله في تقدم في الطباخ زينة وطيبة" "انزين عطيني من هالزين يالمفعوصة" اخوي عبدالله يكلم اختي "انزين يادب" وعطتها اختي واكلنا جميعا بعد الأنتهاء من الفطور جلسنا نشاهد احد المسلسلات الفكاهية وذهبت الوالدة لتنظيف المطبخ "ما أدري شوقيني احس ببطنب بينفجر" اخوي عبدالله يتكلم "اكيد يا دب تارس بطن من هالأكل وداج دج لازم بتنطر" اختي تطنز عليه "ما عليه بروايج بعدين" عبدالله يهددها وانا انظر مبتسما رغم انني ايد عبدالله لأنني بدات اشعر بألم في المعدة ايضا ، لكن عزيتها لأول يوم صيام من رمضان وبدأت الألام تزداد نهض عبدالله مسرعا "على وين ؟"سألت عبدالله "بيت الراحة بطني بينفجر " "علشان مرة ثانية تتأدب وما تترس بطنك يا دب" قالت اختي لكن بدأت الألام تزيد عندي ايضا ولكنني تملسكت اكثر طبعا أخي محمد كان محظوظا ما أكل من الطبخة لا هو ولا الوالدة وفجأة جاءت الوالدة من المطبخ مسرعة وهي تنادي على اختي "اموووووووووون ، وين الكيس اللي كنت حاططنة جنب الصحون في المطبخ" "الكيس اللي لونه رمادي ، حطيطه مع البهارات" ردت اختي "لا اتكون حطيطيه مع الكلة ما لتج هذه " سألتها الوالدة بغضب "اكيد حطيتها ترى أكلتي يبا لها بهارات ولا كيف بتطلع طعمها لذيذ" قالت اختي "لذيذ يا مفعوصة اتعرفين كيس شو هذا يالجامعية؟" سألتها امي وانا كلي ألم "أكيد كيس بزار ولا قرفة مطحونة " ردت اختي "لا يالفهيمة هذا كيس الحنا حطيتها علشان احني فيه شعر راسي ، والحين اكلتيه اخوانج" ومن ذاك اليوم ما حاولت اني اجرب اي اكلة من اكلات اختي الجامعية ــــــــــــــــــــــــــــــــــــــــــــــــــ ـــــــــــــــــــــــــــــــ ان شاء الله ضحكتوا علي السالفة مثل ما اضحك عليها كل ما زرت بين اختي المتزوجة الحينة واتحضري لي اللزانيا اخوكم خالد أحمد
|
|||
|
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
أقسام الموقع
العرض العادي
