+::اكبر موسوعه شعريه تراثيه::+

فـي قـدوم الهيـن رحبـنـا والــذي للـكـاس عانـيـنـا
مرحبـا يللـي عنيـت إلنـا مرحـبـا وأهــلا ملايـيـنـا
كل مـن شـارك ايشرفنـا والشرف والمجـد يكفينـا
إن نصيت الـدار قاصدنـا صوبنـا يـا راعـي الهينـا
وجـان متـحـدي بتسبقـنـا سبقنـا فـي دارنـا امحينـا
حاسب احسابـك وراقبنـا ونزل اشياطينك قبل تينـا
الـذلايــل تـخـلـف الـظـنـا والريـل مـا يظلـم الهيـنـا
لا تظـن ابظـن مــن ظـنـا وعن ظنون الغير نافينـا
وان سبقتوا ذاك يفرحنـا ولا عن التصفيق صخينا
نعـتـرف بلـلـي بتسبـقـنـا وان سبقنـاهـا تقاضـيـنـا
كـل شـاعـر يـبـدع إلفـنـا له مكان أو يعرفـه زينـا
لا يـواخــذنــا ويـظـلـمـنـا مـنـه تزعلـنـا وترضيـنـا
لي حصل منه حصل منـا إن رضي بالحق راضينا
ولا يظـن الــدرب يتعبـنـا لـو يطـول وياخـذ اسنينـا
ذاك مـا يطفـي حماستـنـا فــي ضـيـا بــراد لاظيـنـا
تـوجـد السـبـق ملايـكـنـا كـل حـايـل شكلـهـا زيـنـا
م الأصـايــل كـــم هـجـنـا والـخـيـار الطـيـبـه تـيـنـا
بـو خليفـه لــي يشجعـنـا حـاضـر ويعـيـد ماضيـنـا
لـلـعـلا قـايــد مسـيـرتـنـا بالفـرح ويـعـوده اسنيـنـا
هوه لي يحمـس تنافسنـا والتنـافـس بـيـن لاثنـيـنـا
مجتمعـنـا بالـطـرب غـنـا وفـرحــة فـيـهـا تلاقـيـنـا
فــي تحيـاتـي لــه الـمـنـا طـايـر بـاعـلا البساتـيـنـا


محمد بن راشد بن سعيد آل مكتوم

مشكلتي إني ماعرفت أحسب لصدتهم حساب ** قلطتهم صدري علـى ذكـري قصيـد وحنجـره
صوت ٍ يصول بمنبره واخطاب مامثله خطاب ** والطيبه اللي زعزعت صوت الخطيب ومنبـره
مافيه دمع ٍ صوبوه أحبابي بوجهي وخـاب ** ولازرق حزنـي علـى غالـي ولافـج انحـره

كل الزهاب اللي معي ذكرى من أصحاب الزهاب ** واللي بقالي من عذاب اشرس طريقي وأخطره
لأني تجنبت الغرق.. عديت من فوق السحاب ** لأن أكثر أصحابي ورق..ماشفت للطيـب إثمـره
والله ماحطيت بين الحقد والخوه حجاب ** حتى غدوا ربعـي يحدونـي علـى الضيـق أشكـره
أثر المصايب ماتجيك إلا من الناس القراب ** وبهالزمن حتى الخـوي اللـي تثـق فيـه أحـذره
لابارك الله في رفيـق ٍ تزعلـه كلمـة عتـاب ** ولاجمـع الله الرجـال اللـي تفرقهـم مـره
الصاحب اللي مايجي من صحبته غير العذاب ** نذر ٍ علي إن ماهجرني وإلا أنا اللـي بأهجـره
من يفتح لفرقـاي بـاب أفـك لـه عشريـن بـاب ** وأذا خويـي مايقـدر خوتـي ماأقـدره
عقب أكتئاب البارحه ماعاد انا حمل إكتئاب ** الطيب جرجرني وانـا مانـي بناقـص جرجـره
اللي يخاف من الظما يترك لنا طرد السراب ** واللي ماهـو بقـد الظـلام ووحشتـه لايسهـره
انا تجرعت الظما لين أحترق وجهي وذاب ** انـا كسـرت بخاطـري قبـل الصداقـه تكسـره
انا أكثر (أنسان) تعلم من كثر ماأخطأ وصاب ** انا أخر (لسـان) يتكلـم فـي زمـان الثرثـره
جفني وجرّحه السهر ، حيلي وهدّت الصعاب ** دمعي هدر،ضحكي ندر،عمري وضيعت أكثـره
شيبت بعقول العرب..هيبت روس ٍ ماتهاب ** جمهـرت نـاس ٍ عمرهـم مايعرفـون الجمهـره
ماصرت ذيب إلا لأن اللي تحدوني ذيـاب ** مـا كنـت أغيـب إلا لأن العفـو عنـد المقـدره
ترى حلاتك لاحملت لصاحبـك كلمـة عتـاب ** أن مانطقـت بهـا بوجهـه ماتذمـه بظهـره
ودك اليامن جاتك الغلطه من الناس القـراب ** الصاحـب اللـي ماكسبـت محبتـه ماتخسـره


حامد زيد


جوودي

يوم امر واطالع دياره
واذكر ايامه ولياليها

واذكره في وقت مظهاره
يوم يمشي في اراضيها

يوم هو رايح جدى جاره
واجبات الجار ياديها

كالبدر لي شعت انواره
نور الدنيا وما فيها

عقب ذاك الوقت واسراره
والسعاده لي نحن فيها

بوحمد الايام غداره
فرقتنا عقب ماضيها

والدموع اتهل بغزاره
ما وقف من العين جاريها

والحبيب انقطعت اخباره
ما حصله من يوديها

ما بجيلي غير تذكاره
والهموم اللي اجاسيها

اه لو بيعود الى داره
عاد سعدي والهنا فيها

جان عندي ما من خساره
غايه القصد ومناويها

وللمبشر بعطي بشاره
لو اسوم الروح وافديها

يعل يود السحب وامطاره
تسقي دياره ويرويها



علي بن رحمه الشامسي

آنجفت منك وخاطري طاب
مالي على لاماك زاغور
لول لك سيدي وسيد الاحباب
مطيع لك في الامر والشور
واليوم عنك غلق الباب
تغليقة والمفتاح مكسور

طول الغيبات و الشومي
جان تبغي لك غلا زينا
و يوم تازم تكثر الحومي
يبغضونك لي مودينا
بجلد عن وزاي اللومي
وبيحده عوق المحبينا
والوطن بصبر عنه دومي
لين قلب الجاسي يلينا

يا قو قلبك على الصّده ويا صُبرك
ويا وسع صدري على صدك ويا صُبري

ويا طول عمرك بذاكرتي ويا كُبرك
ويا شيب عيني بشيّب عاد ذا كُبري

والله لو ان حمل صبري فوقك ان تبرك
والله ولو تعتذر منت بعلى خبري

ان ما جبرك الغلا ما اقدر على جبرك
ياللي على ارض الوفا ما شبرك بشبري

تزعل وترجع وتلقاني على خبرك
وانا انكسر لك واجيك ادوّر لجبري

طيفك وذكراك طيلة غيبتك سبرك
وشوقي لشوفتك طيلة غيبتك سبري

امحق وليف ومحبه والا اقول ابرك
حسبي عليك اعشقك وانت اتحفر قبري




بن فطيس

...........................................

من بنات الريح لي صفرا جفول

كنها ظبي الفلا بجفالها

منوة الخيال عساف الخيول

زينها في دقها وجلالها

زينها ما شفت وصفه بالمثول

الله اللي بالجمال اصخى لها

تستذير كحيلتى من كل زول

ما يصخرها سوى خيالها

اذكر الله كل ما قامت تجول

و احمد الله خصنى بحبالها

كنها تمشي على قرع الطبول

فتنى اللي خافقه يبرى لها

ظافي القصه على الطرف الخجول

تنكسر شمس العصر بظلالها

وصفها وصف السحاب اللي يحول

كل عين تستخيل خيالها

او كما طاري على الخاطر عجول

صاحبه حقيقته ما طالها

كل رجل في حياته له ميول

والهوايه تمتلك رجالها

......,,,,,,

بنات الريح للشاعر الامير""خالد الفيصل""

هذا فؤادي ياأريش العينين فـ طوعِك
مثـل الأسيـر إلّلـي امقَيّـَد بِـ الِحبَــال

راضـي إِبـأَسـرِك يـا / وحيـدٍ نـوعِـك
ماجِـد خِلِـج مِثلك من أَجيال و أجيال

آمـر أميـري سايرٍ دوم فـي إتبـوعِك
إمطيع لامرِك يا بَعَد لَحباب فـ الحـال

ما تَـدرِي أنِّـك يـوم تَـذرف ادمـوعِـك
يا أمِـوَّرَد الخـدَّيــن و اتـصِيـر مِسيَال

ثارِيك تَسقـي إبسيل دَمعِك إِزروعِك
إزروع حِـبٍّ بـيـنـهـا / الـقـَلـب نــَزَّال

الخـافِق إِلّي ساكِنٍ لَيَّت إِضلوعـــِك
مِـتعَـوِّدٍ فـي الـهَـوى ذوق لَهــــوال

إِرجَـع حَبيبي يـــوم عيـدي إِرجوعِك
يامـا دِعـيـنـا لِك بِـ لِفـروض وَ أنفـال

عـيـدي أنـا يـا غِـرّ هَـلَّـت إطـلـوعِـك
عــقب الصَّبِر يا حَياتي فِـيك لامــَال

كِثر الدَّلــَع لي فِيك إِمحَّلي إِطبوعِك
مِـثـل الـغـــَزال إليّ عَن الصِّيد يفَّال



الدكتور : مانع العتيبه

آه يامن قلبـه تشقّـى
وانتصف آزم جسمينا

لاحشى مابحتمل فرقـى
لي امربنّه مـن اسنينـا

لاصديج ولا رفيج القى
يفعل المعروف والزينـا

نجم يزهى لي من الشرقى
هو غناتي قـرة العينـا

جيف بصبر جيف بتّقى
ساطيٍ عوقه من اسنينا

في هواهم دوم انا امشقّى
ماليه غيـر الله امعينـا

الجسم والحال مندقّـى
ياعلي جيف الفكر فينا

ف الهوى فاهم ولا اتنقى
غير لي فاهـم معانينـا

بوخديداتٍ شرا البرقـى
يشتغل مابيـن مزنينـا

والمضاحك دونهن غرقى
يك دانـاتٍ مثامينـا

في حشايه علّتـه ترقـى
عايت ابكل المداوينـا

بات دمعي هاطل ابهرقى
في الدجى طلع الميازينا









رآشـد بـن طناف