[جلسة سمر] مجلس التصميم والإبداع

السلام عليكم ورحمة الله وبركاته
اشحالكم ؟
عيدكم مباارك مقدما ^ـ^
امممممممم والله ما كنت ادري انه الواحد يقدر يدش ويااكم بالسمرة حسبتها بس خاصة بالضيوووف
بما انه في اسئلة
سؤالي الاول :
كيف قدرتوا توفقوون بين رمضان وبين الاشراف والتصميم في نفس الوقت

وان شاء الله ارجعلكم وفي جعبتي الكثير

تحياتي
الدلوووووعة

السلام عليكم

مرحبا بمجالس التصميم والإبداع وبالجميع من ضيوف ومشاركين وأعضاء والجلسة مفتوحه للكل ويامرحبا بكم

وعليكم السلام دلوعتي الغالية

مشكورة عتواجدج حبوبة وسعيدين بانضمامج لنا وسؤالج امممم اذا عن الاشراف فانا بتم مقصرة لاني ارد من الدوام تعبانة وما الحق اشارك فيه الا بعد التراويح في رمضان واحاول اسوي اللي اقدر عليه وبالنسبة للتصاميم فاصممها يوم اكون فاضية اثناء الدوام واستغل الوقت في اني اسوي شي يديد ^_^ لكم وبالنسبة لرمضان فهالشي ما نقدر انحدده حنا البشر لانه مهما سوينا بنتم مقصرين نسال الله يتقبل منا صيامنا وقيامنا يارب ويتمم علينا ان شاء الله ودمتم برعاية الله وحفظه

اخت الم مشكورة يالغلا على جهودج ويعطيج العافية غناتي واي سؤال فخاطرج اسالي ودمتي برعاية الله وحفظه

مشكوره اختي ع الدعوه ...يعطيك العافيه ع جهودكم

السلام عليكم و رحمة الله و بركاته ..

مشكورين على هالفرصه الجميله .. و ان اشاء الله تكون جلسه خفيفه و ممتعه ..

السلام عليكم

أخواني وأخواتي الكرام ضيوفنا الاعزاء اهلا بكم من جديد أحببت أن اطرح عليكم بعض الاسئلة وأتمني أن تكون خفيفه عليكم


سـ1/ شهر رمضان يختلف في عاداته وتقاليده في كل بلد هل ذكرتم لنا بعض تلك العادات والتقاليد في بلدانكم ؟

سـ2/ نحن الآن في العشر الاواخر من هذا الشهر الكريم كيفما تقضون هذي الايام ؟

سـ3/ كثيرا منا يتعرض لمواقف ق تكون محرجه وقد تكون مضحكه في هذا الشهر اذكروا لنا ماتجود به ذاكرتكم من هذي المواقف ؟

سـ 4 / ماهو جدولك الرمضاني وماهي الاولويات لديكم في هذا الشهر الفضيل؟

و عليكم سلام و رحمه اختي العزيزه ..

و هلابج زود .

ج1 / في رايي ان اهم عادتنا و تقالدينا هي ان شهر رمضان في الامارات شهر التعاون والإحساس بالآخر .. اضن ان نحصل على شي مانحصله في السنه بأكملها.. تواصلنا مع اهلنا و ارحامنا .. و من ناحية اخرى يتمسك صغير و الكبير بصلاة التراويح ..

ج 2 / في العشر الاواخر احاول قد ما أقدر اقضي اغلب وقتي بصلاة و بالقرآن و دعاء ..

ج 3 / اممم صراحه الموقف المحرج هو يوم يطنزون خوانيه ع طباخي اكره عمري و اليوم اللي فكرة احدر فيه المطبخ .. وعن المضحكه مره سرت اوعي ختيه عسب تصلي الفير و الحبيبه مدت ع القلاص اللي حذالها و شرب الماي اللي فيه هههههه اسميني انصدمت قتلها انا يالسه اوعيج لصلاه يعني اذن ما ايوز تشربين الماي حليلها شكلها كانت تحلم بالماي ..

ج 4 / جدولي في رمضان معفوس و سبه هالجامعه بس احاول بكل جهدي ارتبه عسب اعطي وقت لعبادتي و قت لهلي و وقت لدراستي .. بس سبحان الله رمضان من شهور المبارك فيها الوقت صح مع كراف الجامعه بس بعده احسن عن الشهور ثانيه القى وقت لعباده ربي و غيره ..


و مشكوره الغلا و يامرحباابج ..

وعليكم السلام ورحمة الله وبركاته

يا حيا الله بالغلا كله


زي ما قالت اختي اشراقة الريم فعادتنا برمضان قريبة بعادات دول الخليج والدول العربية في الامارات لنا عادات الكرم والخير وفي هالشهر الفضيل انشوف الناس يعدون الاكلات ويتم توزيعها ابمين بعضهم وفيه يساعدوا الناس المحتاجة ويطرشون المساجد وتحس باجواء كلها الفة وود وتالف والرسول وصى بالجار وما شاء الله اهل بلادنا اهل خير وكرم تلقينهم بكل الحالات مع جيرانهم واحلى شي وقت صلاة التراويح يطلعوا زفة مع بعض

ج2 امممممم الايام الاخيرة الواحد منا يكثر من الدعاء وقيام الليل ويصلي النوافل ويتصدق على المساكين


ج3 ما عندي موقف معيين صار

ج4 اممم جدول ما احيدني اسوي جدول بس مثل تجري العادة اني اختم القراءن اكثر من مرة واقتنص الفرص في اني ابذل مجهود اكبر بالطاعات من دون مشاهدة التلفزيون وغيره لانه الواحد ما يضمن عمره اذا راح يعيش لين رمضان اللي عقبه ولا لا

ودمتي عزيزتي برعاية الله وحفظه

السلام عليكم ورحمة الله وبركاتة




أخواني وأخواتي حانت ساعة الانتهاء بعد ماقضينا عدة ايام بصحبة مجالس التصميم والإبداع يتراسها أختي الكريمه غصون متمثله بالمجلس وضيوفه الكرام لايسعنا بالختام الا شكرهم وشكر كل من حطت قافلته هنا وتسامر معنا بما جاد به قلمه فكل الشكر لضيفنا العزيز وضيوفه الكرام ومن زار هذه الصفحه من اعضاء وزوار ولنا لقاء في الغد مع ضيف جديد لمده ثلاث ايام فترقبوا كل جديد ومميزا مع مجلس النقد والمقابلات



مراقبي مجلس النقد والمقابلات