كل عام و إنتي بخير ( أم ميرة )

عمر الهاشمي · #1 12-25-2007, 11:24 AM

بالرغم من ضياعنا في هالزمان ..

وفراقنا وضياع الأحضان ..

بالرغم إن القدر فرق ما بين قلوبنا ..

وإنغشى نور المحبة عن عيونا ..

وأذكر لما هنت عليج ..

صرت مجرد واحد عرفتيه وعادي تبيعيه ..

سلمتي مصير جنتنا بإيد غيرنا ..

ميرة .. ماريا .. إنحرمت من فرحتي بفراقهم ..

وإنحرموا من حناني و حمايتي ..

ليش !؟

شو صار !؟

هل أنا أستاهل !؟

البنات !؟ إنتي !؟

هذا المستقبل الواعد اللي نبني له حياتنا ..

ولا حمايتج لي وكتمان الاسرار ..

شو إستفدتي !؟

حرمتيني و حرمتي نفسج وحرمتي البنات من لذة العيش

تحت سقف واحد ..

بعدني أذكرج ..

بعدني أنطرج ..

بعدني أحلم بج ..

كم حاولت وحاولت أنساج ..

ما قدرت ..

ما صبرت ..

إنتي غلطتي و أنا غلطت ..

لكن ..

لو كان الحب من القلب ..

كنتي دافعتي عني ..

وإنتي أكثر من أمي و أبوي تعرفيني ..

يا عسى دموعي تبرد خاطرج ..

يا عسى جروحي تطيب مشاعرج ..

أحس فيج ..

أعرف إنج تبيني ..

أعرف إنج حسيتي بغلطتج ..

و أنا والله مسامحج ..

وأعرف إن مستقبلج مب في إيدج الحين ..

وأعرف إني أنا وإنتي نمشي في خطين متوازيين ..

يمكن ..

يرحمنا القدر ..

ونلتقي بعد أعوام ..

و يمكن ..

يوصلج خبر وفاتي ..

وتعرفين إش كثر أنا ندمت و غلطت

في حق نفسي وحقج ..

و إني والله ولا وحدة تاخذ مكانج ..

صدري يوجعني ..

عيوني تحرقني ..

صبري يخوني ..

أنوح وأنوح و أبكي ..

أصيح يا رب إغفر لي ذنبي ..

ما قدرت أحافظ على عائلتي ..

يا رب إرحمني و إرحم أم ميرة و بناتي ..

و قربني لك ..

مالي للدنيا مقصد غير رضاك عني يا أرحم الراحمين ..

عمر بن عبدالرحمن

الضيف الغربي · 12-25-2007, 02:28 PM

ما اصعب التفكك
ما أقسى الضياع
ماذنب الفروع أن تتقاذفها الرياح
ولم تشتد أعوادها بعد00؟؟
0
0
0
الرحيل مر
والفراق أمر
والعناد شرارة دمار0
0
0
0

عمر عبدالرحمن
كل عام وانت بخير
والله يصلح الشأن
ويلم الشمل قبل فوات الأوان
دعواتنا معك

مودتي
الضيف الغربي

**إليـَاذة** · 12-26-2007, 01:16 AM

وافترقنا..

واجتمعت مرارة الكون في قلبي

اسودت الدنيا..

واكفهر زرعي..

أينكِ ياأناي..

أين وجداتنكِ الذي طالما
استمدتُ منه الأمان..؟

::

عله فراق مؤقت..
ونعود
نتجاذب الغرام
كطائرين .. على فنن

::
عمر..

نص صادق واحساس حقيقي..
الخاطرة تمنيت لو أنها كانت بلغة غير دارجة
حتى يعم فهمها..

::

من رقي إلى أرقى أيها الهاشمي

الدانه الهلاليه · 12-26-2007, 03:10 AM

اخوي عمر كلمات صادقه ونابعه من القلب

عسى الله يوفقك وننتظر المزيد

لك مني كل الود
تقبل مروري/الدانه الهلاليه

أدوات الموضوع
عرض صفحة طباعة الموضوع أرسل هذا الموضوع إلى اصدقائك
طرق العرض	تقييم هذا الموضوع
العرض العادي العرض المتطور العرض الشجري	تقييم هذا الموضوع:

عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف)