|
|
|
|
|
|
||
| إعلانات منتديات ألم الإمارات |
|
|
|||||||
| أرشيف المقهى أرشيف المقهى مجلس غير مخصص للمشاركات للإطلاع فقط . |
| كلمات البحث |
| قلبي الصغير |
|
|
LinkBack | أدوات الموضوع |
التقييم: 
|
طرق العرض |
12-20-2010, 01:19 PM
|
#321 | ||||
|
السلام عليكم ورحمة الله وبركاته
مسـاء مميـز، لكل شخص مميز  ،  أمس راويت دار الحي الصورة وطالعتني باستخفاف .. بس لا يأس مع الحياة  ..كنت توني طالعة من الفريج يوم يت عيني ع العداد .. جان أوقف ع ينب وأصور هاللقطة التذكارية  ..يوم الأحـد مجملاً كان يوم حـلو وخفيف .. بداية بالشوارع الفـــاضية .. كشخة المدارس مأجزين وفضوا لنا الشوارع ..وصلت الجامعة من وقت مع اني طالعة 7 ونص .. ودخلت أول كلاس لي .. عقبها سرنا نتريق أنا ودار الحي وR  ..ما استوت نص ساعة إلا وياني اتصال من منظمين مسابقة القصة اللي اشتركت فيها .. ووصلني خبر يفرحني  ..الحمدلله .. هالشي حمسني لكتابة قصة قصيرة واقعية أشارك فيها في مسابقة بتنطرح ان شاء الله السنة الياية وانا على مراسلة مع منظميها .. وعلى هالوناسة اكتملت وناستي يوم تذكرت ان باجر اللي هو اليوم {الاثنين} إجـازة  ..بس ما اكتملت الفرحة ويا الشغل اللي عطونا اياه نخلصه  .. ومن رديت البيت طرشت لي R إن جدول امتحاناتنا نزل .. وجان أجيك وأستانس ان كل مواد التخصص ما عليها فاينل .. وبس عندي امتحانين  ..بتاريخ 23 و 24 / يناير .. ومن عقبها الودااااااع لهالسمستر.. هذا يعني كراف من الخاطر هالفترة لين نص شهر 1 .. وعقبها بنرتاح.. الله يعيـن  ..واليوم اتفق ويايه اخويه الصغير اني اوديه مكان ما .. وانا طبعاً ما رضيت .. بس كل دقيقة اييني يقول لي ها غيرتي رايج ؟ جان يكسر خاطري وقررت أوديه  .. مع اني ادري انه ما بيخلي مكان الا وبيقول لي وديني .. اعرفه خبزة ايدي ..يلا عيل اسمحـولي 
|
||||
|
12-31-2010, 10:31 PM
|
#322 | ||||
|
السلام عليكم ورحمة الله وبركاته
شحالكم عساكم بخيـــر ؟اشتقت إليكم يا حلويـن  هالأسبوع كان وايد حافل الصراحة .. وايد أحداث استوت .. ووايد اشيا ما خطرت ع بالي وعشتها فهالفترة .. (1)  تكريم مسابقة القصة اللي ما حظرته .. عقب اكتشفت اليوم الثاني اني لو كنت حاضرة جان حصلت صورتي في الجريدة ويا باجي المتسابقين.. يلا الحمدلله ع كـل حـال .. وان شـاء الله نتوفق في مسابقات قصص ثانية بعد ..(2) من بدى هالأسبوع وانا ما درست ولا كلاس Environmental يعني معناته ما داومت ولا يوم من وقت .. ولظروف الدراسة والتسليم هالفترة ما مدانا نتشاوف انا ودار الحي .. بس الاخت وايد واثقة من نفسها اجوفها .. الله ما كتب اني اجوفها طول هالاسبوع ويوم يت عندي كنت سايرة اطبع البوستر..  فديتج والله .. افتقدت اليلسة وياج هالأسبوع ..(3) محادثة ما بنساها بركان الغلا: تدرين اني توني مخلصه القصه : =)) تحمست وقريتها فيومين ما ادري ثلاث : حبيتهاااا وااايد صدق ان فالبدايه توقعت اشيا وعقب فالنهايه طلعت الاحداث غير بس حسيت ان النهايه حلوه  (y): حبيييت سيف خخخخ وكسر خاطري راشد بعد بس ماحبيته : هيه صح الابيات اللي حاطتنهم فالقصه رووعه وماعليها كلامB) : ويبين ان اسلوبج غييييييير واطور واايد يعني ماحسيت انج حاطه كلام بس جي عشان تكملين القصه يعني كل حدث كان مهم : (y) رووعه ويعطيج العافيه : \=D/ طبعاً التعليق على قصة: أموت ولا أموت ولا انتظر موتي.. أحلى شي ان يوم تشاوفنا أمس تمت تناقشني بسبة كم حدث في القصة .. مع انها خلصت  ..فديتج والله (4)  درجة الحرارة هاي كانت أمس الخميس.... تقريباً ع الساعة 7 ونص .. تميت تقريباً ربع ساعة مشغلة الدفاية .. مع اني مب من مؤيدين الدفاية لأضرارها الجانبية .. بس البرد كان صج فظيع .. يالله من بعد هالبرد يصب مطر غزير  (5)  هاللوحة الفنية يوم سرت امارات مول خلال هالاسبوع .. هي صح اختي الصغيرة هي اللي طلبت مني احطها في يوميتي واكتب عنها .. ها استانسي طريتج ..كان عندي اليوم الثاني بروجكت مب مخلصتنه بس من مصاختي سرت اوني بتشرى حق الجامعة وما حصلت شي دخلت محل أريج اجوف أيدد العطور اللي عندهم .. والله راسي افتر  ..يمكن 8 حوالي وكل وحدة تشممني شي .. ووحدة منهم زاخة القهوة تشممني اياها يوم اقولها اني احس العطور نفس الريحة .. آخر شي خذت عطر من Versace .. هو نازل من اكثر من 6 شهور ..  بس حبيت ريحته خاصة اني وحدة ما يهمني حتى لو العطر من مليون سنة موجود .. اهم شي ريحته عايبتني وما تكون مركزة.. حتى اخويه الصغير يقول لي انتي دوم ريحة عطورج حلوة>>> متعقد من عطور الحريم ..(6) رتبت جدولي حق السمستر الياي .. وكان مرتب تقريباً .. بس اليوم ادفايزري قالت لي ان في مواد ماروم آخذها.. وفي مواد محجوزة .. وفي وايد اشيا ..فشلت لي المواد وبعدها ترتب جدولي .. يا رب يكون حلو وخفيف لاني اكره الجداول المعفنة ..اليوم غيرنا جو وطلعنا .. بس مالي خلق اقول التفاصيل ..عمــــومـاً، كل عـام وانتوا بألف خيـر .. واذا رقدتوا اليوم بتنشون السنة الياية >>> سخافات ضحكتني ..عساها سنة خير ان شاء الله علينا وعليكم ..يلا أجوفكم على خـير  ..
التعديل الأخير كان بواسطة : *قلب دبي* بتاريخ 12-31-2010 الساعة 10:35 PM |
||||
|
01-05-2011, 04:23 PM
|
#323 | ||||
|
واختفى التراجع والقلق.. السلام عليكم ورحمة الله وبركاته شحالكم عساكم بخيـر ؟ أحس اني بعد ما فرغت شحنة من الخواطر اني احسن تصدقون ..دراستي الجامعية الحمدلله ماشية على قدم وساق .. إلا بالنسبة لمادتين .. كان حلمي أييب فيهم A .. بس شكلها أحلامي ما بتحقق خاصة اني ما شديت حيلي فيهم .. بس ان شاء الله باجي المواد أييب الـ A فيهم  ..المهم ما علينا .. من ساعة تقريباً رديت من الصالون .. والحلو تعاملهم وان المكان نظيف وجي .. هو شرات مركز صحي اكثر من صالون يعني عندهم وايد سوالف.. المهم واستلمتني وحدة وتمت تسولف .. وعاد انا خذت راحتي ويلست اسولف وياها .. وزل لساني وقلت لها ليش ييت .. وعاد يلست تسأل وهالسوالف ... ومن طلعت من الغرفة الا اجوف الكل متيمع حواليه ويبارك لي .. حسسوني اني عروس ..قفطت وايد الصراحة .. وعلى طول قررت في خاطري اني ما اييهم الا عقب فترة عل وعسى ينسون ..باجر ان شاء الله ولو ان عندي وايد فعاليات بتستوي .. بس عشان وعدي ان شاء الله الحلوة بترد ويايه وبعزمها ع الغدا .. خلصت سوالفي يلا اسمحولي
|
||||
|
01-08-2011, 12:03 AM
|
#324 | ||||
|
السلام عليكم ورحمة الله وبركاته
شحالكم عساكم بخير ؟ أحس مزاجي عال العال اليوم على اني مدوخة وابا ارقـد  ..يوم الخميس كان حافل حافل بمعنى الكلمة بالنسبة لي .. بدايته يوم نشيت من رقادي بالغصب .. حضرتي اوني بحط راسي الساعة 12 وبرقد .. بس من الافكار السودا ماظني رقدت الا بعد اكثر من 3 ساعات .. المهم وصلت الجامعة الساعة 8 تقريباً .. كنت أمشي ع راحتي واحس ما كنت مصدعة حزتها .. من بدى الكلاس وتقريباً في نصه بديت احس بأعراض غريبة وعجيبة ..ورحت أشرب ماي يمكن أصحصح .. من عقبها طلعت من الكلاس وسرت تريقت ويا دار الحي .. ويتني حالة غريبة اضرب واهزئ اللي جدامي .. حليلهم والله ربيعاتي لعوزتهم هاك اليوم بس هم دلعوني ..يلستي ويا دار الحي كانت مثل الهدنـة تقريباً .. كنت مهددتنها ما تطري شي من اللي يوتر أعصابي يوم ببدى آكل .. عطيتها نشرة الأخبار كلها قبل لا آكل ..وعقبها يلست ساعة ويا ربيعاتي الباجيات .. ومن شدة شعوري باني مسطلة .. بدى الصداع اييني .. وانا من النوع اللي ما اصدع الا يوم فيه رقاد شديد .. حاولت افج اوراق المراجعة اذاكر قبل الامتحان بس ما رمت .. من شدة الرقاد ما حضرت كلاس Special needs ويلست اذاكر .. وكل شوي كانت اتيني وحدة .. مع السوالف ويا غالية أبوها والحلوة وبركان الغلا احس صحصحت شوي.. وحضرت الكلاس اللي عقبه وانا احسن شوي .. وعلى طول عقب حضرت آخر كلاس IT وامتحنت وطلعت بسرعة .. كنت عازمة الحلوة بمناسبة ما .. حتى لو احاول اتذكر ما بذكر شو السبب لان من اكثر من اسبوعين ونحن متواعدين اعزمها ع الغدا بمناسبة شي.. وانضمت لنا بركان الغلا .. مع اني كنت ابا ارقد بسرعة اول ما ارد البيت .. بس سووا لي جو .. مرينا وعزمتهم على غدوة خفيفة ونحن نضحك ع الخبال .. وانا كل الرقاد طار من عيني من كثر ما ضحكت .. لا بعد يتريون مناسبة ثانية ويبوني اعزمهم .. وانا بعد اوني طيبة اقول لهم فالكم طيب عقب ما وصلت كل وحدة بيتها .. رديت البيت واستلمتني اختي الصغيرة تسويلي لعبة .. مادري شو تسوي المهم القلم يدور كم دورة ويكتشف انتي كم بيكون عمرج يوم بتعرسين ..ضحكت عليها لين ما قلت بس .. وزاد ضحكي يوم استلمها اخويه A يقولها يا مشعوذة وهذا دجل وسحر ومادري شو .. حليلها كانت تحاول تدافع عن عمرها بس ما عطيناها مجال .. يا حب البنات حق سوالف الزواج الله يهديهم  وصليت العصر ورقدت لين قبل أذان المغرب .. هالوقت ماحب ارقد فيه بس صج يوم الخميس كان استثناء .. بعد ما نشيت بدى المهرجان كله ..والفعاليات والخرابيط ..اهم شي بنت اختي F فديتها يابت لي كب كيك سبشل لي .. احم صج كنت حاسة اني مميزة هاك اليوم  ..المهم للذكرى بس احب اقول انه كان يوم مضحك على كل اللي مريت فيه .. ضحك بزيادة / خوف / ضيج / توتر / انا اتنافض تخيلوا فديتها اختي أم احمد تقول قلبي يدق .. واختي أم عبدالله تقول يوم ان انتي قلبج يدق عيل هاي (تقصدني أنا) شو شعورها  بس كل هالمشاعر كانت خفيفة والحمدلله اهم شي ما يتني حالة الاكتئاب اللي اتيني كل مرة .. احسني قمت اتقبل أكثـر .. الله كـريم .. يـوم الجمعـــة .. خاصة ان الخميس كانت السهرة طويلة وما مدانا نيلس ونسولف.. كملنا سوالفنا الصبح بغباء .. وع العصـر سرنا الواحة تلاقينا ويا خواتي ..كانت طلعة حلوة وخفيفة الحمدلله .. لا والقهر الكل يقول لي كم مرة تجلبتي لين ما رقدتي ؟ قلتلهم رقدت على طول .. جان يقولون يعني مرتاحة نفسياً ..ع كيفهم يعني  بس من ناحية ثانية كشخة بدى الشغل على قدم وساق من الحين .. والحيــــــــــــن .. يوم السبت يعتبر .. عندي شغل الدنيا.. هي واجبات .. هي امتحانات .. هي تقارير .. هي شو بالضبط ؟ الله يعـينني لين 18 / 1 .. من عقبهـا شوي برتاح لين الامتحانين اللي باجي لي .. بالتوفيـق للجميـع .. واسمحولي جان طولت اصلا هاليومية المفروض تكون اطول بوايد .. بس يلا خلاص ما بطولها اكثر خوخاتي / احساسج في محله للأسف .. بس اللي استوى كان قبل الشي اللي توقعتيه
|
||||
|
01-24-2011, 06:30 PM
|
#325 | ||||
|
السلام عليكم ورحمة الله وبركاته
ما اصدق اني قطعت كل هالمدة عنكـم ..تولهت ع يوميتي وع المنتدى مع اني كل يوم كنت ادخله بس ما اخذ وقت طويل جي بس لفة سريعة واصك الشاشة .. المهم اليـوم كـان آخـر يوم امتحان لي .. وبدت اجازتي  ..ليـن 13 / فبراير ..ان شاء الله ما تمر الإجازة بسرعة .. خلوني أخبركم كم سالفة عني .. تحيدون الكب كيك اللي سوته بنت اختي F لي ؟ هاي صورته ..  ما تهنيت في ولا واحد منهم .. الصغير جافه اخويه بو راشد جان يقول ببراءة الله مال منو هذا .. يوم عرف انه حقي اعترض طبعاً ان اشمعنى انا مسوتلي .. وعقب على طول سحبه وكلاه وانا جي  ..والثاني العود سارة بنت اختي تمت تلمح ان خاطرها فيه .. وانا تزططت عليها وقلتلها خذي نص منه ..المهم ومرت الأيـام وبدينا دوامنا هاك الأسبوع .. من 9 / 1 أقصـد .. كان تقريباً مطلوب مني كل يوم تسليم شي .. لدرجة اني احس ان كان ودي أنتف شعري  ..بس الحمدلله ما كنت أحس اني ضايعة .. يعني عارفة شغلي بس مشكلتي كنت أبدى بالشغل وما أكمله الا ليلة التسليم.. بتاريخ 17 / 1 .. كان عندي امتحان Human Development ..  هالمادة على كثر ما هي دسمة على كثر ما أحبها .. ومعروف بين كل كلاسات هالمادة ان استاذنا غير عن باجي الأساتذة .. ع قولتهم الأسوء يعني .. بس مع ذلك كنت أحب كلاسه وأحب تعامله .. لاني أساساً أحب الأساتذة اللي اهم شي عندهم أخلاق الطالبة قبل تفوقها .. وفوق ها محترم ومب من النوع اللي يستهزىء بحد .. بس مشكلته انه كان يعطينا تسليم بروجكتات وامتحانات وايد طويلة ومكثفة .. مع اني في الفاينل يبت 88 وما نزلت درجتي كاملة لين الحين .. بس صج احس ان هالمادة من بين كل المواد الباجية استفدت منها وبشكل كبير .. مهمة لحيـاتنا الحيـن .. المستقبل والزواج .. الحمل والولادة .. حتى الشيخوخة تطرقوا لها .. نصيحة لكل طالبات جامعة زايد .. هالمادة تقدرون تاخذونها Elective .. وايد وايد بتفيدكم صدقوني  ..وأخيراً بتاريخ 18 / 1 تثبت جدولي على هواي .. بعد معاناة ويا الأدفايزر الله يهديها .. كل شوي تشلني وتحطني في مكان .. في مادة بتنضاف لي عقب لانها ما نزلت لين الحين .. مادري شو يتريون .. المهـم أنا خبرتكم اني كنت ناوية أغير تخصصي .. وسبحان الله ربي كتب إني أدخل أدب إنجليزي .. في حال ما كنت مفكرة في التدريس مثل الحين .. الترجمة هو الخيار الأنسب لي .. وايد وايد مرتاحة من فكرة اني بقوي الإنجليزي مالي .. ع قولة اختي ام محمد انتي العربي مالج قوي .. فحلو انج تقوين الإنجليزي بعد .. ومنو يدري يمكن افكر اتعلم فرنسي واغلب أسولة ..خبرت ابويه وحسيته ارتاح اكثر لهالتخصص .. يحليلي بنت مطيعة ماشاء الله عليه  ..يوم الخميس 20 / 1 .. طلعنا لنا طلعة خفيف لمطعم ويا هلي الأعزاء ..كانت طلعة وناسة ومنها غيرنا جو + قررنا نعيد هالمغامرة لمكان ثاني قريباً ان شاء الله ..وبتاريخ 23 و24 / 1 اللي هو أمس واليوم .. كان عندي امتحانين كل واحد أصعب عن الثاني .. بس ربي ييسر الأمور ويعين ان شاء الله .. اليوم كان امتحاني في الجيـم .. وكل البنات اللي ياخذون هالمادة في هالمكان .. ومنهم أنا ودار الحي ..بس الله العالم اني ما جفتها .. ويا ويهها طرشت لي مسج كاتبة فيه :  طبعاً ويهي انا من بعيد يزقر جايفة عمرها يعني .. ياخي ما عرف ابتسم بدون سبب صج تولهت عليها الدبـة .. والحيـن خبروني شو أسوي في الإجازة أحس بفراغ ..لا ان شاء الله بيكون في شي يشغل هالفراغ .. دعواتكم  زحوم : تقدرين تقول تقريباً
|
||||
|
02-01-2011, 07:32 PM
|
#326 | |||||
|
السلام عليكم ورحمة الله وبركاته
شحالكم عساكم بخـير ؟ نزلت النتايــــج اليــــوم ..أحس عمري مب مستوعبة ان كل الشغل اللي سويته خلال هالسمستر ما بدرسه مرة ثانية .. ما ضحكت على عمري الا يوم قريت هالشي اللي أنا كاتبتنه اقتباس:
واستوى العكس .. مادتين A والباجي B خخخخ.. ماعرف ليش هالشي صعب بالنسبة لي .. روحي روحي مخربة على عمري والله في كذا مادة ما ذاكرت امتحانها عدل .. كانت اتيني حالة خمول وصح اني اذاكر بس بعد في نفس الوقت احس ما ذاكرت من خاطري ..المهم الحمدلله على كل حال وأنا راضية بدرجـاتي .. درست الكورس اللي طاف 6 مــــــواد .. Environmental Science الدرجة: B+ هاي المادة الوحيدة اللي توقعي كان غلط بالنسبة لها، كنت متوقعة بييب درجة أزفت .. لأن آخر يوم امتحان كنت صج مصدومة من صعوبة الامتحان.. كنت 93 .. وتوقعت انزل وايد .. بس الحمدلله B+ مطمئنة. Intro to Info Technology الدرجة: B اعترف اني قصرت في حق هالمادة الصراحة .. لا مذاكرة خلال السمستر .. ولا بروجكتات اشتغلت عليها عدل .. بس يمكن الفاينل شديت حيلي فيه وايد فنقصت 4 درجات بس .. مع ذلك راضية تمام الرضـا عن الدرجة. Human Development الدرجة: A- حسيت بفرحة مب طبيعية لاني يبت هالدرجة .. شي حلو ان مادة مثلها أحبها وأييب فيها درجة زينة .. أتمنى من كل خاطري ان هالاستاذ يدرسني مرة ثانية ..International Systems of Education الدرجة: A بالضبط يبت 98 .. بعد ما يحق لي أعترض الحمدلله ..People with Special Needs الدرجة: B+ مادري ليش أحس اني انظلمت في هالمادة .. بس الحمدلله درجة زينة بالنسبة لوحدة مثلي طنشت كلاس هالمادة وما حضرته اكثر من 10 مرات ..Teaching Early Childhood Mathematics & Science الدرجة: B+ تخيلوا أمسات بس اكتشفت ان في Quiz ما امتحنته .. قهر صح كنت بييب A بس والله راضية بـ B+ .. تعرفون حبي الأزلي لهالمادة <<< والعكس صحيح ورفعت الـ GPA ولله الحمد ..وايد طولت في التقاييم ..ان شاء الله الرد الياي بنزل التقاييم .. اجوفكم على خير
|
|||||
|
02-10-2011, 06:33 PM
|
#327 | |||||||||||||||||||||||||||||||||||||||||||||||||||
|
أحلى تقاييم
نسختهم كلهم مرة وحدة عشان جي انعرض اليديد وتحته الأجدم اقتباس:
اقتباس:
..ماشاء الله زين ما عليه ما نزل وايد ومع التخصص بيرتفع اكثر لا تحاتين ..اللي عرفته عن الكورس انه عن مهارات الإلقاء .. يعني اكتسب لغة + جرأة في الكلام + كلاس خفيف والكل يحبه ..  اقتباس:
خخخخخخخخخ شكلي يبالي اسوي جي .. نورتي فديتج ..اقتباس:
اطرائج اسعدني ..اقتباس:
يلا ما عليه ورانا السمستر الياي بكبره بنمط شعور بعض يوم بنتشاوف ..فديتج والله ..اقتباس:
فديتج والله ما تقصرين .. منو اللي بالي بالج ها ..صراحة شكيت بس مب متأكدة منو اقتباس:
اقتباس:
خخخخخخخ .. تقريباً  ..هي والله قلت بكتب بس ما مداني الا اكتب صفحتين بس .. مادري ليش انا والكتابة ماخذين اجازة عن بعض هالفترة ..خخخخخخ ويا ويهج تكرفوني ها ..اقتباس:
اقتباس:
وان شاء الله ترد لكم بالسلامة يا رب ..اقتباس:
..انا بعد اشتقت لج والله .. بس شو نسوي الظروف بعد ..اقتباس:
اقتباس:
خوخة انتي عسل والله اقتباس:
تمام الحمدلله انتي شحالج فديتج الحمدلله استوى فوق التمام بعد ..وان شاء الله عيبتج النشيدة اقتباس:
لازم تعطيني المقادير ..تدرين بعد لازم اتعلم شوي شوي اقتباس:
اقتباس:
اقتباس:
..الحمدلله ع كل حال .. شكراً حبر اقتباس:
ان شاء الله ولا يهمج ..واياج يا رب اقتباس:
لا حليلي ما اتشمت انا طيبة >>> مبين ..لا كان يبا ياخذ شريط بلاي ستيشن وصكينا درب اخر شي ما حصل اللي يباه ..وانتي بعد حبيبتي .. اقتباس:
..اقتباس:
ان شاء الله ولا يهمج كلامج حاطتنه في بالي.. بس ادعيلي ربي يقوي قلبي وما اهتم بكلام حد .. اقتباس:
فديتج والله كلج ذوق اقتباس:
لا عادي والله هي عاد ان شاء الله ربي ييسر الامور واييكم بقصة يديدة اقتباس:
اقتباس:
اقتباس:
..اقتباس:
ههههههههههه هي لوني المفضل والله ..ان شاء الله يا رب وادعيلي اني ارد اتحمس للكتابة شرات قبل .. ان شاء الله بس القصة شوي قامت تتغير فكرتها اقتباس:
هي عيني ع الاحمر الحين >>>> لو يدرون عني يكفخوني ..واياج يا رب لا مسموحة فديتج .. اقتباس:
ان شاء الله بحاول ما اغيب اقتباس:
هي عاد ولد اخويه سبشل غير ..اقتباس:
اقتباس:
...اقتباس:
ان شاء الله متى ما تيسرت اموري يمكن ارد .. وحتى لو ما مداني ان شاء الله ما بيقصرون البنات ..اقتباس:
كلج ذوق حبيبتي ..اقتباس:
اقتباس:
اقتباس:
اقتباس:
آمين يا رب  ..اقتباس:
اقتباس:
بيكون احلى يوم في حياتي والله اقتباس:
ههههههههههههه حبيتها كيوت ..خخخخخخخخ فديتج والله اقتباس:
هي والله جان زين سويته بس يلا المهم خلصت هالمادة وافتكيت اقتباس:
طمنينا عليج اقتباس:
اقتباس:
فيج الخير والله اقتباس:
شكراً وسلامتكم
|
|||||||||||||||||||||||||||||||||||||||||||||||||||
|
02-17-2011, 12:15 AM
|
#328 | ||||
|
السلام عليكم ورحمة الله وبركاته
شحالكم ؟ عساكم بخير .. من بداية هالأسبوع وانا ابا ادخل واكتب يومية معتبرة .. بس ما كان يمديني .. شعوري طول هالاسبوع كان متخبط بين الإحباط وبين العصبية .. والأخص من جي الرغبة في قتل أكبر كم من الناس جدامي ..تخيلوا اني حضرت كلاسين مب مقررين عليه بسبة الادفايزر .. وفي النهاية طلعت بدون فايدة !! والمواد بالحسرة تنضاف لي ,, الصراحة الوضع كان يرفع الضغط بشكل ما تتخيلونه .. مابا أتكلم عن المواد اللي آخذهم هالسمستر .. لاني بعدني متخبطة وفي مادة نزلت لي اليوم ولين الحين ما درستها .. فان شاء الله يوم بثبت بخبركم .. شي ثاني .. معظم كلاساتي لازم اعرف فيها حد الحمدلله .. بس أحلى كلاس هو كلاس الاثنين والاربعا .. الحلوة ودار الحي ويايه فهالكلاس ..تخبلت يوم قالتلي دار الحي ان نحن بنكون فهالكلاس ويا بعض ..بس تبون الصج الفرق واضح .. انا وايد اسولف في الكلاس واعلق.. ودار الحي هادية وشاطرة ومركزة ..بس صج شعور حلو ان تلاقينا في مادة ..أمس "يعني الأربعا" طلعنا انا ودار الحي من الجامعة نفس الوقت .. وانا اسألها وين مبركنة .. فوصفت لي نفس السيد اللي انا مبركنة فيه .. ولحسن الحظ ان انا مبركنة عدالها بس ما عندي خبر ..لا وركبت السيارة ونزلت الدريشة ابا اسولف وياها وجبرتها تنزل دريشتها ..وقالت سوقي وانا بسوق وراج .. وتونا في بداية الدرب في طريج دبي العين الا واجوفها اختفت .. ومادري شو السبب .. ع قولتها انها ما تعدي 120 .. وان انا سواقتي مينونة تخيلوا وطفتها  ..وايدين قالولي اني وايد اسرع .. ابويه واخويه والحين دار الحي بس والله اني مؤدبة بس يوم ارمس ع التلفون او اسمع نشيدة حماس اتحمس  ..ع طاري اخويه الصغير ,, اليوم اسمعه محتشر على امي .. وفي النهاية طلع يقول: "ليش يبتوني شهر 4 ابا اخذ الليسن الحين لازم اتريى" مسكين مستعيل ع الليسن ..وامي بعد تحاول تدور له اسباب مقنعة وتصبره ..والله حليلها .. هي صح .. احلى شي ان باجر اجازة .. اجوفكم على خير
|
||||
|
03-07-2011, 08:24 PM
|
#329 | ||||||||
|
السلام عليكم ورحمة الله وبركاته
كم مرة دشيت اليومية بكتب وهونت .. ومرتين كتبت ومسحت الكلام .. بس اليوم جي مادري شو ياني اشتهيت أكتب ..أول شي التقاييم اقتباس:
واياج يا رب يالغالية ..اقتباس:
وافا عليج لا متأخرة ولا شي .. ما تدرين شكثر استانست على تقييمج .. وانتي وحشتيني ومنتدى اليوميات وحشني أوي ..اقتباس:
..بس ادعي لي مخي يشتغل أكثر وأفضى وأكملها اقتباس:
تدرين انا لين سن الـ 18 الليسن كان آخر شي افكر فيه .. فيعني ما يلست على نار مثلكم .. ان شاء الله حبيبتي ولا يهمج مشكورة.. ××× هالسمستر آخذ 6 مواد .. Learning English in Schools هالمادة ندرس فيها عن تعلم اللغات بشكل عام.. واللغة الانجليزية بشكل خاص .. اسميني تبهدلت فهالمادة بسبة الأدفايزر ..استوت لي لخبطة في مادة ثانية جان تشلني من هالمادة .. وعقب قالت ما يستوي اردج .. وسويتلهم سالفة لين ما ردوني .. والله مصاخة ..Ar.Lab:Learning Eng.in Schools هذا مختبر اللغة العربية .. لولا وقت الكلاس البايخ جان حسيت عمري قلباً وقالباً مع المادة .. سوى لنا الاستاذ تمارين كيف نكتب الأرقام .. وقال لنا كل وحدة تكتب بخط ايدها وانا بمر عليكم .. يوم يا صوبي تم يقول : ماشاء الله .. خطك جميل يا قلب دبي .. وأنا بمفاجأة : شكراً ..كنت حالة كل الأجوبة صح جان يقول لي : ماشاء الله عليك كل إجاباتكِ صحيحة .. وأنا عاد دوروني من الوناسة .. بس عاد لا تسئلوني عن الكلاس اللي عقبه هببت فيه وفضحني الاستاذ  ..Literature for Children&Adolescence هاي المادة خفيفة وأغلبها عن عالم الكتب .. والأدب للأطفال عموماً .. أحسه كلاس ممتع بس أحياناً اتينا المس برواية وتقراها لنا.. وانا من الله فيه رقاد عاد احسها صج قصة ما قبل النوم Implicit English Grammar هالمادة بدرسها آخر 10 أسابيع ان شاء الله .. وللأسف اللي بتدرسني هي نفسها الأدفايزر مالتي .. بهدلتني الله يسامحها وايد  ..Modern & Contemporary Literature هالكلاس أدبي بحت .. نقرى روايات كاملة فيه .. أول رواية قريناها بالعربي اسمها "مسافر ليل" والثانية الحين نقراها انجليزية اسمها "End Game" كلاس خفيف وحبيته .. عشقي الأبدي الروايات Principles of Public Relations هالمادة كل ما ادخل كلاسها احس اني ابا اسوي لها Drop.. خاصة انها مادة اضافية عليه لازم اخذها كـ elective.. بس يالله مادة ممشية حالها بس شغلها وايد ..××× مقتطفات أحب احتفظ فيها فـ يوميتي  من متى خاطري فـ كب كيك .. ومع اني كلت هالكب كيك تقريباً الشهر اللي طاف ..بس خاطري بـ red velvet .. منو بيسوي لي وبيفاجئني  هذا الخربطان في الكلاس ويا دار الحي والحلوة وM ..طبعاً هذا خطي المائل اللي مب طايع يستوي مثل الأوادم ..كانت تبانا ندور أشيا غنيناها ونحن صغار .. وما حصلنا غير ها .. مادري ليش أحب احتفظ بهالصورة للذكرى .. بس صج كانت ردة الفعل تجاهها قوية  طبعاً بغض النظر ان هالبطل استوى المفضل عندي من بين شخصيات ديزني ..بس هاللقطة حبيتها وايد .. وايد ذكرتني في عايلتنا بشكل عام .. وعقدة ظهور الخشم في الصور .. هاي مشكلة الخشوم الطويلة  هالبرودكاست صدمني ان فيه اسمي واسم بنت خالتي .. وعلى اساس فتحنا محل عبي .. كان مقلب والله ضحكت عليه .. اويه ولا بعد رقم الدكان صدمتني بنت خالتي .. لاحظت ان ربعي كلهم يوم بيون يتكلمون عني .. ما يقولون دمج خفيف .. طبعاً ما عدا غالية أبوها فديت روحها ..يحبون يقولون سخافتج.. اييييييه ما اقول الا وفي الليلة الظلماء يفتقد البدر .. هاي ردات الفعل أمس .. كانت عندي صورة احلى تقريباً 3 ارباع البنات في اللستة حاطين صورة محمد بن زايد .. لانه امس كان في جامعتنا .. نحن جفناه جدامنا بس ما خطر ع بالي أصوره مثل الباجين .. تخريفات أمس في القروب قبل لا نرقد أشوفكم على خير ان شاء الله .. ويا رب ما أطول الغيبات أكثر ..
|
||||||||
|
03-17-2011, 10:13 PM
|
#330 | |||||||
|
السلام عليكم ورحمة الله وبركاته
شحالكم يا حلوين عساكم بخير؟ أول شي بعرض التقاييم اقتباس:
سوت مقالب أشنع ..حياج الله .. اقتباس:
هي والله كانت زيارة حلوة .. والله تمام الحمدلله انا بخير .. وانا تولهت عليكم اكثر والله ..اقتباس:
..هههههههههههههه اصلاً وايدين ما يعرفونها .. بس جي حلوة حماسية ..هي هذا فلمه "تانجلد" تخيلي يسوون له سلسلة أفلام ..بيغمى علي .. ..هي مع اني كنت مب حابتنه .. بس سبحان الله هدية ما ترومين تردينها ..لا بس مسيطرة ع الأوضاع الحمدلله ..حياج الله ..××× تدرون بشو أحس؟ أحس بشعور غريب !!.. ما عرف شو سببه .. اللي أعرفه اني يالسة أدرس شي أحبه .. وكل مواد التخصص حلوة .. واني مب مضغوطة نفس قبل .. بس في نفس الوقت احس اني ما أفضى .. حتى طبايعي الخايسة اللي كنت اسويها قبل مب رايمة امارسها الحين ..مثل دخول منتديات معينة وقراية المشاكل الاجتماعية ..وكل ما اقول مشكلة حق ربعي يعصبون عليه .. ويقولون لي محد بيعقدج غير هالمشاكل.. ولا تقرينها عقب بتطبقينها على ......... .. أحس صج يتحروني إنسانة أصدق كل اللي ينكتب ..المهم ما علينـا .. مر هالأسبوع بسرعة بصراحة عليه .. ولو اني اشتغلت على وايد أشيا .. وانضافت لي مادة كان المفروض تنضاف لي عقب .. بما انها مادة قوم بو 10 أسابيع .. فاستوى دوامي 3 أيام في الأسبوع .. من 10 ليـن 2 .. بدون ولا بريك ..ويومين في الأسبوع خفيف مادتين وبس .. المهم رديت يوم الثلاثا اللي طاف وانا صج تعبانة .. ما مدانا نسير نتغدى بسبة الكلاسات ورى بعض .. وانا في بالي آكل خروف كامل ..يعني أوني يوعانة .. واستوى اني فتحت لابتوبي ابا أسلم شي وانا رادة البيت .. ودخلت منتدى وجفت وحدة حاطة طريقة باستا .. لا إرادياً يا في بالي أسوي باستا .. والحلوة تقول لي استهدي بالله عاد قلنا يوعانة بس سوي شي ع السريع ورانا قراية 3 فصول من رواية .. وانا معاندة قلتلها لا اشتهيت .. والمشكلة اني جفت شكل الباستا بس بدون الوصفة ..وسرت المطبخ أقصص المقادير .. وجافتني اختي M ويوم عرفت اني بسوي لي باستا تحمست وقالتلي أحسب حسابها .. وسويت الباستا .. ريحتها كانت تهبل .. وطعمها بشهادة اختي روعة .. ع قولتها ضبطتي المقادير .. بس الله يسامحها وانا توني بسكر الجدر زادت الصوص الحار .. فتكتل ويا المعكرونة  .. بس الطعم كان حلو .. والله أعجبت في نفسي .. وعقبها سرت قريت 3 فصول لرواية A Wrinkle in Time وبصراحة ما جد قريت رواية أجنبية بضمير في حياتي ..هاي أول مرة أقرى الحوارات وأتحمس >>> لان اليوم اللي عقبه عندنا مناقشة إجبارية ..والمفترض ان نقرى كل مرة 3 فصول .. بس حسيتها حماسية .. واحتمال يكون مشروعنا عن كاتبة هالرواية أو ستيفاني ماير كاتبة أجزاء توايلايت .. الصراحة هالكلاس وايد يعوضني عن الفترة اللي انقطعت فيها عن الكتب ..وبعد هالكلاس يوم الأربعا.. رديت البيت واشتغلت على تلخيص فصل من كتاب .. يعني تخصصي أدبي بحت بس حلو ..لخصت ربع الفصل واكتشفت انه ما ينفع .. ورديت لخصت فصل ثاني من نفس الكتاب .. وسلمته اليوم للاستاذ .. وان شاء الله يكون تلخيصي مناسب .. تذكرت : أمس كلمتني اختي أم عبدالله انها تبا رواية يديدة .. مع انها مب من النوع اللي تقرى روايات النت .. بس طاحت على رواية وتعودت ..وانا بمصخرة قلتلها ناسية الروايات .. شو رايج أعطيج روايتي تقرينها؟ قالتلي اوكي طرشيها .. طرشتلها آخر رواية كتبتها : أموت ولا أموت ولا انتظر موتي .. وعادي مرت الأمور تمام .. وتذكرت الفليل ان هالرواية بالذات فيها أشيا ..وسوالف ..يعني وايد سوالف هي من خرابيطنا نحن الخوات ..حتى قلت ما بسألها جان قرتها ولا لا .. أحسها بتنصدم مني .. مع ان بنات اختي قروا لي قبل .. بس خواتي الكبار لا .. مجرد بس كتابات بالفصحى .. ما جد قروا لي رواية بالعامية  ..هي صح السلام عليج حور دبي .. ان شاء الله تبطلت الصور عندج في البيت ؟ وخلصت سوالفي .. ودي أسولف أكثر بس صج أحس اني نسيت كل شي ..أشوفكم على خير ان شاء الله
|
|||||||
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
العرض العادي
